Ads by Google X

القائمة الرئيسية

الصفحات

رواية هروب بلا عودة الفصل الثالث


 

ايمان :ها هي
الام :هي وهي بتهربك قالتك
ايمان:لا هي متعرفش اني فقد الذاكره وهي جايه تفكني بقولها انتي مين قالتلي انا مياده اخلصي بسرعه قبل ما حد يشوفنا امشي ومترجعيش هنا تاني
الام :اقولك حاجه يابنتي انا مش مرتاحه ليكي بصراحه
ايمان :طيب ليه
الام :مش عارفه في حاجه بتقولي انك وراكي حوار كبير اوي
ايمان : انا هامشي والله مش عايزه اكون مصدر إزعاج ليكي
الام :انا مقولتش انك تمشي بس بوصي انا بنتي غلبانه اوي وطيبه جدا لو بنتي حصل ليها حاجه بسببك انا مش هسكت
ايمان :مرينا طيبه أنا عارفه والله بس بجد والله العظيم انا فعلا مش بتاعت مشاكل اي اللي حصل ومين عمل فيا كده انا مش عارفه بس بجد اللي اعرفه اني مش هكون السبب في اي مشاكل ليكم
الام :اتمني كده بتعرفي تخرطي ملوخيه
ايمان:نعم
الام :مش قولتي عايزه تسعدني
ايمان:اها طبعا تحت امرك
الام :طيب خدي وانا هعمل لينا شاي
ايمان:تسلم ايدك ودخلت ام مرينا المطبخ وكلمت ايمان نفسها ربنا يسترها بقي ويكلمها علي خير
وفي شغل مرينا
جورج :ها تحبي اروحك




مرينا :لا امشي انت عالشان تحلق تروح تبارك لانجيل
جورج :هو انتي مش جايه معايا
مرينا :معلش يا جورج خليها بكره
جورج :اشمعنا بقي
مرينا :لاحسن انا حاسه أن ماما كلت ايمان دلوقتي
جورج :بتقولي اي
مرينا :بوص انا هقولك كل حاجه وكحت ليه مرينا مالك ساكت ليه
جورج :مستني تقولي انك بتهزري
مرينا :لا طبعا بتكلم جد
جورج :لا لو بتتكلمي بجد يبقي انتي اتجننتي
مرينا :, نعم انت بتقول اي
جورج :يعني انتي دخلتي بيتك حد متعرفهوش وجايه تقولي بتكلم بجد
مرينا :بقولك اي يا جورج انت كنت عايزني اسبها
جورج :لا طلعيها اوضتك ونيمها علي سريرك
مرينا :جورج افرض ان انا اتخطفت وفقد الذاكرة ومشيت في الشارع معرفش اي حاجه كنت هتكون فرحان وانا مرميه في الشارع
جورج :اي الفيلم العربي ده
مرينا :جورج حس بالناس
جورج :منا بحس بيهم بس مش لدرجه اني اجيب حد معرفوش واقعدو في البيت
مرينا :بجد صدقني دي شكلها طيب اوي وغلبانه
جورج :مرينا هتفضل عندكم حد أمتي
مرينا :مش عارفه ربنا يحلها وتمشي عالطول
جورج :طيب عمي ومراته اللي جاين عندكم بكره
مرينا :احمممم مش عارفه هخليها في الاوضه
جورج :برحتك يا مرينا
مرينا :خلاص بقي فكها شويه
جورج :ماشي يلا علشان اروحك
مرينا :عايزه اشتري حاجه الاول
جورج :عنيا يا حبيبتي تحت امرك
مرينا :عايزه اجيب فانوس
جورج : هههههههههههه خاطب طفله




مرينا :ده مش ليا ده لايمان
جورج :ايمان مين
مرينا :انت لحقت نسيت
جورج :انزلي يا مرينا
مرينا :هتخليني انا اسوق
جورج :امال انزلي يا حبيبتي
مرينا :بموت فيك يا قلبي ونزلت مرينا ومشي جورج بالعربيه
جورج يا جورج اخص عليك واتصلت عليه
جورج :نعم عايزه اي
مرينا :حق الفانوس يا جورج يا لو سمحت قفل السكه في وشها ماشي يا جورج انا هوريك وراحت اشترت فانوس وراحت البيت
مرينا :ماما يا ماما فينك
الام :انا هنا يا ازعاج تعالي
مرينا :وحشتني عامله اي
الام :بخير امال فين جورج
مرينا :هيروح لانجيل
الام:مروحتيش معاه ليه
مرينا :بعد بكره نروح ليها انا وانتي
الام :وبكره ليه ليه
مرينا :عمو عماد جاي عندنا
الام:انا مش فاضيه بكره
مرينا :ماما علشان خاطري معلش هي ساعه استحلمي فيها
الام :مش بحب مراته مني رخمه اوي
مرينا :علشان خاطري فين ايمان
الام :في المطبخ
مرينا :يا جاحده شغلتي البت بقلمتها
الام :ارخصي يا قليله الادب
مرينا :ايمان يا ايمان انتي فين
ايمان:ازيك يا مرينا
مرينا :بخير خدي كل سنه وانتي طيبه
ايمان:اي ده الله فانوس جميل جدا
مرينا:كل سنه وانتي طيبه هدخل اخد دش وبعدين انام شويه
ايمان بدأت تفتكر اخر فانوس جوزها ياسر جابه ليها قبل ما يموت
#فلاش باك
ياسر :ايمان يا ايمي انتي فين
ايمان :،,انا هنا في المطبخ يا حبيبي
ياسر : كل سنه وانت طيبه يا قلبي
ايمان : الله حلوه قوي الفانوس ربنا يخليك لي يا حبيبي
ياسر : ويخليك لي كنت عايز اقول لك على حاجه بس ما كنتش عايزك تزعلي
ايمان : انا عمري ما ازعل منك يا ياسر
ياسر :رضا اخويا جاي يفطر معانا




