Ads by Google X

رواية حكاية روح الفصل الحادي عشر

 


"١١"
*فى المستشفى*
كانت الاء فى اوضه فى المستشفى بتشوف طفل مريض
الاء:لا دا احنا بقينا عال اوى ....اوعى تكون بتزعل ماما منك ومبتأخدش الدوا فى معاده
الطفل:لا بأخده فى معاده عشان أخف وابقى كويس
الاء:شطور وان شاء الله هتبقى كويس يا جميل
احمد جه من ورا الاء وحط صابعه على شفايفه للطفل بمعنى متتكلمش وقرب من ودن الاء وصرخ فيها الاء غمضت عيونها بخوف وصرخت وبعد كده فتحت عيونها وبصت وراها لقت احمد بيضحك
الاء بغضب:انت ايه اللى انت عملته دا
احمد: خوفتى مش كده
الاء:لا مخوفتش على فكره


احمد:لا مهو واضح...امال مين اللي كان بيصوت
الاء:أنا كنت بصوت عشان دى طريقه علاج حديثه كنت بعالج بيها الطفل
احمد:يا جدع اول مره اسمع عن العلاج بالصريخ
الطفل:متكذبيش يا طنط انتى خوفتى
احمد بصلها بانتصار وقال:يابنتى دا حتى الطفل عارف انك خوفتى
الاء بصت للطفل بغضب وقالت:على فكره انا دكتورتك مش هو
احمد:هو عشان انتى دكتورته يكذب يعنى
الاء:لخص يا احمد انت عايز ايه
احمد:ممكن نطلع نتكلم برا شويه عشان الممرضين والدكاتره بيبصو علينا وبقى شكلنا زباله
الاء:واتكلم معاك بصفتك ايه
احمد:لا مهو انتى لو مطلعتيش معايا هقول لكل اللى هنا أن احنا مخطوبين
الاء:ايوا بس أنا مش مخطوبه منك
احمد:شوفى بقى مين اللي هيصدق
الاء:مستفز


احمد:يلا قدامى
*فى مكتب ادهم*
ادهم:يابنى انت ليه قاعد معايا من الصبح فى المكتب مش فاهم
أدم: عادى يعنى اخويا ياجدع حرام انى اقعد معاك يعنى
ادهم باستغراب:لا مش حرام بس غريبه يعنى
ادم:لا مش غريبه
سكت أدم شويه وبعدين قال:هى تقى فين
ادهم:مش عارف اتأخرت اوى ...دا انا حتى جاى الشغل النهارده بدرى عشانها
أدم:وليه بقى أن شاء الله
ادهم:بص يا ادم مش هخبى عليك تقى من النوع اللى بيسحر اللى قدامه... من نوعى المفضل اللى محدش قربله قبل كدا
أدم بغضب:بجد والله وايه كمان
ادهم: مالك متعصب ليه
أدم:متعصب عشان مينفعش تتكلم كدا عليها
ادهم:وليه يعنى مينفعش
أدم:ادهم تقى دى خط احمر فاهم...تقى مش زى البنات اللى تعرفهم
ادهم:مانا عارف انها مش زيهم مهو دا اللى عجبنى فيها
أدم:بص يا ادهم ابعد عن تقى احسنلك
ادهم:لا دا واضح انها عجبتك انت كمان مع إن لسه دا اول يوم ليها ...بس معلش هنقسمها بينا
أدم:اددددهم
ادهم:بتحبها مش كدا
أدم بتوتر:ها لا طبعا
ادهم:لا بتحبها يا آدم
ادم:ايوا بحبها وابعد عنها احسنلك
ادهم:كنت عارف
أدم:ازاى يعنى


