رواية الصقر المنتقب والقناص الفصل الثامن عشر
عدي:نعم انتي مين وبتجولي اي
محمد:اللي بتقوله رودينا صح
وهدان:وانت مين انت كمان
وهما بيتكلموا لاقوا سرين نازله من السلم بتجري وراحت حضنت محمد وبتعيط
عدي بغضب:انتي بتعملي اي ومين دا وكان لسه رايح يمسكها من دراعها لاقي واحد بيمسك أيدها ويرجعها وراه
عدي:انت ازاي بتجرب منها أكده اي دا ريان
ريان بصدمه:اي دا هو انت عدي
عدي:ايوه اي اللي جابك هنا
ريان بجمود:جاي لماما واختي
عدي:واي اللي جابهم هنا
ريان:سرين أختي ومسمحلكش تخليها زوجه تانيه
عدي بصدمه:أختك ازاي
وهدان:انت بتخرف بتجول اي
محمد وهو بيقرب من وهدان
محمد:انت مش فاكرني ياحج
وهدان وهو بيدقق فيه :لا مخابرش
محمد:انا المهندس اللي جبتوه من زمان عشان يخلصلكم الشغل
وهدان:ايوه صوح بس بردوا مفاهمش انت اهنه ليه
محمد:عشان أوقف جمب مراتي وبنت
وهدان:مرتك مين
محمد: أحلام تبقي مراتي انا اللي اتجوزت أحلام بعد ما هربت
وهدان بغضب:انت بتخرف تجول اي بتي جوزها مات
أحلام:لا يابوي اللي بيجوله محمد صوح انا جولتلك أكده عشان ما تعملهوش حاجه
وهدان:خوفتي تجوليلي لاعمله حاجه ومخوفتيش لما تخبي وتحطي راسي في الأرض
أحلام وهي بتقرب منه بدموع:ما عاش ولا كان اللي يحط راسك في الارض يابوي
وهدان بصلها بحزن واداها ضهره:روحي لجوزك وسبيني
أحلام بدموع:مجدرش اسيبك يابوي في حد يجدر يفارج روحه
وهدان:بس أنتي فارجتيها مره
أحلام:كان غصب عني يابوي كنت رايد تجوزني غصب عني أنا عارفه اني اللي عملته غلط بس ما تبصليش كدا يابوي بحس بخنجر جوايا لما اشوفك حزين
وهدان بحزن:مجدرش ازعل منك يابتي انتي نور عيني بس زعلان منك عشان معرفتنيش علي احفادي المده دي كلها هونت عليكي اموت جبل ما أشوفهم
أحلام بحزن:كنت خايفه يابوي لو عرفت اني اللي اتجوزته هو مهندس كان شغال عنديك تحاول تعمله حاجه ولما عرفت انك قربت توصلي رجعتلك عشان خوفت اعملهم حاجه
وهدان:شايفه ابوكي مجرم يا أحلام عشان أحاول اجتل احفادي ولا ايتمهم
أحلام بسرعه وحزن:لا يابوي متجولش أكده انا اللي خوفي خلاني أنسي طيبتك وحبك ليا وانك متجدرش تأذيني سامحني يابوي
وهدان:مسامحك يابتي وسعي خليني أشوف أحفادي
أريج وريان قربوا منه وحضنهم بحب وبعدين سابهم وقرب من محمد :انا اسف ياولد بسببي بعدت عن مرتك وبتك
محمد بسرعه:متقولش كدا ياحج انت الخير والبركه انا اللي عاوزك تسامحني عشان محاولتش حتي أتقدم واثبت نفسي اني اتجوزك بنتك وحبي ليها خلاني جبان وهربت بيها انا السبب في دا كله من الأول متلومش نفسك
ريان وأريج راحوا حضنوا سرين واتكلموا معاها شويه بعدين راحوا لماماتهم فضلت حضناهم لمده وبعدت عنهم وفضلت ماسكه وشوشهم وبتعيط
