Ads by Google X

القائمة الرئيسية

الصفحات

رواية انتقام عشق الحلقه السادسه

ون

 
#انتقام_عشق بقلم #ياسمينا ٭٭البارت السادس٭٭
ادهم مضي وبص لـ عشق بضيق....  والمأذون مشي وعشق مكنتش قادره تستوعب
مالك بابتسامه:  مبروك ياحبيبي
ادهم بستغراب:  حبيبك لا اشك 
مالك بسخريه: اصلي فرحان فيك الصراحه
عشق ركزت مع مالك... 
ادهم بستغراب:  ليه 
مالك:  اصلك متعرفش انك مضيت علي تنازل علي كل املاكك ليا
عشق قامت وقربت منه بصدمه وقالت:  ليك مش انت قولت ليا 
مالك ابتسم وحط ايده علي كتفها وقال:  معلش بس انتي جبتي ورا  ....   وخوفت ترجعيله املاكه تاني بطيبة قلبك دي
ادهم نزل ايد مالك وقاله:  ايدك بس كدا 
مالك بصله بضيق وادهم مسك ايد عشق جامد وشدها ووقفها جمبه
ادهم ابتسمله بخبث وقال:  بس ياصحبي انا قولتلك هردلك الضربه ضربتين وانت كمان مضيت علي كل املاكك انت شهدت علي جوازي وكمان كتبلي املاكك ومتخفش املاكي ف امان وانا مضتش علي حاجه تعرف ليه يامالك لاني ذكي مش همجي زيك بحب اوقع فريستي بنفس طريقتها
مالك بغضب:  انت بتقول ايه 
حازم ادخل وقال:  انا هقولك بيقول ايه.... 
ادهم بص لي حازم وابتسم 
فلاش باك ♥
ادهم خرج من المعمل وكان عارف ان عشق مش ف بيت حازم دلوقتي لانه مراقب تحركاتها وكمان كان عارف ان مالك علي تواصل معاها  ف راح لي حازم شقته وخبط وحازم فتحله
حازم::  سبحان الله كنت لسه بفكر فيك 
ادهم دخل وقفل الباب وراه وقال:  اه مانا باجي علي السيره المهم كنت عاوز اقولك حاجه 
حازم:  ايه
ادهم حكى لي حازم عن الفستان... 
حازم بستغراب:  وانت ليه مشكتش فيا 
ادهم قعد قدامه وقال بابتسامه:  لما جتلي بـ عشق كنت ملبسها الجاكت بتاعك وكنت سترها حتي انا لما قربت منها انت اتحمقت وبعدين مش صعب اعرف الصادق من الكذاب  انا شوفت ف عينك كره وحقد وشر ليا والعين مبتكدبش ولو انت فعلا عملت كدا ده مكنش هيبقا شكل عينيك... 
حازم:  صح طب وايه الي يخليني اصدق انك معملتش كدا
ادهم:  هقولك حاجه ايه الي يخليني اصلا اقول اني معملتهاش مانا ممكن اقول عملت وخبطوا رأسكم ف الحيطة عادي جدا بس انا واثق اني معملتش كدا 
حازم بتفكير:  طب بص ايه علاقتك بمالك مهران
ادهم بهدوء:  اعز صاحب عندي
حازم:  بتحبه
ادهم بصدق:  اكتر شخص بحبه ماليش غيره اصلا 
حازم:  وهو بيحبك
ادهم:  اه جدا
حازم بتسرع:  مستحيل مبيحبكش ده مستعد يأذيك 
ادهم بخبث:  عرفت ازاي
حازم بضيق:  هحكيلك 
حازم بدا يحكيله عن مالك..... 
ادهم ابتسم:  مالك ده ذكي اوي بس همجي
حازم بدهشه:  انت عادي بنسبالك الي بيعمله
ادهم بضحك:  اذا كان خاني مع مراتي ومقولتش حاجه 
حازم بصدمه:  الحق قرونك دخلت ف عيني
ادهمّ  :  مانا مسكتش خونته مع مراته
حازم بضيق:  ايه العلاقه القذر دي 
ادهم بضحك:  افهم هو انت مفكر ان احنا اتحوزناهم علشان بنحبهم مثلا بالعكس علشان حاجه تانيه جواز مصلحه يعني...
حازم: سيبك من القرف ده قولي هتعمل ايه 
ادهم بلامباله: هرد الضربه ضربتين.....
انتهاء فلاش باك 💙
واتفقت مع المأذون الي انت اتفقت معه واديته اكتر وباعك 
ادهم بص لي عشق وقال: اما زوجتي المصونه فليها عقاب تاني خالص





