الفصل الخامس
اشرقت شمس يوم جديد علي ابطالنا
استيقظت يارا من نومها وذهبت للمرحاض واخدت شاور وادت فرضها ونزلت في الوقت ده كان محمد وباقي العيله علي مائدة الطعام
يارا: صباح الخير
الجميع : صباح النور
فاطمه: نمتي كويس يا حبيبتي
يارا : اه الحمد لله يا طنط السرير مريح وحلو
محمود: لو عاوزه اي تغيير في الاوضه نغيرهالك يا حبيبتي
يارا : لا يا اونكل شكرا ربنا يخليك
طارق : كملي اكلك يا روحي علشان سليم زمانه جايلك
محمد اول ما سمع اسم سليم كان عاوز يقوم يخنق طارق ويارا وسليم لما ييجي كمان 
يارا: حاضر يا بابي........ في الوقت ده كان يوسف جه
يوسف : لا ده انا حماتي بتموت فيا
محمد: علي طول كده همك ع بطنك
ضحك الجميع ..يارا: انت يوسف البحراوي صح ؟
يوسف : ايون هو بعينه انا ...عامله ايه يا يارا وحشتيني والله. ( يوسف كان مع محمد من صغرهم واكيد عارف يارا )
يارا : انا تمام الحمد لله وانت عامل اية
يوسف : بخير الحمد لله....انتي خارجه ولا ايه
يارا : اه سليم جاي هنروح مشوار كده ونرجع
يوسف : اه ماشي......بس سؤال لولبي كده مين سليم
يارا بضحك: صديقي الصدووووق
وفي الوقت ده رن تليفون يارا وكان المتصل سليم
يارا : الو ايوه يا سليم
سليم : الو يا يويو انا بره اهه اطلعي يلا
يارا : حاضر حالا ....... قفلت معاه
يارا : يلا بقا باي يا جماعه علشان متأخرش
طارق : يارا بلاش تمشي واسمعي كلام سليم
يارا : حاضر يا بابي .......ومشيت
(في العربيه )
سليم : ها هنروح فين بقا
يارا : استني اكلم روان ونشوف هما فين ونروح لهم
يارا اتصلت بروان وعرفت هما فين وقالت لسليم ووصلوا
( في النادي )
يارا وسليم دخلوا لاصحاب يارا النادي واتعرفوا علي بعض وفجأه محمد ويوسف بس يارا مكانتش شيفاهم واللي شافتهم روان
روان وهي بتهمس ليارا : بت مش ده محمد
يارا بصدمه : اه ده هو تصدقي
روان بضحك: البس .... بس مين المز اللي معاه ده
يارا : ده يوسف البحراوي صاحبنا من واحنا صغيرين
روان : الحقي دول جايين علينا
يارا : احم ولا يهزني ...يارا همست لسليم انهم هنا
سليم بضحك : ده اللي انتي عوزاه يغير اهه نط لنا
يارا بضيق : من فقرك تك قرف
سليم : تسلميلي يارب
وفي الوقت ده وصل محمد ويوسف
محمد : اي ده يارا صدفه جميله
يارا : محمد بتعمل ايه هنا
محمد : جاي انا ويوسف نقعد ف النادي شويه مش كده يا يوسف ..بس يوسف كان في دنيا تانيه خالص مع روان اللي سرحوا مع بعض
محمد مقاطعا يوسف من سرحانه : يوسف ......يوسف
يوسف بإنتباه : ايييه ! في حاجه
محمد : بقالي ساعه بكلمك مالك
يوسف: مفيش بس انت كنت بتنده ليه
محمد : خلاص يا اخويا ..موجه حديثه ليارا: طب عاوزه حاجه باي بقا
سليم متدخلا : ما تقعدوا معانا واهه كلنا نبقا مع بعض ونتعرف
محمد : تمام مفيش مشكله
وجلسوا جميعا واتعرف محمد وسليم علي بعض .. وروان ويوسف كذالك وانتهوا وكل واحد روح بيته ماعدا يارا وسليم ومحمد
يارا : سليم انا عاوزه اتمشي وبليز ما تقوليش لا
سليم بقله حيله : بس هكون معاكي
يارا :ماشي ....وانت يا محمد خليك ونروح مع بعض
محمد : ماشي
مشت يارا قدام ومحمد وسليم بيتكلموا لحد ما لقوا يارا رجعت لهم وقالت : احم .....سليم
سليم بفهم: تعبتي صح
يارا باسف : ااه
سليم : قولتلك ...ثواني هروح اجيب العربيه وااجي
مشي سليم وساب محمد ويارا
محمد: هو انتي من امتي وانتي بتتعبي من المشي انتي طول عمرك بتحبي المشي
يارا : مش بقولك فى حاجات كتير متعرفهاش عني
محمد : طب وانا حابب اعرف
يارا :كل حاجه في وقتها اجمل
محمد : طب بالنسبه لاتفاقنا
يارا بعدم فهم: اللي هو
محمد : اننا نرجع زي زمان وتحكيلي كل حاجه عنك
يارا : تمام اي وقت انت فاضي فيه
محمد : انا فاضي النهارده بالليل هنحضر القهوه ونقعد في الجنينه وتحكيلي
يارا : تمام
وفي نفس الوقت ده وصل سليم وركبوا العربيه وروحوا يارا ومحمد راح شركته
(في الشركة)
محمد للسكرتيره : ابعتيلي يوسف حالا
السكرتيره : حاضر يا فندم
بعد دقايق وصل يوسف مكتب محمد
يوسف: خير يا باشا مش لسه سايبك لحقت اوحشك
محمد : ظريف يلا ..الا قولي انت كنت مبلم ع روان كده ليه
يوسف: روان مين ...اه صاحبه يارا هييييييح
محمد : انت اتهبلت يلا مالك
يوسف: مش عارف شكلي كده حبيتها
محمد : من مره واحد بس شوفتها
يوسف : عادي حب من اول نظره مسمعتش عنه
محمد : لا سمعت . بس بجد ليه بقا
يوسف : مش عارف بس عيونها فيها حاجه غريبه حاجه شدتني ليها كأن فيها سحر مخليني مش عاوز انزل عيني عنها .وكنت متضايق لما كانت بتهزر مع سليم
محمد: شكلك وقعت يا معلم
يوسف بغباء : لا والله ما وقعت مين قالك
محمد بقله حيله: الله يحرق غبائك وقعت في الحب يا لطخ
يوسف باين كده هييييح
عند روان كانت قاعده بتفكر في اللي حصل النهارده وفجأه رن تليفونها برقم غريب
روان : الو مين معايا
المتصل : انااااا ........
