قصة تزوجتك رغما عني البارت الثاني والاخير

 

قصه تزوجتك رغماً عني البارت الثاني والاخير

وفجأه لقيت مراد داخل ومتعصب

*مين دا

_هو ايه ، مسكني من ايدي

*مين اللي كان قاعد معاكي دا يا مريم

_في ايه يا مراد دا زميل معايا في الجامعه

*لا والله وانا مش قايلك يا هانم متتعامليش مع أي راجل ولا انا كلامي مبيتسمعش ها انطقي كان قاعد معاكي ليه

_مراد طب اديني فرصه ارد وافهمك بس بلاش هنا دا كافيه واغلب اللي هنا معايا في الجامعه فا بلاش نتكلم هنا تعالا نروح وانا هفهمك والله

*تعالي ورايا

_شدني من ايدي وزقني ودخلني العربيه ودخل قعد

*احكي حالا مين دا وكان عايز ايه منك

_مراد دا محمد شافني قاعده في الكافيه لوحدي فا جه بس اتكلم معايا مش اكتر

*ايوه كلمك في ايه ما تقولي

_كان بيسألني كنت مختفيه ليه بس الفتره اللي فاتت مش اكتر

*وهو مالوا عشان يسألك حاجه زي كدا

_وانا مالي يا مراد انا مالي بيه والله مليش دعوه هو اللي جه كلمني وانا لو اقدر مردش عليه كنت مش هرد

*تمام يا مريم تمام اوي

_روحنا البيت وكان طول الطريق بيسوق بسرعه ومتعصب انا عارفه ان مراد بيتعصب اوي بس مكنتش اعرف انوا عصبيتوا وحشه كدا وكمان كان اول مره اشوفوا كده مكنتش عارفه اتصرف ازاي دخلنا البيت ومتكلمش معايا ودخل الاوضه بتاعتوا

_مراد مش هتاكل

*مليش نفس

_طب ممكن ادخل

*..

_مراد ينفع ادخل

*ادخلي

_مالك طيب مش انا حكيتلك كل حاجه وقولتلك اني مش كنت قاصده اكلموا

*تمام

_هي ايه تمام دي يا مراد ما انا مش فاهمه بصراحه انا غلط في ايه وايه اللي مخليك مدايق اوي كدا عادي زميلي واتكلم معايا شويه مفيهاش حاجه يعني

*مفيهاش حاجه انتي واعيه للي بتقوليه انتي ناسيه انك مراتي ومش مسمحولك تكلمي راجل تاني انتي شكلك نسيتي من كتر ما انا محسسك اننا صحاب بس لا يهانم انا جوزك وليا حقوق زي ما ليا واجبات ومن حقي اني احس اني متجوز انا كنت ساكت دا كلوا عشان مش عايز اغصبك على حاجه ولا عشان تدايقي وعشان عايزك تحبيني ومتكونيش مغصوبه عليا بس الظاهر اني دلعتك زياده لدرجه انك مش حاسه انك غلطانه ولا اني جوزك.

_مصدقتش اللي بسمعوا نبره صوته طريقته واسلوبه وعصبيته وزعيقوا كل دا جديد عليا كل دا اول مره اشوفوا معرفش ليه كل دا ويعني ايه ليه حقوق ويعني ايه المفروض اني احبوا وليه احبوا وانا اساسا من الاول وانا مغصوبه عليه

_مراد انت بتتكلم كدا ليه على فكره انت مكبر الموضوع اوي وبعدين انا مش عابده عندك عشان تكلمني كدا وعشان تبقى عايز تعمل كل حاجه برضاك انا كمان عندي أحاسيس وانا كمان تعبانه وزهقانه من العيشه دي وبحاول اتعود عليك عشان مبقاش فيه مفر من بعد ما ابويا بعني ليك، سبتوا ودخلت اوضتي وفضلت اعيط

*يعني ايه يعني هي لسه مش بتحبني بعد كل دا لسه محبتنيش ومش مبسوطه معايا يعني كل دا ولسه بتحس انها مغصوبه عليا طب اعملها ايه عشان تعرف اني بحبها اعمل ايه عشان تحبني هي كمان وتبقى مبسوطه معايا انا تعبت ما انا كمان كنت مغصوب عليها في الأول بس متعاملتش معاها بالطريقه دي وحاولت اتقبل الموضوع لحد ما حبيتها فا ليه هي مش بتحاول معايا ليه ليييه....

