Ads by Google X

حكاية زينه الفصل الخامس


 حكاية زينه الفصل الخامس

الشباب فجأه:أووووباااا
ادهم بصدمه:سوسو!!!
انس:اجرررري ياض انت وهو بسرعه


الشباب جروا استخبوا وزينه وقفت مكانها وبتبصلهم بعدم فهم
سوسو دخلت واللبانه فبوقها وفضلت تسأل الموجدين عالشباب لحد موصلت لزينه:فين اللي بيشتغلوا فالمكان ده يخويا
زينه:وانتي عايزاهم ليه؟
سوسو:وانت مالك يدلعادي روح ناديهم واقولهم سوسو جت وهما هيجروا من الفرحه
عند الشباب
مؤمن:احنا من فرحتنا بشوفتها استخبينا تحت التربيزة
ادهم:ربع الثقه اللي عندها دي يارب
كنان:لااا سوسو حلاوتها مقوية قلبها منك لله ياخالد انت ومجايبك السوده
خالد:ياعم وانا مالي ده هي اللي لزقت فيا وانا عرفتها عليكم
تايجر:هي عرفت مكانا منين؟!
ادهم:اكيد خالد او مؤمن او انس
مؤمن:براءة المرادي يرجاله
انس:انا مكلمتهاش من ٢٠٠٠
كلهم بصوا لخالد بغضب جحيمي
خالد:احم مهو بصراحه اتحايلت عليا وانا ضعفت قدامها
ادهم غمز لتايجر وزقوا خالد
خالد هرب بسرعه واستخبى فمكان تاني
سوسو لزينب:انت مين ياعسل انت يابو عيون ملونه
زينب:هه انا زين
سوسو بهيام:يلللهوي على جمالك ياااازين
انس:الحقوا يرجاله سوسو بتشقط زين
زينب بإحراج:احم شكرا
سوسو:لأ شكرا اي خد رقم تليفوني اهو
خالد:يابنت الواطيه
سوسو اعجبت بزين اوي ومشت ووعدته انها هتيجي تاني تحت استغراب زينه
الشباب طلعوا من المكان اللي مستخبيين فيه
زينه بصتلهم بحده:مين دي
انس:دي سوسو
زينه:وتقربلكم اي.. وبصت لواحد فيهم بغيرة
ادهم:صاحبتنا بس احنا مش بنحبها
كنان:يلا ياشباب عالشغل
كلهم اندمجوا فالشغل وبعد فترة جالهم
زباين متكونين من ام وبنتها الصغيرة
زينه راحت تستقبلهم
زينه بإبتسامه:تشربوا ايه؟
الام:ثواني.. ووجهت كلامها للبنت الصغيرة:ها ياحبيبة ماما اجبلك اي
البنت بطفولة:عايزة فلاوله
الام بحنان:لأ ياحبيبتي الفراولة غلط عليكي اي رأيك اجبلك موز؟
البنت بحزن:بس انا عايزة فلاولة ياماااما
الام بحنان:طب اي رأيك اجبلك موز وبعدين هوديكي للملاهي ونلعب ونجيب غزل بنات
البنت بفرحه:بجد ياماما؟!
الام بحنان وحب:ايوه يا قلب ماما..لو سمحت ممكن عصير موز وفنجان قهوة
زينه:احم ثواني والطلب هيبقى عندك
**
زينه راحت للشباب
زينه:واحد عصير وواحد قهوة لترابيزة تلاته يشباب
ودخلت أوضه تغيير الهدوم
كنان لاحظ ان فيها حاجه متغيرة
كنان للشباب:خمسه ورجعلكم حضر الطلب ياانس..ودخل وراها
**
كنان :زين..زي وقطع كلامه لما شافها قاعده عالأرض ومتكورة على نفسها ودافنه راسها مبين رجليها وبتبكي
كنان جرى عليها بلهفه وخوف:مالك بتعيطي ليه..فيكي اي رديي
زينه بصتله وقالت بدموع وصوت مبحوح:عمري محسيت بحنان الام ياكنان...من وانا طفله وانا متعذبه..كان نفسي حد يحن عليا ...كل علاقتهم معايا كانت شفقه مش اكتر..الست اللي كنت بعتبرها امي عارف كانت بتعمل اي؟ لما نبقى بليل وفعز التلج كانت بتيجي تتطمن على عيالها وتغطيهم وتبوسهم...كنت ببقى مستنياها تعمل معايا كده..بس كانت بتمشي وتسبني... وانا كان بيصعب عليا نفسي اوي وبفضل ابكي ..الراجل اللي كنت بعتبره ابويا كان بيجيب لعياله وهو راجع من الشغل حلويات كتيرة وانا كان بيديني حاجه بسيطه شفقه علشان مزعلش...كانت بتاخدني معاها عند اهلها وبسمع كلامهم ان انا عالة عليها والمفروض توديني ملجأ احسن...لما بعمل زي بقية العيال واتشاقى شويه كانت بتضربني بغل..انا جسمي فيه علامات تعذيب منها ياكنان ولو حد من عيالها غلط عادي ده عيل..وشهقت:كنت كل يوم بليل بتكلم مع بابا وماما الحقيقيين فدماغي..كنت بستنجدهم انهم ياخدوني من هنا..هما ليه سابوني ياكنان لي لييي
كنان اخدها فحضنه وهي حضنته جامد وانهارت فالعياط
كنان وهو بيطبطب عليها بحنان وحزن والدموع فعنيه:ششش اهدي ..اقولك على حاجه..اعتبريني امك
زينه ضحكت


