Ads by Google X

القائمة الرئيسية

الصفحات

سكرييت زوجي ولكن الفصل الثالث


 

#اسكربت 3


خلصنا كتب الكتاب وحمزه اخدنا على بيته وكان طول الوقت زين كان ماسك في ايدي وانا اول ما دخلت البيت شوفت.....

حاجه كده في منتهي الجمال حاسه اني دخلت قصر بمعني الكلمه البيت واسع اوووي والمظهر الخارجي حاجه كده في منتهي الجمال انا مدخلتهوش قبل كده (قبل كتب الكتاب قالى انا وماما ممكن تيجوا البيت تشوفوه بس انا موافقتش وقولتله مش فارقه اشوفه ولا لا)


حمزه:اي هتفضلى واقفه كده طب ما تقول لماما حاجه يا زين


زين:اي يماماما مش هتدخلى جوه يلا وتلعبي معايا


ندى:لا يحبيبي انا داخله اهو وهنفضل نلعب مع بعض كتير اووي اووي


زين:هييهه انا هجيب اللعب على ما ماما تدخل يبابا


حمزه:طيب يحبيبي خليها بكره وماما تلعب معاك كتير عشان ماما تعبانه دلوقتي


زين:هتلعب معايا حبه صغننين خالث يبابا ومش هخليها تتعب


حمزه:انا قولت اي يا زين


ندى: ادخل هات اللعب يحبيبي وانا هلعب معاك متخافش


زين:هييييه 

حسيت ان زين مبسوط وعاوزني العب معاه فمرضتش ازعله وعارفه ان اليوم كان صعب وتعبانه بس بصراحه مقدرتش ازعله


حمزه:تعالى ادخلى يلا افرجك على اوضتك وعلى البيت


ندى:حاضر


بصراحه اول ما دخلت البيت حسيت براحه نفسيه فيه وهادي جدا ومترتب بطريقه جميله اووي


حمزه فرجني على البيت كله وبصراحه نظراته كلها حنيه بس اكيد مش ليا يعني بس هي دي ملامحه بشوش كده ويااه على غمازاته اللى كل ما يتكلم كلمه تظهر انا طول الوقت نظراتي كلها عليه وهو مش واخد باله مش هكدب يعني اه هو قمر 


حمزه:ده اخر حاجه المطبخ ولما تعوزي حاجه قوليلى ومتتحرجيش والبيت بيتك 


ندى:تمام شكرا 


حمزه:انا هنام في الاوضه اللى عند البلكونه وانتي نامي في الاوضه دي او اي مكان يريحك وزين هينام في اوضتي او جمبي عادي


ندى:تمام 


دخلت اوضتي قبله ولقيت زين جاي جمبي بالالعاب بتاعته


زين:ماما انا جبت الالعاب اهو هتلعبي معايا زي ما قولتيلى صح


ندى:ايوه يحبيبي هلعب معاك بس ممكن ادخل اغير هدومي واجيلك


زين:ماسي


بوسته من خده وقومت  اخدت هدوم من شنطتي  ولسه طالعه من الاوضه لقيت حمزه واقف ومبتسم ويخربيت الابستامه بتاعته بقى يجماعه عيب عليا كده صح لا لا مش عيب مهو جوزي بس نص نص هه


ندى:واقف كده ليه طب اتفضل


حمزه:لا لا انا هدخل اجيب هدومي من الدولاب وهروح الاوضه التانيه 


ندى:طيب تمام


دخلت الويلت اخدت شاور وغيرت هدومي وطلعت لقيت حمزه قاعد على السرير جمب زين وقاعد يقوله تعالى نام جمبي  يحبيبي مينفعش ماما تعبانه ومش هينفع تلعب معاك دلوقت


ندى:سيبه يا استاذ حمزه انا كويسه وهقعد العب معاه  


حمزه:احم اولا بلاش استاذ حمزه دي عشان مش عاوز يكون في رسميات بينا واحسسك انك عايشه مع حد غريب انا اسمي حمزه ثانيا حاضر هسيبه بس لو حسيتي انه مزهقك قوليلى بس ومالكيش دعوه وانا اخده معايا في الاوضه التانيه