عدي اسبوع علينا واحنا كدا انا في اوضتي مش بخرج منها غير لما هو ينزل الشغل ومش بروح الجامعه وهو مبيتعاملش معايا ولا بيجي يشوفني انا لسه عايشه حتى ولا لا يمكن حركتي في الاوضه هي الحاجه الوحيده اللي بتعرفوا اني كويسه

_قومت في يوم لبست ونزلت الجامعه من غير ما اقولوا

:مريم يالهوي فينك بقالك اسبوع مش بتيجي ليه ومش بتردي على الموبايل ليه حصل حاجه ولا ايه

_لا مفيش انا كويسه

:عليا انا الكلام دا هو محمد عملك حاجه يوميها

_ايه دا انتي عرفتي ازاي ان محمد شافني يومها

:هو قالي وجه سألني لو عرفت انتي كنتي غايبه الفتره اللي فاتت ليه ولو في حد جديد في حياتك

_هو الواد دا متخلف هو مالوا بيا عمال يلف ورايا وعملي مصيبه مع مراد كان يوم فقر يوم ما كلمتوا

:ثانيه مراد مين؟

_هو انا قولت مراد!

:اه قولتي ومتحاوليش تضحكي عليا انتي بقالك فتره متغيره ومبقتيش تحكيلي حاجه

_انا كويسه والله ومفيش حاجه يا بنتي

:يعني مش عايزه تحكي!

_والله مش كدا خلاص يا ستي هنخلص المحاضره ونروح الكافيه نتكلم فيه و احكيلك

:اشطا جدا

خلصنا المحاضره ودخلنا الكافيه وحكيتلها كل حاجه حصلت من الاول خالص

:يالهوي كل دا حصل ومش بتقولي طب ليه عمو يعمل كدا انا مش حاسه ان وفاه مامتك هي السبب

_مش عارفه والله يا بنتي بس انا مشفتوش من يوم الصباحيه ومحاولتش حتى اروح اشوفوا

:طب وهتعملي ايه مع مراد دلوقتي دي شكلها قلبت على خناقه كبيره

_اه ولسه لما يعرف اني نزلت من غير ما اقول والله انا زهقت ومبقتش طايقه حياتي ومش عارفه اعمل ايه

:طب ليه مش تحاولي تحبيه ليه دايما حاطه حاجز على قلبك ما تحاولي تشوفي الحلو اللي فيه حاولي تحبيه اديله فرصه بمأنك مشفتيش منوا حاجه وحشه

_مش عارفه والله يا منه هو انا بحبوا بس كاصاحب مش جوزي ومش متصوره اني اتجوزت بالسرعه دي من غير ما انبسط بحياتي

:حاولي تنبسطي معاه وحاولي تبقى لطيفه شويه معاه وربنا يهديكوا وان شاء الله تبقى مبسوطه في حياتك يا حببتي

_ان شاء الله يا روحي يلا نمشي عشان لو عرف اني مش في البيت هتنفخ

:ضحكت ربنا يستر

*كنتي فين

_مراد انت رجعت بدري!

*بقولك كنتي فين

_كنت في الجامعه

*انتي بتنزلي من ورايا وهو انتي مش عامله حساب ليا في البيت دا ليه شيفاني مش راجل تستئذني منوا قبل ما تنزلي

_مراد انا نزلت الجامعه عشان كان عندي محاضره مهمه ولازم احضرها وخلصت وجيت على طول ودا غير أن انت مش بتكلمني بقالك اسبوع ولو كنت جيت حكيتلك مكنتش هترد عليا ولا كنت هتوافق ومعلش انا هدخل اقلع مسكني من ايدي

*انتي ازاي تمشي وانا بكلمك وبعدين حتى لو مش هوافق تيجي تقوليلي ولو نزلتي من غير اذني بعد كدا هتشوفي تصرف مش هيعجبك

