رواية احببتها مقاتلة الفصل العاشر

 

#أحببتها_مقاتلة

البارت العاشر....

حمزة=عاااااااالية حاسبي...

وبسرعه كان حمزة دفع عالية لورا

...المصباح وقع جامد...

عاليه كانت مغمضه عنيها وحاطه ايدها على وشها...بدأت تشيل ايدها...لقت أن وشها فوش حمزة...بس أي ده...حمزة عنيه حمرة أوي ومليانه دموع ووشه كله مياة...بس نظراته كانت موجهة لعالية.....

الطلبة كلهم جريو على الصوت...وفجأة صديق حمرة صرخ وجري عليه....

مصباح الأضاءة كان واقع على رجله لأن حمزة طويل...بس هو كان حامي جسم عاليه بيه...

عالية لفترة كانت مصدومة،ومركزة بس مع عنين حمزة الل كانت متعلقه فعنيها...وفجأة قاطع سرحانهم صريخ صاحب حمزة وبقيت الطلبه...وجريو علي حمزة وشالو المصباح...

حمزة فالوقت ده حس برجل جامد،فصرخ بصوت عالي..

عاليه قامت بخوف=ينهار أسود!!المصباح وقع عليك يحمزة....

حمزة بصلها بألم وقال=متخافيش هبقا كويس متخافيش يعالية....

الطلبة شالو حمزة وثبتو رجله وأخدوه بسرعه على المستشفى،وعالية كانت بتعيط وجربت معاهم....

فالوقت ده كان في بنت بتلعن حظها وبتأنب نفسها لأن حمزة هو الل اتصاب مش عالية....

فالمستشفي...

عالية =هاااا يدكتور طمننا ارجوك...

الدكتور=متخافوش،هو عنده كسر جامد شوية فرجله بس وأحنا دخلناه العمليات وقمنا باللازم.....

عالية بدموع =أنا السبب،انا السبب...

فارس صاحب حمزة مشي نحيتها.

=ممكن متعيطيش،لأن حمزة مبيحبش يشوفك زعلانه....

عالية بدموع وبصتله بصدمة=ليييه،هو ليييه بيعمل معايا كده،هااا...ليه يخاطر بنفسه عشاني،انا مجرد زميلة ليه....هااا ليه مهتم بيا...

فارس=يعني بعد كل ده ولسه مش فاهمة ان حمزة بيحبك يعالية!!

عالية بصدمة=اييييييه!!!بيحبني انا!!

فارس=اااه انتي،هو مستعد يضحي بعمره كله عشانك،ممكن يعمل اي حاجه عشان يشوف ضحكتك بس....

عالية كانت ساكته ودموعها بتنزل...

فارس كمل=مفكرتيش مين الل كان بيبعتلك وردة ورسالة تفائل كل يوم ولمدة شهر فالكلية...وكان بيكتبلك فيها ابتسمي!!

عاليه=انتي ازاي عرفت موضوع الورد؟!!!انا فكرت ان زميله ليا هي الل بتبعتهم

فارس=مين زميلتك دي الل هتهتم بيكي كل ده،لأ طبعاً حمزة الل كان بيبعتهم عشان الفترة دي انتي كنتي زعلانه فيها من حاجه وهو مكنش بيحب يشوف زعلك.......

عالية قعدت على الكرسي بتعب...وبدأت تفتكر عنين حمزة وهم متعلقين فعنيها وخوفه عليها....وبدات تعيط وتتكلم بتعب

=انا اسفه يحمزة،أسفه...

فارس=على فكرة حمزة المفروض كان اتخرج السنادي،بس هو سقط نفسه بالعند عشان يفضل معاكي ويشوفك كل يوم....

عالية قامت ومسحت دموعها..

=انا لازم أدخل اشوفه حالا....ومشيت...

