"٣"
راحت رشا تجيب التليفون من الشقه وروح بصت لبدر بغضب وبعد كده جت تمشى وقفها صوت بدر وهو بيقول :روح
بصت روح وراها وقالت:افندم
بدر : وحشتيني يا روح الروح
روح اتصدمت من اللى قاله وخدودها احمرت وبصت وراها وبعدها شاورت على نفسها بصباعها وقالت:أنا
بدر ضحك جامد ومسك بطنه من كتر الضحك:مش قادر هموت شوفى وشك قلب الوان ازاى ااااااه مش قادر ابطل ضحك
روح غمضت عيونها بغضب :عارف لو مكنتش ولد كنت مديت ايدى عليك
بدر :بجد طب اعمليها كدا وانا اقطعهالك
روح:طب جرب كدا وهنشوف
لسه بدر هيرد عليها رشا دخلت
رشا:معلش اتأخرت خد يلا اكتب الرقم واتصل عليها
بدر :حاضر ....بعد اذنكوا هطلع اتكلم برا
طلع بدر يتكلم برا وساب رشا وروح فى الشقه
رشا:عاجبك اللى انتى عملتيه دا
روح:وهو أنا كنت اعرف انه بدر وبعدين لو أعرف كنت ضربته برضو
رشا: دا بدر والا ناسيه مين بدر يا روح
روح:مشكلتى انى مبنساش ...بعد اذنك ياماما
خرجت روح من الشقه وراحت شقتهم وبعد كدا رشا كلمت نفسها وقالت:قصدها ايه البت دى أنا مش فاهمه حاجه
*فى أوضة روح*
روح بدموع :ايه اللى رجعك يا بدر انت واختك ايه اللى رجعكوا بس
فلاش باك
كنت فى تالته إعدادى تقريبا وكان عندى ١٥ سنه وبدر والاء توينز ومعايا فى تالته إعدادى
الاء:اوف أنا زهقت بقى من المدرس دا
روح:بس عشان لو سمعك هيمسح بيكى بلاط المدرسه
الاء:بس هو يعملها بس وانا اقتله
روح:انتى بوق على الفاضي على فكره
الاء:تجربى
روح:لا مش عايزه اجرب
الاستاذ:الانسات اللى بيتكلموا هناك
روح:اسفين يا مستر وكملت بهمس :اسكتى بقى عشان منتطردش
الاء:سكتنا اهو
فى البريك
الاء:يااااا اخيرا طلعنا بريك دا كان نفسى بدأ يضيق
روح: والله دا مستر طيب وبعدين انتى المفروض تتكلمى عن المستر بطريقه احسن من كده حتى لو مش عاجبك شرحه أو مش مستلطفاه
الاء:انت هتدينى محاضره والا ايه مش تعملى نفسك عاقله عشان مش لايق عليكى موضوع العقل دا
قرب بدر عليهم
بدر :ايه بتعملوا ايه
روح:هنكون بنعمل ايه يعنى بنستمتع بالبريك
بدر:لا مهو واضح انك مستمتعه قوى
الاء:ايه يا بدر امال فين احمد صاحبك
بدر:راح يجبلنا حاجه من الكانتين وجاى ...بس انتى بتسألى عليه ليه
الاء بتوتر:عادى يعنى اصل انت بتمشى معاه دائما ومش شفتك معاه فعشان كدا
بدر:اممم ماشى ....اهو جه اهو
احمد:يااااا دا بيحاربوا جوا فى الكانتين ياعم
بدر:وطبعا مجبتش حاجه
احمد:طبعا مجبتش حاجه انا كنت هتفرم جوا
الاء:ازيك يا احمد
احمد:ها ازيك يا آلاء عامله ايه
الاء:أنا تمام الحمدلله
احمد بتوتر:ازيك يا روح
روح: الحمدلله ازيك انت يا احمد
احمد:أنا كويس طول مانتى كويسه
بصت الاء لأحمد بغيره وبغضب ويحزن وقالت:يلا نروح الفصل الجرس ضرب
باك
فاقت روح من احزانها على صوت رشا وهى بتقول:روح ..رووووووح انتى مش سمعانى
مسحت روح الدمعه اللى نزلت منها بسرعه قبل متشوفها مامتها
روح:نعم ياماما
رشا:بدر راح يجيب الاء ونبيلة وهيباتوا عندنا النهارده فجهزى اوضتك عشان الاء هتنام معاكى النهارده
روح:كان لازم يعنى يا ماما تخليهم يجوا عندنا
رشا:لا اسيب نبيله وعيالها يباتوا فى فنادق وبيتى موجود
روح:كان فيها ايه يعنى كانوا هيجيبوا حد ينضف الشقه بتاعتهم ويقعدوا فيها بعد يوم او يومين بالكتير
رشا:انتى ايه اللى جرالك يا روح انت اللى بتتكلمى عنهم دول اخواتك وامك التانيه مش دا كان كلامك
روح:دا كان كلامى من زمان يا ماما دلوقتى كل واحد فينا بقى فى طريق لا أنا شبهم ولا هم شبهى
رشا: أنا مش عارفه اقولك ايه يا بنتى بس انتى اتغيرتى
روح:التغيير مطلوب دايما ياماما أنا هروح اجهز اماكن النوم.. بعد اذنك
*بعد ساعه تقريبا*
رشا بتسلم على نبيله وبتدخلها البيت هى والاء
رشا: أهلا وسهلا يا نبيله نورتي بيتك يا حبيبتي
نبيله:منور بوجود صحابه يا رشا ..انتى عامله ايه وروح وأحمد جوزها عاملين ايه كنتى قولتيلى إن هى اتجوزت من اخر مكالمه لينا من احمد
هنا بدر والاء بصوا بانتباه وقالوا فى نفس واحد:احمد مين
رشا:احمد اللى كان مع روح في المدرسة
بدر : ومقولتليش ليه يا ماما أن روح اتجوزت
نبيله:مجتش مناسبه
الاء بحزن وتردد:وهم عاملين ايه مع بعض أن شاء الله يكونوا مرتاحين
رشا بدموع: مرتاحين؟!يلا الله يسامحه دمر بنتى
بدر :دمرها ازاى يعنى
رشا:كان بيضربها و حياتها كانت معاه كلها شكل ونكد بس استحملته لانها بتحبه ويوم مطلبت الطلاق طلقها من غير ميفكر... أنا بنتى كانت بتموت بعد مطلقها دا حتى ....