_مراد سيب ايدي سيب ايدي يا مراد بقولك

ساب ايدي ودخلت اوضتي وقعدت اعيط واقول ليه يارب كده ليه يحصل فيا كل دا انا بجد تعبت انا تعبت يارب ومبقتش قادره استحمل فضلت اعيط طول الليل

لحد ما نمت

صحيت تاني يوم كنت دايخه تعبانه وماشيه مش شايفه قدامي

_صباح الخير، كنت بقولها ومستنياه يحس اني تعبانه ومش كويسه بس مردش دخلت المطبخ اعمل فطار عشان النهارده اجازته.

_ااااااه

*ايه بتصوتي ليه، مريم مالك في ايه مريم انتي كويسه

_مش قادره بطني بطني وجعاني اوي

*طب قومي معايا قومي البسك اي حاجه ونروح لدكتور

_قومت معاه ولبسني عبايه والطرحه ونزلنا

*ايه يا دكتور مالها

متقلقش دي قرحه بس، هو انتي بقالك قد ايه مكلتيش؟

_يومين

*يومين يا مريم ليه ك... ،كنت لسه هكمل وهتعصب بس سكت وقولت اكيد هي مش مستحمله حاجه دلوقتي وكمان هبقي اكلمها في البيت مش قدام الناس.

*تمام يا دكتور في دواء هتاخدوا

_اه تاكل بس كويس بس وبعدين تبقى تاخد الدواء دا.....

*تمام شكرا يا دكتور يلا يا مريم

_قومت نزلت معاه ومكنتش قادره ولاحظت عليه انوا مدايق بس مردتش اتكلم

*ليه يا مريم مكلتيش ليه بقالك يومين

_....

*مريم علي فكره انا بكلمك

_يعني انت مش عارف ليه يا مراد بكل اللي بيحصل فيا دا المفروض اني ابقى كويسه واكل عادي واعدي كل حاجه عادي واني اتقبل اني متجوزه خلاص واني لازم اخد رأيك في كل حاجه واني لازم اسمع كلامك واني كمان مش المفروض عليا اكلم حد ولا احب حد عشان انا خلاص متجوزه لا بقى انا زهقت وانا مش بحبك ولسه مش حساك جوزي انا مش شيفاك غير صاحب يا مراد صاحب وبس.

معرفش انا قولت دا كلوا ازاي بس كنت تعبت من الكتمه اللي جوايا ومش قادره اسكت اكتر من كدا...

*وهو انتي بتحبي الواد دا يا مريم؟

_ايه! انت سامع انت بتقول ايه (دا هاني ) هو ايه اللي بحبوا انا مش بقو...

*يعني انتي عايزه ايه دلوقتي بردوا؟

_مراد لو بتحبني ولو شويه طلقني

*لا دا انتي اتجننتي بقى هو ايه اللي اطلقك انتي هبله يا مريم انتي مراتي وانا مش هطلقك وبعدين اتعودي وافهمي اني جوازك احنا بقالنا 5 شهور مع بعض يعني المفروض تكوني اتعودتي ولو متعودتيش فا دي مشكلتك بس انا مش هطلقك وهتفضلي مراتي، واستني هنا بقى هنزل اجبلك اكل واجي.

_مش هيطلقني ليه انا بجد مش فاهمه هو عايز من واحده مش بتحبوا ويعتبر مش متجوزاه ليه ما يطلقني ويروح لواحده تحبه انا زهقت من اللي انا فيه ليه يا بابا كدا ليه تعمل فيا كدا ليه مخلتنيش جمبك....