عدي راح ناحية ريان وحضنه ونسي الكلام اللي قاله ريان
عدي وهو بيحضنه:معقول ياصحبي طلعتي ابن عمتي
ريان بحده مصطنعه وهو بيحضنه:من حظك الاسود
وهما بيتكلموا كان المأذون وعيلة المنصوري مستنيه ولما زهقت واحد منهم :خلصوا حديتكم وتعالوا نكتبوا الناس كلها مستنيه برا
ريان بعد عدي عنها اللي شاف في عيونه نظرة حزن لما الراجل اتكلم بثقه:ومين قالك إن الجواز هتحصل
مهدي ابو العروسه:وه بتجول انت
مراد بعد ما كان واقف بعيد :زي ما سمعت ياعمي
مهدي:مراد انت جيت امتي ياولدي واي اللي دخلك بينهم
مراد:كل الحكايه ياعمي إن الشرط اتنفذ وبكدا المشكله انحلت فمفيش داعي للجوازه
مهدي: مشكلة اي واتحلت ازاي أنا مفاهمش
مراد:مشكلة التار والشرط كان حد من عيلتنا يتجوز حد من عيلة وهدان صح
مهدي:صح
مراد بإبتسامه:وانا اتجوزت بنت من عيلة وهدان وهو بيشاور علي أريج كدا المشكله انحلت
مهدي بصدمه:يعني اي
مراد:زي ما سمعت ياعمي تقدر تاخد الرجاله وترجعوا البيت
كل دا حصل قدام عدي اللي كان فرحان أنه اتخلص من الجوازة دي وبص لسرين بفرح لاقاها بتبصله بحزن
بعد مده كانت عيلة المنصوري مشيت وعيلة وهدان بس اللي موجوده
عدي قرب من سرين بحب :خلاص الموضع خلاص ياسريني
ريان مسك سرين وحطها ورا ضهره واتكلم:لا لسه مخلصش انت هتطلق أختي وفرحها علي غيث هيكون بعد شهر
عدي بصدمه وغضب:نعم أنت بتقول اي انا مستحيل أطلقها ومين غيث دا كمان
غيث ببرود:انا
عدي بصله بغضب ولو كانت النظرات بتقتل كانت قتلته
غيث بص لرودينا اللي واقفه جمبه:الله يخربيتك انا في مره هموت بسبب نصايبك اللي بتدخليني فيها
رودينا من تحت النقاب بضحك:اسد يلا في اي
غيث:الأسد نهايته هتكون علي ايدك يختي
ريان:كلامي اللي قولته مش هرجع لو بتحبها مكنتش هتتجوز حد تاني غيرها
عدي:انتوا مش عاوزين تفهموا ليه انا لو معملتش كدا العيله كانت هتتدمر
ريان ببرود:والله انت حتي محاولتش تفكر في حل تالت واخترت من الحلين اللي قدامك دا الكلام العندي
عدي بغضب:سرين مش هتكون لحد غيري ياريان حتي لو هقتل الشخص دا
بعد كدا خرج من البيت بعصبيه
وهدان:ليه كدا ياولدي عدي بيحب سرين من وهما صغار
ريان: متقلقش ياجدي انا عاوز أعلمه درس بس
وهدان:اللي تشوفه صوح ياولدي اعمله معرفتنيش بالباقين
ريان وهو بيقدم ليه رودينا:دي مراتي رودينا
وهو بيقدم ليه غيث ودا غيث أخوها
وهو بيقدم مراد ودا مراد زي ما سمعت جوز أريج اختي
كلهم راحوا سلموا عليه
مراد وهو واقف جمب أريج :اي الاحترام دا كله
أريج بغيظ:بوقلك اي فكك مني
مراد:لا يختي انا مدلوق عليكي اوي
أريج:يابني الله يعكنن عليك متعكننش عليا عشان معكننش عليك
مراد:ياستي اتنيلي
وهدان:يلا كل واحد ياخد مراته علي الأوضه بتاعتكم انا خليت الخدم يجهزوا الاوض
