Ads by Google X

القائمة الرئيسية

الصفحات

رواية احببتها مقاتله البارت الخامس

 


البارت الخامس..
غفران راحت لتيم الل كان قاعد فالمكتب بتعب، فنفسها كانت بتتوعدله وكانت ناوية تزله وتستغل فرصة انه تأخر فانها تضايقه...
غفران=اي يا حضرة الظابط، نوم العوافي، اي مش نلتزم بمواعيدنا ولا انت معندكش احترام.. للمواعيد...
تيم بصلها بتعب... وبص قدامه بدون كلام...


غفران حست انها غلطت فالكلام معاه...وكمان هو باين عليه التعب، اكيد كان في مشكله..
غفران قلبها حن شوية.. ومتعرفش اي السبب الل خلاها ترق لحاله...
غفران=مالك يحضرة الظابط في حاجه، خير؟!
تيم زفر بتعب =أختي وبنتها اتعرضو أمبارح للقتل من أحد العصابات الل بلاحقهم، عشان يلو دراعي،
غفران بتسرع=خير يارب، طيب هم كويسين دلوقتي؟!!
تيم=اااه بيقولو في بنت أنقذتهم.... نفسي أعرفها عشان أشكرها، انا مليش غير اختي وبنتها.... جوز اختي كان زميل لينا فالشرطه، وأستشهد من قريب فمأمورية.... هي ملهاش غيري انا وبنتها... وانا مليش غيرها لانها اختي الوحيده وأهلي متوفين....


غفران افتكرت الست الل انقذتها امبارح، وحست انها نفس الشخص، اخته يعني...
غفران=اي هي محاولة القتل...
تيم=كانت بترن على حد ييجي يصلحلها المواسير بتاع الشقه لانها باظت.... وجه شخص غريب كده ودخل الشقه.... وأستغل أنشغال أختي ببنتها وكب غاز وخرج وولع فالشقه وقفل الباب عليهم ومشي....
غفران اتأكدت ان اخته هي نفسها الست الل انقذتها أمبارح، وفرحت أوي بالل عملته....
وبالذات بعد ما فهمت حكايتهم..
غفران =طيب معرفتش مين البنت الل انقذتهم؟!
تيم=أختي قالتلي أنها شافت ملامحها بس بسبب الدخان والنار والدنيا الل كانت فيها مأخدتس بالها اوي منها ومسألتهاش على الأسم...


غفران بغموض =اااه، ربنا يجازيها خير على شجاعتها بأذن الله..
تيم=يارب، بأذن الله... انا هفضل شايل جميلها العمر كله، ولو طلبت حياتي هديهالها...
غفران ابتسمت =طيب كويس، اكيد هييجي موقف ووتطالبك برد الجميل....
قررت انها مش هتقله انها هي البنت الل انقذت اخته وبنتها وهتسيبها بظروفها يمكن الكون مخبيلها حاجه....
تيم=أكيد هشوفها فيوم،بنت بالشجاعه دي،أكيد هتقابلني فيوم..
غفران فتفسها=كنت بتتريق عليها من يومين وتقول هتقع من اول نفخه،طلعت أسجع من بلدك كلها اهي...
تيم=بتقولي حاجه يغفران...
غفران=لا بقول،حمد لله على سلامة اختك...ولازم تنقلها لمكان محدش يعرفه لانها كده أكيد فخطر....ويترا عرفت مين الل عمل كده...
تيم =لا للأسف معرفتش،بس هعرف،وانا فعلاً هنقلها لمكان تاني محدش يعرفه وبأذن الله هيبقو بخير...
غفران ابتسمت=بأذن الله...
مش هنبدأ نحط خطتنا ولا اي يحضرت الظابط،احنا فمأمورية مش سهلة...ولازم خطه محكمه...
تيم=انا عندي خطه...
غفران بتسرع=لا سيبلي الخطوة دي انا عملت خطه خلاص...
تيم =والله!طيب اطرحيها وانا هطرح خطتي ونشوف مين خطته افضل...
غفران بثقة=خطتي طبعا...