فضلت اعيط لحد ما جه

*خدي يا مريم بطلي عياط وكلي عشان الدوا

_مش عايزه

*يلا يا مريم كلي عشان متتعبيش يلا يا حببتي وكفايه عياط

_حببتي! هو بيكلم مين، بطلت العياط وفضلت بصالوا

*يلا يا مريم بقى عشان خاطري عشان متتعبيش تاني يلا

_ماشي

اخدت منوا الساندوتش واخدت الدوا وروحنا البيت

*يلا ادخلي الاوضه استريحي شويه

_تمام....... مراد

*نعم

_انا هروح الجامعه بكره

*طب استني لما تخ.... خلاص تمام هوديكي

_شكرا

*خلاص مهما قولت هي مش حباني ولا شيفاني جوزها ومش عايزانى اتحكم فيها فا خلاص هعمل اللي هي عيزاه بس مش هطلقها صعب عليا أطلقها انا بحبها واوي والله ونفسي هي كمان تحبني وخايف تكون بتحب حد تاني..

_ انت صحيت

*اه

_تمام هلبس بسرعه وننزل

*كل..... تمام ، بقيت خايف اقولها على حاجه تشوف ان انا بدخل برغم ان دا حقي لاني زوجها بس عشان مش عايزها تكرهني اكتر من كدا..

_انا خلصت يلا

*تمام خدي دواكي عشان لو تعبتي ولا حاجه

_حاضر

*ومتروحيش لوحدك هاجي اخدك

_تمام

_سلام

*سلام، متغير من امبارح اوي ومش عارفه هل دا بسبب اللي قولتوا ولا ايه بس حساه بيحاول يتجنب انوا يفتح معايا موضوع وبيتجنب يبص في عيني.

:ازيك يا مريوم

_الحمدلله

:مالك؟ حصل حاجه اول امبارح!

_اه

:في ايه طيب عملك ايه تاني

_هحكيلك تعالي ندخل المحاضره بس الاول

:ماشي

^ازيك يا مريم، ازيك يا منه

:الحمد لله يا محمد خير عايز ايه

^مش عايز انا قولت اسلم عليكوا بس شكل في ناس مش طيقاني

:طب روح اقعد يا محمد عشان والله ما نقصينك ويلا عشان الدكتور هيدخل

^طب مريم ممكن نتكلم بعد المحاضره

_محمد اطلع من دماغي ومش هتكلم معاك كفايه اللي حصلي بسببك ممكن تسيبني في حالي بقى.

^مش هسيبك يا مريم وبعد المحاضره لو مكلمتنيش انتي حره تمام

:ياربي على الأشكال دي بجد الواد دا اهطل هو ايه مش عايز يسيبك في حالك ليه

_فكك منوا مش هعبروا اصلا هو انا ناقصه

بعد المحاضره

:يالهوي تقعدي يومين متاكليش يا مجنونه

_يعني انتي سيبتي الموضوع كلوا ومسكتي في اني مكلتش هو انتي هبله

:لا والله عملتيها ازاي دا انا باكل خمس مرات في اليوم ولو مكلتش مره فيهم بحس اني هموت انتي عملتي ازاي كدا يا قادره

_يخربيتك هموت منك في ايه كفايه قر وبعدين انا غلطانه اني بحكيلك حاجه وسعي كدا هتصل بمراد عشان نروح

:مش هتحضري المحاضره التانيه

_لا تعبت خلاص وبعدين هي مش مهمه اوي وانتي صحبتي حببتي وهتسجلهالي صح

:بتاعت مصلحتك

_ضحكت حصل

^مريم ممكن نتكلم

_هو انت مش بتفهم منا قولت لا مره هو ايه

^طب اسمعيني بس

_عايز ايه اخلص

^مريم انتي عارفه اني بحبك وحتى لو مش بتحبيني بس انا عايزك ممكن على الاقل نتخطب دلوقتي ونتجوز بعد الجامعه

_وهو انت روحت لبابا ومرداش ولا ايه مش كنت بتقول هيوافق وعايز يخلص مني

^انا اسف والله متزعليش انا كنت غبي ومرحتش ليه بس انا عايزك توافقي انتي الأول

*تتجوز مين يا روح امك

_لقيت مراد جه ومسك ايدي ووقفني وراه

^نعم وهو مين انت اصلا

*انا جوز اللي انت عايز تتجوزها دي

:الله يرحمك يا مريم دا انتي هتموتي النهارده

_اخرصي بقى شويه

^مريم هو ايه اللي بيقولوا دا مريم انتي عارفه كويس اني بحبك لو دي تمثيليه بتعمليها عشان تبعديني فا انا مش هبعد

