Ads by Google X

رواية وجهة نظر الفصل الثالث عشر


الفصل الثالث عشر

وجهه نظر


وصل سراج بسرعه الي البيت بعدما اتصلت به قسمه فجاء بسرعه ومعه رشاد ويحيي ووجد قسمه وحفصه يبكون بشده وجميع الخدم علي هذه الخاله فاقترب من قسمه وتحدث مردفا:  في اي ... بتعيطي اكده ليه

قسمه ببكاء:  ماما ماتت يا سراج


وقعت هذه الكلمه عليه كالصاعقه فنظر الي رشاد ويحيي ثم اليها وتحدث مردفا:  ماما مين ال ماتت


لم ترد قسمه وظلت تبكي بشده فدخل سراج الي غرفه والدته ووجد وجهها مغطي ومعها اخدي الخادمات فأقترب منها بلهفه وازاح الغطاء وتحدث مردفا:  انتوا عاملين فيها اكده ليييه هي مالها

الخادمه ببكاء:  البقاء لله يا بيه

سراج بغضب:  اسكتي ... اسكتي خاالص متجوليش اكده هي عايشه


دخل رشاد ويحيي وتحدث رشاد بحزن مردفا:  سراج حرام عليك هي بين ايدين ربنا دلوجتي ادعيلها بالرحمه

سراج بغضب:  لع هي عايشه هي مش هتموت وتسيبني انت بتجول اي هي عايشه

يحيي بحزن:  سراج انت مؤمن بالله ادعيلها ربنا يرحمها 


نظر سراج اليهم ثم اليها وجلس علي الفراش بجانبها ثم وضع يديها عليه واحتضنها وتحدث مردفا:  هش مماتش اطلعوا وسيبوني معاها


نظر رشاد ويحيي اليهم بحزن شديد ثم خرجوا من الغرفه واجتمعت العائله بأكملها وجميع اهل الصعيد وحاول الجميع ان يخرجوا سراج من الغرفه ويبداوا في مراسم الغسل ولكن لم يستطع حتي جاءت جنه ودخلت الي الغرفه ونظرت بحزن الي سراج الذي اصبح في لحظه واحده كأنه طفل صغير بين احضان والدته فأقتربت منه ووضعت يديها علي شعره وتحدثت مردفه:  حبيبي


نظر سراج اليها بلهفه ثم تحدث مردفا:  جنه تعالي انتي رجعتي ماما هتفرح جووي انك رجعتي تعالي اجعدي معانا 

جنه بدموع: سراج ماما راحت لل احسن مني ومنك ومن الكل سيبها يا سراج خلينا نغسلها حرام عليك اكرام الميت دفنه واكده حرام


نظر سراج اليها ثم الي والدته ونزلت دموعه بغزاره ثم تحدث مردفا:  مكنتش اتوقع انها هتسيبني يا جنه ... انا مين هيعوضني عنها دلوجتي مين هيهتم بيا ومين هيخاف عليا هي ال كنت بحس فعلا بحبها ليا مينفعش الام تموت يا جنه

جنه ببكاء:  يا سراج دا أمر ربنا وحرام تجول اكده كلنا هنموت وبعدين كفايه انها ميته وهي راضيه عنك قسمه بتجول انها دعيتلك كتير جوي جبل ما تجابل رب كريم دعواتها دي هتفضل معاك طول عمرك جوم يا سراج خلينا نغسلها


نهض سراج من مكانه فمسكت جنه يديه وخرجوا ونظرت اليه قسمه ثم تحدثت ببكاء مردفه:  سراج ادخل ارتاح لحد ما نخلص الغسل

سراج بدموع:  امي خدت كل الراحه معاها لما ماتت يا قسمه


كانوا الخدم يبكون بشده وينظرون بدهشه ثم تحدثت احدهم مردفه:  واه واه ... اول مره في حياتي اشوف الكبير بيعيط اكده

الاخري:  دي امه ال ماتت عايزاه يرجص هو الكبير مش مسموح عليه يحزن علي امه الام عمرها ما تتعوض 