تيم ضحك=قنبلة ثقة...
تعالي ورايا...
وراحو المقر الل هيعرضو فيه الخطه....
نسيبهم ونروح لمعاذ وفلك....
فلك=اي ده في أي النهاردة،اول حاجه تحصل هي انكم تنقلو أيهاب مساعدي وبدون ما تخبروني ولا تستشيروني..وتاني حاجه بتقولولي أني هقود طيارة خاصه للبنان....
انتو عارفين اني بمسك خط مدني..ومطلعتش رحلات خاصه قبل كده...
معاذ بيحاول يقنعها=بصي يكابتن،ده واحد مهم جدا،وهم تشاوروا على أكفأ طيار عندهم وأكفا مساعدين عشان يطمنو على حياته...واختاروني انا وانتي عشان نقوم بالمهمة دي ونوصله بسلام للبلد الل رايحها...
فلك=بس انا عندي رحلات تانيه لازم أطلعها...
معاذ=لغو كل الرحلات الل كنتي هتطلعيها...ومفيش غير الرحلة دي حاليا...
فلك بضيق=هو في اي،هو انا نكرة ولا اي،انتو بتخططتو وتحطو خطط من دماغكم من غير ما ترجعولي؟!!!!
معاذ =أحنا غلطنا فعلاً،بس كل حاجه حصلت بسرعه..
خلاص بقا يفلك،هي المرة دي وخلاص..
فلك بصتله بجمود =أولا أسمي الكابتن فلك،ثانيا بقا دي أول وأخر مرة هتحصل بأذن الله..
معاذ بفرح=أهم حاجه انك وافقتي،انا مش هاممني حاجه تاني خلاص...


فلك فنفسها=ماله ده، أهبل ولا اي،دا محسسني اني بوافق على موعد معاه...
فلك ابتسمتله بضيق ومشيت عشان تجهز للرحلة...ومعاذ فضل يرقص بفرح بعد ما مشيت
(يترا قصتك اي يميذو يااابن أم ميذو)
نسيب فلك ومعاذ ونروح لعالية...
قنبلة التهزيق والمسخرة....
عالية راحت البروفا عشان تعرض جزء من رقصها للبالية...
دخلت لبست فستان طويل كده لحد بعد الركبه،وتحته بنطلون أبيض....وطرحه بيضه..وخرجت...
واحد من الل قاعدين باصصلها بهيام...وفجأة راح مصفر...
هي حركة تلقائيه مأخدش باله منها غير لما لقي عاليه واقفه قدامه بضيق...
عالية=بص يأسمك اي انت،أول وأخر مرة تعمل الحركه دي،وإلا وديني هكحلها بلاك وساعتها هتبطل تصفر باقي عمرك...
انتي شايفني اي بالظبط...صافيناز مثلا بتصفرلي...
الولد =انا أسف والله هي طلعت مني تلقائي انا مأخدتش بالي،بس لما شوفتك حسيت كأني شوفت ملاك،....بيكلمها وهو مسبيلها...


عالية بضيق=ما تفوف يابا وتبطل تتنيح...وخف ام النحانيح دي،انا بيجيلي حموضه منها...
الولد =خلاص حاضر.... انا أسف...
عالية=عايزة أقولك أني مش ملاك دايما،انا شطانه..وراحت عملت حركه مخيفه كده...
الولد=لا والنبي ارجعي ملاك،انا مش بحب الشخصية دي...
عالية بقرف=حبك برص وعشرة حرس....دا اي البلاوي دي ياربي...وثابته ومشيت....
الولد وقف وفضل باصص عليها بحب....
واحد صحبه...
حمزة حمزة..
حمزة فاق من شروده...اي يااابني عايز اي...
صاحبه =يااابني،ياااحبيبي انت بتحبها من ساعة ما جات الكلية...والمفروض انك تتخرج أصلا ورغم كده روحت شيلت نفسك مادة عشان تعيدها وتبقا معاها وتشوفها....وهي منفضالك ومش بتطيقك غالباً...
حمزة بحزن=مش مهم تحبني،المهم اني بعشقها،بحب ضحكتها....بحبها وهي طفله وبتشبط فالحاجه زي الطفله،لما تلاقي شخص بيبيع بلالين،بتجري بسرعه تشتري منه وبعد شوية تطيرهم وتسقف جامد وهم بيطيرو...بتحب الايس كريم أوي،وكل يوم لازم تروح محل الايس كريم وتطلب واحدة بالشكولاته...
مبتحبش الأكلات الل من بره لانها بتوجع بطنها جامد...
قوية اوي والل بييجي عليها بتفشفش دماغه...


بتهزر على كل حاجه...وتقلب القعدة ضحك،بتخطف قلبك من غير ما تحس...وتحسسك أنك جمبها ولا حاجه،من شدة جمالها وجمال شخصيتها وقلبها وعيونها...
جملتها الشهيرة هي" دا انت يومك مكحل بلاك الل قرفانا بيها دي 😂♥......هي خطفتني من نفسي...مش مهم تحبني،المهم اني عشقت تفاصيلها...
قاطعه صوت من وراه...
الشخص =يااااااه كل الحب ده....أومال انا فين فكل ده....؟!!
لف حمزة و.....

تعليقات