ايمان : اول يوم رمضان يا ياسر
ياسر : معلش انت عارفه ان هو ما لوش احد
ايمان: اللي تشوفه
ياسر : انا مش عارف انت ليه بتكرهنى رضا قوي كده
ايمان: انا مش بكره يا ياسر والله بس هو بحس أنه مش بيحبنا
ياسر : مين رضا ده بيموت فينا
ايمان : حبيبي عشانك اعمل اللي انت عايزه
ياسر :ربنا يخليكي ليا يا حبيبتي وجه رضا العزومه وكان بيحاول أنه يتجنب ايمان خالص
ياسر :قومي انتي علشان اوصلك تروحي مامتك
ايمان::لا مش لازم خليها بكره
ياسر :لا يا حبيبتي انا وعدتك انك هتروحي
ايمان:حاضر
رضا :كان في ورق مهم لازم تروح الشركه علشان تمضي
ياسر :مش جبته معاك ليه
رضا : كنت نازل مستعجل
ياسر :رضا اي نعم انت بعت ليا نصيبك في الشركه بس انت اخويا برضه
رضا :واي لازمته الكلام ده
ياسر :يعني الشركه دي بتعتنا احنا الاتنين
رضا :اكيد طبعا بس برضه ليه الكلام ده
ياسر :عايزك تخاف عالشركه شويه زي ما انا بخاف عليها
رضا :ربنا يعلم انا بخاف علي مالك ازاي ونزلوا كلهم ووصلت ايمان بيت ابوها
ياسر :هخلص شغل واجي اخدك
ايمان :تيجي بالسلامه
ياسر :ايمان خدي بالك من نفسك
ايمان :ليه بتقولي كده
ياسر :حاسس انك وحشاني اوي
ايمان:بس اخوك في العربيه
ياسر :بحبك يا ايمان
ايمان: ولا انا كمان وراح ومضاه علي أوراق كتير
ياسر :كفايه أما تعبت
رضا :دي اهم ورقه
ياسر :مش قادر اراجع تاني
رضا :انا راجعت علي كل الشغل أمضي لان لازم اسافر بكره
ياسر :ماشي ومضاه ونزلوا ركبوا العربيه وفي الطريق الصحراوي طلع عليهم عربيه وضربتهم بالنار
وراحوا المستشفي وكان ياسر لسه عايش
ياسر :عايز اكلم مراتي
الممرضه حاول متتكلمش
ياسر :ارجوكي
الممرضه طيب افتح تلفونك وانا هتصل بيها واتصلت
ايمان :اي يا حبيبي فينك
الممرضه :حضرتك ممكن تيجي مستشفي السلام في الهرم
ايمان:جوزي مالو حصلوا اي وجريت علي هناك
مالك يا حبيبي
ياسر : خدي بالك من نفسك يا ايمان
ايمان :مين اللي عمل فيك كده
ياسر :انا كنت بحبك أغلي من روحي حافظي علي ابننا اللي في بطنك ومات ياسر
ايمان : لااااااا ياسر قوم ارجوك متوجعش قلبي عليك
ورضا الطلقه كانت في دراعه بس




رضا :اخويا لا متروحش وتسبني وعدا شهر علي موت ياسر
ايمان:رضا انا عايزه اروح الشركه
رضا :اكيد ده حقك طبعا
ايمان:الشركه لازم تتفتح وشغل ياسر يمشي
رضا :هو ياسر مقلش ليكي أنه باع نص الشركه بيع وشراء ليا
ايمان :انت اكيد اتجننت صح امتي حصل الكلام ده عمر ما ياسر خباه عني حاجه
رضا :اهي العقود وانا هكدب عليكي ليه
ايمان :يستحيل
رضا :وفي حاجه تانيه احنا فرحانه كمان كام شهر
ايمان :لا انت شكلك بتخرف
رضا :مهو انا مش هسيب ابن اخويا يتربي معاه راجل تاني
ايمان :انا عمري ما هتجوز
رضا :ده مش بمزاجك يا حلوه



تعليقات