Ads by Google X

القائمة الرئيسية

الصفحات

رواية احببت حكاية روح الفصل الرابع


"٤"

ومن ورا بدر كان فى واحد فيهم قام من على الارض وفتح مطوه وجه من ورا بدر عشان يضربه

روح بلهفة حقيقة:بدددددر حاسب وراك 

بص بدر وراه بسرعه ومسك المطوه بايده وأيده كانت بتنزل دم وبص بعصبية وقال:أنا اكتر حاجه بكرها فى حياتى الخيانه والضرب فى الضهر 

روح بمرح:لا ماحنا مش فى مسلسل هندى عشان تفضل ماسك المطوه بايدك 

بدر:روح

روح:نعم 

بدر:اخرسى 

بدر ضرب الشاب برجله فى بطنه  وقام رامى المطوه من أيده وهو مسك أيده المصابه بايده التانيه بوجع 

روح قربت من بدر بتردد وقالتله:بدر انت كويس 

بدر: أنا كويس أنا كويس متخافيش 

روح:انت بتنزل دم يعنى المفروض نروح لدكتور عشان الجرح عميق 

بدر:مفيش داعى

روح:لا فى داعى ويلا ورايا من غير ولا كلمه 

بدر:وانا مبحبش حد يتحكم فيا ومش رايح لاى دكتور 

*بعد خمس دقائق*

بدر:ها يا دكتور طمنى الجرح عميق 

الدكتور:لا متخافش أنا لفتهولك بشاش وهكتبلك على مسكنات وادويه ويا ريت تاخدهم عشان تطيب بسرعه

روح:يعنى كدا مش هيموت 

الدكتور: هيموت ايه الجرح صغير خالص ومش مستاهل 

روح:يا خساره 

بدر:لا والله يعنى  أنا عملت كل دا عشانك وفى الاخر يبقى دى شكراً

روح:مانا قولتلك مكنتش محتاجه مساعده انا كان ممكن اقوم بيهم لوحدى 

بدر:لا والله طب ازاى بقى يا سوبر Women 

روح:أنا على فكره خريجه تربيه رياضيه وبشتغل فى جيم وبلعب ملاكمه 

بدر:ايوا بس فى جمله بتقول الكثره تغلب الشجاعة 

روح:كنت ساعتها هصوت والم عليهم الناس 

بدر:لا والله طب مالناس كانت واقفه بتتفرج وانا بضربهم 

الدكتور:مش كنت حابب اقاطعكوا الصراحه بس فى مرضى برا وعايزين يكشفوا فممكن تتخانقوا برا مع انى كان نفسى اعرف اخر الخناقه المشوقه دى 

روح:لا متخافش يا دكتور مش هيفوتك حاجه اكتب على جوجل بعد نص ساعه تقريبا ..فتاة تقتل شاب فى العشرينات بسبب غباءه فهتلاقى صورته وصورتى منوره 

بدر:احنا اسفين يا دكتور أنا كمان دكتور وعارف أن احنا بنعطلك عن شغلك أنا آسف بجد 

الدكتور:لا ولا يهمكوا 

بدر وروح خرجوا من العياده 

روح:انت دكتور ؟؟

بدر:اه 

روح:طب بدال انت دكتور خلتنى اجيبك عند دكتور ليه كان ممكن انت تعالج نفسك 

بدر:على فكره انتى اللى اصريتى وبعدين مش لازم الدكتور ميحتجش لدكتور احنا الدكاتره بنحتاج لدكاتره زينا عادى بتبقى على حسب التخصص

روح:تخصصك ايه 

بدر:دكتور جراح 

روح:حققت حلمك يعنى 

بدر:لسه فاكره حلمى 

روح بتوتر:ها لا ..اه 

بدر:أهدى انتى اتورتى كدا ليه 

روح:لا متوترتش ولا حاجه بس عشان كان دا حلمى انا كمان فاكيد لسه فاكره أنه حلمك انت كمان 

