Ads by Google X

القائمة الرئيسية

الصفحات

روايه العوض الفصل الثاني


 الفصل الثاني

شمس: بابا انت فين مال صوتك
والد شمس: اهدي ياشمس انا كويس
شمس: طب انت فين الفتره دي كلها
والد شمس: ف مشكله حصلت وودنوني ع مكان عزل بعيد عن الشغل واحتمال معرفش اكلمكوا لمده سنه
شمس بعياط:يعني اي بابا مش هشوفك كل ده انا مبعرفش اعيش من غيرك ساعة ده اسبوع عدا عليا بالعافية انا مبعرفش اتعامل مع الناس غير وانت جمبي مبعرفش اعتمد ع نفسي من غيرك ارجوك يابابا متسبنيش
والد شمس بحزن:لازم تكوني قويه ياشمس انا كنت غلطان لما خليتك متعرفيش تعتمدي ع نفسك متخفيش عليا انا كويس
شمس: وانا مش كويسه من غيرك
والد شمس: هكلمك تاني ياشمس حياتي والله
شمس: يابابا بس
والد شمس: مع السلامه ياشمس
شمس بعد ماقفلت مع والدها انهارت من العياط ع والدها هو كان كل حاجه ليها ف الدنيا أزاي يسبها لوحدها كده
بعد شويه شمس رنت ع نادين علشان تحكليها ع اللي بيحصلها وانها مخنوقه بس لقتها نايمه فافكرت ترن ع نور اكيد هيسمعني لما يلاقيني مخنوقه كده
نور: الو ياشمس ف اي
شمس بعياط: مخنوقه يانور وبابا
نور بمقاطعها: عارف يانور اللي حصل متقلقيش
شمس بعياط: بس يانور انا
نور بمقاطعها: طب ياشمس انا مش فاضي هقفل دلوقتي سلام
شمس بحزن لنفسها: اكيد مش فاضي فعلا
تاني يوم نادين راحت لشمس
نادين: كفايه بقا ياشمس عياط عمو هيبقا كويس
شمس: هقعد سنه كامله مشوفهوش طب ازاي ده انا مبعرفش اطمن غير لما يكون معايا
نادين: كل حاجه هتعدي بس كلي الاول بقا انتي مكلتيش من امبارح وكمان علشان هنبدا دراسه بكره
شمس: مش عايزه اعمل اي حاجه ولااروح المدرسه ولااحضر دروس سبيني بقا
نادين: مينفعش انتي بتقولي اي لازم تحضري طبعا
شمس بشهقات عياط: مش هعرف وهخاف اني اتكلم مع حد وانا مبعرفش اتكلم مع الناس من غير بابا






نادين: لا هتعرفي مش يمكن ربنا عمل كل ده علشان يخليكي تعتمدي ع نفسك
شمس: انا عايزه انام
نادين: كلي ونامي طيب
شمس بصراخ: مش عااااايزه اكل
نادين خرجت من اوضه شمس بحزن ع حالتها اللي بقت فيها
والده شمس: ها يانادين كلت
نادين: للأسف ياطنط مكلتش حاجه ومش عايزه تتكلم مع حد ولا تروح المدرسه حتي وده مش هينفع لازم تفهم انها فتره وهتعدي وان الدنيا مش هتقف
والده شمس بحزن: والله ماعارفه اعمل معاها اي هحاول اكلمها يمكن ربنا يهديها
نادين: ان شاءالله ياطنط انا لازم امشي علشان اتأخرت
والده شمس: ماشي يابنتي مع السلامه
الليل جه وشمس لسه زي ماهي نايمه وبتعيط
والده شمس: اصحي ياشمس كفايه نوم بقا
شمس: عايزه انام يماما سبيني معلش
والده شمس: طب تعالي انيمك ف حضني
شمس حضنت مامتها وفضلت تعيط بحزن ع ابوها وع حب عمرها اللي مش مهتم يعرف عنها حاجه
والده شمس: لازم ياشمس تنزلي المدرسه السنه دي هتحدد مستقبلك مش هينفع
شمس: يماما انتي عارفه صعب اني اروح المدرسه واخرج من غير ما بابا يكون معايا
والده شمس: ابوكي ديما يقولك جربي واغلطي بس اتعلمي من غلطك انتي روحي مدرستك وحولي يكون ليكي صحاب حتي لو حصلت مشكله حولي تحليها معرفتيش هجيلك بس لازم تعتمدي ع نفسك الاول
شمس: يماما انا محدش بيوافق يكلمني وبيقولوا عليا مغروره علشان واخدها جمب وف حالي انا بكون عايزه اصحابهم بس هما بيضيقوني بكلامهم انا مليش صحاب غير نور ونادين بس
والده شمس: طب ماتحاولي تقربي منهم تتكلمي معاهم
شمس: هحاول
والده شمس بفرحه: يعني هتروحي مدرستك بكره
شمس: هروح بس بابا مش هيوصلني زي كل سنه ولايجيبلي سندوتشات من اللي بحبها الصبح ولا هنضحك انا وهو ونروح متأخرين ولا يدخل يقعدني ف فصلي ويفضل قاعد لحد مااول حصه تعدي ولاهيجي يجبني من المدرسه ويقعد يذاكرلي
والده شمس: طب ومينفعش انا اعمل كل ده مره لبنتي واحده بس اعتبري ان انا اللي طلبت من بابا اني اروح معاكي مره اي رايك
شمس: موافقه





