رواية توأمان وقلب واحد البارت الرابع عشر
وقفنا عند حبيبه لما اعترفت لأمير بإنها ال كانت بتكلمه طيله 15 سنه
أنا حبيبتك يا أمير ومش حور
إنفجر أمير ضاحكا لا يصدق كلامها ولا يستوعبه
حبيبه بإستغراب. أمير. انت بتضحك ليه
أمير بيضحك بهستيريه. .....
حبيبه بصوت عالى أمير انا بكلمك رد عليا
أمير بضحك انت شكلك تعبانه يابيبه. روحى ارتاحى دلوقتى وتتكلم بعدين
حبيبه. أنا مش تعبانه. يا أمير ولازم تصدق ان دى الحقيقه
أمير حبيبه انا عارف هزارك بس بجد الهزار دا سخيف جدا وشكلك اتجننتى
حبيبه. لأ مش هزار ولا جنان دى الحقيقة ال خيبتها عنك. والكل يعرف بيها أنا هثبتلك بصوت مرتفع ماما. بابا خالتو. حمزة
أمير. بطلى جنان بقا
الكل اتجمع على صوت حبيبه
محمود ف ايه يا بنتى صوتك عالى ليه
حبيبه بابا. قول لأمير مين ال كانت بتكلمه شات أنا ولا حور
محمود انت بتقولى ايه يابنتى
أمير. حبيبه شكلك تعبان جدا روحى ارتاحى
حبيبه انتوا هتجننونى. أمير صدقنى أنا ال كنت بكلمك. حمزة ارجوك أمير لازم يعرف الحقيقة أنا مش هبنى حياتى على الكذب
حمزة. أمير. دى الحقيقة حبيبه فعلا هيا. ال كانت بتكلمك مش حور والكل عارف كدا كويس
أمير. بصدمه انت بتقول ايه
هاله. ضدقه يا أمير.
أمير أصدق ايه. اصدق ان كل ال عشته كذبه ان حبى لحور كذبه
حبيبه أنا آسفه والله عارفة ان كذبت عليك. بس والله كان غصب عنى
أمير. بغضب غصب عنك. ان تكذبى عليا كل السنين دى. طيب مش قولتيلى ليه لما نزلت ان انتى سيبتينى اتجوز اختك. وانت عارفة ان مشاعرى وحبى البنت ال بتكلمى طول السنين دى. حرام عليكى. أنا مبقتش فاهم ولا عارف أنا حبيت مين فيكم
حبيبه كنت خايفه اقولك متسمحنيش
أمير كان ممكن اسامحك. بس دلوقتى بقى صعب عليا اسامحك وسابهم وخرج
يسرا. ايه يابنتى قولتيله احنا مصدقنا ان الأمور كانت اتعدلت بينكم
حبيبه كنت هعيش ف وجع ضمير لو فضلت بكذب عليه
يسرا بس حور ماتت وهو حبك انتى
حبيبه. تفتكرى. حبنى. ولابس كان شايف ان بيعوض حبه ال فقده
يسرا. وحبه دا كان مين. انتى بردوا. زمان كانت بيحب حبيبه ودلوقتي حبيبه
حبيبه بس هو ميعرفش كدا. كان لازم يفهم. ويعرف
حمزة. حبيبه عندها حق ياماما وأمير لو بيحبها هيسامحها
هاله. هيسامح. أمير قلبه طيب ومش هيقدر يبعد تانى عن حبه
بعد عدة ساعات
رحمه كانت ف الفندق قلقانه كتير على خالد من وقت اتصال باباه خرج ومرجعش الكلام دا من ساعات فاتت. قلبها كان وجعها خايفه يكون حصل حاجة ازاى كل الوقت دا لا يملكها ولا يسأل عنها
ف فيلا يسرى. خالد كان واقف مع باباه بياخدوا عزاء أحمد.
محمود البقاء لان يايسرى. شد حيلك
يسرى. أحمد كان امانة أخويا ليا ومقدرتش انقذه
محمود. هو اختار طريقه وانت مأثرتش معاه ادعيله ربنا يغفره ويرحمه
يسرى يارب
حمزة. خالد شد حيلك.