بدر:بس انتى ليه محققتهوش مع انك كنتى اشطر منى

روح:بسيطه عشان محدش بيأخد الكليه اللى عايزها فى مصر إلا عدد قليل من القله وبعدين انت الظروف كانت مساعداك لانك كنت عايش في أمريكا 

بدر: وبتحبى شغلك على كدا 

روح:جدا  بجد بحبه جدا لان دا الحاجه اللى ربنا اختارهالى واه كنت عايزه ابقى دكتوره وكنت بقول لو مبقتش دكتوره فاكيد مش هحب الكليه اللى هبقى  فيها وهكون محطمه بس حبيت الكليه وحبيت شغلى وعارفه أن ممكن احلامنا اللى حلمنا بيها تروح لناس عمرهم محلمو بيها بس صدقني كله بيبقى خير فى الاخر  

بدر: لسه زى مانتى بسيطه وشايفه الحياه سهله وبسيطه 

روح:ليه متقولش انتوا اللى شايفنها معقده 

بدر:يمكن لان هى فعلا معقده 

روح:يمكن 

بدر:صحيح هو انتى متأكده انك  اطلقتى من احمد عشان كان بيضربك والا فيه حاجه تانيه 

روح:اه 

بدر:غريبه احمد صاحبى اللى كان بيخاف لو اتشكيتى بدبوس الطرحه هيضربك 

روح:لا دا انت هتأخد عليا بقى وهتسأل اسئله اجوبتها متخصكش 

بدر:ايه هتأخد عليا دى هو أنا اصلا مكنتش واخد عليكى .....انتى ناسيه أنا مين والا ايه أنا بدر ...بدر اللى كنتى دايما بتقوليلو أنه ابوكى اللى اتحرمتى منه وانتى صغيره وأنه اخوكى وسندك في الحياة دى بعد ربنا والا نسيتى كل دا 

روح:للاسف يا بدر انت اللى نسيت انك كنت كل حاجه في حياتي فخلتنى انسى انا كمان 

بدر:انتى مش ملاحظه انك بتعاملينى ببرود زياده عن اللازم طب الاء وعارف انتى زعلانه منها ليه  لكن أنا ...أنا يا روح بدر عملت فيكى ايه عشان متبقيش طايقانى كده.. انا كنت بقول اول مهتشوفينى هتموتى من الفرحه 

روح:انك متكونش حاسس انت  عملت ايه دا شئ أسوأ من انك تكون مش عارف  

بدر: أنا مش فاهم اى حاجه ومش فاهم انتى بتتكلمي عن ايه بجد 

روح:خليك مش فاهم كدا افضل 

بدر:بس لازم افهم عشان اعرف ادافع عن نفسي 

روح:صدقنى لو كنت قادره اواجهك كنت واجهتك بس أنا مش عايزه اعاتبك

بدر:ليه كل دا

روح:يلا يا بدر عشان الوقت أتأخر والفجر هيأذن 

روح مشيت وسابت بدر وبدر جرى وراها ووقفها وقال:هتمشى وانتى سايبانى فى حيره أنا حاسس بالذنب بس مش عارف ليه ...أنا معملتش حاجه 

روح:يبقى انت معملتش حاجه.

مشيت روح بس المرادى مشى بدر جمبها من غير ميتكلموا طول الطريق وبعدين وصلوا البيت ورشا فتحتلهم الباب 