فارس قعد بتعب وقال=ياريت تفهمي حبه الكبير ليكي يعالية...وأنا مش هسمح لحد يأذيكم...انا عارف كويس مين السبب فكل ده،وحسابها معايا بعدين....

عالية دخلت لحمزة،لقته مغمض عنيه....

عالية بدموع=حمزة!!

فتح عينه بسرعه =عالية!!انتي كويسه صح،اصابك اي حاجه،هااا في اي حاجه من الازاز بتاع المصباح جات فيكي...ها يعالية،بتعيطي ليه....عاااااااالية..

عالية كانت ساكته وبعدين قربت منه وقعدت قصاده بحزن...

وبعدين بصتله بضيق=تصدق انك واحد غبي يحمزة،ازاي تعمل كده كنت هتضيع نفسك عشاني،ايه مستغني عن روحك!!

حمزة ببرود=اااه مستغني عن روحي،لأن روحي هيبقا ملهاش لازمه لو اصابك انتي اي حاجه...

عالية=ليييه مقلتليش انك بتحبني يحمزة،ليه كل ده وانت بتضيع فمستقبلك بس عشاني...

حمزة بحب=عشان أنتي الحاضر والمستقبل يعالية...كنت بعمل كده عشان ابقا معاكي دايما...كل ده وانا بحبك فصمت،بس مكنتش قادر أقول لأني انا كنت عايزك تحبيني الأول...

عالية مسحت دموعها وقالت

=وأحد غبي...

حمزة =ووووه،كمان بتهزقيني...يعالية!!

عالية=اااه عشان رجلك اتعمل منها كفته بسببي...

حمزة بضحك=فداك يجميل...

عالية بضيق=اتلم يحمزة....وخبطته...

حمزة=اااااااااه...

عالية بخوف=اي،دراعك مخبوط التاني ولا اي فليلتك دي...

حمزة بضحك=لأ بهزر معاكي....

عالية بصتله بقرف وقامت عشان تخرج.....

على فكرة هنخرجك النهاردة...يكش تخف بسرعه بقا عشان المسرحية الهباب الل هتتقدم قريب دي....

حمزة بضحك=حاضر يكبيرة،متشغليش بالك انتي...

عالية ابتسمت وطلعت...وسرعان ما ابتسامتها اتقلبت لحزن...

عالية لنفسها=شكلك بتحبني اوي يحمزة،بس انا الل غبية،طول الوقت زعيق ونطر...وبعاملك بجفا...بس انت متستاهلش كل ده يحمزة....لازم اتغير شوية علشانك،وهحاول اسمح لقلبي يحبك،لانك تستاهل حب عالية وقلبها يحمزة...

فالوقت ده حد خبط فعالية...

عالية بتبص لقتها يارا...

عالية=مش تفتحي يحجه..

يارا=اوعي بس من طريقي عايزة اتطمن على حمزة...

عالية=تعالي هنا يحلوة،حمزة نام عشان تعبان...

يارا =ملكيش دعوة،هدخل اشوفه برضو...

عالية حاسه بشعور غريب

عالية بضيق=قولتلك نايم اي مبتفهميش....

فجأة فارس جه..

فارس=بس يعالية سيبيها وانا هتصرف معاها...

عالية بعند=متخليهاش تدخله يفارس..

فارس =حاضر....عالية مشيت وفارس بص ليارا....لقا الدموع فعنيها

يارا=سيبني يفارس عايزة اشوفه...

فارس مسك دراعها بضيق وشدها على جمب...

يارا=اااه يفارس ايدي....

فارس=اييييه،بقيتي انسانه وبتحسي دلوقتي،احساسك ده كان فين وانتي بتحاولي تقتلي شخص....

يارا بصدمة=ايييه،انت قصدك اي بالكلام ده...

فارس=اوعي تكوني فكراني عبيط،انا عارف انك انتي الل وقعتي المصباح وكنتي قاصده بيه عالية... بس من سوء حظك انها جات فحمزة...

يارا زقت ايد فارس..

