رودينا:اه انا لحد دلوقتي مش عارفه هواجهم أزاي
اعتكاف بحزن:رغم إن الظروف اللي اتقابلنا فيها مش كويسه بس مبسوطه إني أتعرفت عليكي
رودينا:اي الكلام دا كله يابنتي هو انا ههاجر انا قاعده علي قلبكم وكل يومين هتلاقوني ناطه هنا وانتوا هترجعوا القاهره تاني ومفيش نقاش
اعتكاف:انتي اللي بتقولي كدا امال لو مش عارفه اللي حصل
رودينا:اعتكاف دا مش سبب إنك تسيبي شغلك وحياتك وتيجي تقعدي هنا
اعتكاف: خلاص يارودينا هفكر يلا بقا تعالي ناكل عشان تنامي
بعد ما أكلت طلعت الأوضه بتاعتها وخلعت خمارها وبعدين قعدت عالسرير وافتكرت اللي حصل من ساعة الحادثه
Flash back
بعد الحادثه ب4 أيام رودينا فاقت لقت نفسها في الاوضه اللي قاعده فيها دلوقتي ولاقت بنت بتدخل عليها
رودينا:انا فين أنتي مين
البنت:انا ياستي أعتكاف انتي فين أنتي في بيتنا
رودينا:هو اي اللي حصل
اعتكاف:انا ما اعرفش اي اللي حصل كل الحكايه إنه انا وبابا كنا راجعين من القاهره علي المزرعه هنا لاقينا نار في الطريق بابا نزل يشوف في اي لاقاكي بتطلعي في الروح فنقلناكي هنا وجبنالك دكتور والحمدلله قدر يطلع الرصاصتين وبقالك 4 ايام نايمه
رودينا:ياه دا كله طب انتوا مخوفتوش مني لما الدكتور طلع الرصاصتين
اعتكاف بضحك:ليه يعني
رودينا:يعني ممكن اكون خطر أو كدا
اعتكاف:ربك يعدلها يعني نسيب واحده تموت قدامنا لمجرد شكوك طب هنقول لربنا أي لو حصلك حاجه
رودينا معرفتش ترد بعدين لاحظت الحجاب اللي علي شعرها فسألتها:اي اللي علي شعري دا انا مكنتش لابسه حجاب
اعتكاف:معلش خليكي وانتي قاعده هنا لابساه عشان بابا بس معانا ومينفعش تقعدي بشعرك قدامه بعدين انتي جميله اللهم بارك ليه مش لابسه الحجاب
رودينا بعد ما افتكرت اللي حصل عيطت ووسط عياطها:انا كنت عاوزه البس الحجاب قبل اللي حصل بس خايفه البسه ما التزمش بيه مش لاقيه سبب قوي يخليني البسه ودعيتي ربنا كتير إني ألبسه
اعتكاف بهدوء:بتحبي الله ورسوله
رودينا: طبعاً
اعتكاف:مؤمنه بأركان الاسلام
رودينا:اكيد بس بردوا مفهمش الحجاب
اعتكاف:طب تعرفي أركان إلايمان
رودينا: طبعاً أن نؤمن بالله وملائكته وكتبه ورسله واليوم الآخر وبالقدر خيره وشره من الله تعالي
اعتكاف:يعني أنتي مؤمنه بالقرآن الكريم واللي فيه
رودينا:ايوه طبعا
اعتكاف:تعرفي سورة النور
رودينا:ايوه
اعتكاف:فهماها؟
رودينا بخجل:لا
اعتكاف:بسم الله الرحمن الرحيم
سُورَةٌ أَنزَلْنَاهَا وَفَرَضْنَاهَا وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ
معني كدة ان كل اللي نزل في السورة دي فرض معنا كده ان الحجاب فرض مش حريه شخصيه ده فرض من ربنا سبحانه وتعالي قال الله تعالي بسم الله الرحمن الرحيم
وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفلحون
اعتكاف:ها ياستي اقتنعتي
رودينا بإبتسامه:طب هو الحجاب درجات جنه ولا جنه ونار
اعتكاف:كل اللي فرض جنه ونار النوافل درجات جنه
رودينا بحزن:طب انا مش معايا فساتين ولا خمارات
اعتكاف بفرحه:اي دا انتي هتلبسي الخمار
رودينا:ايوه انا كنت عاوزه لما اقتنع البس الحجاب الشرعي
اعتكاف:طب ياستي انا وانتي ننزل نشتري ها في حاجه تاني
رودينا:اه كنت عاوزه أفهم باقي الاحكام اللي في السورة
اعتكاف:عيوني بس دلوقتي ممكن تكلمي حد من أهلك
رودينا:هو انا ينفع ما اتكلمش حد واقعد معاكم فتره لحد ما اعرف عن ديني والتزم اكتر عاوزه لما ارجع بابا يكون فخور بيا مش عاوزه اشوفه حزين
اعتكاف:دا انتي تنوريني بس لازم تتصلي بحد من أهلك تطمنيه
رودينا:تمام هاتي تليفون هتصل علي حد
اعتكاف:اتفضلي ياستي
رودينا خدت التليفون ورنت علي حد واستنت لما رد
