Ads by Google X

رواية الصقر المنتقب والقناص الفصل الثامن


أواب:حاضر
وقام شغل السيديهات اللي كان باين فيها صوت رودينا بتشرحلهم تفاصيل اللي حصل
رودينا: طبعاً الاجتماع الصبح اتلغي بسببي وعشان كدا انا سجلتلكم التسجيل دا عشان اوضح لكم حقيقة اللي حصل وازاي هنخرج غيث طبعاً اكيد كلكم مستغربين ليه بسجل مع أنه كان ممكن اقعد معاكم وأشرحلكم التفاصيل قبل القضيه بس أنا بعتذر لانه مش هقدر اجي غير علي ميعاد الجلسه دلوقتي هبدأ اشرحلكم حقيقة اللي حصل
غيث كان بينقلنا كل المعلومات بس للاسف عمل غلطه واحده كشفته وهو أنه كلمني من تليفونه وأنا كنت محذراه أنه طول ما هو في المهمه ما يكلمش حد فينا لحد ما احنا نوصله بطريقتنا دا مش مهم اللي حصل حصل بس من حظه أنه في الوقت دا كان محمود الرحماني خارج من مكتبه وسمع كل كلامه معايا وهو بيقول خلاص قربت أكشفهم وهوصل لخيط الوصل بينه وبين الموساد وطبعاً محمود الرحماني مش غبي أو عيل عشان يقوله أنه كشفه فهو راح لخيط الوصل بينه وبين الموساد علشان يعرف هيتصرف معاه ازاي وهما قالوله هنتصرف وتاني يوم المحامي بتاع محمود الرحماني راح المكتب بتاعه وقال لمحمود أنه يتصل بغيث وخلال عشر دقايق ويكون عنده شوفوا الفيديو دا
كان في الفيديو محمود الرحماني والمحامي بتاعه
محمود:اي يامنتصر هنعمل اي في المصيبه دي
منتصر ببرود:حد قالك تشغل حد ما تعرفهوش معاك
محمود بعصبيه:هو انا يعني كنت اعرف وبعدين دا خد رصاصه مكاني اعرف ازاي انه خاين
منتصر بهدوء:اهدء كدا واتصل بيه خليه يجي هنا دلوقتي
محمود: حاضر
محمود خد التليفون وكلم غيث واول ما رد :عايزك تجيلي علي المكتب دلوقتي حالا بعد ما خلص بص لمنتصر لاقاه لابس جوانتي ومسدس
محمود بإستغراب:اي اللي في ايدك دا
منتصر بخبث:دا المسدس بتاع غيث
محمود بإستغراب أكبر:وبيعمل في ايدك أي
منتصر بخبث وبرود:توء توء لسه مفهمتش تبقي عبيط للاسف قرروا يضحوا بيك وانا اللي هاخد مكانك ياحودا
محمود بخوف:لا لا ا.. وقبل ما يكمل الكلمه كانت الرصاصه في راسه وبعدين منتصر خرج من الأوضه ودخل غيث اللي قبل ما يستوعب أي اللي حصل كان البوليس موجود في كل مكان
ريان بصدمه:اي دا هي ازاي جابت الفيديو دا
زيد :مفيش حاجه صعبه علي القناص
أواب:استنوا نكمل الفيديو
رودينا رجعت كملت كلامها تاني وصوتها بس اللي كان باين : طبعاً كلكم هتستغربوا ازاي أنا جبت الفيديو انا وغيث أتفقنا أنه لما تيجي فرصه في قلم صممناه بيصور صوت وصوره يحطهولوا في الجاكت بتاعه وفعلاً لما جات الفرصه غيث بدل القلم وحط القلم بتاعنا ومن هنا قدرنا نراقبه كويس بس للاسف مقدرناش نوصل لخيط الوصل بين محمود والموساد لأنهم أكتشفوا غيث مش مهم دلوقتي الموساد
المهم دلوقتي غيث يطلع طبعاً مش هنقدر نكشف أنه غيث كان في مهمه وكدا الفيديو دا مش هيبقي ليه لازمه عشان لو قدمناه هيكشف المهمه فأنا لعبت في الكلام اللي في الفيديو خليته أنه محمود كان كاتب وصيه أنه أملاكه تروح للمحامي بتاعه لو حصله حاجه ودا الفيديو المزيف
محمود:اي يامنتصر اي اللي جايبك هنا
منتصر:بصراحه مكنتش أعرف اني غالي عليك اوي كدا عشان تكتبلي ثروتك لو حصلك حاجه
محمود:عيب عليك يامنتصر انت صحبي انا افديك بعمري
منتصر بخبث وبرود :وهو دا اللي انا عاوزه
محمود بإستغراب:مش فاهم وبعدين لاحظ المسدس اللي في ايد منتصر لا اا وقبل ما يكمل كانت الرصاصه في راسه ونفس اللي حصل بعد كدا وطبعاً غيث لبس التهمه لأن المسدس بتاعه وهو مش عارف خدوا المسدس بتاعه ازاي
