_اي اللى انتي بتقوليه ده يماما عاوزاني اتجوز واحد ارمل يعني كان متجوز قبل كده ده اللى بتتمنيه لبنتك
=اي اللى انتي بتقوليه ده يحبيبتي انا مش مربياكي على كده وبعدين انا قولتلك الشاب عاوز يجي يشوفك ويطلب ايدك ومش هيجبرك على حاجه
_بس انا مش عاوزه اشوف حد يماما وانتي عارفه كويس اني مش بفكر في جواز دلوقتي ولسه صغيره
=عارفه يحبيبتي انك بتعتبرى نفسك لسه صغيره وبتعتبرى ٢٠ سنه دي لسه طفله وبعدين انا كمان مش موافقه على المبدأ ده بس الراجل مصمم يشوفك
_ماما هو اي الحكايه انا مش فاهمه حاجه مالك كده عاوزه تخلصي مني صح قولي هاا
=انتي مستفزه يبت كل الحكايه انه لما كلمني قولتله لا بنتي مش بتفكر في الجواز دلوقتي وكمان انت عارف يبني ان انت..وقبل ما اكمل كلامي لقيته بيقولي انه عاوز يشوفك مره واحده بس ويتكلم معاكي ومش هيجبرك على حاجه واصر عليا
_هاا وبعدين
=ف انتي هتقعدي معاه وتشوفيه عاوز يقول اي وريحيه واجبرى بخاطره وخلاص وفي الاخر قوليله انك مش موافقه
_انتي شايفه كده يماما
=يحبيبت قلب ماما انا اصلا مش موافقه على الموضوع ده بس نشوف الراجل مصمم لي وعاوز اي يقوله ونريحه ونجبر بخاطره وخلاص
_حاضر يماما طالما انتي شايفه كده انا موافقه
_______
تاني يوم:
=يلا قومي البسي الشاب جاي
_انا لابسه اهو يماما في اي
=انتي هبله يبت هتقابليه باسدال
_طب وماله الاسدال يماما ده جميل وشوفي حتى لون اسود ازاي عشان اسودها على دماغه
=ربنا يهديكي يبنتي ياارب قومي خلصي البسي دريس خروج كده ولا حاجه
_حاااضر يماما هريحك وهلبس اللى انتي عاوزاه
=شاطره يلا قومي بقى زمان الراجل جاي
استوووب نسيت اقولكم انا ندى ٢٠ سنه طفلة في نفسي اووي بس وقت الجد جد في كلية تربية انجليزى مش بفكر في موضوع الجواز ده خالص بس النصيب لعب دوره معايا
___
قومت لبست دريس وطرحه بيبي بلو وميكاب خفيف وجهزت ولقيت ماما بتنادي عليا تاني ودخلتلى الاوضه
_,اي يماما في اي
=خلصي اطلعي يلا حمزه قاعد برا في الصالون
_اي ده هو اسمه حمزه.الله اسمه حلو اووي
=لا والنبي ههه طب خلصي يلا اطلعي
_طيب طالعه اهووو
___&
ريحت ماما وطلعت ودخلت الصالون واسغربت من اللى شوفته
اي ده مين ده!!!!
_السلام عليكم
حمزه:وعليكم السلام
ندى:انت بقى حمزه؟!
حمزه:اه انا انتي شايفه اي يعني
ماما: احممم مقولتليش يبني مين العسل اللى جايبه معاك ده
ندى:اه انا كمان كنت هسال نفس السؤال الصراحه مين القمر ده ماشاء الله يعني
لسه قبل ما حمزه يرد عليا لقيت الولد جري عليا وحضني حسيت بشعور غريب محستهوش قبل كده !
حمزه:ده زين ابني
ندى بصدمه:نعم!!!