رشا:اتأخرتوا كدا ليه كل دا بتتمشوا 

بصت رشا على ايد بدر وبعد وبعد كده قالت:يا مصيبتى ايه اللى حصلك يا بدر 

نبيله والاء طلعوا من الاوضه على صوت رشا 

نبيله:فى ايه يارشا

بدر:ايه يا جماعه الموضوع مش مستاهل يعنى كل دا 

رشا:يعنى ايه مش مستاهل انت ايدك متعوره يا بدر 

فى اللحظة دى بصت نبيله على ايد بدر وقالت:ايه دا يا بدر ايه اللى حصل لايدك

بدر: صدقيني ياماما محصلش حاجه دى خناقه بسيطه 

نبيله:خناقه ؟؟...خناقة ايه دى وانت متعرفش حد هنا اصلا 

بدر:شوية شباب كانوا بيدايقو فى روح وعلمتهم الادب 

نبيله:برافو عليك هى دى تربيتى 

رشا:انتى بتشجعيه يا نبيله كان ممكن يأخد روح ويمشوا من غير مشاكل

نبيله:ايوا اشجعوا لان دا هو الصح كان لازم يعمل كدا واكتر من كدا كمان 

روح:أنا هدخل على جوا يا جماعه لانى تعبانه 

رشا:ماشى يا بنتى 

بصت روح لبدر لقته بيبصلها نظرة تساؤل وحزن وبعد كده دخلت على اوضتها 

روح: هفضل لحد امتى كدا خايفه اواجهه 

روح لقت تليفونها بيرن فردت 

تقى:ازيك يا صديقى

روح:ازيك يا تقى عامله ايه

تقى: الحمدلله كويسه ..بقولك أنا جايه بكره 

روح بفرح:بجد انتى مش عارفه أنا كنت محتاجه الخبر دا قد ايه دلوقتي 

تقى:بصى بدون دخول فى تفاصيل دلوقتى احنا ندخل فى التفاصيل بكره بقى .....هقابلك فين 

روح:بصى اركبى تاكسى وخليه يوصلك على العنوان دا وانا هنزل اقابلك ************* 

تقى:ماشى ...سلام بقى عشان الحق انام 

روح:سلام 

بعد مروح خلصت المكالمه سمعت صوت خبط على الباب 

روح:ادخل 

الاء:ازيك يا روح 

روح ببرود: الحمدلله كويسه ..اخبارك انتى

الاء:ناقصنى حاجات كتير من غيرك يا صديقتي مفيش فى حياتى حياه ولا هزار ولا ضحك كنتى كل حاجه في حياتي

روح:واكتشفتى كل دا امتى بقى 

الاء:لما بعدت عنك يا روح انتى كنتى اختى وانا كنت غبيه ضيعتك بغبائى 

روح: والمطلوب منى دلوقتى

الاء:نرجع زى مكنا من تانى 

روح:يااااا دا انتى طموحاتك عاليه قوى ...ويا ترى واثقه انى هسامحك 

الاء:اه واثقه لانك كنتى اختى العاقله والاخت دايما بتسامح اختها لما تغلط 

روح:فاكره انتى عملتى ايه 

الاء:بلاش نفتكر الماضى 

روح:لا دا لازم نفتكره ومننساهوش

كنتى اختى وكل حاجه ليا كنت بحبك اكتر من نفسى مكنتش عارفه انك كنتى بتكرهينى اوى كدا 

فلاش باك

روح لقت ورقه على الدسك  بتاعهم هى والاء 

روح:الاء بصى كدا ايه الورقه دى

الاء:ايه دى هاتى كدا افتحها 

فتحت الاء الرساله وكانت بتقرأها وهى مصدومه والدموع فى عنيها 

روح:فى ايه يا الاء مكتوب فيها ايه 

خدت روح من الاء الورقه وقرأتها كان مضمون الرساله(روح أنا مش عارف إذا كنتى بتحبيني زى مبحبك والا لا بس لو فضلت متردد انى اقولهالك كدا ممكن تضيعى منى 

أنا بغير عليكى من بدر مع انى عارف انك بتعتبريه اخوكى بس مش قادر امنع نفسي من الغيره عليكى أنا لو مدرس هزر معاكى فى الحصه بكون نفسى اقتله أنا عمرى محبيت حد كده بجد عارف أنك هتقولى دا مجنون دا والا ايه وهتقولى أن الكلام دا كبير قوى على واحد فى سنى وهتفتكرينى تافه بس أنا بحبك بجد  

العاشق لكى احمد)