روح من ورائها بغضب:ماما
رشا:روح
قربت روح منها وقالتلها مش كل حاجه تتحكى للناس
نبيله:ناس مين يا روح
روح بصتلها بدموع وجريت برا الشقه خالص
رشا بهدؤ:هى كل يوم كدا تزعل وتتخنق متحبش تبينلى زعلها فتقوم تتمشى على الكورنيش
بدر:أنا هروح وراها متقلقيش
رشا:هى متعوده يا بنى مفيش داعى تمشى وراها
بدر:مهما كان برضو لازم متمشيش لوحدها حتى اتكلم معاها شويه من زمان مشوفتهاش
رشا:ماشى يابنى
خرج بدر برا الشقه عشان يلحق روح
رشا:اه يا وجع قلبى يا بنتى
نبيله:أن شاء الله خير وبعدين بدال الاء وبدر رجعوا هيخلوها تطلع من اللى هى فيه ..مش كدا يا آلاء ..الاء
الاء بتوهان:ها اه اه اكيد
*على الكورنيش*
كانت روح ماشيه والدموع بتنزل منها بالراحه وهى بتمسحها بايديها بس فجأه جه ٣ شباب شكلهم مش كويس
الشاب الاول:ايه الجميل ماشى لوحده ليه
الشاب التانى:ايه يا قمر متحن علينا
الشاب التالت: متتقليش بقى
روح:طب امشوا من وشى دلوقتى بدل مخلى الناس تترحم عليكوا دا لو كان فى حد اصلا هيترحم عليكوا
الشاب التالت بغمز:لا متخافيش فى كتير
ولسه هيمسك أيدها بس فجأة لقى حد مسك أيده قبل ميلمسها
بدر:هو انت ماما مقلتلكش قبل كدا متلمسش حاجه مش بتاعتك
الشاب بضحك:طب ابعد يا جن عشان متزعلش
بدر:تزعلنى مره واحده طب اتكل على الله انت واللى معاك بدال مشوهلكوا منظركوا
الشاب:متفرجنا كدا يا شبح
روح:بدر سيبك منهم ومتدخلش أنا هعرف اخلص نفسى منهم
بدر:اسكتى انتى خالص ومتتكلميش بدال معاكى رجل
شمر بدر كم القميص بتاعه وبص للشباب بصة تحدى وقام ضارب واحد فيهم كف سداسى الابعاد جابه على الأرض ودا كله وروح واقفه سانده على حديد الكورنيش ومربعه ايدها وبتتفرج بكل برود وبدر عمال يضرب فيهم وبص وراه لقى روح واقفه بالبرود دا
بدر:روح يا عمرى على فكره احنا بنتخانق مش فى الملاهى
روح:طب حاسب اللى وراك يا بطل الابطال
بيبص وراه لقى واحد فيهم بيرفع أيده عشان يضربه قام بدر مسك أيده وبصله بصة زعل مزيفه
بدر:يعنى كدا ينفع يعنى أنا الف ثانيه واحده بس عشان اكلمها تيجى انت تغدر بيا فى ضهرى مش ينفع كدا يا حبيبي دى مش اخلاق
وقام ضربه بوكس فى بطنه وبوكس فى وشه وبعدين وقع على الأرض وبعدين بدر بص لروح وهو بينفض أيده وبيقولها :يلا يا روح والا مستمتعه هنا
روح:لا أنا هفضل شويه على الكورنيش روح انت
بدر:انتى مجنونه يا بنتى
ومن ورا بدر كان فى واحد فيهم قام من على الارض وفتح مطوه وجه من ورا بدر عشان يضربه
روح بلهفة حقيقة:بدددددر حاسب وراك
بدل ماتدور وتبحث علي الروايات خليها علي تليفونك وحمل تطبيقنا