ادهم: يابنى دا انا خبره فى الحاجات دي ...كان باين عليك جدا فعشان كدا كنت بختبرك
أدم:يعنى ايه
ادهم:عشان اتأكد انك بتحبها
أدم:ولما تتأكد هتعمل ايه
ادهم:هعرف اجمع بينك وبينها
ادم:وهتجمع بينى وبينها ازاى بقى
ادهم:لا دى اسرار بقى يا برو
* صوت خبط على باب المكتب*
ادهم :ادخل
الباب اتفتح ببطأ ودخلت منه تقى وهى وشها فى الارض
تقى:السلام عليكم
ادم وادهم فى نفس الوقت:وعليكم السلام
تقى رفعت وشها وبصت لادم وقالت بسخريه:هو الباشا منور هنا
أدم: على فكره دى شركتى
تقى:لالالالا انت بتقول ايه تصدق مكنتش اعرف أنا اتصدمت بجد
ادهم:ياا جماعه دا مكان شغل
تقى:اسفه يا مستر ادهم
ادهم:لا ولا يهمك
تقى:طب يلا أنا جاهزه ابدأ فى الشغل
ادهم:ايوا بس انتى مش هتبدأى معايا أنا ..انتى هتبدأى مع أدم
أدم وتقى فى نفس الوقت:نعم


*فى المستشفى عند احمد والاء*
الاء:ها يا سيدى عايزنى فى ايه
احمد:انتى عرفتى انى كنت متجوز روح كاتفاق
الاء ببرود:اه عرفت
احمد:طيب بدال عرفتى بتعاملينى كدا ليه
الاء:بعاملك ازاى يعنى مش فاهمه
احمد:يعنى بتتعاملى ببرود
الاء:عادى يعنى مانا بتعامل معاك كدا من اول مشوفتك
احمد:ايوا بس كان حجتك انى كنت بضرب روح دلوقتى ايه حجتك
الاء:حجتى انى مش طايقاك
احمد:طب ليه
الاء:انا حره يا اخى انت مالك
احمد:على فكره انا مبقتش احب روح
الاء:وانا مالى تحبها والا متحبهاش
احمد:مهم عندى انك تعرفى
الاء:ليه
احمد:عشان....
قاطعه صوت روح وهى بتقول:احمد
احمد غمض عيونه بغضب وقال بهمس:يخربيت كدا يا شيخه
الاء:روح انتى ايه اللى جابك هنا
روح بصت لاحمد بغضب وقالت:عايزه احمد فى موضوع مهم
الاء بغيره:نعم وعايزاه ليه أن شاء الله
روح باستغراب:عادى يعنى يا الاء محتاجه منه مساعده
الاء:طب مجوزك يساعدك
روح:مالك يا الاء
الاء:ها لا ولا حاجه اهو عندك اهو اشبعى بيه


وبعد كده بصت الاء لأحمد بغضب وقالت:عن اذنكوا
بعد مالاء مشيت روح قالت:مالها دى
احمد:بالذمه عليكى انتى ترضى أن حد يجى يأخد بدر منك وهو واقف معاكى
روح: لا ...اه ....لا ....قصدى أنه لا لانه بدال واقف معايا لازم يحترم كدا
احمد:عرفتى بقى هى مالها
روح:ايوا بس هى مبتحبكش عشان تزعل
احمد:يعنى انتى بتحبى بدر
روح:ها ...لا طبعا
احمد:المهم كنتى جايه ليه
روح بصتله بغضب وقالت:كويس انك فكرتني
روح طلعت ورقه من شنطتها وفتحتها وحطتها قدام وش احمد وقالت:ايه دى
احمد بتوتر:ايه دى
روح:متستهبلش...دا خطك يا احمد ...انت اللى كتبت الرساله دى مش كده
احمد لف الناحيه التانيه وبلع ريقه وقال:ايه اللى انتى بتقوليه دا يا روح اكيد لا طبعا
روح وقفت قدام احمد وقالت:طب بص فى عينى وقولها
احمد:دا مش وقته ياروح ...دى مستشفى
روح:احمد متغيرش الموضوع.. بقولك قولى الحقيقه انت اللى بعتت الرساله صح
احمد:ايوا انا
روح بحزن :طب ليه ...ليه يا احمد دا انا كنت بعتبرك اخويا
احمد:عشان ...عشان...
روح:عشان ايه
احمد:عشان كنت عايز انتقم منك
روح بصدمه:ايه
احمد:ايوا كنت عايز اوجعك زى موجعتينى....أنا اتجوزتك وانا فاكر انك ممكن تحبينى زى مبحبك ....بس كنت غلطان لانك انانيه مبتحبيش غير نفسك وبس
روح بدموع:يااااا يا احمد انت شايل كل دا فى قلبك من