=اااه،انا الل عملت كده،وكنت عايزة اخلص منها،لأنها هي الل سرقت مني حبي...هي السبب فأن حمزة يرفضني...

فارس=انتي اي معندكيش دم،معندكيش كرامة خالص...واحد قالك انه بيعتبرك بس صديقته واخته ومش حاجه تانيه،اي هتخليه يحبك بالعافية!!!

وبعدين عالية ملهاش زنب....لأن حمزة الل حبها من نفسه وهي مكنتش تعرف بحبه ده....

خلاص بقا طالما حمزة طلع بيحبها،تبقي تقتليها!!تقتلي نفس ملهاش زنب يا يارا....فين قلبك!!ضميرك مات للدرجة!!

يارا كانت حاطه راسها فالارض...وبتعيط...

فارس=انا عارف انك مش وحشه يا يارا...وهسيبك لضميرك لأن انتي هتجلدي نفسك على الل عملتيه ده...ومش هقولك غير كلمة واحده...أطلعي بره المستشفى ومش عايز أشوف وشك تاني يا يارا...

يارا بصتله بدموع ومشيت من غير ما تقول حاجه...

فارس قعد بوجع=الله يسامحك ييارا،لأن وجع قلبي ده كله انتي السبب فيه،اقولك ازاي اني بحبك وانتي مجنونه بحب اعز شخص فحياتي...اعترفلك ازاي وانتي بتقسي قلبك كده بس!!!!....

عدي الوقت والشباب اخدو حمزة عشان يوصلوه البيت...

عالية طلعت معاهم...ودخلوه..

عالية=اي ده امال طنط وعمو فين،قصدها ابو حمزة ومامته....

حمزة بحزن=انا عايش لوحدي،لأني اهلي اتوفو من تلات سنين...

عالية بحزن =اااه،ربنا يرحمهم...طيب مين هيهتم بيك دلوقتي..

فارس=انا هبيت معاه،مهقدرش اسيبه أبداً...

حمزة=اصيل يااابو رحاب..

عالية =والنبي انت فيك حيل تضحك...

حمزة بضحك=ووووه،اومال اموت نفسي يعني....يبنتي احنا فرش وفرافيش..

عالية بضحك=احنا فرش نحب نعيش...

حمزة=اهو شوفتي...

عالية=خلاص وانا هجيلكم بكرة واجيبلكم أكل من عمايل ايديا انما اي،حاجه امووووواه كده سكره...

فارس بضحك=ربنا يستر،انا خايف من السكره ده يجيبلنا تلبك معوي ونتنقل كلنا على المستشفى...

عالية بثقة=اخص عليك يباشا،بقا انا اعمل حاجه وحشه...

حمزة وهو حاطت ايده على خده

=لأ طبعا،عاليتي عمرها ما تعمل حاجه وحشه،لان الحلو ميطلعش منه غير الحلو الل زيه...

عالية كانت بصاله بحب...

فارس=احمممممم....اجيب اتنين لمون وشجرة ولا اعمل اي...

عالية انتبهت على فارس

عالية بتوتر =اهههه، انا،انا لازم امشي،بابا زمانه قلقان عليا بقا وكده واكيد عايز يطمن عليك لاني حكتله الل حصل...

فارس =طيب تعالي اوصلك...

عالية=لا مفيش داعي،مااانا معايا عربيتي...يلا سلام

حمزة=خدي بالك من نفسك يعالية...

عاليه بابتسامة=حاضر....ومشيت..

حمزة بفرح=انا مش مصدق اني اعترفتلها بحبي وانها معايا،هي ااه لسه مقالتش انها بتحبني،بس متأكد انها هتقولها....

عالية وصلت البيت وكان ادهم وغفران وفلك مستنينها واول ما الباب خبط جريت فلك فتحت...

فلك=عالية حبيبتي،اي الل حصل،وليه قولتي ان زميل ليكم اتصاب...

غفران=ايوه يعاليه احكيلنا،انتي قلقتينا عليكي....

عالية =طيب اهدو عليا بس وانا هقولكم كل حاجه....

عالية قعدت وبدأت تحكي الل حصل...

ادهم=ينهار اسود،يعني المصباح ده كان هيقع عليكي...

عاليه=شوفت يبابتي،بنتك المدللة كانت هتروح فخبر كان لولا حمزة...

فلك=وحمزة عامل ايه دلوقتي...

عالية=هو كويس الحمدلله...

غفران بكيد=ايوه يست،حمزة ينقذك بقا وانتي تخافي عليه،وقصت الحب الهندية دي تشتغل بقا،وحمززززززة،عاااااالية...

عالية بضيق=اتلمي يحظابط،عشان مفضحش الدنيا،دا انتي الرصاصه الل اخدتيها مكان تيم لسه متشالة..

وغفررررررران،تيييييم...

غفران بصتلها بضيق لانها غلبتها..

أدهم بضحك=ما شاء الله عليكم...قاعدين تهزرو ومعتبريني كوز درا قاعد وسطكم...

غفران بضحك=اي ياااادهومي،منتاش غريب يراجل...

عالية=ادهومي!!نينيني

غفران بضحك=متغاظ عارفك يلااا مننا متغاظ....

عالية ربعت ايديها بغيظ...

فجأة جرس الباب رن....

عالية=يترا مين الل جاينلنا فالوقت ده...دا رزل اوي انا تعبانه وعايزة انام...

غفران=طيب قومي افتحي بس الأول وبعدين ابقي اتخمدي..

عالية قامت وهي بتتوعد لغفران وبتبصلها....

فتحت الباب وفجأة شهقت بصوت...

فلك =في اي يبت مالك...

ادهم=مين جه يا عالية...

عالية اخيرا نطقت...

=دا صهررري يبابا...قصدي حظابط تيم ومعاه واحدة...

غفران وقفت بسرعه....ودخلت تلبس طرحه...

ادهم طلع لتيم....اتفضل يبني،اتفضلي يمدام،انتو شرفتونا والله....

دخل تيم والل معاه وقعدو فالصالون....

عالية بضيق=مين المزة الل معاه دي،وقعته سودة ليكون متجوزها....كده البت غفران هتفضل قاعده فأربيزي كتير....

فلك بضحك=شوف الناس فأي،وانتي بتفكري فأي،دماغك غريبه والله...

عالية=والنبي اسكتي يست المفكرة انتي مش عارفه حاجه...

غفران خرجت ودخلت سلمت عليهم وقعدت....

تيم =أحب أعرفكم يجماعه ب.....

سارة أختي ودي بنتها نور......اصرت انها تيجي تتطمن على الظابط الل افدتني بنفسها

ادهم=اهلا يبنتي،نورتينا والله...

سارة كانت مركزة مع غفران....

تيم بصلها =مالك يسارة سرحانه فأي؟؟!!!

سارة بتسأول =انا حاسه اني شوفتها،بس فين انا مش قادرة احدد بالظبط..

غفران كانت بتبصلها...

غفران=امممم يمكن اتقابلنا قبل كده مثلا...

سارة =استني،دا نفس صوتها...انا افتكرت...انتي نفس البنت؟!!!!صح!!!

غفران ببرود=ممكن اااه ووممكن لأ ...

تيم =هو في اي وبنت مين،ما توضحي كلامك يسارة...

سارة=هي نفس البنت الل انقذت حياتي يوم الحريقه يتيم،البنت الل حكتلك عنها....

تيم قام وقف =اييييييه!!!

جاري كتابة الفصل الحادي عشر من احداث الروايه اترك تعليق او عاود زيارتنا علي روايات سكيرهوم

بدل ماتدور وتبحث علي الروايات خليها علي تليفونك وحمل تطبيقنا

تعديل المقال