كل اتنين طلعوا اوضه عند رودينا
في اوضة ريان وردينا
رودينا:اه ياني ياما اي اليوم دا كله انا هموت وانام يختتي
ريان بضحك:ليه دا كله حصل
رودينا:ياجدع انت متعود علي دا كله انا كان مالي بالشغلانه دي بس
ريان بضحك:طب يلا روحي غيري هدومك ونامي عشان اليوم كان متعب وانا هنام هنا علي الكنبه
رودينا خلعت النقاب بعدين راحت غيرت ووظبطت المنبه علي الساعه 2 ونامت من التعب وريان كذلك
الساعه 2 المنبه رن رودينا قامت بنشاط فصلته وراحت أتوضت ولبست إسدال الصلاة وقامت صلت القيام وبعدين قعدت مده تذكر الله وتستغفر بعدين مسكت المصحف وفضلت تقرأ بتلاوة صحيح وصوت جميل خلي ريان يصحي من النوم وفضل يسمعه وحس براحه وبعد ما خلصت
ريان :اي دا هو الفجر أذن
رودينا وهي بتبص عليا بإبتسامه:لا انا كنت بصلي القيام
ريان بإستغراب :دي صلاه
رودينا بإبتسامه:ايوه
ريان :بس انا مسمعتش عنها قبل كدا وبعدين اكمل بحرج انا اه مبصليش بس اعرف انهم 5صلوات بس
رودينا:دا للناس العاديه مش الناس اللي قدوتها رسول الله صل الله عليه وسلم
ريان بحرج :ازاي وأكمل بحزن بس انا مش بصلي اصلا
رودينا بصتله بإبتسامه:ومالك يجدع زعلان كدا مانا كمان مكنتش بصلي بس لما عرفت أهمية الصلاه وصلاة القيام بقيت اصلي وانت اكيد محدش قالك واكملت بهزار فعادشي عادشي متزعلش انا جمبك وهعلمك
ريان بصله بحب:بجد
رودينا بتوتر:ايوه
ريان بحزن:تفتكري ربنا هيقبلني
رودينا:بسم الله الرحمن الرحيم "قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ"
اهو ياسيدي ربنا بيرد عليك أهو عاوز اي تاني
ريان بحماس:كلميني عن صلاة القيام
رودينا:بص ياسيدي انا هكلمك عن كل حاجه عن القيام اشطا عشان انا مش هتنازل بكرا إنك تصلي بيا يصلها فكملت ايوه زامبقولك كدا اهو
ريان بضحك:قوليلي كل حاجه بقا عشان ابقا قد المسؤلية
رودينا:الاول هكلمك عن فضل القيام بص ياسيدي
فضل قيام الليل
1.يقربكِ من الله
2.الدعاء فيه مستجاب
3.ينور لكِ قبرك
4.يشفع لك يوم القيامة
5.ينور وجهك
6.يطرد الغفلة
7.سبب لحسن الخاتمة8.يعتبر من أعظم الطاعات عند الله تعالي
9.سر ومن أسرار الطمأنينة و الرضا في قلب الإنسان المؤمن
ريان:ياااه دا كله
رودينا:انت لسه شوفت حاجه انا بجد ندمت علي الفتره اللي ضيعتها في حياتي وانا مش عارفه حاجه عن ديني
وكملت
عِندما يمّر صاحب"قيام الليل" علي الصِراط المُستقيم يوم القيامة يُنادي عليه "مالك خازن النار"فـيقول "يامؤمن ياعبد الله مُرّ سريعًا فـإن نورك يُطفِئ ناري"
النبي عليه الصّلاة والسّلام سُئل:(أيّ الصّلاة أفضل بعد المكتوبة؟قال:الصلاة جوف الليل)
هتقولي طيب أنا صليت الوتر عادي اصلي قيام بعده ؟