ناحيتى....معقول انت يا احمد تعمل كدا ....أنا كنت دائما بقول انك شخص طيب وبتسامح وعمرك فى حياتك متأذى حد اذاك ...انت يا احمد تعمل كل دا
احمد:ليه ...ها قوليلى ليه لازم دائما ابقى ضحيه ...ليه لازم دايما اساعد الكل من غير مقابل ..ليه دائماً أدوس على نفسى وعلى كرامتى عشان غيرى قوليلى ليه
روح:..................
احمد:مش عارفه تردى صح
روح:أنا اسفه يا احمد أنا..
احمد:هششش متعتذريش مش محتاج اعتذارك لانه مش هيفيدنى فى حاجه ...بعد اذنك يا روح
احمد مشى من قدام روح وسابها وهى مكسوره وحاسه أنها جرحته وبعد كده مشيت وباين على ملامح وشها الحزن بس اتغيرت ملامح وشها للغضب لما شافت بدر واقف بيضحك مع واحده فى طرقه المستشفى وبعدين قربت منهم
بدر:روح!!انتى بتعملى ايه هنا
روح:كنت جايه عشان اشوفك يا حبيبي
بدر باستغراب: حبيبى!!
روح:وعمرى وكل حاجه ليا كمان
بدر حط ضهر أيده على جبهة روح وقال:انتى كويسه يا روح
روح:ايوا يا حبيبي أنا كويسه طول مانا معاك
وبعدين روح بصت للبنت وقالت:مش تعرفنا يابدر
بدر كان واقف مصدوم وفاتح بوقه ومستغرب من اللى روح قالته
روح:بدر انت روحت فين
بدر:ها
روح:مش تعرفنا
بدر:دى الدكتوره صفيه ودى ..
روح:مراته أنا ابقى مراته
صفيه:غريبه يعنى بس اللى اعرفه ان دكتور بدر مش متجوز
روح:لا ماحنا لسه متجوزين امبارح ...وكل حاجه جت بسرعه ...اصل انا كنت هتجوز من حد غيره بس هو منع الجواز أصله بيموت فيا وميقدرش يشوفنى مع حد غيره
صفيه:هو فى عريس يسيب مراته يوم الصباحيه ويروح شغله ...لا الصراحه شكله بيموت فيكى فعلا
روح:وحياتك عندى مكنش عايز يروح بس أنا بقى قولتله أن شغله اهم من اى حاجه
صفيه:اممم عموما الف مبروك
روح مسكت ايد بدر وقالت:الله يبارك فيكى


صفيه:طب عن اذنكوا أنا بقى
روح حركت صوابعها فى الهوا بمعنى مع السلامه
بدر:روح حبيبتي
روح سابت ايد بدر وقالت:ايه حبيبتي دى يابدر ....متتعدل كدا
بدر:انتى كنتى من شويه حاجه تانيه خالص انتى بتتحولى بسرعه كدا
روح:كنت بحاول اعملك منظر قدام زميلاتك
بدر:انتى بتغيرى والا ايه
روح:أنا ...لا طبعا واغير من ايه اصلا
بدر: والله العظيم بتغيرى
روح:عادى يعنى انت زى اخويا وعادى لما اغير
بدر:هو أنا مقولتلكيش
روح:لا مقولتليش
بدر:اصل انا مش عندى غير اخت واحده واسمها الاء
روح:ظريف
بدر:المهم انتى كنتى هنا ليه
روح:أسأل صاحبك ...سلام
روح مشيت وبدر وقف مستغرب وقال :أسأل صاحبى ... ياختاااااااي ليكون قالها
بعد كده بدر راح لاحمد
بدر بنفس سريع:احمد ...احمد
احمد:أهدى يابنى وخد نفسك
بدر:احمد انت قولت ايه لروح
احمد:هى قالتلك
بدر:يبقى انت قولتلها على كل حاجه
احمد:متخافش
بدر:مخافش ازاى بعد اللى حصل
احمد:أنا مقولتلهاش على كل حاجه ...روح عرفت أن أنا اللى باعت الرساله
بدر:ازاى
احمد:عرفت خطى
بدر:وبعدين
احمد:وبعدين قولتلها انى عملت كدا عشان انتقم منها لانها محبتنيش وخلتنى ضحيه
بدر:وهى قالت ايه


