البارت التانى
لقتنى فى المستشفى وبابا قاعد جنبى وبيعيط وماسك ايدى اتكيت على ايدو وسألتو واتمنيت ان كل اللى حصل يبقى حلم
قمر: بابا هى ماما فين؟
بصلى بحزن ومسح دموعو
بابا: راحت عند اللى خلقها وهى متغلاش علية.
قمر: إنا لله وإنا إليه راجعون.
واترميت فى حضن بابا وفضلت اعيط ولقيت حد بيتكلم
*هى عند اللى احسن مننا ادعي ليها المغفرة والثبات عند السؤال.
بصيت لقيت شاب طويل واقف ناحية الشباك ومدينى ضهرو ولما لف اتصدمت
قمر: يزييد!!
«استوب اعرفكو بيزيد»
يزيد ابن عمى هو كان مسافر مع اخويا هو كان حب طفولتى عندو ٢٦سنة خريج فنون جميلة هو يبقى ابن عمى الكبير
يلا نكمل
يزيد: اه يزيد يابنت عمى البقاء لله.
تجاهلتو وكملت عيااط فى حضن بابا لقيت بابا بيتكلم
بابا: خلاص ياحبيبة بابا وجعتى قلبى عليكى قومى صلى وادعى ليها واقرائى ليها قرأن هى محتاجه دة دلوقتى قبل اى وقت تانى.
قومت صليت ولبست وروحنا على البيت
بعد تلت اسابيع يوم ظهور النتيجة
صحيت فتحت الموقع وانا خايفة وعارفة انى مش هجيب مجموع طب بسبب اخر تلت ايام فى الامتحانات والظروف اللى حصلت ليا
كتبت رقم الجلوس قعدت شوية لقيت النتيجة فتحت بابا كان جنبى اتصدمت اول اما شوفت الدرجة وفضلت اعيط جبت٨٧ فى المية لما بصيت لبابا لقيتو بيعيط وهو مبتسم
بابا: مبروك ياقلب بابا اوعى الدرجة دى تيئسك لأ ربنا مش بيعمل حاجه وحشه مهما كان اية الكلية اللى هتدخليها اجتهدى محدش عارف ربنا كاتب لينا الخير فين وممكن الكلية اللى انتى هتدخليها دى تنجحى فيها ويكون ليكى مستقبل احسن فيها.
ابتسمت على كلام بابا وقررت انى ادخل الحاجه اللى شايفة نفسى فيها وهى فنون جميلة.
بعديها بيومين لقيت بابا بيخبط ودخل قعد قدامى على السرير.
بابا: قمر بصى احنا هنروح الصعيد نقعدى باقى اجازتك هناك لان جدك عايزنا عشان نتصالح وزين جاى بكرة الصبح ابقى جهزى نفسك نروح نستقبلو
قمر: حاضر يابابا وهخلى ريهام تيجي معانا الصعيد بس بابا ممكن اعرف سبب الخلاف اللى بينك انت وعيلتك
بابا: حاضر ياعيونى وبدأ يحكى قبل اما اتجوز مامتك كان جدى قايل ان اخويا الصغير هو اللى هيتجوزها وانا اعترضت عشان كنت بحب مامتك وغير كدة اخويا الصغير كان بيشرب مخدرات وكان بتاع بنات وبعد اما اعترضت حصل مشاكل كبيره بين العيلة وانا ساعتها عمى كان عارف ان اخويا مش هيصون بنتو فجوزها ليا فى السر وبعدين اعلن جوازنا ساعتها كانو عايزين يخلونى اطلقها وانا رفضت فجدى راح طردنى انا وامك وبعديها عرفت ان عمك مات بسبب جرعة مخدرات زيادة والباقى انتى عرفاه
وسافرنا وبابا والعيلة اتصالحو وكانو بيعملونى حلو جداً ومامت يزيد عوضتنى عن غياب ماما وعدت الاجازة مع خناقاتى المستمرة مع يزيد وزين استقر فى مصر
ــــــــــــــــــــــــــــــــــــــ
بعد اربع سنين
بتسحب وانا داخلة اوضة زين قربت من السرير وروحت معليا صوتى
قمر: زيييييين قوووووم
زين: اية فى اية البيت بيقع
زين بيبص لقى اللى واقعة على الارض من كتر الضحك
راح زين جايب الحزام وجارى وراها وهى مش قادرة تتجرى من كتر الضحك
قمر وهى بتنهج: خلاص يسطا اهدى بس والله كنت عايزة اصحيك للشغل
زين: تقومى قطعالى الخلف صح
قمر: الله وانا مالى يالمبى ماهو انت اللى نومك تقيل
بابا: انت يابغل منك ليها مش هتبطلو هطل بقى بقيتو على وش جواز ولسة عيال
قمر: اية ياحجوج بنهزر مع بعض
بابا: اتنيلى يلا عشان ريهام رنت عليكى كذا مرة وهتولع فيكى
قمر: ينهارى عندى محاضره النهارده الدكتور الجديد يلا سلام يابوب عشان ريهام هتموتنى
ببص على اخوي لقيتو بيطلع قلبو ايوة اللى فى بالكو البغل بيحب الحلوفة صحبتى والحلوفة بتحبو وانا وهما الاتنين عارفين انهم بيحبو بعض بس عمرنا منروح نقول اصل هما حاليا فى مرحلة الاستعباط.
ريهام: مالسة بدرى ياختى
استوووب نتعرف على ريهام
ريهام صحبتى من واحنا فى تانية اعدادي هى مش صحبتي بس هى اختى هى الركن الدافى اللى بلجأ لية وقت خنقتى دخلت نفس كليتى بس قسم تانى هو اه انا مدخلتش اللى كنت بتمناه بس انا ناجحة اكتر فى اللى ربنا اختاره ليا
يلا نرجع
قمر بضحك: اها ما انا عارفة اصل انا بحب اجى فى مواعيدى بدري
ريهام بغيظ: وحيات طنط
قمر: طب خلاص يابنتى اهدى على نفسك كنت بتخانق انا وزين فتأخرت
ريهام بتوهان:.......
قمر: انتى يابنتى روحتي فين
ريهام: ها لأ انا معاكي اهو
قمر: اه ما هو واضح يلا عشان اتأخرنا على المحاضره
واحنا ماشيين وانا ماسكة العصير وبعدل الخمار روحت لابسة فى حيطة قصدى شاب
قمر: انتى اعمى مش بتشوف وبرفع راسى
قمر: انت!!!!
*انتى!!!!
يتبع
بقلمى
#Samah Essam
#قدرى
