رواية العاهرة العذراء الفصل الثامن

 

الجزء الثامن

العاهرة العذراء

ـ فتحت سهر الباب، يا حبيبى يا أخويا، وحشتنى اوى اوى اوى يا راضى

راضى ـ وانتى كمان يا سهر وحشتينى أوى

«فادى» ـ حبيبى يا بوب

ـ انت هنا؟ ومن ورايا، طب كنت قلى ونيجى سوا

فادى ـ معلش المره الجايه هههه

ـ سهر ـ طبعاً وحشك اكلى، عملالك كل الحاجات اللى بتحبها

ـ ربنا يخليكى ليا يارب

*فى الإمارات *

يس ـ هاجر مش بترد ودى أول مره، أنا قلقان عليها أوى، ليها فتره متغيره ومش بتهزر ولا تضحك زى الأول، لازم أنزل مصر فى اقرب وقت

مريم ـ أن شاء الله خير، حاول تانى كده يمكن ترد

*فى بيت مالك*

راضى ـ معلش ارد على الفون ده علشان مهم

سهر ـ رد يا حبيبى رد، ابوك الظاهر رجع لأيام الشقاوه ههههههه

ـ راضى اخد جمب منهم علشان محدش يسمعه، اهلاً يا آنسه هاجر

هاجر ـ أنت فين، عايزه اقابلك علشان تشوف الصوره، لأنى ملقتش على رقمك واتس

ـ طيب حكلمك من الخط التاني وابعتى عليه الصوره، وخلى الباقى على راضى

ـ اوك سلام

ـ فادى ـ طيب اسيبك أنا بقى يا بوب تشبع مع عمتى واكلها

ـ مش حتتغدى معانا ولا إذا حضرت الشياطين يا سى فادى

ـ لا طبعاً يا بوب، أنا بس معايا كام مشوار، ومش حابب اتأخر

ـ ماشى يا حبيبى، وأنا كمان مش هطول، علشان مسافر النهارده باليل، خلى بالك من نفسك يا فادى، مع السلامه

ـ سهر ـ سامعه كلمة سفر ومش حطول، وشكلى حتعصب، جرى ايه يا راضى، انت جاى تتغدى وتمشى

ـ أعمل ايه فى لسانك الطويل ده، مفيش وقت اشوفك يبقى اشوفك ساعتين ثلاثه ولا ما اشفكيش خالص

ـ وانت يعنى بتسأل عنى، ولا أنا اهمك من الاساس، وبشوفك كل سنه مره،بصراحه مش قادره اخبى إنى زعلانه منك يا راضى

ـ يا حبيبتى غصب عنى والله، وبعدين افتكريلى اى حاجه حلوه، ولا نسيتى انى كنت السبب فى جوازك من مالك، فاكره يابت لما جيتينى منهاره ومخنوقه من الدنيا كلها، ونفسك تنتحرى علشان مالك مكنش واخد باله منك خالص ولا كان بيرد عليكى السلام حتى، فاكره أنا قلتلك ايه

سهر ـ هههههه ايوه فاكره طبعاً قلتلى بقى أنا اجوز الناس كلها واحل مشاكلها واختى لأ

ـ وساعتها انتى هديتى فجأه ومسحتى دموعك وبكل الفرحه اللى فى الدنيا، قلتيلى يعنى عندك حل

ـ وأنت زعلت من السؤال يومها، وقلتلى طبعاً، مفيش حاجه صعبه على راضى، طول عمرك مغرور يا وله هههههه

ـ حقى، اللى عنده موهبتى لازم يكون مغرور غصب عنه

*فى كيلة هاجر*

ـ فادى شغال بكل قوته،زى ما عمته وصته وبقى يلف فى كل الكليه،يقول أنه على علاقه بهاجر،وقال لكل اصحابه انها بتعمل علاقات مع الشباب عادى،وانها مش عذراء،وبقى يورى صورها وهى معاه،وينقل الصور من فون لفون،لحد لما صورها بقت مع اغلب الناس،واللى مش معاه الصوره،سمع عنها وعن قصتها،بقت عاهرة القاهره اللى عامله فيها عذراء،والكلام كان بيتصدق بسهوله بعد ما هاجر سابت بيت خالها وسكنت فى شقه لوحدها،بعد ما عرفت حقيقة خالها،وحتى فى مكان سكنها،فادى راح وبقى يقعد على القهاوى ويحكى عنها بشكل وحش وأنها واخده الشقه لاغراض تانيه غير المعيشه

*فى بيت هاجر الجديد*

ييييييييه ده يس اتصل بيه كتير جداً وانا مردتش،لازم اكلمه علشان يطمن

ـ الو وحشتنى اوى ي يس معلش مسمعتش الفون

ـ ايه الحكايه،لو فى اى حاجه حصلت ياريت تشاركينى،وبلاش تتصرفى من دماغك،إحنا طول عمرنا مع بعض

ـ لا مفيش حاجه،أنا كويسه خالص،متقلقش

ـ طيب فى حد عايز يكلمك

مريم ـ الو أنا مريم،ماما تبقى زميلة يس فى الشغل

هاجر ـ بس،بس،متكمليش،يبقى انتى بقى مرات اخويا المستقبليه،أنا نفسى اشوفك اوى،ابقى تعالى مع يس

ـ أن شاءالله،علشان انا كمان نفسى اشوفك اوى

ـ مستنياكم على احر من الجمر،ابقى خلى بالك من يس،مع السلامه

ـ ده فى عنيه ،مع السلامه

*فى بيت مالك *

ـ راضى فتح الواتس علشان يشوف الصوره

ـ مش ممكن،مستحيل،ده حقيقى ولا عنيه زغللت،ياترى حتعملى ايه يا هاجر،لما تعرفى

سهر ـ مالك فى إيه؟الرساله دى شكلها فزعتك اوى

ـ لا ابدا بس لازم امشى دلوقتى،علشان متأخرش

ـ ماشى يا حبيبى،متتأخرش عليه زى كل مره،وخلينى اشوفك قريب

ـ ان شاءالله،ادعيلى،مع السلامه

ـ ربنا يخفظك يا حبيبى،معالسلامه

فى عيادة راضى*

ـ الو،اناعايزك تيجى دلوقتى يا جمال، عايز اقلك حاجه مهمه جدا

ـ اوك، هبقى اعدى عليك

*فى بيت مالك *

ـ مالك راجع بعد اللى سمعه فى الكليه عن هاجر،راجع البيت مصدوم وتعبان،ومخنوق ومش قادر يصدق الكلام اللى سمعه عن هاجر

«سهر»فتحت الباب لقت مالك فى وشها

، ايه ده انت رجعت يا حبيبى

ـ ايوه،وانتى رايحه فين باليل كده؟

ـ نازله اشترى حاجه من الصيدليه ومش حتاخر

ـ طيب هاتى الاسم،وانا اجبلك اللى انتى عيزاه

ـ لا يا حبيبى،انت لسه راجع وتعبان،مش هتأخر

ـ اوك،متتاخريش

ـ مالك مقدرش يمسك نفسه،واتصل بهاجر كتير،لحد لما رددت

ـ هاجر،الو،حصل حاجه يامالك

ـ عايز اسألك سؤال واحد بس،الكلام اللى بيتقال عنك ده صح

ـ هاجر والدموع مغرقاها ومصممه انها تبعده،ايوه صح

ـ أنا ازاى كنت شايفك كده،شايفك ملاك

وانتى بتلعبى بيه وبمشاعري،معقول كنت اعمى ومش شايف للدرجادى،سبت بنت الاصول وحبيت عاهرة

ـ هاجر الكلام بيعصر في قلبها،مقدرتش تسمع اكتر من كده،وقفلت السكه فى وشه

ـ مالك لسه بيقعد على الكنبه،لقى سهر ناسيه فونها،وفادى عمال يرن كتير، فاضطر مالك يرد،وقبل ما يتكلم،سبقه فادى بالكلام