كنان وهو بيبعدها عنه وبيمسح دموعها:اقسم بالله مابهزر..اعتبريني امك وابوكي واخوكي وصاحبك وكل حاجه..وانا كمان هعتبرك بنتي واختي وصاحبتي ..كلنا هنبقالك عيلة يا انا والحمار خالد ومؤمن وتايجر وانس وادهم ..كلنا هنبقى عيلتك ..واللي يقرب منك هناكله بسنانا ..انتي اسمك اي
زينه بإبتسامه وهي بتمسح دموعها:زينه
لقت كنان متنح فوشها بصتله بإستغراب:مالك؟كنان...كنااااان
كنان بصدمه:يخربيت جمال امك ايه ده يابت..ده انتي المفروض تتنقبي مش تتنكري
زينه بصت للمرايه اللي فالأوضه بإستغراب وبعدين شهقت بصدمه:يلهوي ياكنان هعمل اي دلوقت؟الكريم اللي كنت داهنه وشي بيه اتمسح من العياط
كنان بتفكير:بصي هو فيه حل بس صعب شويه
زينه بلهفه:اييي قول بسرعه
كنان :احم ورنيش جزم
زينه بصدمه:نعم يروحمككك انت اتجنيت ياض ولا اي؟
كنان بصدمه وهو بيمسكها من التيشرت بتاعها:روحمك وياض؟اسلوبك بقا زباله يابت انتي اتظبطي
زينه :سيب الشاكيت..سيب الشاكيت بقولك
كنان سبها:شاكيت؟!كنتي بتاخدي انجليزي عند ميس عطيه صح؟! المهم مفيش غير الحل ده هااا ؟
زينه بقلة حيله:طيب وامري لله
**
بعد فتره زينه طلعت مع كنان وحد بصلهم بغضب وغيرة
اخر اليوم روحوا وحضروا نفسهم للجامعه
**
اول يوم للجامعه
في بيت الشباب
المنبه رن فأوضه خالد وانس
وانس صحى اول واحد
انس لخالد:ياض..ياض قوم الكليه ياض
خالد بنعاس:سيب الساندوتش بتاعي يامؤمن..فين الشرااااب
انس بقرف:حتى وانت نايم معفن!قوم يابني..الكليه ياحبيبي..قوم يبنلجزمه يااااااض قوم الكليه
انس بصله بقلة حيله وطلع من الاوضه يصحي الباقي
دخل اوضه كنان وتايجر ولقى كنان قاعد عالسرير بيفرك عنيه بنعاس وتايجر بيظبط بدلته قدام المرايه
انس بإعجاب:احلى حظابط ده ولا اي!اي ياض ياعبده البدله الميري دي بقيت اللوا عبد الرحمن حامد البحيري..حد يصدق ان انت ابن عم خالد!
تايجر:والنبي متفكرني ده انا بنسى بالعافيه اني ابن عمه
انس لكنان:تعالى صحي اخوك علشان مش عارف اصحيه وهروح للباقي
دخل لأوضه مؤمن وادهم صحى والتوينز بتاع خالد مصحاش برضه
الشباب كلهم جهزوا وتايجر سابهم ونزل كليته
ادهم :هنعمل اي احنا كده هنتأخر؟!
كنان :احنا حاولنا بكل الطرق نصحيهم وبرضه مخمودين
انس:انا بصحي خالد راح شدني جنبه وبيقولي وحشتيني يا ام علي؟!
ادهم:لااا احنا نمشي لأن عرف ان اللي هيدينا محضرتنا استاذ مرجان
كنان:اعوذ بالله لا يلا بينا بقا انا زهقت
ادهم وانس وكنان سابوهم ومشوا
وخالد ومؤمن نايمين جوه
**
بعد فتره صحوا وبعد٣٦٠خناقه مبينهم جهزوا ونزلوا الكليه بسرعه
**
في كلية الهندسه
في المدرج
الباب خبط ودخل شاب :انا اسف جدا يا استاذ مرجان عالتأخير انا بجد اسف جدا