*هو انت اهبل ياض هو انا مش مالي عينك تتكلم معايا انا وبعدين تحب مين وتتجوز مين هو انت معاك فلوس تصرف على نفسك دا انت لسه بتاخد مصروف من بابا وماما يالا

^تمام يا مريم انا هوريكي على كذبك عليا

_هو انت اهبل يالا هو احنا بنتكلم اصلا ولا

*اسكتي انتي

^ايه دا وهو انتي مش قايله لجوزك او اللي انتي مخلياه يعمل انوا جوزك انك مرتبطه بيا

:محمد انت اهبل ولا ايه

_انت متخلف يالا هو مين اللي مرتبطه بيه مراد والله ما حصل كل دا والله بيكدب يا مراد

*يعني ايه يعني هي كل دا مستغفلاني وبتكلموا من ورايا وبتلعب بمشاعري يعني هي عايزه تتطلق عشان يتجوزها هو ، فضلت ساكت ومش عارف اقول ايه

^شكلك كدا مش قيلالوا حاجه طب معلش بقى كان المفروض تعرف منها هي يلا مش مهم المهم انك عرفت انها زباله بس يلا سلام بقى يا مريم ولا يا مدام مريم

_مراد انت ساكت ليه والله ما كنت بكلموا والله يا مراد بيكدب عليك

*لينا بيت نتكلم فيه يلا

_شدني من ايدي وركبنا العربيه ومشينا وطول الطريق كنت عماله اقولوا انوا بيكدب والله واني مش بكلموا ومكنش بيرد عليا ولا مديني اهتمام اكني مش معاه

*انزلي

_مراد انت جايبني عند بابا ليه؟

*انزلي بقولك

_شدني من ايدي وكان بيجرني وراه، مراد في ايه طيب انت جايبني هنا ليه مراد متحكيش حاجه لبابا عشان خاطري يا مراد

مكنش مديني اهتمام ومكمل جر فيا لغايه ما طلعنا لبابا

=ايوه ثانيه، مراد ايه جايبك و مريم بتعيط ليه في حد حصلوا حاجه في ايه

*ازيك يا عمي انا جبت مريم تقعد مع حضرتك شويه عشان حضرتك وحشتها بس وكانت عايزه تشوفك عشان كدا بتعيط

=بتعيطي كل دا يا مريم عشان عايزه تشوفيني ما كنتي اتصلتي وانا هاجي بدل ما مراد هو اللي جايبك كدا

_فضلت ساكته وحمدت ربنا انوا محكاش لبابا حاجه بابا مش هيصدقني ابدا وهيعاقبني ومحدش كان بيرحمني من تحت ايديه غير ماما الله يرحمها هو اه كان طيب بس في عصبيتوا مش بيشوف قدامه.

=طب تعالي يا مراد ادخل اشرب حاجه او كل حاجه

*لا يا عمي معلش انا هروح انا، هبقي اجي اخدك بعدين متجيش انتي

_كنت لسه بعيط وفهمت انوا جابني هنا عشان يستريح شويه مني ومن زهقي برغم اني والله قولتلوا اني مكنتش بكلموا ليه صدقوا ومش مصدقني انا

*سيبتها عند ابوها لاني مكنتش عارف ممكن اعمل ايه لو فضلت معايا هنا انا مش قادر نفسي احبسها ومخلهاش تخرج تاني تعبت من اني مش عارف اتصرف عشان خايف على زعلها... روحت البيت كان فاضي اوي حتى لو مكناش بنتكلم مع بعض كتير بس على الاقل كنت ببقى عارف انها جمبي وببقي مطمن

فضلت قاعد بفكر وبرتب كل حاجه وبحاول اخد قرار مش عارف أطلقها واسيبها تعمل اللي هي عيزاه ولا اخليها معايا وجمبي بس حاسس اني كدا هبقي أناني هي مش حباني ومش عيزاني. كفايه تفكير انا زهقت ومش عارف اعمل ايه مش عارف