روح:ايه الغباء دا ازاى يكتب كدا اصلا ...الاء اناااا

الاء اتكلمت بصوت عالى وسمعت الفصل كله:ليه ..ليه يا روح كل حاجه بحبها بتأخديها منى ليه دايما لازم أقارن نفسى بيكى واكون أنا الخسرانه  ليه انت أنانيه كدا ..طبعا هتقوليلى انا مليش دعوه يا الاء هو اللى بيحبنى يا الاء والاء زى الهبله هتصدق انك مبتحبهوش وأنك مش فرحانه انك كسرتينى للمره الالف 

روح:الاء انتى بتقولى ايه 

الاء:بقول اللى كان المفروض يتقال من زمان ..أنا بكرهك يا روح أنا عمرى ماعتبرتك اخت ليا وعمرى مهعتبرك اختى فى يوم من الايام انتى فاهمه 

باك 

روح :يومها حسيت قد ايه أنا واحده وحشه وقد ايه انتى بتكرهينى حسيت انى ظالماكى خلتينى اكره نفسي وأكرهك وأكره كل اللى اعرفهم انتى دمرتينى لانى كنت منتظره منك انك تكونى بتعتبرينى اختك زى مكنت بعتبرك اختى كنت منتظره منك أن لو العالم كله وقف ضدى انتى تكونى معايا وتحبينى وتكونى جمبى ...كان الكل فى المدرسه بيتكلموا عننا ...عن الاخوات اللى اتشاكلو قدام الفصل كله عشان واحد..... عمرى منسيت ولا هنسى انى كنت بعيط كل يوم لانك حسستينى انى مليش حد ومعنديش صحاب بيحبونى 

الاء:أنا عمرى فى حياتى ماعتبرتك غير اخت ليا بس كان المفروض  انك تفهمى انى كنت زعلانه ساعتها وكان لازم تقدرى انى لما بزعل بقول كلام يجرح اللى قدامى 

روح:كان قدامك فرصه شهرين قبل متسافرى بس مقولتليش الكلام دا 

الاء:كنت مكسوفه منك ومن نفسى كنت عارفه انى جرحتك اوى..أنا اسفه بجد ..أنا محتاجه حضنك يا اختى 

روح:وانا كمان يا اغلى ماليا 

روح والاء حضنوا بعض وهم بيعيطوا 

الاء:يعنى صافيه لبن 

روح:حليب يا قشطه

الاء: المفروض انى هنام هنا معاكى صح 

روح:اها

الاء:يبقى تحكيلى عن كل حاجه حصلتلك في حياتك من اول مسبتك لحد دلوقتي 

روح:لا احنا نقوم نصلى الفجر وننام وبكره اخد اجازه من الشغل ونتكلم بكره طول اليوم 

الاء وروح طلعوا من الاوضه عشان يتوضو ويصلوا بس لقوا نبيله ورشا وبدر قاعدين في الصاله فروح قربت من نبيله وقالتلها:ازيك يا بلبله 

نبيله وهى عامله نفسها زعلانه:بلبله؟؟ مش من شويه كنتى بتقولى مش كل حاجه تتحكى للناس ..بقى أنا ناس يا روح 

روح:متعمليش نفسك بقى زعلانه يا نبيله وبعدين أنا كنت مدايقه عشان كده اتكلمت بالطريقه دي  

رشا:هو فى حد يزعل من الهبله دى يا نبيله 

نبيله:لا محدش يزعل منها دى بنتى اللى مخلفتهاش يا رشا 

روح:ابغى اعيط هالحين بس استحى 

وبعد كده روح حضنت نبيله والاء حضنتهم هى كمان 

روح:بصوا أنا هقوم اتوضأ عشان لو فضلت قاعده معاكوا مش هصلى 

قامت روح وهى راحه الحمام سمعت صوت بدر من وراها بيقول:روح 

روح:نعم 

بدر جرى عليها وحضنها وقالها :مش قادر اشوفك زعلانه منى يا روح 

روح بعدت بدر عنها وضربته كف على وشه 

         الحلقة الخامسه من هنا

 

تعليقات