عشق بصت في الارض بخوف 
مالك ضرب ادهم ف وشه وحازم وقف بينهم وهاجر مسكت مالك من كتفه وقالت بخوف: خلاص يامالك خلينا نمشي..
ادهم حط ايده علي عينه وقال بسخريه: ايدك تقلت يااتش 
مالك بغضب: انت عايز ايه مني مش كفايه الي عملته
ادهم: ايوا بقا انا عايز اعرف ايه الي عملته خلاك تسبني
مالك بزعيق: ايه مش فاكر املاك احمد ابو احلام الي مضيت عليها وقولت انك مش هتعمل كدا علشاني بس عملت وخونتي 
ادهم بصلو بصدمه وقال: نعم 
مالك بغصب: انت واطي بعتني علفكره لو كنت قولتلي كنت فرحتلك بس لا عملتها من غير.ماتقولي حتي.. وبعد ما بعدت واشتغلت لوحدي حرقتلي بضعتي الي دفعت فيها دمي قلبي مع أني معملتلكش اي حاجه ورجعت لنقطة الصفر
ادهم: لالا استنا بضعه ايه والله ماعرف الكلام ده 
مالك بزعيق: اخرس وياريتك كفاك الي عملته انا قولت معلش صحبي ولسه بحبه بس يجيلك الجرأه انك تبعت بلطجيه بيتي يضربوني ويضربوا ابويا  .. فضلوا يضربوا ابويا ف رجلو روحت المستشفى وانا بجري 
مالك سكت وبص ف الارض ودموعه كانت هتخونه وهتنزل...
مالك كمل: عمل عمليات كتير ف رجله وفي الاخر قعد علي كرسي متحرك وفي لحظه دي انا قرارت انتقم منك 
ادهم كان واقف مصدوم وقال: والله العظيم ماعرف كل ده صدقني 
ادهم قرب من مالك وحط ايده علي كتف مالك وقال: مالك والله انا معملتش حاجه 
مالك زق ادهم جامد وقال: ابعد عني خد املاكي افرح بيهم انا مش عايزهم
مالك مسك ايد هاجر وخدها وخرجوا برا الفيلا.....
واحلام كانت متابعه المشهد ده بابتسامه خبيثه.....
وندي قربت من عشق وقالت بهمس: خليكي معه وقولي كلمه حسنه ياريت متزودهاش عليه
عشق بضيق: انتي مسمعتيش الي مالك قاله
ندي: وانتي مشوفتيش صدمة ادهم وده اكبر دليل انه معملش حاجه
عشق بصت لي ادهم ولقته قاعد علي كنبه وحاطت ايدو علي  رأسه.....
اما ندي قربت من حازم وقالت بهمس: يلا بينا
حازم: طيب يلا 
حازم وندي مشيوا وعشق بصت لي ادهم بحزن وبعدين قربت منه وقعدت جمبه
عشق: احم ذئوبتي
ادهم مردش عليها 
عشق بصوت عالي: ادهمممم
ادهم مردش 
عشق: مترد بقا انا شكلي بقا وحش
ادهم: انا مش عارف ليه بينتسبلي حاجات انا معملتهاش انا مأذتهوش ولا اغتصبتك انا معرفش انا ليه حظي كدا مالك مش بس صحبي ده عشرة عمري اه كنا بنقعد نأذي بعض بس بنحب بعض عارفين ان فـ يوم من الايام هنرجع تاني 
عشق: طب تخيل مين الي من مصلحته انه يعمل كدا ويوقعكم 




ادهمّ بحزن: معرفش
عشق بسخريه: طب اهده كدا خبتك اقل بكتير من خبتي 
ادهم بصلها بستغراب وقال: خبتك 
عشق حطت ايدها علي بطنها وقالت: ايه مش شايف ان فيه بيبي جاي وانت مش عايز تعترف بيه
ادهم بغضب: بنقول تور بيقولوا احلبوه
عشق بحزن: مش عايزه اصدق انه مش انت فاهم يعني ايه انا حامل ومعرفش من مين دي حاجه صعبه اوي 
ادهم حاول يغير الموضوع وقال: استغفر الله العظيم مكنتش ليلة دخله دي ايه يابنتي  النكد ده لا انا بحب الست فرفوشه
عشق بغضب: نعم عايز ايه 
ادهم: لا مانا بحب الست الذكيه الغبيه ماليش تقل عليها
عشق قامت بضيق وقالت:لا مهو مش عشان قعدت جمبك وفضلت اواسيك تسوق فيها 
عشق جت تمشي بس ادهم مسك ايدها وقال:نعم يختي اومال انا متجوزك ليه ياجعفر 
عشق بغضب: جعفر لما يلهفك ياشيخ
ادهم بستغراب: يلهفك انتي بتقولي اي كلام علفكره
عشق: فين اوضتي 
ادهم غمزلها وقال: ايوا اتعدلي
عشق بصوت عالي:فين اوضتي علشان اغير هدومي 
ادهم بضيق: هدومك.
عشق بسخريه:اومال مفكر ايه هااا ولا اقولك انا هروح ادور 
عشق مشيت من قدامه وطلعت علي سلم 
ادهم: استني يابت هنا انا لسه هعقبك علي الي عملتيه مع مالك
عشق: ياشيح اتوكس
ادهم بصدمه: اتوكس
_________________________________________
*قدام الفيلا*
*‏حازم: هتركبي معايا عربيتي
*‏ندي بضيق: لا 
*‏حازم بغضب: مفيش تاكسي ف الوقت ده 
*‏ندي يغضب: وانت بتتعصب عليا ليه..
*‏حازم حاول يهده وقال: اعتبريني تاكسي
*‏ندي: اممم هركب ورا تمام
*‏حازم بنفاذ صبر: تمام
*‏ندي: ولا تبص ورا ولا توجهلي كلام
*‏حازم: طيببب
*‏ندي ابتسمت وقالت: طيب 
*‏حازم: مانتي بتبتسمي زاي الناس اهو
*‏ندي كشرت وقالت: طب وكده
*‏حازم بضيق: بووومه 
*‏حازم ركب عربيته وندي ابتسمت مش مصدقه انها اتكلمت معاه اخيرا...
*‏ندي ركبت ورا وحازم قدام واتحرك...
*‏_________________________________________
*‏اما مالك كان بيسوق العربيه بسرعه وهاجر بصتله بحزن وبعدين قالت: باين ان صحبك بيحبك مشوفتش كان مصدوم ازاي فكر كدا مش يمكن هو معملش حاجه
*‏مالك بغضب: وانتي مالك خليكي ف حالك احسنلك
*‏هاجر بصتله بصدمه




 
*‏مالك كمل: بتدخلي ف حاجات متخصكيش ليه ايه القرف ده ياربي...
*‏هاجر بصت علي شباك العربيه بسرعه وبدات تعيط ف صمت ومالك كان متعصب اوي وفجاه وقف العربيه وقال بغضب: متبصيلي 
*‏هاجر مسحت دموعها وبصتله وقالت: نعم
*‏مالك شاف دموعها... وسكت وقال: اسف 
*‏هاجر بحزن: ولا يهمك انا مزعلتش انا بس زعلانه عليك
*‏مالك بصلها بصدمه وقال: بجد
*‏هاجر بابتسامة: بجد
*‏مالك: تعرفي انك شبه ماما الله يرحمها بابا كان بيجي من شغل متعصب والناس كل شويه تقلل منه لانه بواب وكان بينجرح اوي وكان يجي يزعق ويتعصب علي ماما وماما تسكت خالص لغاية لما يهده ويجي هو يتأسف وبعدين هي تقف جمبه وتقويه 
*‏هاجر ابتسمت بسعاده علشان شبها بأمه
*‏هاجر: احم طب ممكن تهده 
*‏مالك بضيق: اهده ازاي بس
*‏هاجر: هي مامتك كانت بتهدي باباك ازاي 
*‏مالك بخبث: بتحضنه ايه هتحضنيني 
*‏هاجر بضيق: لا طبعا بس ممكن مثلا اوريك حاجه تفرحك
*‏هاجر طلعت تلفونها وفتحته وبعدين قربت من مالك وحطت التلفون بنهم وقالت شوف الصور دي 
*‏مالك بص علي صوره وابتسم غصب عنه كانت صوره ليه هو وادهم وهما صغيرين وصوره تانيه لي مامته وباباه يوم فراحهم وصوره تالته وهو كبير 
*‏مالك بصدمه: جبتيهم ازاي
*‏هاجر ابتسمت وجت ترد عليه بس فجأه سمعو صوت عربيه بصوا قدامهم لقو كشاف عربيه نص نقل منور علي عربيتهم والعربيه كانت بتقرب منهم
*‏مالك بصدمه: ايه ده 
*‏وفي لمح البصر العربيه نص نقل خبطت عربيتهم.........
*‏_________________________________________
*‏٠*عند حازم وصل قدام العماره وندي نزلت من العربيه وقالت: شكرا 
*‏حازم نزل من العربيه وادلها ورقه وهي استغربت وخدتها وفتحتها وقرأت بصوت واطي ( اهو موجهتلكيش كلام بس عايز اتعرف عليكي اعمل ايه)
*‏ندي فرحت اوي بس بينتله انها اضايقت وحازم ابتسم وادها ورقه.وقلم وندي كتبت... وادت الورقه لي حازم وقرأ (انا مبصحبش يااستاذ)
*‏حازم كتبت بسرعه وبعدين ادها الورقه وقرات (بس انا مش عايز اصاحب انا عايز اتجوز عايز اتكلم معاكي ونتعرف وكدا)
*‏ندي مكنتش مصدقه وبصتله بصدمه وبعدين كتبت ف الورقه وادتها لي حازم وجريت علي العماره وحازم فتح الورقه وقرأ (عندك الباب خبط منه وانا هفتح واقعد ما بابا وسعتها ابقا اتعرف عليا يااستاذ)
*‏حازم ابتسم بسعاده وقال بصوت عالي: طب بابا فاضي امتى طيب 
*‏ندي كانت وصلت لبوابه العماره ولفت وبصتله وقالت: يوم الجمعه روح صلي معاه الجمعه واقعدوا اتكلموا ف جامع علشان ربنا يفتحها ف وشك 
*‏ندي جريت علي شقتها وحازم ابتسم وقال: شكلي هحبها ولا ايه....
*‏_________________________________________
*‏*عند ادهم قرب من اوضه عشق وفتح الباب بهدوء وبعدين لقها واقفه قدامه
*‏عشق بضيق: انا كنت خارجه علفكره
*‏ادهم: واحم وانا كنت داخل اغير علفكره
*‏عشق: عندكم تلاجه 
*‏ادهم: نعم 