ـ دلوقتى اقدر اقلك مبروك،سوتهالك على الجنبين،وخليت فضيحتها بجلاجل،

ـ مالك فضل ساكت على امل انى فادى يكمل،ويقدر يفهم اكتر،وفعلاً فادى من فرحته أنه نجح فى مهمته،مش مستنى انى عمته ترد عليه

ـ بعتلك صورها على كل التليفونات بتاعة الكليه،وخليت واحد صاحبى يبعتها لمالك،علشان يعرف قيمتك يا قمر انت

ـ مالك وشه احمر،وبقى عامل زى بركان غضب،وقفل السكه فى وشه من غير ما يرد

ـ سهر ـ أناجيت،ها اتأخرت عليك يا حبيبى

مالك وهو مديها ظهره،انتى طالق،طالق،طاااااالق

،مش عايز اشوفك ولا المحك،مش قادر اسمع صوتك،ياريت مقابلكيش تانى ولو صدفه

ـ سهر من الصدمه مقدرتش تسأله حتى ليه،بس فهمت انه عرف كل حاجه،لما لقت فونها فى ايده،واغمى عليها،دخلت فى غيبوبه

ـ مالك نقلها للمستشفى

ـ ممكن يا دكتور اعرف هى حتفوق امتى

ـ الدكتور ـ لسه مش قادرين نحدد،بس الاكيد إنه مش هتفوق دلوقتى،مخبيش عليك حالتها صعبه

ـ مالك لازم اكلم راضى،اقله على اللى حصل

*فى عيادة راضى *

ـ جمال ـ سلام عليكم

ـ اهلاً اهلاً جمال بيه

ـ ايه الحكايه يا راضى،قلقتنى

ـ بصراحه عندك حق تقلق،الموضوع يستاهل

ـ ما تقول على طول،مش ناقص حرقة اعصاب أنا يا راضى

ـ لا يا جمال مش قبل ما نتفق على نصيبى،مش حاخد اقل من 5مليون جنيه

ـ ههههه 5مليون ايه؟ليه،أناكنت عارف إنك حتطلب فلوس،وجاى النهارده علشان اقلك على المفيد،اسمعنى كويس يا راضى،مش عايز المحك ولو صدفه فى القاهره كلها،ولو صدف وشفتك هيبقى آخر يوم فى عمرك،وانت عارف انى جمال مبيهددتش،جمال بينفذ على طول يا راضى،عمال تاخد فى فلوس فى فلوس فى فلوس،من غير اى نتيجه،واحد نصاب وحقير،خسرتنى اغلى إنسانه عندى وفضلت شايل ذنبها فى رقبتى لحد ما اموت،اوعى تفتكر انى عبيط ولا غبى وعمال اوزع فلوس على خلق الله،انت بس صعبان عليه،شحات ومسمى نفسك دكتور،بجد بقيت قرفان منك اوى،ومش عايز اشوفك تانى

ـ ياااااه،ده انت شايل ومعبى اوى منى يا جمال،انت ازاى بتكلمنى كده،مش راضى اللى يتقله الكلام ده،ولو عرضت عليه 10مليون علشان اقلك اللى عندى،مش هقلك يا جمال،بس حتندم أوى،هتندم أوى يا جمال،وسعتها حتغنى للست،تفيد بأيه يا ندم وتعمل ايه يا عذاب ههههههههه

اتفضل بقى من غير مطرود علشان معايا شغل شحاتين،وميصحش تقعد مع ناس زينا ده مش من مقامك

ـ جمال حس انه راضى المره دى كان عنده حاجه مهمه فعلاً وقلق بس لقى الوقت مش مناسب،وراضى متعصب جداً فمشى على اساس يرجعله لما يهدى

ـ راضى بعد ما مشى جمال وهو فى قمة غضبه،اتصل بهاجر وهو مقرر يقلها كل حاجه

ـ هاجر ـ الو

ـ أناعرفت مين اللى اغتصبك يا هاجر

ـ مش معقول بالسرعه دى،مين؟قول ياراضى وحقك محفوظ

ـ اللى اغتصبك من دمك يا هاجر،اللى اغتصبك يبقى،يحيى جمال الوزير

ـ خالى

الفصل التاسع من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال