الجزء الثالث العاهره العذراء
-هاجر مسرعه وبضغطه واحده على الزر لترى ما يخفيه خالها اااااااااااااااااااااه
-جمال فى صورة بشعه كدمية مقززه وكأنه شيطان لعين ذو بشرة حمراء ملتهبة كأنه قطعة من نار تصدر منه رائحة عفنة
-هاجر لم تحتمل ما رأته لم تحتمل بشاعة المنظر اللعين كان المنظر يفوق خيال الإنسان الطبيعى الذى يتعامل طول الوقت بالعلم والمنطق ولا يؤمن بالخرافات حياته عباره عن...علم+منطق =تحليل الأحداث ونتائج دقيقه، وان 1+1=2بالتأكيد
فلا يوجد علم ولا منطق هنا والنتيجه أصبحت أن 1+1=0
او ربما 0+1=1000 أصبح كل شئ متاح ماهذا الهراء لقد اختلطت عليها كل المفاهيم وجهلت كل ما تعلمته طيلة الفترة الماضيه لا تستطيع أن تفرق هل هى نائمة أم مستيقظة،هل ما تراه حلم أم حقيقه لقد فقدت قدرتها على التمييز،وسط كل هذه الصراعات بداخل هاجر وقعت مغشى عليها
-جمال أفاق مما كان فيه وخرج عن سيطرة هذا الشئ اللعين الغامض وعاد لطبيعته وهرول إليها مسرعا
-جمال افيقى ارجوكى يا صغيرتى لست بسئ سأعترف لك بكل شئ لا تتركينى يا هاجر،أقسم لك إنى أحبك كأنك ابنتى،لن اؤذيك أبداً،هاجر،هاجر
-هاجر لم تنطق فهى فقدت الوعى تماما فأسرع جمال بطلب الأسعاف وذهبو إلى أقرب مستشفى
-الطبيب بعد خروجه من غرفة هاجر هرول إليه جمال مسرعا وقال له بصوت مرتعش،قلق...طمنى يادكتور عليها لو سمحت
-الدكتور هى كويسه دلوقتي،اتعرضت لهبوط حاد فى الدورة الدموية بس الحمدلله كله تمام دلوقتي،محتاجه بس لشوية راحه وحتخرج معاك آخر اليوم
-جمال:الحمدلله،الحمدلله
-فى كلية هاجر؛
-بسمه بقلق على هاجر اللى كانت كلها حماس للدراسة ومش عايزه اليوم يخلص وفجأه تختفى من تانى يوم كده،اكيد فى حاجه حصلت يارب تكونى بخير يا هاجر،ياترى ايه اللى عطلك وكمان فونك مقفول ييييييه
قالتها بسمه بضيق وقلق على هاجر ثم انطلقت للمحاضره
-مالك بعد أن القى التحيه بدأت عيناه تدور فى جميع أركان المكان باحثا عن هذا المغناطيس الذى جذبه من أول نظرة
-مالك:أشعر بتناقص فى العدد اليوم،هل من غائب؟؟
-بسمه:نعم،هاجرلم تحضر اليوم
-مالك دون أن يشعر،لماذا،ولماذا لا تتصلين بها؟
-بسمه،أتصلت بالفعل وكان هاتفها مغلق
-هل تعرفين عنوان منزلها؟
_نعم أعرف
-مالك باهتمام،إذا ماذا تنتظرين؟؟
-بسمة بتعجب،هل تريد أن أذهب لها المنزل دون استأذان،وأنا لا أعرفها سوى بالأمس
-مالك،آسف لم أقصد كنت أحاول طرح بعض الاقتراحات
فالنبدأ المحاضره ولكن لم يستطع مالك أن يكمل المحاضره كانت الأفكارتأكل فى رأسه فألغى المحاضرة واعتذر
- فى المستشفى
-هاجر افاقت وهى تتمتم،ساحر،مشعوذ،دميه،ملعون،ساحر، أمى،ياسين،ساحر، خالى وصرخت صرخة افاقتها ااااااااااااااااااااااه
-جمال،اهدأى ارجوكى فالتهدأى قليلاً أنا بجوارك اهدأى
-هاجر بفزع،أبعد عنى أيها المشعوذ،لا تلمسنى
