رواية عشق الصقر الفصل الثاني عشر
يسرا رنت على مصطفي عشان تقوله انها رايحه عند مامته عشان سيف عاوزها بس مصطفي مردش عليها يمكن مسمعش رنة التليفون ف يسرا اضطرت انها تروح من غير ما تقوله
___________________
يسرا:سيف في اي هي خالتو تعبانه ولا حاجه
سيف:لا مفيش حاجه من دي خالص متقلقيش كده
يسرا:رنيت عليا وبتقولي عاوزك ضروري حتى مقولتليش على التليفون ومش عاوزني اقلق
سيف:اقعدي بس كده
يسرا:اومال فين خالتي
سيف:جوه في اوضتها بتقرأ قرآن
يسرا:طيب هدخل اسلم عليها واجيلك اشوف المصيبه اللى جايبني عشانها
سيف:ههههه طيب بس هي مش مصيبه ولا حاجه
يسرا:طيب يخويا هسلم عليها واجيلك
_______
يسرا: السلام عليكم..ازيك ي خالتو
والدة مصطفي: وعليكم السلام يحبيبتي اي المفاجاه الحلوه دي
يسرا: ابنك يخالتو
والدة مصطفي:عمل اي بس..طب قصدك سيف ولا مصطفي
يسرا:سيف يخالتو ..لقيته بيرن علياا وبيقولي عاوزك ضرورى فجيت اشوف في اي
والدة مصطفي: الواد ده مش هيبطل ازعاج في الناس كده
يسرا:هههه عادي يخالتو..انا طالعه دلوقتي اشوفه كان عاوز اي وانتي كملى قراءه. وادعيلى
والدة مصطفي:طيب يحبيبتي ربنا يصلح حالك يارب
____________
يسرا:خير يجلاب المصايب عاوز اي
سيف:هههه طول عمرك هتفضلي تبهدليني كده
يسرا:وهبهدلك اكتر لو مخلصتش وقولت انت عاوز اي
سيف:نور
يسرا:نور؟! قصدك نور صاحبتي
سيف:ايوه
يسرا:مالها طيب
سيف:عاوز اخطبها
يسرا:تصدق انك عاوز تضرب جايبني المشوار ده كله ومصطفي في الشغل ومش عارف انا فين وجايه وانا اعصابي مدمره ومفكره ان في حاجه وفي الاخر تقولي عاوز اخطبها ...طب ما كنت تقولي في التليفون او تيجي البيت او تقول لمصطفي لي ده كله بس
سيف:اي اي اهدي بس وأنا هفهمك
يسرا: طيب اتفضل قول اللى عندك واعرف افيدك ازاي
سيف:بصي انا مقولتش لمصطفي وقولتلك انتي عشان انتي عارفه نور اكتر من اي حد
يسرا:طب مجيتش البيت ليه كلمتني في الموضوع انا وصقر
سيف:مش عاوز اسيب ماما لوحدها بقى وكده ده انا كل ما اطلع من البيت الاقيها تقولي خليك قاعد معايا يبني فبصراحه بتصعب عليا
يسرا بمزح:اه يحنين طيب يا اخوياا هحاول اصدق الحجه بتاعتك دي..قولي انت بتحب نور؟!
سيف: يعني جايبك وبقولك عاوز اخطب نور وبعدين تقوليلى انت بتحبها اومال هكون بكرهها مثلا
يسرا: يعم خلاص اصبر عليا انا بفهم بس..طب هي بتحبك
سيف:مش عارف لي بحس كده ان هي بتبادلني نفس الشعور مع اني اول مره اقابلها امبارح بعد ما سافرت يعني بقيت بعيد عنها وعنكم مدة طويله بس بجد انا بحبها نظرة عينيها سحرتني قلبي دق لما شوفتها مش عارف اوصف الشعور اللى حسيته اتجاها بجد شعور حلو اووي بس مش عارف اوصفوا
يسرا:اااه يجدععع كل ده مخبيه من امته يواد بقيت رومانسي كده ده انت طول عمرك مبتعرفش تجمع كلمتين على بعضهم هههههه
سيف:بطلى رخامه بقى وقوليلى اعمل اي
يسرا: تعرف عن حاجه اسمها حب الطفوله
سيف:ايوه بس اي علاقته بالموضوع
يسرا:على ما اعتقد انك حبيتها وانت طفل اصلا هههههه ده انت كنت بتخاف عليها اكتر من نفسك
سيف:هي كانت صديقتنا من واحنا صغيرين اه وبخاف عليها من اي حاجه وكنت بحب أنها تيجي عندك عشان نلعب بس مش معني كده اني بحبها هههه
يسرا:يعم اتنيل ده انت كنت عيل بس واقع مش عارفه ازاي هههه المهم هي كمان بتحبك على فكره
سيف:بتتكلمي بجد.طب هي اللى قالتلك..قوليلى بس عرفتي ازاي
