رواية احببت مديري الفصل الرابع

 

#الحلقه_الرابعه ⁦⁩

#احبيت_مديرى

في الشركه"

*بعد نص ساعه *

عمر: ليلا

ليلا: ايوه يا استاذ عمر

عمر: يلا

ليلا: تمام يلا

*ركبوا عربية عمر*

عمر: بقلك

ليلا: نعم

عمر: هنروح فين

ليلا: مش عارفه اللى تشوفه حضرتك

عمر: طيب انتى مش جعانه

ليلا بارتباك: لا

عمر: ليلا متتكسفيش بصي احنا هنروح مطعم اسماك على البحر عشان نعرف ناخد راحتنا في الكلام ... تمام؟؟

ليلا بسعاده: ماشي تمام

*وصلوا المطعم وطالبوا الاكل وكلوا *

ليلا: مرسي جدا يا استاذ عمر على الاكل جميل جداً والله

عمر: على ايه يابنتى الف هنا .... انتى كدا كلتى؟

ليلا: اه تمام كدا

عمر: بتهزرى

ليلا: لا والله كلت الحمدلله

عمر: اكلك كدا على طول ولا قدامى بس؟

ليلا بضحك: لا على طول والله

عمر: ليلا احكيلي عن نفسك شويه عندك اخوات ولا لا باباكي ومامتك عايشين ولا لا وكده فاهماني؟

ليلا: ايوه طبعا فهماك انا عندي اخ 29 سنه طيار وماما مدير المدرسه وبابا مسافر واحنا مانعرفش حاجه عنه وانا وبس كده!!!!!

عمر: ربنا يرجعو بالسلامه ليكو يارب

ليلا: امين يارب

عمر: انا كمان عندى اخ دكتور واخت في اولي هندسه ..... انتى عارفه انا عندى كام سنه؟؟

ليلا: بصراحه لا

عمر: طب تدينى كام سنه؟

ليلا: 28.. 29 حاجه في الرينج ده

عمر بضحك: لا انا 31 شوفتى بقا

ليلا بصدمة: بجد

عمر بضحك: اه والله

ليلا: العمر كله يارب

عمر: تسلمى ..... انتى بتعرفي تصممى مش كده

ليلا بسعاده: اكيد طبعا

عمر: بجد طب انا معايا سكتش وقلم صممى كده

ليلا بسعاده: تمام

*ليلا قعدت تصمم وترسم وفي الاخر رسمت فستان جميل جداً *

عمر بصدمة: ايه ده؟

ليلا بارتباك: ايه

عمر::جميل جدا

ليلا بابتسامه:مرسي ليك

عمر:انتى فين من زمان

ليلا بضحك بصوت عالى:انا هنا اهو

*عمر سرح في ضحكتها *

ليلا بكسوف: في حاجه يا استاذ عمر

عمر:ها ........ ولا حاجه نتكلم في الشغل بقا

ليلا:تمام

*قعدوا يتكلموا بالساعات في الشغل وبقوا يضحكوا وجه الليل ومشيوا عشان يوصلها *

ليلا:تعبتك معايا والله

عمر:ولا تعب ولا حاجه

ليلا:انا سمعت عنك كلام مش حلو

عمر:سمعتى ايه

ليلا: مغرور متكبر وكدا

عمر بضحك: طيب انتى شايفه ايه

ليلا: انا مش شايفه غير عيونك اللى بيسحرونى لما ابص فيهم

عمر بصدمة: ايه قولتى ايه؟

ليلا: هاا ...... انا قولت ايه انا اسفه

عمر وقف العربيه: ليلا

ليلا بارتباك: نعم

عمر بص في عيونها: هو انتى ازاى كده

ليلا بارتباك: ازاى

عمر: ولا حاجه احنا وصلنا

ليلا: ايه ده بجد مخدتش بالى شكرا جدا

عمر: مفيش بنا شكرا تمام

ليلا: ايه ده يوسف اخويه اهو تعالى بقا نسلم عليه

*ليلا نزلت وندت على يوسف وجريت حضنته وهو حضنها *

ليلا: اعرفك استاذ عمر مديرى في الشركه .... استاذ عمر اخويا يوسف اللى حكتلك عنه

*سلموا على بعض *

يوسف: اهلا يا استاذ عمر

عمر: اهلا بيك وبلاش استاذ عمر السن بنا مش كتير

يوسف بضحك: شرف ليا والله ... طب اتفضل

عمر: لا دا انا يدوب الحق انام عشان بكرا مره تانى فرصه سعيده تصبحو على خير

عمر: ليلا اوعى تنسي

ليلا: لا خالص على معادنا انشاء الله وانت بالف خير

يوسف: وانت بخير

يوسف: مديرك شكله محترم

ليلا وهى سرحانه: جدا جدا

يوسف: جدا جدا؟!!