رودينا: السلام عليكم ورحمة الله وبركاته
المجهول: وعليكم السلام ورحمة الله وبركاته مين
رودينا:اي دا انتي مش عارفني دا انا ازعل ياجدع
المجهول بلهفه: رودينا انتي بخير ياحبيبتي قوليلي انتي فين وانا اجي أخدك
رودينا:بص ياحبيبي........................ ها فهمتني
المجهول بحزن:خلاص اوعدك محدش يعرف وانتي لو عاوزه تختفي محدش هيقدر يوصلك ياصقر
رودينا:حبيبي اللي فاهمني
رودينا فاقت من شرودها وجهزت شنطتها ولبسها والحاجات اللي ممكن تحتاج ليها في المهمه ونامت
اما عند الفريق بعد ما مشي غيث
عبدالله:سيبوه هو هيهدي
أواب:هو ليه بيعمل كدا محسسني أنه محدش مهتم برودينا غير
عبدالرحمن:أواب خلاص خلينا في المهم
عبدالله:للاسف المهم بكرا
الفريق بصدمه: اي
عبدالله:ايوه دلوقتي المطلوب منكم إنه زيد وأواب هيكونوا مسئولين عن وصول خالد الكيلاني من البيت للمطار وريان وأريج وغيث والعضو الجديد هيكونوا مسئولين علي وصوله من مطار القاهرة لمطار أمريكا
أريج:يعني قصد حضرتك هنكون معاه في الطياره
عبدالله بغيظ:اسم الله عليكي فهمتيها لوحدك هتتحسدي
أريج بغباء:خلاص يافندم هبقي اتبخر
عبدالله بص لريان
ريان:أريج أخرسي كما يافندم
عبدالله:بي كدا احنا مكترين الحراسه في الطياره لأنهم مش أغبياء عشان يحاولوا يعملوله حاجه في بلده
ريان:تمام يافندم
عبدالله:يلا كل واحد علي بيته وبكرا الصبح كل واحد ينفذ اللي قولت علي
الفريق:تمام يافندم
في صباح اليوم التاني كانت أريج وريان وغيث اللي واقف ببرود معاهم مستنين خالد الكيلاني يوصل والعضو الجديد
وبعد شويه من إنتظارهم وصل زيد وأواب بخالد الكيلاني وطلعوه الطياره وسط ضجه من الصحافه ودخل الطياره علي طول وهما كانوا مستنين العضو الجديد بغيظ من تأخيره وهما واقفين سمعوا تليفون ريان بيرن
أريج:مين
ريان:دا اللوا استنوا ارد
ريان وهو:ايوه ياسيادة اللوا أي طب أحنا هنعرفه ازاي طب تمام
غيث:في اي
ريان بغيظ: الأستاذ احنا مستنينه هنا وهو سبقنا علي الطياره
غيث:طب يلا مستنين أي
ريان:يلا
وركبوا الطياره وشويه والطياره أتحركت وهما لسه مش عارفين العضو الجديد ومستنينه هو يجيلهم
وفي الكرسي اللي قدامهم علي طول كان في بنت منتقبه قاعده وبتبص من الشباك وشردت في اللي حصل معاها الصبح
Flash back
رودينا صحيت ولبست ونزلت لاقت اعتكاف وساجد بيفطروا
اعتكاف بصدمه وهي شايفه لبس رودينا:اي اللي انتي لابساه دا دا بجد
رودينا بإبتسامه:اي ياست عكوف لابسه نقاب زيك ولا مش عاوزاني ألبسه
اعتكاف بفرح:مش عاوزاكي اي دا انا كنت بتمني من زمان بس مستغربه ازاي هتطلعي المهمه كدا
رودينا:ياستي ما انتي عارفه إني شغلي كله علي الاب توب يعني النقاب مش هيعملي حاجه بالعكس دا هيحميني من الفتن ولو اضطربت إني أتعامل مع حد هتعامل بالسلاح يعني مش هلمس حد غير لو أضطريت أوي
اعتكاف بضحك:تربيتي انا كنت عارفه انك هتخليني أفتخر بيكي
رودينا بضحك:طبعا يا أوختي يلا سلام ويومين وتبقوا في القاهره
ساجد:اي دا بتسلمي عليها وانا لا
رودينا :انت الخير والبركه ياحج وسلمت عليه من بعيد بدون لمس طبعا ومشيت علي المهمه
فاقت من شرودها علي دوشه في الطياره في الطياره بصت حوليها لاقت ناس في الطياره حاملين سلاح وبيوجهوا السلاح علي الكل
واحد منهم:فين الدكتور خالد الكيلاني
واحد من الركاب:منعرفش
واحد من اللي ماسكين السلاح ضربه في رجله وواحد راح وجه سلاحه علي الطيار عشان يكمل
رودينا بصت حوليها لاقت الكل خايف
رودينا في نفسها:فلنبدأ المغامره
رودينا بصوت عالي وواثق بينته علي إنه خايف
رودينا بخوف مصطنع:أنا أنا هقولكم هو فين
