الفصل الاول
بكلمك من امبارح مش بترد ع مكالماتي كنت فين
مش فاضي دلوقتي ياشمس نتكلم بعدين سلام
انا شمس عندي 16سنه لسه ف تالته اعدادي بحب نور ابن خالتي انا اتولدت لقيته قدامي مبعرفش اتعامل مع حد غيرو صاحبي وكل حاجه ليا حبيته من لما كنا ف اولي اعدادي لحد ماجه الوقت ولقيته بيقولي انا كمان بحبك ياشمس ساعتها كنت بتنطط من الفرحه انا وهو قد بعض بس هو اكبر مني بشهور...
Flash back
شمس:ها يانور اخلص عايز تقولي اي
نور:انااا بحبك ياشمس
شمس:طب مانا عارفه
نور:بجد
شمس:اهابتحبني زي اختك وصحبتك
نور:لا مش قصدي انا بحبك بس مش زي اختي ولاصحبتي انا بحبك ياشمس وافهمي بقا
شمس بفرحه:قصدك انك بتحبني
نور:اها والله
شمس:وانا بحبك يانور بحبك من زمان
نور بضحك:عارف ده انا لو سألت عيل هيقولي انك بتحبيني
شمس: لدرجه دي فاضحه نفسي
نور: اويي
back..
نادين: سرحانه ف اي ياشمس
شمس: هاا ولا حاجه
نادين: يعني انا مش عارفكي ده انا صحبتك من 11سنه مش هعرف فيكي اي
شمس: كنت بفتكر اول مره نور قالي انو بيحبني وازاي كان متهم بيا زمان دلوقتي معرفش حتي عنو حاجه
نادين بعصبيه: انتي كلمتي تاني
شمس: مش هقدر مسألش ع غصب عني
نادين: افهمي بقا والله مابيحبك نور مش بيحب غير نفسه انتي خساره ف اي اصلا بكره يندم ع كل ده وهتشوفي مفيش حد بيحب حد ياشمس وبيهمل ف افهمي بقا
شمس بعياط: لا هو بيحبني بس عندو مشاكل اكيد لازم استحملوا
نادين: انتي بتضحكي ع نفسك وكل مره بتحطي اعذار لنفسك وتصدقيها شايفه نفسك بقا عامل ازاي من من العياط كل يوم بسببه حتي مذكرتك اهملتيها
شمس: كفايه لو سمحت يانادين انا مبحبش ان حد يتكلم ع كده
نادين: مش هتكلم انا ماشيه اصلا وياريت تركزي احنا خلاص داخلين ع اول ترم ف تالته اعدادي والاجازه هتخلص وعايزين نركز علشان نجيب مجموع سلام
شمس: سلام
بعد شويه شمس رنت ع نور
شمس: اي يابني بكلمك مش بترد عليا ف اي
نور: انا هنام نتكلم بعدين
وقفل
شمس وهي بتكلم نفسها بعياط: يارب طب لو مش بيحبني يقولي ليه بيسبني بالايام ميعرفش عني حاجه طب يقولي اي السببب ف انه يبعد عني كده
نادين: الو ياشمس
شمس بعياط: انا مخنوقه اوي
نادين: انتي كلمتي الزفت ده تاني
شمس: متقوليش ع زفت
نادين: يابنتي ده هو اللي معيطك من شويه
شمس: بس بيحبني اكيد
نادين: لا يا شمس مش بيحبك
شمس: لا بيحبني انتي مش مصدقه لي
نادين: انتي عايزه تسمعي اي ايوه بيحبك ومهتم بيكي وعارف كل حاجه بتحصل ف يومك هو ده اللي انتي عايزه تسمعي صح ياشمس
شمس بعصبيه: حرام عليكي بقا انا صحبتك لي كده
نادين:علشان انتي صحبتي لازم انصحك مش اضحك عليكي واقولك بيحبك هتندمي ع كل اللي انتي بتعملي ياشمس صدقيني نور ميستهلكيش ده عايش حياته وناسيكي اصلا افهمي بقا انتي اي
شمس بعياط:سلام
تاني يوم الصبح
شمس:ماما هو بابا مجاش من امبارح صح
والده شمس:اها اكيد عندو شغل وهتأخر
شمس:انا برن ع مش بيرد
والده شمس:اكيد مشغول شويه ورني ع مانا عارفكي صحبت ابوكي وتخافي علي
شمس:ماانتي كمان يا ماما حبيبتي برضو
والده شمس بضحك:بس سرك ديما مع ابوكي
شمس:واحنا ملناش غيرك ياست الكل
والده شمس:ربنا يخليكولبعض هروح احضر الفطار وانتي حاولي ترني ع وطمنيني
شمس:حاضر يا ماما
عدا يوم وشمس ومامتها ميعرفوش حاجه عن والد شمس
شمس: نور انا قلقانه ع بابا اويي
نور ببرود: متقلقيش سلام بقا علشان مش فاضي
شمس بعياط لنفسها:هو مش المفروض يسمعني هو عارف اني قريبه من بابا ازاي مهتمش انو يسمعني حتي
عدا اسبوع منعرفش حاجه عن بابا وحتي نور مسألش عليا حتي
والده شمس:يابنتي كلي بقا متتعبيش قلبي
شمس بعياط:مش عايزه اكل انا عايزه بابا
والده شمس لنفسها:مش هينفع كده انا هكلم نادين تيجلها
بعد شويه..
نادين:ف اي طنط مالها شمس
والده شمس:من يوم مابابها اختفي وهي ع كده مش عايزه تاكل ولابتبطل عياط اعمامها راحوا شغلوا يسالوا ع ولسه محدش عارف حاجه عنو
(والد شمس ظابط ف الجيش)
نادين:طب اهدي ياطنط وان شاءالله خير وانا هدخلها
شمس:مش عايزه اكل يانادين انا عايزه بابا
نادين:هيجي والله بس كلي الاول بقا
شمس بعصبيه:مش عاااااايزه انا عايزه بابا هو عمره ماسبني لوحدي
نادين:خلاص اهدي وبطلي عياط هيجي والله
بعد شويه فون شمس رن
شمس:بابا....
بدل ماتدور وتبحث علي الروايات خليها علي تليفونك وحمل تطبيقنا