ليلا بارتباك: امال ماما فين؟

يوسف: فوق ياختى

ليلا بضحك: طب يلا يا خويا

*طلعو فوق وسلمت على ايمان "ايمان مامت يوسف و ليلا"

ايمان: بنوتى الحلوه

ليلا: قلبي يا ماما

ايمان: عملتى ايه فى الشغل

ليلا: الحمدلله والله

ايمان: ومديرك؟

ليلا مستغربه: تمام

ايمان: اممممم ..... كلتى؟

ليلا: اه كلت الحمدلله استاذ عمر عزمنى

ايمان بابتسامه: امممم ماشي

ليلا: ماما.... في حاجه ؟

ايمان: لا... يلا روحي نامي

ليلا: ماشي تصبحي على خير

ايمان: وانتى من اهل الخير

*عمر في العربيه *

*شغل اغنيه "دا حته من الخيال" وبيغنى معاها *

ده حته مين الخيال قلبي قال ده ايه في جمال ولا داب ولا مال ولا قال وتعبني وسابني بسال مليون سؤال ما شفتش زيه عيني من سنين وده اصلا جاي منين وده ايه وده مين و لفين هياخدني يا قلبي ده انا حالي والله حال*

*وبيفكر في ليلا وهى بتقولو " انا مش شايفه غير عيونك اللي بيسحروني لما ابص فيهم" ويضحك*

*ودخل يغنى الاغنيه دى وباين انو فرحان *

مريم:ايه الروقان ده

سمر:كان فين من زمان

محمد:سجل يا تاريخ يا مدنى اخويا مبسوط

*كلهم بيضحكوا*

عمر:لا والله عادي الواحد مينفعش يفرح شويه

مريم:ربنا يديم فرحتك ياحبيبي

عمر:تسلمى ياامى

محمد:اوعى تكون بتحب؟

عمر بارتباك:حب ايه ياراجل

سمر:طب اايه موصفات فتاة احلامك

عمر: بصي يا ستي تكون بتحبني تكون طيبه اول ما تضحك قلبي راح معها عينيها اللي لما ابص فيهم لو انا شايل هم الدنيا كله يدوب في ثانيه تقف معي في الشده كسوفها والحياء اللي عندها تفضل محافظه عليه "كل ده بيفكر في ليلا"

عبد العزيز:لا صقفه كده

*كلهم صقفوا و ضحكوا*

مريم:يارب تلاقيها

عمر:امين يارب انا طالع انام بقا

عبد العزيز:ثوانى عايزك

عمر:حاضر يا بابا عن اذنكوا

عبدالعزيز:عملت ايه في بكرا ؟

عمر:كل حاجه تمام بكرا رايحين نتفق مع شركه

عبدالعزيز:تمام لو عوزت اى مساعده قولى

عمر:حاضر يا بابا ربنا يديك الصحه يارب

عبد العزيز: تسلم يابنى ... ها مش هتقولى مين فتاة احلامك بقا

عمر بكسوف:لسه لسه يا بابا مجتش

عبدالعزيز بضحك: طيب طيب روح نام تصبح ع خير

عمر:وانت بالف خير يارب

*عمر خد شاور ونام *

*تانى يوم في الشركه *

عمر رن علي ليلا: صباح الخير يا ليلا انتى فين انا في الشركه؟

ليلا: صباح النور اهو نازله 5 دقايق واكون عندك

*بعد ربع ساعه *

عمر: كل ده تاخرت اوى

ياسر: معلش يا استاذ عمر

*ليلا دخلت كانت لابسه فستان اخضر قصير عند الركبه كده و شوز بكعب اخضر و رافعه شعرها وكان الميك اب مش بسيط بس كان جميل طريقه ان اللي في الشركه فضلوا متنحين كده وكل اللي شافوها كانوا بيقولوا ايه القمر اما عمر..... عمر اول ما شافها قام من مكانه جميله جميله بالمعنى الحرفي

ليلا: معلش انا اسفه انا اتاخرت انا .....

عمر قاطعه: ايه الجمال على الصبح ده بس

ليلا بكسوف: مرسي لحضرتك .... وانت كمان والله

عمر متنحلها: انا كمان ايه بس

ليلا بكسوف: طب يلا عشان هنتاخر

عمر: يلا

*ركبوا العربيه *

عمر: انا هاين عليا البسك عبايه قسما بالله

الفصل الخامس من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال