ااااه.... ااااه دماغى هينفجر من الوجع لا لا دا جسمى كله بفتح عينى ببطئ وببص حواليا.... ايه دا دى مش المستشفى دى اوضتى انا فى بيتنا ازاى هو ايه الى حصل.... لقيت امى جاية عليا
حبيبتى انتى كويسة عاملة ايه دلوقتى؟
قومت قعدت عالسرير وهى جمبى دخلت فى حضنها عشان انسى كل الوجع الى فيا وعشان كانت واحشانى جدا..
ماتقلقيش عليا يا روحى انا تمام اهو بس ايه الى حصل وانا جيت هنا ازاى؟
الضابط الى جاى مع الحالة الى عندك فالمستشفى دا هو الى جابك لحد هنا ربنا يكرمه والله يابنتى شكله محترم وابن ناس اه وزايد كانت معاه وروحت تغير وهترجعلك تانى....
محترم وابن ناس ماشى يا ماما وايه كمان
ااه والريسة بتاعتك اتصلت على زايد وادتك اجازة لحد الاسبوع الجاى
طب كويس اخيرا اتنازل عنى
هو مين دا؟!
هاا لا مافيش انا هقوم اخدلى دش 🚿
ماشى وانا هقوم احضرلك الاكل عشان تاكلى وتاخدى علاجك واتصل عالموكوسة صاحبتك قالت هتجيب العلاج وهى راجعة
تمام يا قمرى😘...حد عنده ام قمر كدا❤
..........
آااااااااية
آاااااااااااااااااااااااااااااية
ايه يا نيلة انتى بتصوتى ليه
فونك بيرن برقم غريب.
وانا من امتى برد على ارقام غريبه؟
ماهو رن كتير جدا وانتى جوه دا يمكن المرة الخمسة وخمسين دى
ايه دا انتى كنتى بتعدى ولا ايه مين الرخم دا مش هرد بردو😏
يوووه اهو بيرن تانى وانا زهقت ردى يمكن تكون الريسة ولا حاجة وبترن عليكى من رقم غير بتاع الشغل
طيب هرد وامرى لله🌸
السلام عليكم
اولا. عليكم السلام ثانيا بقا انا مابحبش ارن على حد كل دا ومايردش عليا انا اخرى رنة واحدة وتردى
اول ماسمعت صوته حسيت انى قلبى بيدق جامد لدرجة انى كنت حاسة ان زايد سامعة صوت نبضاته وخفت كمان اتكلم ليحس بيا من صوتى فسكت
كمل... انتى يابنتى مابترديش ليه انتى اغمى عليكى تانى ولا ايه ردى بقا ماتوقعيش قلبى
فجأة حسيت ان قلبى اتنفض بس اتنفض فرحة دا خايف عليا وقلقان جمعت كل قوتى وحاولت ادارى الفرحة الى باينة فى صوتى قبل وشى انا كويسة الحمدلله بس ماكنتش اعرف ان دا رقمك...
طب الحمدلله خضتينى عليكى اقصد خضتينا يعنى
خضيتنا... تقصد مين بخضتينا دى
هاا اقصد انا وصحبتك والريسة بتاعتك وزمايلك ووالدتك وليلة كبيرة اوى سعادتك😂
ههههههههه متشكرة جدا على الى انت عملته معايا انا مش عارفه اشكرك ازاى ومتأسفة جدا على رد فعلى فى اول لقاء بنا
شكرا على ايه بس دا انتى لو طلبتى عنيا هديهملك قصدى يعنى انى ماعملتش غير الواجب وانا كمان متأسف على ردى عليكى انا كنت قليل الذوق بردو ساعتها... ...... مش هطول عليكي بقا اسيبك ترتاحى محتاجه حاجه؟
لا شكرا.... مع السلامه
مع السلامة.. فى رعاية الله ❤️
بعد يومين........
ياااه انا بقالى يومين ماسمعتش صوته وزايد بتقول انه بيروح المستشفى كل يوم وبيقعد هناك يااااه دا واحشنى جدا.... وحشك ايه ياهبلة انتى دا انتى حتى ماتعرفيش اسمه لا انا لازم ارجع الشغل من بكرا اهو يشغلنى عن التفكير فيه.... يشغلك عن التفكير فيه ولا واحشك وعايزة ترجعي عشان تشوفيه.. يوووه بقا انا هنام 😴😴
*تانى يوم*
حمدالله على سلامتك يا آية ايه مستعجلة عالشغل ليه كدا
معلش بقا يامس انا بقيت كويسه الحمدلله وانتى عارفه ان قاعده البيت بتخنق
المهم انك بقيتى كويسة
الحمدلله.... عن ازنك هروح اطمن عالحالة
اتفضلى... وماتضغطيش نفسك فالشغل
حاضر.. عن اذنك
روحت للاوضة الى فيها المريض عشان اديله العلاج لقيته واقف عند الشباك وشبه سرحان اول ماحس بوجودى بص ليا وابتسم
حاولت انى مابتسمش ودخلت اشوف شغلى من غير ماتكلم سابنى لما خلصت وخرجت خرج ورايا وقالى حمدلله على سلامتك 😍
؟؟؟؟.!!!
*رآيته فضغطت على اسنانى لگى لا ابتسم فيعلم اننى من المشتاقين*❤️🌸
#part3
#احببتٌ_مجهول
#ÿotā👑💙
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
