Ads by Google X

رواية خاطفي الجزء الثاني الحلقه الثالثه


 


(خاطفى) 

الجزء الثانى البارت الثالث

نمت بليل من السفر والتعب محستش بنفسي غير والضهر بياذن يامصيبتي انا نمت كل ده معقول قومت اخدت شاور وغيرت ولبست بنطلون جينز ازرق وبلوزه بيضه بكمام طويله وسيبت شعرى نازل ع كتافى كدهون حاسه انى مزه فى نفسي كدهون نزلت عشان كنت جعانه لقيتهم قاعدين كلهم فى صالون القصر وانا ناله انط من على ااسلالم وبزعق 

انا: سموووووو عليكم يابشر رغد صحيت 

كلهم فى صوت واحد وعليكم السلام 





خالتو: تعرفى يابت الله يكون فى عون ال هياخدك 

تغريد قامت حضنتنى وهيا بتضحك

تغريد: لى يااختشي مهى موز بلبن اهى 

رغد: يخليكي ليا ياتغريد محدش ناصفنى غيرك يااختشي بس هيا خالتو عندها حق😹😹

تغريد: اه يا ويلتاه تاه تاه 

انا: تاه تاه ومعرفناش نرجعو😹😹

خالتو: طيب يلا يامكسورة الرقبه منك ليها روحو افطور 

انا: ايتا ايتا هيا تغريد ماكلتش 

ماما: لا قالت مش هاكل غير مع رغد 

تغريد بصتلى وعنيها مدمعه بصت فى الارض واتكلمت

تغريد: اه عشان بقالى 6سنين مكلتش معاها ولا خرجنا مع بعض ولا اى حاجه 

حضنتها وكلمتها

انا: خلاص يسطا نفطر ونخرج مش هنرجع غير بليل اى رئيك 

تغريد: احلفى 

انا: بالله هفسحك واعملك كل ال عايزه بس يلا عشان جعانه 

وفعلا راضيتها ورحنا ناكل كلت كتير اوى بعدها لقيت خالتو بتنده عليا 

خالتو: رغد تعالى الاوضه عيزاكى فى موضوع 

انا: حاضر ياخالتو جايه 

سبت تغريد وقمت طلعتلها الاوضه لقيتها بصالى بجديه اول مره اشوف خالتو جديه فى حياتها كده 

خالتو: هطلب منك طلب ولو نفزته عمرى ما هنسهولك 

انا: اى يا خالتو قلقتيني فى اى 

خالتو: عايزه مالك يرجع زى ماكان يارغد عشان خاطري 

انا: ازاى ياخالتو 

خالتو: مالك مبقيش زى الاول مبقيش زى ماسبتيه بقى بيشرب كتير وبيرجع سكران ومبقيش  بيهتم بحد 

انا: وانا مهمتى انى ارجعه زى الاول صح كده 

خالتو: ايوه 

انا قمت ونطيط: اشطا ع الجمدان 

خالتو: هتبدءي اول حاجه تخليه يغير عليكي هو ربع ساعه وجاى لازم تكونى مغرية 

انا: اشطا هروح اجهز 





خرجت من اوضة خالتو وانا بجرى وندهت على تغريد وقلتلها تلبس عشان نخرج دخلت اوضتى وفتحت الدولاب وطلعت تشيريت حمالات وبنطلون جينز برمودا اخدت شاور ولبست وسرحت شعرى وعملت ديل حصان ولانه طويل فا كان تحت ضهرى الله شكلى جميل بس اجو بره بيمطر تلج اخدت البلطو الفرو وجونت صوف ولبست هاف بوط وخرجت وانا نازله شوفت مالك قاعد على السفره وماسك الاب توب 

انا: يلا استعنا على الشقاء بالله 

وفعلا نزلت وحضنت خالتو وقلتلها 

انا: خايفه اوى مالك عصبي  

خالتو: متخافيش انا معاكى 

ورحت قدامه لانه تغريد كانت قاعده قدامه وبصالى بصدمه 

تغريد: نهار اسود اى الجمال ده يا رغد 

لقيت مالك ساب ال فى ايديو وبصلى وبلم 

مالك: انتى هتخرجى كده 

انا: اه اى شكلى وحش 

مالك: مافيش خروج 

انا: نعم لى 

قام وخبط ايديو على السفره خلانى اتنفضت وقرب عليا ومشكنى من دراعى 

مالك: قلت مافيش خروج بلشكل ده 

عيني دمعت وصوتى اتغير 

انا: هغير هدومى واخرج 

مالك: روحى غيري وبعد مااشوف لبسك هقرر 

انا: سيب ايدي وجعتنى 

وفعلا ساب ايدي بسرعه دبش طول عمره دراعى علم مكان صوابعه 

انا: ابو حلاوتك يااخى 

مالك: نعم قلتى اى 

انا بعياط: مقلتش حاجه الله 

وطلعت اجرى على اوضتى مسحت دموعى وحاولت اتمالك نفسي  بس ضحكت بعدها 

اانا: الله ده بيغير عليا اى الاعاقه دى مش كنت بعيط دلوقت😹😹

وفعلا غيرت هدومى لبست فستان طويل اوى لحد تحت وواسع وبكم واخدت الجاكت البيبقا منفوخ ده هببا عامله زى القلقاسه واخدت الجونت الصوف ال كان معايا وفكيت شعرى وسيبته نزلت لقيته واقفلى على اول السلم وفضل باصص عليا لحد مانزلت ملقتش اى حد موجود فى الصالون غيرنا 

اتكلمت فى سري: يامرك ياسعديه 

نزلت ووقفت قدامو وبصتلو لفوق 

انا: كده كويس 

قرب منى وحاصرنى فى الحيطه وحط ايد على الحيطه وايديه التانيه على وسطي بصتلو وركزت فى عينه 

انا: عايز ايه مقرب منى كده لى 

مالك: اللبس ال كنتى عايزه تخرجى بيه انهارده لو شفتك بيه تانى بره اوضتك هتتعاقبى 

كانت فى ايديه توكه مسك راسي خلانى احطها على صدره ومسك شعرى ولمه فى التوكه وبعدين مسك كتفى وبصلى 

مالك: ممنوع تخرجى بشعرك سايب غير قدامى 

معرفتش اتكلم وسكت حاسه ان فيه فراشات فى بطنى اتكلمت وانا اصلا مش مطلعه كلمه مفيده 

انا: س س سيبني ع عشان اخرج 

مالك: قربى منك موترك 

وقرب منى اكتر واتكلم وهو قريب من شفايفي 

مالك: عارفه لولا حرام انى ابوسك كنت كلت شفايفك ال اماله تعضى فيهم وتستفزيني 

بصتلو بصدمه وزقيتو وطلعت اجرى لقيتهم كلهم فى الجنينه اخدت تغريد من ايديها وجريت ع العربيه 

انا: يلا بسرعه 

تغريد: اى مالك ووشك احمر كده لى 

♡♡♡♡♡♡♡♡♡♡♡♡♡♡♡♡♡♡♡♡♡♡♡♡


Ahmed Tohamii  


            الحلقه الرابعه الجزء الثاني من هنا


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-