-جمال والدموع فى عينيه،لا تخافى لن اؤذيك أبداً يا هاجر، أنتى ابنتى، اهدأى، اهدأى
-هاجر قبل أن تبدأ فى أسئلة لا حصر لها، قاطعها جمال قائلاً أعرف كل الاسئلة التى تدور فى ذهنك الآن،سأجيب عليها جميعاً ولكن بعد عودتنا إلى المنزل
-هاجر بسخرية،هههههه أى منزل؟؟لن أذهب معك الى هذا المنزل الملعون أبداً
-جمال،يا هاجر تعالى معى سأوضح لك الكثير من الاشياء وبعدها لكى مطلق الحريه فى الاختيار،كونى مؤمنة تماماً اننى لن ارغمك على أى قرار،واساعدك فى تحقيق اختيارك وقرارك النهائى مهما كان،اومأت رأسها بالموافقه
-فى بيت جمال
-أنا برئ ياهاجر برئ من كل أفعال سمية زوجتى،صدقينى لم أكن أعلم أى شئ نهائى لقد علمت متأخر،متأخر جداً للدرجة إننى لم أستطع عقابها على افعالها
.....فلاش باك بحياة جمال وسمية.......
-جمال،حبيبي القمر زعلان ليه ومكشر
-سميه،لا أبداً مش مكشرة،أنا اتعودت يا جمال خلاص
-اتعودتى على إيه يا حبى؟مالك بقيتى تعشقى النكد كده؟
-أنت عارف يا جمال إنى عمرى ما كنت نكديه وفى أصعب الأوقات اللى مرت علينا
-عارف يا حبى والله ومقدر حالتك،بس زى ما أنتى اتحرمتى من الامومه،أنا كمان اتحرمت إنى أكون اب ومع ذلك أنا بضحك وعايش حياتى بشكل طبيعي،أنتى عارفه ليه يا سميه؟
-ليه يا جمال؟؟
-علشان أنا مكتفى بيكى انتى وبس وشايفك بنتى ومراتى وحبيبتى وكل حاجه،بجد أنا مش حاسس انى ناقصنى حاجه
-عارفه يا جمال والله وعارفه إنك مش بتكذب بس لحد إمتى؟إحنا بنكبر يا جمال وانت ميسور الحال وتقدر تتجوز بدل الواحده اربعه واكيد اليوم ده جاى لا محاله
-أنتى غبيه أوى يا سميه أنا عمرى ما هتجوز عليكى
-طلقنى يا جمال مش قادره أكون انانيه أكتر من كده،الدكتور قال أنه العيب منى أنا وانت من حقك تخلف وتجيب وريث يشيل أسمك وثروتك دى كلها
-مش عايز غيرك يا سميه ومقدرش اكون مبسوط مع حد غيرك،أنابحبك،بحبك،افهمى بأه،ها فى نكد تانى ولا شطبنا النهارده ههههههههه
-سميه رجعت تهزر وتضحك مع جمال بس من جواها مش قادره تصدق أنه مش حيتجوز عليها ويمكن كمان متجوز ومش قايل،كل المخاوف دى خلت سميه تقرر أنها تبدأ رحلة علاج مكثفه عند أكبر واشهر الدكاتره،لحد لما الدكتور قلها أنها مستحيل تبقى أم وأنهم عملو كل اللازم وربنا ما قدرش وأنها تصبر وربنا أن شاء الله هيعوضها خير
_خرجت سميه من عند الكتور مشيت وهى مش شايفه الطريق،كان عندها أمل أنها تبقى أم فى يوم من الايام وتحافظ على جوزها وبتها بس خلاص قطعت الأمل فى كل شئ مش شايفه حاجه ممكن تعيش علشنها،ماشيه وغرقانه دموع وبتدعى دعوه واحده بس يارب أموت قبل ما اشوف جمال عريس وفى حضن واحده تانيه لحد ما وسوس لها الشيطان ليه تستنى الموت روحيلو أنتى 