خالد. مكنتش بكرهه يا حمزة. صدقنى هو ازانى كتير وعمرى ما كرهته. ولا أذيته عمرى ما اتمنيت ان يموت
حمزة. دا عمره يا حمزة قول الحمد لله هو حاول كتير يجري رجللك للطريق دا. بس انت كنت أقوى منه. وربنا حفظك
خالد. ربنا يرحمه ويغفرله
يسرى. خالد يابنى
خالد نعم يابابا
يسرى. اتصل على مراتك يابنى خليها تيجى بيتها
خالد. بس انت .... قاطعه يسرى
أحمد قالى الحقيقة قبل مايموت وهو ال خلانى اكلمك كان عايزك تسامحه انت ورحمه بس للأسف ملحقش
خالد انا مسامحه يابابا. وان كان على رحمه متأكد انها هتسامحه. أنا هتصل بيها تيجى
بعد مرور ساعه
رحمه خالد فيه ايه وازاى أحمد. مات
خالد. هحكيلك بس شويه على ما الناس تمشى
يسرى. رحمه يابنتى حقك عليا أنا ظالمتك وطعنت ف شرفك انا كنت معمى بكلام أحمد انا آسف
رحمه ولا يهمك يا عمك انت زى بابا وانا مستحيل ازعل منك.
يسرى ربنا يحفظك ويكملك بعقلك
مر الوقت. وانتهوا من العزاء
داخل غرفة خالد.
رحمه البقاء لله يا خالد بس بردوا مات ازاى فجأة
خالد مش فجأه ولا حاجة. أحمد كان بيموت كل يوم.
رحمه ازاى يعنى
خالد. أحمد كان مدمن مخدرات وبيشرب بكثرة. وبسبب جرعه زيادة اتنقل المستشفي بس للأسف ملحقناش ننقذه ولما وصلت كان ميت بالفعل
رحمه لا حول ولا قوة الا بالله. بس انت كنت عارف ايه مش حاولت تنقذه
خالد حاولت كتير ودخلته مصحه مرة واتنين. وكان بيهرب ومش بيكمل علاجه. وكمان حاولت يجر رجلى معاه لما كنت متضايق وفاكر ان بحب حبيبه وانها هتموت ومش نقدر انقذها قعدت فترة بسبب قله حيلتى اشهر واشرب. لحد ما حمزة جه وفوقنى ورجعنى لنفسى
رحمه. آسفه يا حبيبى ان كنت قلبت عليك المواجع
خالد. أنا كنت بحبه اووى يارحمه مكنتش عايز اخسره بأى طريقه. بس خسرته. ومقدرتش انقذه. ارجوكى يا رحمه. سامحيه هو كان طالع كدا قبل مايموت. أنك تسامحيه وقال لبابا الحقيقة
رحمه مسامحاه يا خالد. ربنا يرحمه ويغفر له
أمر كان قاعد. بيسترجع كل ذكرياته ال كان فاكر ان حور ال مشاركاه فيها.
حمزة. الوووو. أمير انت فين
أمير. أنا عايز ابقى لوحدى
حمزة أمير اخلص وقولى انت فين
أمير. ف شقتى.
حمزة. طيب أنا جايلك
بعد نصف ساعة
حمزة. وبعدين فيك. قاعد هنا ليه اتفضل نروح
أمير سيبنى لوحدى يا حمزة
حمزة لأ مش هسيبك أنا سيبتك قبل كدا بس النهاردة مش هتبات بعيد عن بيتك ولا يوم. قوم يالا
أمير. انت عايز منى ايه سيبنى ف حالى
حمزة مش أنا ال عايز انت ال عايز تفهم عايز اجوبه لأسألتك وحبيبه بس ال هتجاوبك. روح واتكلم معاها خاليكم واضحين. وافهم وجهة نظرها مش يمكن كان عندها حق
أمير عندها حق ف ايه انها تبعد عنى وتكلمنى بإسم اختها هي ازاى قدرت تعمل كدا
حمزة. شوفت انت بتقول ازاى قدرت تعمل كدا. حبيبه اتوجعت كتير ياأمير ولازم تسمع منها قوم روحلها وبلاش تبعد عن حبك تانى بعدت مرة كفايه بقا
أمير. رجع مع حمزة
حمزة. احممم. رنا أنا عايزك تيجى معايا
رنا فين. يا حمزة
حمزة. عند باباكى. هو طالب يشوفنا
رنا. بتتكلم بجد. يا حمزة بابا عايز يشوفنى. تفتكر هيسامحنى
حمزة. دلوقتى هتعرفى
حبيبه ف قوضتها حاضنه حور. وبتبكى
هو أنا ممكن اكون غلطت لما حكيت ياترى حور هتزعل منى عشان عرفت أمير بحقيقه مشاعره تجاهها. طيب هو أنا ال بحب أمير ولا قلب حور ال جوايا.
أنا ايه ال بيحصلى.
بدل ماتدور وتبحث علي الروايات خليها علي تليفونك وحمل تطبيقنا