يسرا:من طريقة كلامها عنك باين انها بتحبك حتى كانت بتسالني عليك وانت مسافر وانت كمان على فكره كنت بتسالني عليها بس بطريقه مش مباشره عشان محسش بحاجه بس انا بكشفك على طول ههههه
سيف:طب انا عاوز اخطبها
يسرا: مستعجل كده لي
سيف:خايف لحد ياخدها مني
يسرا:متخافش.اصلا في نااس كتير اتقدمولها قبل كده وهي رفضت وكل ما اسالها على سبب رفضها تقولي مغيش حد مناسب
سيف:يعني لما اروح اتقدملها ان شاء الله متوافق
يسرا:اكيد ان شاء الله
______________________
مصطفي:يسراااا يسراااا .راحت فين المجنونه دي
مصطفي فضل ينادي عليها ودخل اوضة الاطفال وباقي الشقه ومالقهاش
مصطفي:يمكن تكون نزلت تحت تشترى حاجات
________
يسرا:طيب يا سيف امشي انا بقى عشان اتاخرت وزمان مصطفي جه من الشغل
سيف:طيب وانا انشاء الله جاي بكره انا وماما عندكم ونقعد سوا نشوف هنعمل اي في موضوع نور ده
يسرا:طيب تمام.وادخل بردو دلوقتي وكلمها في الموضوع
سيف:طيب تمام..ابقى سلميلى على درش
يسرا:طيب مع السلامه
___________
مصطفي اخد شاور واتوضى وصلى ولسه يسرا مجاتش
مصطفي:لا بقى اكيد في حاجه معقول كده تطلع بره البيت من غير ما تقولى
مصطفي قعد يكلم نفسه ومحتار يتراا يسرا هتكون راحت فين من غير ما تقوله
مصطفي:ممكن تكون رنت علياا عشان تقول انها خارجه بس انا مسمعتش التليفون وقتها يوووووه بقى
مصطفي فكر أنه يرن عليها (جاي يرن سمع صوت التليفون في الاوضه دخل يشوفه لقاها نسيته في البيت قبل ما تنزل)
مصطفي:طيب يا يسرا اصبري علياا بس هوريكي ازاي تطلعي بره البيت من غير ما تقولي وكمان سيبالى التليفون في البيت
مصطفي وهو لسه بيكلم نفسه سمع صوت باب الشقه وهو بيفتح جري من الاوضه وطلع يشوفها كانت فين
مصطفي: كنتي فين يا يسرا انطقي
يسرا وهي بتتنهد: اي ي صقر اصبر حتى لما ادخل
يسرا قغلت الباب ودخلت الاوضه ومصطفي راح وراها
مصطفي:انطقي بقى كنتى فين
يسرا:سيف كان عاوزني ضرورى فروحت اشوفه
مصطفي بغضب:سيف؟! وكان عاوز اي استاذ سيف بقى ان شاء الله
يسرا:في اي بس انت محسسني اني كنت بتفسح مثلا وبعدين انا رنيت عليك عشان اقولك وانت مش بترد
مصطفى: مسمعتش التليفون ولما شوفته رنيت عليكي ومردتيش ولما جيت هنا ومالقتكيش موجوده رنيت عليكي اعرف انتي فين لقيتك ناسيه التلفيون هنا
يسرا:اي ده انا نسيت خالص التليفون اصلا ..خلاص حصل خير بقى
مصطفي بعصبيه شديده:بعد كده لو عرفت انك خرجتي في اي مكان من غير ما اعرف مش هيحصلك كويس يا يسرا حتى لو نزلتي السوبر ماركت اللى جمبنا ده من غير ما تقولي بردو مش هيحصلك كويس فهمتي
يسرا بملامح حزينه:طيب انا داخله احضر الغدا بسرعه
يسرا دخلت المطبخ تحضر الغدا ومصطفي قعد في الاوضه
____
مصطفي وهي يحكي مع نفسه:اكيد زعلت مني ياااربي نفسي بس اسيطر على عصبيتي الشديده دي خصوصا مع يسرا انا بس كنت خايف عليها اووي وهي بعيده عني انا لازم اقوم اصالحها دلوقتي
مصطفي دخل المطبخ وشاف يسرا وهي بتحضر الغدا وهي بتبكي زي الاطفال وبتكلم نفسها يارب بقى انا تعبت هو لي بيزعق فيا كده انا معملتش حاجه غلط
مصطفي قرب منها وخبط على كتفها ويسرا إلتفتت
لورا وشافت مصطفي
يسرا:اي ده انت كنت واقف هنا من امته
مصطفي بهدوء:جاي اساعد مراتي ..عندك مانع
يسرا:هااا ....اه عندي مانع اتفضل روح على اوضتك على ما اخلص
مصطفي قرب منها اكتر ومسك ايديها وقبلها وبيقولها انا اسف
يسرا بضعف:.......
بدل ماتدور وتبحث علي الروايات خليها علي تليفونك وحمل تطبيقنا