اه عادي فإذا أوترت من أول الليل ثم يسر الله لك القيام في آخر الليل تصلي ما تيسر من الركعات من دون وتر ، يكفي الوتر الأول النبي صلّ الله عليه وسلم قال(لا وتران في ليلة)
الشيخ بيقول:مستحيل ربنا يرزق القيام لمسلم غير لما يكون بيحبه
أما يَكفيكِ أنهُ ستكون لَكِ صُحبةٌ فـِ السماء فإن غِبتِ عنهم سَألوا الله عليكِ
دكتورحازم شومان لما قال كذب من ادعي محبه الله حتي إذا جن عليه الليل نام وتركه
طيب لو انت مريض أو عندك شغل أو حاجه مهمه تعمل اي
من عجز عن قيام الليل فلا ينبغي أن يعجز عن الاستغفار فيه،لتكن من الذين قال الله فيهم ﴿وَبالأسْحَارِ هُم يستغفِرُونَ﴾
ريان :هو فعلا الدعوة فيه مُستجابه
رودينا بابتسامه: الدعوة فيه مستجابه ان شاء الله
ريان :في دعوة معينه في القيام؟
لا بس في حديث طويل خليه بينك وبين ربنا في السجود وفضفض لربك الدعوة مش ببلاغتها ونحوها الدعوة بصدق خروجها من القلب
عن عائشة رضي الله عنها أن النبي صلّ الله عليه و سلم (كان يقوم الليل حتى تتفطر قدماه فقالت عائشة:لم تصنع هذا يا رسول الله و قد غفر الله لك ما تقدم من ذنبك و ما تأخر قال:أفلا أحب أن أكون عبداً شكوراً فلما كثر لحمه صلى جالساً فإذا أراد أن يركع قام فقرأ ثم ركع)
عن أبي هريرة رضي الله عنه أن الرسول صلّ الله عليه و سلم و قال:"ينزل ربنا تبارك و تعالى كل ليلة إلى السماء الدنيا حين يبقى ثلث الليل الآخر فيقول:من يدعوني فأستجب له؟من يسألني فأعطيه؟من يستغفرني فأغفر له؟
ريان:طب هو القيام دا بيبقي في الليل بس
رودينا:قيام الليل يبدأ من بعد صلاة العشاء لعند الفجر و الوقت المستحب الثلث الآخير من الليل لأن الله ينزل إلى السماء الدنيا
وقال تعالى:{كاَنُوا قَليِلاً مِنَ اللّيلِ ماَ يَهْجَعُونَ}
ريان:طب هي صلاة القيام ازاي
رودينا:قيام الليل زي ركعتين السُنّة بالضبط بس النية انك بتصلي قيام الليل ممكن تصلي ركعتين أو أربع ركعات أو ست ركعات أو ثماني ركعات أو عشر ركعات أو ١١ ركعة
قال الله عزوجل "يسعي نورهم بين ايديهم"قرآن قيام الليل هيشفعلك الله عزوجل بنفسه بينزلك وينادي عليكِ فيقول: من يدعوني فأستجيب له، من يسألني فأعطيه من يستغفرني فأغفر له حتى يأتى نداء الفجر
سُئل الحسن البصري :مالنا أصحاب قيام الليل أكثر نوراً؟
فقال:"خلوا بالرحمن فأسبل عليهم من نوره"ف "هو عزوجل نورٌ علي نور"
التابعين كانو بيقولوا: لو علم الملوك مافي حلاوة قيام الليل ف المناجاة لقاتلونا عليها بالسيوف
رودينا:بس ياسيدي تعال بقا أعلمك بنصلي ازاي عشان في كلام اكيد مش فهمته ونصلي الفجر سوا
ريان فجأة:هو احنا ينفع منتطلقش بعد المهمه ما تخلص
رودينا:...........
بدل ماتدور وتبحث علي الروايات خليها علي تليفونك وحمل تطبيقنا