*‏عشق بضيق: انا هدور علي المطبخ 
*‏ادهم مسك ايدها وقال: تعالي 
*‏عشق بصت علي ايديه وقالت: وسع بس كدا 
*‏ادهم تجاهلها وخدها ونزلوا المطبخ وعشق اول ماشافت التلاجه فتحتها بسرعه وجابت موز وشوكلاته وعصير وادتهم لي ادهم وقالت: اممم اجيب ايه تاني
*‏ادهمّ بسخريه: لا والله مانتي جبتي كل حاجه 
*‏عشق: تحب تسمع افلام لمين 
*‏ادهم: عربي ولا اجنبي
*‏عشق بتفكير: مزاجي بيقول عربي وقديم كمان 
*‏ادهم: لمين
*‏عشق بابتسامه: احمد رمزي اكيد 
*‏ادهم: تعالي يااخر صبري 
*‏عشق شالت معا ادهم الاكل وقالت بخبث: انا بحب البرتقال اووووي اوووووي
*‏ادهم بصلها بستغراب وسكت 
*‏عشق بضيق: بقولك بحب عصير البرتقال اوووووي
*‏ادهم:ايوا ماشي اعمل ايه 
*‏عشق بغضب: تعمل ايه!!! لا متعملش ياخويا 
*‏عشق سبقته ودخلت الاوضه وادهم دخل وراها وشغل التلفزيون وجاب فيلم لي احمد رمزي وسعاد حسني وبعدين راح قعد جمبها علي سرير وعشق بدأت تسمع الفيلم بتركيز وبعدين جابت العصير البرتقال وشربت منه بهدوء وفجاه ادهم خد منها الازازه وشرب 
*‏عشق بغضب:  ده بتاعي 
*‏ادهم غمزلها وقالها: وانا بحب البرتقال اوي 
*‏عشق بابتسامه: وبتحب ايه تاني
*‏ادهم: بحب لون الاسود والاحمر والابيض
*‏عشق بصدمه: وانا  .... انت برج ايه 
*‏ادهم: عقرب 
*‏عشق: عقرب وعقرب لا داحنا حياتنا مستحيله
*‏ادهم: وليه متقوليش ان احنا ممكن نفهم بعض
*‏عشق: اممم مظنش 
*‏ادهم: احم هو انتي لسه بتحبي اياد 
*‏عشق: علفكره انت جوزي دلوقتي ومينفعش احب حد وانا متجوزه
*‏ادهم غمزلها وقاال: ايوا كدا 
*‏فجاه تلفون ادهم رن واول ما بص علي تلفون فرح اوي وقال:  ده مالك
*‏ادهم فتح التلفون وقال بسرعه: مالك انا 
*‏بس شخص قطعه وقاله: صاحب التلفون ده عمل حادثه وهو ف المستشفي وحالته صعبه وقبل ما يدخل اوضه العمليات طلب انه يشوفك ويشوف واحده اسمها عشق.....
★★★★★★★★★★★★★★★★★
تفتكروا مالك هيعيش ولا هيموت؟!
طب ايه السر انه يشوف أدهم وعشق قبل العمليات؟!
تفتكروا مين المجهول اللى كان بيأذى مالك عشان يوقع بينه وبين أدهم؟!
يا ترى مين هيطلع أبو البيبى الحقيقى؟!

               الحلقه السابعه من هنا

لمتابعة باقي الرواية زوروا قناتنا على التليجرام من هنا

تعليقات