نظر اليهم يحيي بغضب شديد ثم تحدث مردفا:  واجفيين اكده ليه كل واحد علي شغله


ذهب الجميع بخوف وصعدت قسمه وابرار والمغسله الي غرفه فاطمه اما عن سراج فكان يجلس مع رشاد ويحيي وكأنه في عالم اخر لم يري ولم يسمع اي شخص ولم يستوعب ان والدته رحلت عن هذا العالم ولم يراها مره اخري وبعد الانتهاء الغسل بدأت مراسم الدفن وبعدما انتهوا طلب سراج من الجميع الذهاب فذهبوا جميعا ولكن بقي رشاد ويحيي في السياره اما عند ابرار نظرت الي والدتها بصدمه وتحدثت مردفه:  انتي بتجووولي اي عاد .... استغفر الله العظيم ... استغفر الله العظيم .... ليه اكده انتي حرقتي قلبه انتي بتجتليه بالبطيئ ازاي تجوليله اكده حراام عليكي كفايه ال هو فيه

حنان بعصبيه:  اسيب زواج اختك يبوظ بسبب دماغها ال زي الزفت وتفكيرها مش كفايه خليته يتجوز واحده تانيه ومين البنت ال كان بيحبها وانا جولتلها هي كمان اليوم دا ... جولتلها ان عندها سرطان واننا هنحاول نشوف علاج ليها وانها ترضي بالامر الواقع واختك راضيه

ابرار بحده:  يا ماما انتي عارفه انتي عملتي اي انتي كذبتي عليه وخدعتيه ولعبتي بيه ربنا سبحانه وتعالي جال في كتابه الكريم بسم الله الرحمن الرحيم {وَلَا تَقُولُوا لِمَا تَصِفُ أَلْسِنَتُكُمُ الْكَذِبَ هَذَا حَلَالٌ وَهَذَا حَرَامٌ لِتَفْتَرُوا عَلَى اللَّهِ الْكَذِبَ إِنَّ الَّذِينَ يَفْتَرُونَ عَلَى اللَّهِ الْكَذِبَ لَا يُفْلِحُونَ} [النحل: 116]. والرسول صلي الله عليه وسلم جال ....[ان الكذب يهدي الي الفجور وتن الفجور تهدي الي الي النار ] صدق رسول الله صلي الله عليه وسلم ... انا بجد مش مستوعبه انك عملتي اكده .. 

حنان بغضب:  جصدك اي اني كدابه صوح دا ال جصدك عليه

ابرار بحده:  انتي امي ومينفعش اجف جصادك ولا ازعلك بس انا همشي هروح اجعد في بيت جوزي انا وهو هنمشي من اهنيه وربنا يسامحك 

حنان بعصبيه:  لوجولتي لسراج او لقسمه جسما بالله لهكون غضبانه عليكي لحد ما اموت


نظرت ابرار اليها بحزن وضيق شديد ثم ذهب اما عند قسمه كانت جالسه مع الجميع تبكي بشده كلما تتذكر لحظاتها مع فاطمه وحفصه بجانبها تائهه لا تبكي ولا تنطق بأي حرف صامته اما جنه فكانت جالسه دموعها تنزل بغزاره وتضع يديها علي بطنها بألم شديد وبعد الانتهاء من العزاء وكل شئ دخلت قسمه الي غرفه سراج فوجدته جالسا يقرأ بعض الايات القرأنيه مردفا: بسم الله الرحمن الرحيم {كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ  (185) (آل عمران) صدق الله العظيم


اقتربت قسمه منه ثم تحدثت بدموع مردفه:  سراج وحد الله وادعيلها بالرحمه ... هي دلوجتي في مكان احسن من اهنيه بكتير جووي لازم تصبر ربنا سبخانه وتعالي جال ... بسم الله الرحمن الرحيم {وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ﴾ [البقرة: 155 ..... اصبر يا سراج وادعيلها انت الكبير لازم تكون متحمل كل المسؤوليه

سراج بحزن شديد :  احنا هنروح للحكيم نعملك شويه تحاليل ونطمن علي صحتك


تنهدت قسمه بحزن ودموع مردفه:  سراج انا عارفه كل حاجه عارفه ان عندي كانسر واني هموت في اي وجت وانا راضيه وموافجه بأي حاجه ربنا كاتبها ليا

سراج بحزن وصدمه :  عرفتي ازاي ومين جالك

قسمه بدموع:  ماما جالتلي كل حاجه وورتني التحاليل كمان بص يا سراج انا راضيه والله بس لو موت جبل ما جنه تخلف ولو جابا بنت سميها قسمه

سراج بحزن شديد وحده:  اسكتي خلاص متحبيش سيره الموت دي تاني انتي هتتعالجي وهتكوني كويسه

قسمه بدموع:  بالله عليك بلاش تضغط عليا سيب الموضوع دا لما تكون كويس وبعدها نشوف

سراج بحزن :  مفيش حاجه اسمها بعدها انا معنديش استعداد اخسر حد تاني الحكيم هيجي كمان اسبوعين وهنروحله وهتتعالجي فاهمه