مرجان بتحذير وغضب:انت اتأخرت دقيقتين بحالهم يا عز وده انا مسمحش بيه ابدا..بعد كده مش هدخل حد بعدي انتوا فاهمين؟يعني اي تتأخر دقيقتين هه اتفضل يابيه ادخل
بدأ يشرح فالمحاضره وبعد نص ساعه الباب خبط
ودخل خالد ومؤمن
خالد:صباح الجماال والكريستال يادكتوووور اذايك ياحجيجه
مرجان بغضب:انت اتجنينت يابني آدم انت؟داخل حارة شعبيه..واتاخرت كل ده ليه هه
مؤمن:انا كان عندي حالة وفاء يادكتور علشان كده اتأخرت
مرجان لخالد:وانت يابيه؟
خالد:حالة شيماء
مرجان بغضب وعصبيه:انت بتستظرف اتفضل ادخل انا هتهاون معاكم علشان دي اول محاضرة فالسنه الجديده اتفضلووو
مؤمن وخالد انضموا لباقي الشله وقعدوا
بعد مرور عشر دقايق
مرجان:وبكده خلصنا آخر جزئيه ممكن الاستاذ اللي فآخر بنش يقولي انا قولت اي؟
فآخر بنش(عند شلتنا القمر😂❤)
خالد وهو بياكل:يلهوي عالمخلل وطعامته هات هات
مرجان:انت ياحيواااان ياللي ورا
مؤمن: انا يادكتور؟!
مرجان:انت والمتخلف اللي جنبك
خالد:اي يادكتور مالك؟
مرجان بغضب:قاعد بتطفح فالمحاضرة؟!هو خلاااص مبقاش فيه احترام واخلاق؟برررره
مؤمن وخالد بصوا لبعض وبعدين لمرجان:احنا اسفين يادكطوور
مرجان بصراخ:بررررررره
مؤمن وخالد طلعوا بضيق
ادهم بهمس لكنان:اخوك انطرد يسطا
كنان هز كتفه بلامبالاة وكمل لعب بابچي
مرجان:ده انتوا هتجيبوا كحك اخر السنه
خالد من بره:انا عااايز كحك يامرجان مأخدتش كحك يامرجان
مؤمن وهو بيرقص:انا عايز كحك يامرجان مأخدتش كحك يامرجان
خالد:يلا ياعم نكمل فطارنا بلا قرف
***
في مكان اخر
ست جميلة جدا فأواخر التلاتينات قاعده بس باين عليها الحزن
دخل راجل فأوائل الاربعينات وسيم جدا وراحلها
:لسه برضه عايشه فحزنك ده يا اميرة؟!
اميرة بحزن:وعمري مهنساها يا وجيه..دي بنتي حته من قلبي
وجيه بغضب وحزن:وبنتي برضه وحته مني برضه بس احنا عندنا ابن تاني..مؤمن..نسيتيه يا اميرة..بقيتي مهمله معاه!
اميرة بصت لوجيه ومقدرتش تتكلم
**
فالبيت
زينه دخلت شقه الشباب لما عرفت انهم فالجامعه
روقت الشقه وطبختلهم
وبعد شوية كلهم اتجمعوا
انس وهو داخل:يحلاوة ياولاد اي ريحه الاكل دي
ادهم:دي الشقه بتلمع ده وانا نازل الصبح شفت فار نايم فحضن خالد
زينه بإبتسامه:انا اللي ظبطت الشقه وطبختلكم النهاردة
كلهم شكروها واتجمعوا عالأكل واتغدو وحبوه اكلها جدا
وبعد شوية جهزوا علشان الشغل
نزلوا كلهم وركبوا العربية ووصلوا الكافيه
زينه نزلت مع الشباب وهي بتضحك
شاب شافها من بعيد ودقق فملامحها وبعدين برق وجرى عليها اخدها فحضنه تحت صدمة الشباب وغضب وغيرة حد فيهم و...

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-