=عامله ايه مريم

_الحمدلله

=مالك حصل ايه بينك انتي ومراد عشان يجيبك هنا

_اتخضيت وبصتلوا ومعرفتش ارد

=وهو انتي فاكره اني هصدق انوا جايبك كدا عشان تشوفيني اذا كان انتي محاولتيش تجيلي ولا مره بعد ما اتجوزتي

_عادي يا بابا مفيش حاجه

=اتخانقتوا يعني ولا ايه

_وهو ايه الجديد هو انت فاكر انك لما جوزتني واحد معرفهوش ولا يعرفني هكون فرحانه انا وهو مع بعض لا يا بابا احنا مش مبسوطين مع بعض وانا مش بحبوا ومش عايزه اكمل معاه وشكرا اوي يا بابا انك بعتني وخليتني ميبقاش ليا حق اختار شريك حياتي شكرا انك مخليني دلوقتي مش مبسوطه في حياتي

=مريم انا عملت كدا عشانك

_هو ايه اللي عشاني هو ايه اني اتجوز واحد بكرهوا دا عشاني اني ابقى مضطره اني اتعامل حلو معاه واخد رأيوا وانا نازله ووانا طالعه دا عشاني، اني متعاملش بحريتي دا عشاني، اني أطرد من بيتي اللي عشت فيه طفولتي كلها ودا عشان اتجوزت غصب عني فادا عشاني انت شايف كل دا عشاني ليه بجد انا زهقت من كل حاجه ومش فاهمه انت ليه بعتني كدا هو للدرجادي كنت حمل تقيل عليك.

كنت بعيط بس فرحانه اني قولت كل اللي جوايا واخيرا واجهته وخرجت اللي جوايا ليه.

=مريم مش كدا انا عملت دا عشان كنت خايف عليكي والله خوفت اسيبك زي امك ما سابتنا وساعتها كنتي هتبقى لوحدك خوفت بس اشوفك لوحدك خوفت متلقيش حد يطمنك حد يحافظ عليكي ويخبيكي من كل الناس والله عارف اني غلطان اني مخدتش رأيك وعارف اني غلطان لما اخترتلك انا وغلطان لما محاولتش اهتم بيكي واطبطب عليكي ومهتمتش غير بحزني انا على امك وخوفي عليكي بإنك يحصلك حاجه بعدي انا اسف يا بنتي والله ما كنت اقصد

كان من خوفي عليكي بس عشان كدا روحت لمراد قولتلوا يتجوزك مراد يبقى ابن عمك اللي كان مسافر بره وامك الله يرحمها كانت عايزاكي تتجوزيه وكانت دايما تقولي نفسي مراد ومريم يشوفوا بعض ويحبوا بعض ويتجزوا عشان كدا حبيت أحقق وصيه امك واول لما رجع من السفر قولتلوا بس وبعد ما ظبط شغلوا هنا اتجوزتوا

_انا اللي اسفه يا بابا خلاص متعيطش عشان خاطري اسفه والله مهتمتش غير بنفسي وكنت انانيه ومفكرتش فيك ولا في مشاعرك انا اسفه يا بابا ومسمحاك على اللي عملتوا وهرضي باللي ماما وانت اختارتوه ليا

عدي اسبوع وانا عند بابا ومراد مجاش اخدني وانا مش بنزل من البيت حتى الجامعه خايفه اروحها ويدايق اني مقولتش حاجه ويتخانق تاني

=ازيك يا مراد

_الحمدلله يا عمي، معلش يا عمي خلي مريم تجهز بس عشان نروح كفايه قاعده هنا

=ماشي هندهالك ادخل اقعد بس عقبال ما تلبس

*حاضر

_سمعت صوتوا برا فرحت اوي انوا اخيرا جه ياخدني

=يلا يا بنتي البسي جوزك جه ياخدك

_حاضر يا بابا

لبست وطلعت

_ازيك يا مراد

*تمام

_كان باين انوا لسه مدايق وكان شكلوا خاسس اوي وتحت عنيه اسود وشكلوا مكتئب جدا مش عارفه هو عامل كدا ليه في نفسوا

*يلا عشان نمشي

_حاضر، سلام يا حبيبي هبقي اجيلك تاني

=ماشي يا حبيبتي، سلام

_شكرا جدا يا مراد

*نعم! على ايه

_على انك جبتني عند بابا انا فرحت جدا اني انا وهو اخيرا اتكلمنا واتصالحنا وانوا فهمني كل حاجه وشكرا ليك يا ابن عمي

*ابن عمك! هو باباكي قالك

_اه، مقولتليش ليه!