رودينا رجعت تكمل تاني:ودا طبعاً الفيديو اللي المفروض جودي هتقدمه في المحكمه ومع بعض الأوراق اللي تثبت أنه محمود الرحماني كاتب في وصيته أنه لو حصله حاجه المحامي بتاعه هو اللي هياخد أملاكه كدا التهمه هتثبت عليه أنا عملت اللي عليا الباقي عليكم وعلي جودي
ريان بإعجاب:لا ليها حق إنها تاخد لقب الصقر
عبدالرحمن بفخر وحزن:رودينا مكانتش توقف قدامها قضيه مكانش حد يقدر يتكلم معاها
عبدالله:عاش يارودينا كل مره بتثبتلي إنها قد اي مهمه
أواب بحزن :هي فين رودينا بس يارب نلاقيها
زيد:خير إن شاءالله طالما مفيش أثر ليها احتمال كبير تكون عايشه
عبدالله:جودي دي الاوراق بتاعت القضيه هتروحي بكرا تترافعي في الجلسه وعاوز براءة ومش عاوز غيث يعرف اللي حصل لرودينا قبل ما ياخد براءه يلا كل واحد علي بيته وبكرا تكونوا كلكم في المحكمه
كل واحد روح بيته وطبعا مش ناسين رودينا بس ميقدروش يسيبوا غيث لانهم عارفين هو غالي ازاي عند رودينا ولو حصله حاجه بسببهم مش هتسامح حد فيهم
الصبح الكل صحي وجهز نفسه للمحكمه بعدين يشوفوا اي اللي حصل لرودينا كل واحد ركب عربيته مع أخته وقابلوا ريان قدام باب المحكمه ودخلوا كلهم وبدأت الجلسه
القاضي:القضيه رقم ٥٣٧ لسنة٢٠٢٠ المتهم فيها غيث مالك
دفاع المجني عليه اتفضل
منتصربحزن مصطنع:انا مش هدافع لأنه صاحبي أنا هدافع عن إنسان عامل واحد زي ابنه وفي الاخر طعنه في دهره وقتله وبص ناحية غيث اللي قدام حضراتكم دا لا يملك أي ذرة رحمه أو إنسانية قتل إنسان كان بيعتبره ابنه مش مجرد واحد شغال معاه أنا بطالب حضراتكم بأشد العقوبات ليه
القاضي:محامي المتهم أتفضلي
جودي:أنا بعترض علي كل الكلام اللي اتقال دا لانه القاتل مش غيث القاتل حد تاني موجود معانا وبصت ناحية منتصر ببرود وكملت ومش عارفه ازاي بيتكلم عن الانسانيه والرحمه وهو ميعرفهاش القاتل الحقيقي حضرتك هو الاستاذ منتصر
منتصر بغضب:انتي بتقولي اي انتي اتجننتي انا بعترض
القاضي :وطي صوتك اعتراضك مرفوض اتفضلي يا أستاذة عندك دليل
جودي بثقه:اه طبعا ثانيه واحده هجيب اللاب توب
وراحت جابت اللاب توب وشغلت الفيديو والكل مذهول
جودي:وحضرتك تقدر تحدد مين البرئ ومين القاتل الاستاذ المحترم قتل صاحبه عشان ياخد مكانه ولبسوها لغيث بحكم أنه المسدس بتاعه
القاضي:بعد الاطلاع على الأوراق والتقراير حكمت المحكمة ببراءة المتهم غيث مالك والقبض علي منتصر حامد رفعت الجلسه
منتصر:مش هسبكم ابقوا افتكروا هخرج وانتقم منكم
زيد:هنبقي نجبلك عيش وحلاوه
أواب وهو رايح لغيث;عامل اي يابطل السجن للرجاله
غيث وهو بيبص حواليه :كويس فين رودينا
أواب بحزن :رودينا امبارح........
غيث بغضب:انتوا بتقولوا اي وازاي تسبوها لوحدها
أواب:أهدي ياغيث أحنا عملنا كل اللي نقدر عليه
ريان:للاسف هما استغلوا فرصة إنها لوحدها وهاجموها
غيث بغضب :مش هسامح حد لو حصلها حاجه
بعد مرور سنه في مزرعه ريفيه جميله وبالتحديد في غرفة فتاه جميله كانت نايمه دخلت عليها فتاه أخري تكبرها ب٥ سنوات
البنت:بت بت ياخديجه قومي اصحي
خديجه:اي ياعكوف سبيني شويه وهصحي




اعتكاف:اي عكوف دي يابت في حد اسمه كدا
خديجه:يعني اسم اعتكاف عاجبك اوي
اعتكاف بفخر:ايو طبعاً كفايه معناه
خديجه بفضول:اي معناه يابت
اعتكاف:طب احترميني شويه طب
خديجه بملل:يابنتي قولي
اعتكاف:بصي ياستي اعتكاف معناه الاعتكاف في المسجد بنية التقرب الي الله سبحانه وتعالى
خديجه:ياااه دا كله معناه حلو اوي مع اني حافظه القرآن بس اول مره اعرف
اعتكاف:طب يلا يختي عشان العيال البتحفظيهم شويه ويجوا

خديجه: 


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-