-سميه ايوه مش حستنى أموت بالبطئ وأنا شايفه جمال مع واحده تانيه وعايشه كده من غير أمل فاتجهت مسرعه الى مكان هادئ لتلقى بنفسها من فوق الكبرى وعلى آخر لحظه وأثناء عزمها على الانتحار رأتها أحد الماره فصرخت وامسكت بها وصرخت فى وجهها ماذا تفعلين ولماذا؟؟
ولما تتركين اطفالك يحترقون شوقاً لك
_ضحكت ثميه ضحكة قهر وخذلان
لا تخافى أنا من احترق شوق لهم،لم أنجب اطفال حتى الآن
-ضحكت السيده قائله إذا كانت هى مشكلتك فلا تقلقى
اسمع دكتور بيعمل المعجزات وستات كتير جداً كانو فاقدين الأمل والآن معهم طفل واثنين
-ابتهجت ثميه لما سمعته وتجدد فى قلبها الأمل
وأخذت العنوان والاسم ورقم االهاتف وشكرتها بحراره وانطلقت الى الطبيب فهى لا تريد أن تضيع لحظه واحده
-سميه، السلام عليكم
-الممرضه، وعليكم السلام، أسمك وسنك
-39سنه واسمى ثميه
-تفضلى حتى يأتى دورك فى الدخول
-جلست ثميه بجوار سيده وتنهدت بارتياح وتفاؤل وبدأت تسأل السيده:
هو ليه مفيش شهادات تخرج ولا الحيطان مليانه شهادات تقدير والذى منه زى كل الدكاتره
-السيده هههههه دكاترة إيه وبتاع ايه هما الدكاتره يعرفو يعملو ربع اللى بيعمله الدكتور راضى
-سميه بفرح بجد يعنى شوفتى نتاي.
السيده، طبعا وبعدين ده مش دكتور بشهادات زى ما انتى فاهمه يعنى مش متخرج من طب
_سميه بتعجب، امال متخرج من ايه؟؟
-السيده، يابنتى ده دكتور روحانى، عالم بس إيه بيعمل المعجزات
-ثمية قلبها اتقبض وقالت لنفسها يعنى إيه اللى بتقوله الست دى، معقول يكون مشعوذ يا نهار أسود بس قطعت فكرها الست وهى بتقلها صلى على الحبيب وشوفى بنتى كل الدكاتره قالولها مستحيل تخلف واهى قدامك بطنها متر ونص هههههههه
-ثميه لما شافت بعينها اتحمست وقالت حجرب وأشوف وأنا هخصر إيه يعنى بس راجعت نفسها تانى وقالت معقول يا سميه أنتى عمرك ما عملتى حاجه من غير جمال ما يعرف، انا لازم اقله ورفعت الفون علشان تتصل بس الممرضه قالتلها الفون هنا ممنوع ويلا اتفضلى الدور عليكى
قفلت ثميه فونها ودخلت للدكتور
-راضى، اهلا وسهلا بحضرتك اتفضلى يا فندم
-ثميه بتقول فى نفسها، إيه ده مش معقول يكون مشعوذ
ده شكله نضيف اوى اوى وباين من كلامه أنه مثقف وارتاحت من ناحيته بعض الشئ
-بدأ الدكتور راضى يستفسر ويشوف ايه هى أسباب منع الحمل وبدأت ثميه تحكيله بالتفصيل وبعد ما سألته وهى خايفه من الاجابه، ها يا دكتور فى أمل؟؟
-راضى اكيد أن شاء الله
سميه بتقول أنا مستعده لأى تكاليف للعلاج يا دكتور
-راضى، بصى بأه أنسى موضوع الادويه ده، أنا دكتور روحانى حضرتك وهقلك دلوقتي على طريقه لو قدرتى تنفذى شروطها حتحملى خلال أسبوع واحد بس
-سميه، بلهفه و قلق فى نفس الوقت إزاى يا دكتور
-بصى يا ستى إحنا محتاجين عذراء سنها لا يزيد عن 16سنه والباقى هقلك عليه فى الزياره الجايه مع السلامه يا مدام سميه
بدل ماتدور وتبحث علي الروايات خليها علي تليفونك وحمل تطبيقنا
