Ads by Google X

رواية احببت مجهول الحلقه الخامسه

 

 الجزء الخامس


#احببتٌ_مجهول


اتصلت بذايد وقالت انها هتلبس وهتيجى وقومت اجهز انا كمان


... بعد نص ساعة... 


ايه دا انتى خلصتى؟

 

ايوة يا ماما فى حاجة


لا انا بسال بس عشان مش من عوايدك بتخلصى بالسرعة دى بالذات واحنا رايحين فرح


 

.... بصتلى من تحت لفوق كنت لابسة فستان سواريه اسمر وعليه ورد احمر بسيط وطرحة حمرا وماكنتش حاطة ميكب كتير


حضنتنى جامد كأنها شافت فى عينى الى بحاول اخبيه عن نفسى وباستنى من راسى كأنها بتدينى القوة بوست ايديها انا كمان كانى بقولها اطمنى مادام انتى جمبى انا كويسة❤️


زايد جات وخرجنا ووصلنا لمكان الخطوبة.... كنت ماسكة فايد ماما كانى طفلة صغيرة لسه بتتعلم المشى حاسة انها لو سابت ايدين مامتها هتقع😢


اول حاجة عينى جات عليها هو وعروسته وهما قاعدين جمب بعض ساعتها بس عرفت انى كان لازم ماجيش وان مكانى مش هنا حسيت انى قلبى بيصرخ فيا وبيقولى ليه ليه مصرة انك تكسرينى ليه بتدبحينى حبست دموعى فى عينى بالعافية زايد لاحظت وقالتلى اروح معاها تجيب حاجة من برا استأذنا من ماما وخرجنا روحنا وقفنا فى مكان هادى... 


ها يا ستى عايزة تجيبى ايه 


لا ولا حاجة انا حسيت ان القاعة كاتمة وانتى مش مرتاحة فقولت نطلع نشم هوا


طب يلا عشان ماما جوا لوحدها


انتى  ليه مصرة تتعبى نفسك على فكرة الدموع باينة فى عنيكى جدا




انا كويسة يا زايد كويسة اوى يالا ندخل


دخلنا القاعة وقعدنا كنت بحاول بكل الطرق ان عينى ماتجيش عليه بس لاحياة لمن تنادى عينى ماكنتش متعلقة غير بيه لحد ماعنينا اتلاقت حسيت بقلبى اتنفض من مكانه ابتسملى وبص لعروسته


 *کْفُآ يَآقُلَبًﮯ سِؤآلَآ عٌنِهّ فُهّوٌ بًخِيَر بًدٍوٌنِﮯ*


 وقتها بس قلبى بطل ينبض ودا مش تعبير دا حقيقة النبض عندى بقا سريع وضعيف والضغط وطى جامد ومش قادرة اخد نفسى ودى حالة بتجيلى لما اكون زعلانه جامد


 قولت لماما وزايد انى حاسة انى تعبانة وعايزة امشى

 

يابنتى مايصحش نمشى قبل مايلبسوا الدبل وبعدين دا احنا ماكملناش ساعة


سكت وقعدت متجاهلة الوجع وان جسمى مش واصله اكسجين بالشكل الكافى بس خلاص ماعنتش قادرة قولتلهم انى هخرج اشم هوا برا شوية وهرجع زايد قالتلى انها هتيجى معايا اتلككت بامى انها هتقعد لوحدها وقولتلها خليكى معاها ماكنتش عاوزة حد يشوفنى كدا على طول الحالة دى بتجيلى وانا لوحدى وباخد ادوية مهدئة وبتعدى لكن للاسف الادوية مش معايا💔


فالوقت الى انا خرجت فيه كان هو كمان برا بيستقبل حد مهم تبع الشغل بتاعه شافنى وانا خارجة ماكنتش قادرة امشى من قلة الاكسجين الى وصلالى لقيته بينادى عليا


 بصتله


رايحة فين


......... 


انا عارف انك زعلانة منى بس ردى عليا


.......... 


انتى كويسة ؟شكلك تعبانة.


.........


طب انتى رايحة فين؟


..........


حد من صحابه نده عليه عشان الضيف وصل

انتى هتفضلى هنا؟

 




........


.


طب هروح استقبله وارجع ماتتحركيش


لف وسمع صوت ارتطام حاجة بالارض بص لقانى انا خلاص كنت استنزفت كل قوتى💔


شالنى  وراح بيا المستشفى والخبر وصل للمعازيم جوه  وامى وزايد راحوا ورانا عالمستشفى 


بعد الاسعافات الاوليه والفحص


.... خير يادكتور هى كويسة صح 

بنتى كويسة يا دكتور ربنا يخليك طمنى


الحمد لله ياجماعة لحقناها بس هى مابتاخدش الادوية الى انا وصفتهولها ليه


ادوية ايه يا دكتور آية مابتاخدش ادوية؟؟!


ادوية القلب....

.............


#part5


#احببت_مجهول

#ÿotā👑💙


                 الحلقه السادسه من هنا

لمتابعة باقي الرواية زوروا قناتنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-