والده شمس: طب يلا ننام علشان هنصحا بدري
ونامت شمس ف حضن مامتها
والده شمس: يلا ياشموسها هنتاخر ع المدرسه
شمس: خلاص يماما صحيت اهو
والده شمس:يلا اجهزي بقا
شمس بنسيان:طب صحي بابا بقا علشان هياخرني يابابااااااا يلا اصحا
والده شمس بحزن:شمس حبيبتي انتي نسيتي
شمس:غايبه صعب ياماما عليا
شمس وهي بتفتكر
Flash back..
شمس:ماتصحا بقا ياعم هنتاخر ع المدرسه
والده شمس:صحيت اهو يسطا
شمس:انا لبست خلاص اي رايك
والد شمس:قمر زي كل يوم طبعا
شمس:هنتاخر ع فكره يلا
والد شمس:بحضرلك سندوتشاتك علشان عارف انك بتحبيها من ايدي
والده شمس بضحك: انا بقول امشي احسن بقا
شمس: ملناش غيرك ياست الكل
والد شمس: انتي وشمس كل حاجه ليا ومنقدرش نستغنا عن وجودك
والده شمس: ربنا يخليكوا ليا
شمس: كده مش هنخلص يجدعان هنتاخر بقااا
والده شمس: يلا يافصيله
......
والده شمس: شمس يابنتي روحتي فين
شمس: ها مفيش
والده شمس: طب يلا بينا
شمس: يلا
والده شمس حاولت تعمل كل حاجه كان بيعملها ابو شمس علشان متحسش بغياب ابوها
جه معاد البريك وشمس قرارت تطلع من الفصل وتنزل الملعب وتحاول تتكلم مع اي حد وهي طالعه من الفصل شافت نور
شمس بحزن: مسألتش عليا ولا كلمتني
نور ببرود: مكنتش فاضي سلام علشان طالع الفصل اجيب حاجه
شمس لنفسها: ده حتي مفكرش يسألني عامله اي ومخدتش بالوا حتي اني لاول مره نازله الملعب
نادين: اي يا شمس عامله اي النهاردة
شمس بصوت مكسور: كويسه
نادين: انتي كلمتي نور
شمس: اها لسه دلوقتي بس كان مستعجل
نادين بسخريه: واي الجديد ماهو ع طول مستعجل
شمس: انا نازلة
نادين بااستغراب: نازله فين
شمس: الملعب
نادين بفرحه: طب هاجي معاكي
شمس: لا عايزه انزل لوحدي
نادين: طب لو حصل حاجه هجيلك
شمس: ماشي
نزلت شمس ولقيت صحابها كلهم بيبصلها بااستغراب علشان او مره تنزل معاهم البريك اصلا شمس لقيت شله صحاب واقفين مع بعض فضلت متردده انها تروح تتكلم معاهم لحد ماقرارت تكلمهم
شمس: صباح الخير
رينا بسخرية: اي ده مانتي بتتكلمي زينا اهو
وبدوا يتريقوا ع شمس لحد مابدات تعيط وكل اللي وقفين خدوا بالهم من عياط شمس
وفجأه......


تعليقات