*معرفش ملقتش فرصه

_ماشي، انت كويس طيب شكلك تعبان

*انا كويس

_طيب، كان باين انوا مش عايز يتكلم معايا وانوا اتفاجئ لما عرفت انوا ابن عمي مش عارفه ليه كان مخبي من الاول انا مكنتش شوفت ابن عمي دا من وانا 4سنين مثلا فا مش فاكره اي حاجه عنوا حتى اسموا مش فاكراه

_تاكل حاجه

*براحتك

_ايوه يعني اعمل!

*معرفش

_طيب هعملك اكل حلو، عملتلوا اكل وخرجت اندهوا لقيتوا نايم على الكنبه وكانوا اتعود ينام هنا وحتى الاوضه نضيفه هي الصاله اللي مكركبه شويه بس وواضح انوا مكنش بياكل بردوا صعب عليا اوي اكيد كل دا بسببي وانا كنت قاعده مع بابا مبسوطه ومفكرتش هو عامل ازاي

_مراد مراد انا عملت الاكل

*اهمم

_يا مراد اصحى، نزلت على ركبتي وكنت بحاول اصحيه براحه عشان شكلوا تعبان وعايز ينام بس بردوا لازم ياكل عشان ميتعبش وفجأة لقيتوا مسك ايدي

*بحبك اوي متبعديش عني مش عايزك تسيبيني انا اسف

_عرفت انوا لسه نايم ومش عارف هو بيقول ايه، يا مراد اصحى يلا بقى

*ايوه نعم هقوم اهو، انتي قاعده كدا ليه

_كنت بصحيك، وانت اللي مسكت ايدي

*تمام انا اسف

_عادي انا زي مراتك بردوا

*ماشي

_كنت بحاول اهزر معاه واخليه يضحك بس شكلها صعب اني اخليه يضحك وهتعب معاه لحد ما يرجع تاني كويس زي الاول

_ها عجبك الاكل

*تمام كويس

_مراد ممكن نتكلم شويه

*اتفضلي

_لا استنا هعمل كوبيتين عصير واجي نتكلم وانت ظبط قاعده البلكونه

*.....

_يلا متنحش كدا روح اعملها

*تمام

_يلا انا جيت، جوزي شاطر وعمل البلكونه بسرعه

*مالك!

_مالي في ايه انا عملت حاجه

*لا عماله تقولي مراتك وجوزي وبتاع وانتي مكنتيش حابه اني اقول كدا في الأول

_لا عادي ابن عمي وجوزي وخلاص لبسنا في بعض هعمل ايه تقبلت الموضوع بقى عشان لازم اتعود

*لو انتي عايزه تطلقي هطلقك

_ايه مراد انت بتقول ايه

*لو انتي بس رضيتي بيا دلوقتي عشان باباكي حكالك عمل كدا ليه وعشان وصيه مامتك فا يبقى انتي بتعملي كدا عشانهم هما مش عشانك ولا عشاني.

_مراد انا مش هطلق منك انا اه لسه مش بحبك بس انا بحبك كا صاحب وهحاول اتعود على انك جوزي وهحبك مع الوقت وانت كمان هتحبني مع الوقت ولو مرتحناش ساعتها نبقى نطلق

*تمام

_ممكن انت تقولي اللي جواك بقى ومالك وحصل ايه

*مفيش حاجه

_مراد احنا بنتكلم دلوقتي كا اتنين صحاب مش متجوزين فا انا صحبتك وعايزه اعرف مالك وحتى لو مراتك الجزمه دي عملت حاجه قولي وانا هجبلك حقك