احمد:اعتذرت وانا طبعا عملت نفسى انى مستحيل اسامحها عشان لو سامحتها بسرعه اكيد كانت هتشك
بدر اتنفس بارتياح وقال:شكرا يا أحمد بجد شكرا
*عند ادم وادهم وتقى*
تقى:ازاى يعنى هشتغل معاه و هو عنده سكرتيره
ادهم:لا ميارا اخدت اجازه
أدم:يارا اخدت اجازه
ادهم:احم احم ايه يا آدم دا انت اللى موافقلها على الاجازه
أدم:ها اه اه أنا
تقى:طب وانت يا مستر ادهم حضرتك محتاج سكرتيره انت كمان
ادهم:لا ادم هو اللى محتاج سكرتيره اكتر منى لان مشاغله كتير
تقى:بس أنا مش عايزه اشتغل معاه
أدم:دا شغل على فكره وحضرتك مش جايه هنا عشان تختارى
ادهم:يخربيت الدبش...هو قصده يا تقى أن دا شغل والمفروض انك جايه تشتغلى فمش فارقه معايا والا معاه
تقى: خلاص يا مستر ادهم أنا هشتغل معاه عشان خاطرك بس
أدم:طب يلا ورايا على مكتبى
مشى أدم وشاور لتقى بمعنى ورايا
تقى: مستفز
تقى مشيت وراه وهى متعصبه
*فى مكتب أدم*
أدم:ادخلى
تقى:مش مستنيه تقولى أنا كدا كدا دخلت
أدم:أنا عندى اجتماع النهارده بعد ساعتين مع شركة******** وبعد ٤ ساعات لازم اروح المطار عشان استقبل عملاء أجانب من أمريكا و...
تقى:لحظه بس استنى بدال دخلنا فى الجد بقى يبقى اطلع ورقه وقلم
تقى طلعت ورق وقلم من شنطتها وبدأت تكتب كل اللى أدم بيقوله وبعد مخلصت كتابه
أدم:بس كدا معدش فى حاجه ياريت تكونى كتبتى كل اللى قولته
تقى:نعم انت بتقول بس ...بس ايه يابنى دا انت مش عندك ولا ساعه فاضيه وبتقولى بس
أدم:دا كده يعتبر يوم فاضى عندى
تقى :بس تصدق انت تستاهل
أدم:احنا هنبتدى نقل ادبنا والا ايه


تقى شهقت وقالت بغضب:أنا بقل ادبى
أدم قام من مكانه وهمس فى ودنها وقال:بيبقى شكلك حلو وانتى متعصبه
تقى برقت وخدودها احمرت وقالت بتوتر:طب انا هطلع برا بقى ...مش مكتبى برا برضو
أدم بابتسامه :اها
تقى :ماشى
تقى وقفت عند الباب وبعد كده بصتله تانى وقالت بتوتر:أنا ماشيه
أدم:ماشى
تقى:أنا طالعه برا وهقعد على مكتبى
أدم:اممم تمام
تقى:تمام
بعد كده تقى طلعت برا المكتب ووقفت وحطت أيدها على قلبها وقالت:بطل دق يخربيتك هتفضحنا الواد حلو اه يعنى بس رخم فمتحبوش فاهم اووووف أنا هركز فى شغلى وبس
*عند بدر*
بدر كان ماشى فى طرقة المستشفى وقفه صوت حد من وراه
صفيه:دكتور بدر ...دكتور بدر لو سمحت
بدر:نعم يا دكتوره صفيه
صفيه:ممكن لو سمحت اتكلم معاك شويه
بدر:اتفضلى
صفيه بصت حواليها بخوف وقالت:أنا محتاجه مساعدتك
بدر:فى ايه
صفيه:مدير المستشفى ومعاه كام دكتور من المستشفى بيتاجروا فى الاعضاء
بدر:نعم!!...........

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-