الكل بصلها ولاقت غيث وريان بيبصولها بغضب وتحذير بس هي عامله نفسها مش واخده بالها
واحد منهم:انطق ساكته ليه
رودينا بهدوء وهي بتشاور علي دكتور خالد الكيلاني :اهو
واحد منهم راح عند الدكتور خالد ووجه ليه السلاح :أنت الدكتور خالد الكيلاني
خالد الكيلاني بخوف :أيوه أنا
واحد منهم لصاحبه:فين مهندس الكمبيوتر اللي كان معانا
الراجل بخوف من زعيمهم:مش لاقينه تقريباً مركبش الطياره
الزعيم بعصبيه :انتوا بتهزروا أحنا لو ما عرفناش ناخد المعلومات دي يبقي لازم نموت أحنا والناس دي
عند أريج وغيث وريان كانوا بيحاولوا يوصلوا لحاجه تخرجهم من المشكله دي وفعلاً عملوا خطه وقبل ما يتحركوا وينفذوا
رودينا بصوت عالي وصل لريان وأريج وغيث:بينج بونج بينج بونج
غيث بعد ما كان هينفذ اول خطوه تراجع وقعد ببرود وإبتسامه
ريان بزعيق وصوت واطي:ما تخلصي يابني كل حاجه هتبوظ
غيث بنفس البرود:اقعد لحد ما نشوف الصقر هيعمل اي
ريان بصدمه:انت بتقول اي فين الصقر
غيث شاورله برأسه دا كله كان بصوت واطي عشان الناس اللي بالسلاح متحسش بيهم
ريان اول ما شاورله علي البنت المنتقبه:وانت اش عرفك إن دي الصقر
غيث:1.بينج بونج 2.....
ريان:وقفت ليه
غيث:بص وراك وانت هتعرف
ريان بص وراه لاقي رودينا بتغمز لغيث وميعرفش هو اتضايق ليه
غيث: والحركة التانيه تمت يبقي نقعد ونهدي عشان منبوظش حاجه انا والصقر متفقين إنه لو استخدمنا الكلمه دي يبقي معناها ما اتدخلش في اللي بتعمله غير في الوقت المناسب
أريج:وااااو نفسي أتعرف علي الصقر اوي بس تفتكروا هي لابسه كدا عشان تتنكر من العصابه دي
غيث بشرود:مفتكرش يارب يارودينا يكون ربنا هداكي
عند رودينا بعد ما قالت بينج بونج لاقت الزعيم بيزعق لها
الزعيم:انتي بتقولي اي اخرسي
رودينا بخوف مصطنع :انا مهندسة كمبيوتر بس لو سمحت ما تزعقش وسيب الناس دي تعيش وهعمل اللي انت عاوزه
أريج:هي بتعمل اي
غيث ببرود:اتفرجوا وانتوا ساكتين
الزعيم:أنا عاوزه كل المعلومات اللي علي الاب توب بتاع الدكتور تكون في الفلاشه دي
رودينا:هعمل الانت عاوزه بس ابعد السلاح عن الناس عشان خايفين
الزعيم :انتي هتؤمريني أخلصي
رودينا ببرود:تمام شوفلك حد تاني
الزعيم برجاله:نزلوا السلاح
بعد نص ساعه وهي شغاله علي الاب توب بصتلهم ببرود وقالت:اوبس
غيث لريان وأريج :أجهزوا
الزعيم:مش فاهمه قصدك اي
رودينا:قصدي إن كل حاجه علي الجهاز اتمسحت وبقت في مصر تاني وانا الوحيده اللي اقدر أرجعها
الزعيم وهو بيرفع عليها السلاح :لو ما اتصرفتيش حالا هفجر السلاح دا في دماغك
وهما بيتكلموا التليفون بتاع الزعيم رن في حركه سريعه من رودينا السلاح كان في دماغ الزعيم والتليفون في أيدها
أريج بإعجاب:وااااو هي ازاي عملت كدا انا لازم أصحابها
ريان بتريقه:بلاش لا تعديها بغباءك
غيث بفخر:هي دي صقري
رودينا بعد ما خدت التليفون وردت
رودينا:توء توء للاسف مش انا اللي انتوا عاوزينه بس هما كلمتين ومش هيتقرروا الدكتور خالد هيوصل عندكم بأمان ومن غير أي حركة غدر وللاسف المعلومات اللي انتوا عاوزينه عشان تعملوا اللقاح محدش يعرفها الا بموتي في بهدوء كدا خلونا علي اتفاقنا (الحوار دا كان بالإنجليزي لانها بتكلم حد أمريكي) تمام ياشبح (دا ولا لغه امريكيه ولا عربيه حتي)
عند غيث بص لريان:أظن أننا عارفين هنعمل اي
دقيقتين وكانوا الرجاله اللي متسلحين في الأرض ومربوطين والزعيم معاهم والطياره كانت متجهة ناحية أمريكا
رودينا بعد ما خلصت لاقت غيث بيبصلها بعتاب ووشوق راحت ناحيته مستوعبتش اللي حصل وكان حاضنها
رودينا:..................
بدل ماتدور وتبحث علي الروايات خليها علي تليفونك وحمل تطبيقنا