ضحكت *متشتمهاش بس

_ضحكت والله ضحكت اخيرا دا انا كنت نسيت انت بتضحك ازاي، يلا احكيلي انا سامعه اهو

*مفيش مراتي الجزمه

_متشتمش قولنا

*حاضر، المهم ان شكلها بتحب حد تاني وخايف لتكون عايزاه هو ومش انا وخايف اكون حد دخيل في حياتها ومش متقبلاه وعايزها تحس بيا شويه لكن مفيش جبله

_والله يا مراد ما حصل محمد دا زباله وبيكدب و كان دايما بيحاول يكلمني وبتاع بس انا كنت بصدوا عشان كدا قالك اننا مرتبطين عشان يدايقك ويبوظ حياتي بس لكن والله ولا بحبوا ولا اي حاجه

*بجد؟

_اه والله

*ماشي، بس صحيح كان في قمر كدا واقفه معاكي يوم الخناقه

_مين منه!

*هي اسمها كدا كمان

_اه وبعدين انت كنت مركز في الخناقه ولا فيها

*في كل حاجه متقلقيش بعرف اركز في كل حاجه بس صحبتك قمر ما تجيبي رقمها

_هو في ايه ما تتلم يا مراد هو عشان سكتلك

*خلاص والله كنت بهزر متقلبيش كدا وبعدين ايه يا صاحبي بنغير ولا ايه

_انا هدخل انام تصبح على خير

*يا جبانه ماشي

*مريم انتي نمتي

_لا لسه عايز ايه

*ممكن ادخل

_ادخل، ايه في حاجه ولا ايه

*لا اصل الاوضه عندي ساقعه شويه فا قولت اجي انام هنا

_ماشي تعالي وانا هروح هناك

*تروحي فين انتي هبله

_اومال عايز ايه

*احنا هنام هنا

_مين انت معاك حد

*مريم مش ناقص غباوه انا وانتي هنام هنا

_لا يا بابا اطلع برا يلا انا مبنمش جمب حد وبعدين انت اهبل اطلع برا انت عايز تعمل فيا ايه

*اهدي يا مجنونه مش هعملك حاجه هنام بس

_طب يلا على الأرض بقى ولو حاولت تلمسني انت حر

*مريم انا تعبان والله يرضيكي اتعب اكتر

_اه عادي

*مراتي اوي يعني خلاص يا ستي هروح انام في اوضتي مش عايز حاجه من حد ولو تعبت هيبقى بسببك

_خلاص يا بارد تعالي نام هنا مش ناقصه تتعب انا عندي جامعه بكرا ومش فضيالك

*نعم ايه!

_في ايه والله كنت هقولك بس نسيت وغير كدا انت اللي بتنزلي فا طبيعي هتعرف يعني

*مريم استهبال مش عايز ومفيش نزول بكره

_مراد متهزرش انا بقالي اسبوع مش بروح عشان متدايقش

*لا بردوا بكره بتاعي انا

_هو ايه اللي بتاعك بطل هزار بقى مش فضيالك

*مفيش مرواح قولنا فاهمه

_اوف ماشي يا مراد

*سيبيلي مكان عشان اعرف انام كويس

_اخلص وتعالا بدل ما ارجع في كلامي

*لا ترجعي في كلامك ايه انا نمت خلاص

جه نام جمبي وحضني

_يا ابني ابعد هضربك

*سيبيني شويه بقى متوبقيش رخمه مش كفايه اني مش بنام بقالي اسبوع

_ومش بتنام ليه يعنى

*عشان مراتي حبيبتي مكنتش جمبي فا مكنتش مطمن

_هااا

*في ايه يا بت

_مفيش

*تعرفي اني..

_ايه

*اني بحبك اوي

_وانا كمان

*انتي كمان ايه

_حاسه اني بدأت احبك.

"تزوجتني بدون إرادتي وجعلتني احبك بدون إرادتي يا من سكنت قلبي

انتهت ومستنيه رأيكم بليز في التعليقات حلوه ولا بلاش اكمل كتابه احسن

بدل ماتدور وتبحث علي الروايات خليها علي تليفونك وحمل تطبيقنا

تعديل المقال