قسمه بدموع:  ماشي المهم انت دلوجتي تبجي كويس وكمان اهتم بجنه شويه يا سراج هي اتظلمت كتير جووي هي دلوجتي محتاجه ليك  


اما عند جنه صرخت بوجه مريم مردفه:  انتي بتجوولي اي عااد مش عايزه جنان بجاا

مريم بضيق:  يا بنتي خطر عليكي نزليه انتي لسه فيها

جنه بغضب:  انا في الشهر التالت ومش هنزله مهما حوصل انتي عايزاني اخسر كل حاجه ليه مريم دا ابني ال بتمناه من الدنيا بالله عليكي شرفي اي حل

مريم بتنهيده:  ارتاحي يا جنه وخدي العلاج ال هكتبه في ميعاده وبس وربنا يعديها علي خير وان شاء الله خير

جنه وهي تضع يديها علي بطنها بخوف:  ان شاء الله ... ان شاء الله


عند سراج نظر الي قسمه النائمه بجانبه ثم قبل رأسها وخرج ثم ذهب الي غرفه والدته وفتح خزانتها واخذ حجابها واحتضنه وتحدث بحزن شديد مردفا: مش عارف هعرف اكمل حياتي من غيرك ازاي ... ياريت كنت انا ال موت وانتي فضلتي عايشه و


لم يكمل سراج كلماته وقاطعته جنه وهي تتحدث مردفه:  بعد الشر عليك ربنا يجعل يومي جبل يومك ومفضلش عايشه لليوم دا 


التفت سراج ثم اقترب منها واحتضنها وتحدث ببكاء شديد مردفا:  ماما راحت يا جنه خلاص مش هجدر اشوفها تاني انا مش عارف ازاي هعيش وهي بعيده عني 

جنه بدموع:  اهدي يا حبيبي وادعيلها .. ربنا يرحمها هي ماتت وهي راضيه عنك يا سراج وانت لازم تكون قووي ... حبيبي حاول تصلح كل ال باظ


ابتعدت جنه عنه قليلا ثم جلسوا الاثنين وتحدثت بهدوء وهي تمسح دموعه مردفه : انا مبسوطه جووي علشان الكبير مرضاش يبين لحد ضعفه ودموعه غيره انا وفي حضني ... سراج انت مش كبير الصعيد بس انت كبير العيله دي ... حفصه غلطت بس


قاطعها سراج بجديه مردفا:  متكمليش

جنه بتنهيده:  لازم اكمل يا سراج .. غلطتها صعب جووي بس لو سبتها اكده هتضيع اكتر ... العقاب ملوش علاقه بعلاقتك بأختك عاقبها بس متبعدش البعد عمره ما كان حل في اي علاقه يا سراج ... البعد بيجتل كل حاجه بين اي اتنين مهما كانت جوم يا سراج وكلم اختك فهمها غلطها وحاول معاها مره واتنين وتلاته لحد ما ترجع حفصه بتاعت زمان

سراج بضيق وحزن :  هي السبب في موت امي يا جنه

جنه بحزن:  لع يا حبيبي السبب ربنا ...عمرها انتهي علي اكده .. ربنا كاتب انها تموت في الميعاد دا جووم يا سراج بالله عليك


اما في غرفه حفصه كانت جالسه في الارض كانها جثه هامده فقط تتذكر كلمات والدتها وغضبها عليها حتي اخذت علبه الدواء من حقيبتها وافرغتها كلها في يديها وتناولتها وهي تردد مردفه:  لازم اجيلك يا ماما واطلب منك تسامحيني 


كان هذا في دخول سراج وجنه فنظر سراج بصدمه عندما وجد اخته تقع علي الارض والخبوب بجانبها ووو


غابت شموس السعد منذ رحيلها

وغدت عيوني لا ترى أفراحا

ودعتها عند المغيب بحسرة

وبقت جنائز أدمعي ألاما

يا جنة مات الزمان بفقدها

وبكى البكاء على ثرى مثواها

ياقبر رفقا إن ضممت ضلوعها

فالله أوصانا بها إحسانا

قد غاب عني الكرى في يوم ذكراها

وتبدل النور الجلي ظلاما

قد غلقت شرفات روحي بابها

وتأبط الحزن المقيم دمايا

اليتم جدولني على أحزانها

فسكنت جوف البر والإحسانا

يارب اجمعني بها في جن

.فيها النبي وصحبه جيرانا.

        الفصل الرابع عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-