ندى:حاضر


حمزه:حاضر يا اي


ندى:ههه حاضر يحمزه


حمزه:شوفت يزين ماما بتسمع الكلام ازاي عاوزك زيها بقى ههه


حمزه دخل نام في الاوضه التانيه وانا وزين قاعدين نلعب

فضلنا نلعب سوا لحد ما نام وهو بيلعب وانا كمان نمت وبصراحه من التعب صحيت متأخر


ندى:اي ده انت بتعمل اي


حمزه:ولا حاجه بجهز فطار بسيط كده لينا


ندى:بس ده واجبي انا واسفه اني صحيت متاخر والله بس غصب عني


حمزه:عارف انك كنتي تعبانه عشان كده مرضتش اصحيكي وبعدين مفيهاش حاجه يعني لما اعمل الفطار


ندى:بجد شكرا يحمزه .طب بص معلش اقعد انت وانا هكمل تحضير في الفطار انت كده بتحسسني بالذنب


حمزه:ههه اهدي بس انتي كبرتي الموضوع اووي انا خلاص خلصت يباشا


ندى:هههه طيب..هاخد شاور بسرعه وجايه


اخدت شاور وطلعت لقيت زين صحي


ندى:صح النوم يصغنن


حمزه:اول مره يصحي متاخر كده كان على طول يصحيني من الفجر هههه


لقيت زين جري عليا وحضني وقالى  اللعبه كانت حلوه اوي يماما


ندى:حبيب ماما انت


حمزه:احم طب اي يزين نسيت ابوك ولا اي ههه فين الحضن بتاعي


زين حضن حمزه وقعدنا على السفره مع بعض  ونفطر بصراحه قاعدة السفره مع زين وحمزه حاجه كده حلوه اووي حاسه ان فعلا حمزه زوجي وزين ابني بجد واحنا بنفطرر لقيت ماما بترن عليا وبتطمن

ولما قفلت معاها لقيت حمزه بيقولي


حمزه: ربنا يخليهالك يارب


ندى:يارب


حمزه:عندي اقتراح بس اتمني تاخديه من الجانب الإيجابي اكتر من السلبي


ندى:ايوه طبعا اتفضل


حمزه:والدتك ست كبيره ومينفعش تقعد لوحدها كده وخصوصا انها تعبانه


ندى:عارفه والله وبصراحه انا طول الوقت بفكر فيها وخايفه


حمزه:طب ما تقوليلها تيجي تقعد معانا  وهتنورنا وصدقيني هي امي الثانيه بعد ماما الله يرحمها


ندى:بجد..بتتكلم بحد


حمزه:ايوه طبعا بجد


ندى:بجد مش عارفه اقولك اي بجد يعني طب هو انا ممكن ارن عليها واقولها


حمزه:ايوه طبعا اتفضلى


ندى:الو يماما


والدة ندى:اي يبنتي مش انا لسه قافله معاكي لحقت اوحشك هههه


ندى:اكيد يماما وحشتيني طبعا ههه عاووه اقولك على حاجه يماما


والده ندى:ايوه يحبيبتي قولي


ندى:حمزه بيقولي قولي لوالدتك تيجي تعيش معانا بدل ما تقعد لوحدها


والدة ندى:لا يحبيبتي طبعا مينفعش وخصوصا انتوا لسه متجوزين ده يدوبك ده اليوم الاول ليكوا في بيت واحد


ندى:احم ما انتي عارفه اللى فيها يماما لازم الكلمتين دول يعني


والدة ندى:بردو يبنتي مينفعش وبعدين امك لسه صغيره يبت وقادره تشيل نفسها هههه


ندى:طبعا ههه


والدة ندى:طب اقغلى يلا وسلميلى على حمزه وانا بكره جايالك زياره كده اشوفك وامشي


ندى:تنورى يحبيبتي


حمزه:ها قالتلك اي


حكيتله اللى ماما قالته ليااا وقالى طيب يومين كده على ما تقتنع وانا هروح اجيبها بنفسي


واحنا قاعدين على السفره لقيت حمزه بيبصلى جامد انا من الإحراج بصيت للأرض وهو لسه باصصلى 


ندى:احممم اي كمل اكلك طب


حمزه:انتي بريئه اووي يبنتي والله اول مره اخد بالى من ملامحك كده بس بجد انتي كنتي تستاهلى حد يحبك وتحبيه انا مش عارف لي حطيتك في الموقف ده خصوصاً انك قمر ماشاء الله


ندى:انت اللى قمر والله كل كل


حمزه:نعم!!


ندى:احم بقولك كل كل


حمزه:طيب طيب


خلصنا اكل وشيلته ووانا في المطبخ لقيت موبايل حمزه بيرن وحمزه رد بصوت عالى وبيقول اي اللى انت بتقوله ده انت متاكد!!؛

                الفصل الرابع من هنا

تعليقات