Ads by Google X

القائمة الرئيسية

الصفحات


 حكاية زينه الفصل الاول

تلت شباب بصه لزينه بإستغراب من شكلها..مقدروش يعرفوا هي بنت ولا ولد
زينه اتكلمت بصوت طخين:أنا زين
ابراهيم بترحيب:اااه اهلا ياسي زين ..ام سيد اتصلت بيا وقالتلي انك جاي..شقتك فالدور الخامس ف وش شقه الشباب


زينه بصتلهم بقلق وهزت دماغها وطلعت والشباب طلعوا وراها
ركبوا الاصانصير وزينه اتصدمت انه ضيق اوي وكلهم ركبوا فيه؟!
:واد يا أدهم فيه ريحه برفان حريمي انت حضنت سوسو تاني ياض؟!
ادهم وهو بيشم:تصدق فعلا يلا...والله ابدا ده انا توبت
:يبقى انت ياكنان
كنان بضيق:مش نقصاك ياعم انس اخرص شويه تلاقي كانت واحده ست ركبت وطلعت ودي ريحتها
زينه كانت واقفه محشورة وبتحاول تبعد عنهم
انس بصلها:مالك يازين واقف كده لي
زينه بصوت طخين:لا ابدا بس الجو حر
واحد فيهم التلاته بصلها بمكر وخبث ودور وشه وحاول يكتم ضحكته (ياترى مين؟!)
طلعوا من الاصانصير وزينه دخلت شقتها بسرعه وهما استغربوها ودخلوا شقتهم
**"
في شقه الشباب
كنان بإستغراب:هو ماله الواد ده؟
انس:قصدك على زين؟شكله خجول ومش اجتماعي خالص
أدهم :فعلا..تحس انه مريض نفسي..تصرفاته مش طبيعيه...المهم خالد ومؤمن فين
انس:قالوا انهم جايين..كل مفتكر ان خالد جاي بطني بتوجعني
أدهم بضحك:دمه استغفر الله العظيم مش عارف طالع لمين..رغم انك ياكنان عاقل وراسي..ده اخوك ازاي
كنان بقرف:وحياة امك متجبليش سيرته ده حاجه استغفر الله ..ابويا بيطرده من البيت عشر مرات فاليوم من رخامته
انس بضحك:فاكر ايام الثانوية لما قال نكته من بتوعه فالميكروباص اللي كنا راكبينه والسواق وقف العربية وحلف انه مش هيسوق طول مخالد راكب معاه
كنان بتذكر:ده كان حتة يوم..وبسببه اتأخرنا عالدرس والمستر بيسأله اتأخرت ليه قاله امي كانت بتولد رغم انها ميته من عشر سنين والمستر عارف
ادهم بجوع:طب يلا ناكل بقا علشان همووووت من الجوع
الشباب حضروا الأكل وانس افتكر حاجه:بقولكم اي يشباب متيجوا ننادي لزين ياكل معانا..ده لسه جاي النهاردة واكيد مش عامل حسابه
ادهم بموافقه:اشطا روح ناديه
كنان:لأ استنى هناديه أنا
**
عند زينه كانت قالعه لبسها ولابسه حجات خفيفه وبتنضف الشقه..سمعت خبط عالباب اتوترت وخافت
زينه بصوت طخين:م مين
كنان:انا كنان جارك يازين..تعالى اتغدى معانا
زينه:لأ شكرا يا أستاذ كنان..انا عملت غدى
كنان بإستغراب:متيجي يابني فيه اي؟!
زينه خافت ليشكه فحاجه :طب اديني خمسه يسطا وهجيلك
كنان بخبث:انت معاك حريم جوه ياشقي ولا اي
زينه بهمس:حريم اي الله يخربيتك..ياعم روح وانا جاي وراك بقا
كنان مشى من عند زينه ودخل بيتهم
**
بعد شويه زينه راحتلهم وهما فتحولها
ادهم بترحيب:اهلا اهلا اهلا اهلا بأعز الحبايب اهلا
انس:ادخل ياض البيت بيتك
زينه دخلت وقعدت بخجل
كنان:اعرفك على نفسي ياسيدي..انا كنان نور من الاسماعليه ٢٠سنه كليه هندسه
ادهم :وانا ادهم المنياوي من الاسكندرية ٢١سنه كليه هندسه برضه
انس:وانا انس الجنزوري ٢٠سنه وفكلية طب
زينه:احم وانا زين ٢٠سنه
ادهم بإبتسامه:تشرفنا ياسي زين..تعالى بقا نتغدى
قعدوا مع بعض كلهم واكلوا وزينه اتعرفت عليهم ولقت انهم شخصيات جميله اوي ونضيفه
بعد شويه زينه قررت انها تروح:طب استأذن انا بقا ياشباب
كنان برفض:استنى ياعم رايح فين اسهر معانا
ادهم:متخليك ياض مالك مكسوف كده ليه
انس بضحك:دي البت سوسو فيها رجوله عنك ياعم متقعد ده احنا كنا بنكرشها علشان تمشي
زينه بإستغراب:هي مين سو سو دي؟!اخت حد فيكم؟!
الشباب بصوا لبعض وانفجروا فالضحك
ادهم بضحك:دي مدرسه الالعاب بتاعتنا
كنان بضحك:اختنا قال؟،
انس بغمزة:هجبهالك بكره وتبقى تتعرف عليها ياشقي
زينه قعدت بإحباط منهم
ادهم بزهق:اووف كل مفتكر ان الجامعه هتبدأ بحس بخنقه
انس:وربنا وانا...بس يارب خالد يعديها على خير علشان دي تالت شقه نروحها ولو كرشونا منها هنتسوح ده احنا لقيناها بالعافيه
زينه:هو مين خالد ده؟!
انس:ده مرات كنان
زينه بتصديق:هو انت متجوز راجل؟طب ازاي
كنان وأدهم وانس بصوا لبعض وانفجروا من الضحك تاني
ادهم بضحك:يخربيتك يازين انت خام اوي ياض..لا ياعم ده اخوه
انس بمرح:احلى حاجه انك خام...ده انا هفسدك


كنان برفض:لا ياعم احنا هندردحه شويه بس هنسيبه محترم..كفاية مؤمن
زينه:مين مؤمن ده كمان؟!
ادهم:ده ام نواف للتعارف الجاد بتاعنا ده
الباب خبط وانس راح فتح
:عندكو شامبووو..اي يابيبي امك هنا ولا مشيت وهتيجي تطب علينا زي كل مره هيهيهي
انس بإستحقار:يابني ارحمني ارحمنااااي فقعت مرارتي يخربيتك رخم ادخل انت والزفت اللي جنبك
خالد:اي ياعم مبراحه علينا شوية ..وشاف زينه:اوباااااااااا مزز سمرا ياحلاااااوة
مؤمن بحده:انت اتجنيت ياض ده شاب
خالد بصلها وبعدين بص لمؤمن:طب طلاق تلاته منك دي بنت
مؤمن:اقسم بالله شاب
خالد:وربنا دي بت
مؤمن:شاب
خالد:بنت
أدهم بصراخ:بااااااس اييي يروحمك انت وهو ده شاب مش ناقصه ظرافتكم عالمسا
خالد بص بصدمه وراح قعد جنبها:اتكلم كده طب
زينه بصتله بخوف
كنان شد خالد ووقفه:اهدى ياعم بقى علشان زين ميزعلش وقعد هو جنبها
خالد بص لزينه وابتسم بمكر:أقولك نكته
زينه بصتله وهزت دماغها
خالد بإبتسامه مرحه:مرة واحد عقله وقف نزل يزقه هعهع...اااااه
الشباب كلها اتلموا عليه وفضلوا يضربوا فيه
وبعد شويه قعد عالكرسي وهو حاطط تلج على عنيه:منك لله يا أدهم يابن الك** ..وانت ياحيوان ياللي اسمك مؤمن بتعض
كنان بتفكير:بقولكم اي ياشباب..عمي كلمني وقالي انه هيفتح كافيه جديد بكره وعايز شباب يشتغلوا معاه..وبما اننا كلنا بعدنا عن أهالينا وقررنا نعتمد على نفسينا ونكون نفسنا بعيد عنهم وعن شغلهم اي رأيكم نشتغل معاه وكله بتمنه؟
ادهم بموافقه:انا معاك
انس:انا راشق
مؤمن:بيس يسطا بييس
خالد:انا روحت اصلا خلاص
زينه بصتلهم وفكرت فحاجه واتكلمت:احم وانا كمان عايز اشتغل معاكم فالكافيه
واحد من الشباب بصلها بقلق

تعليقات