Ads by Google X

رواية للاسف احببته الحلقه الرابعه


 

البارت الرابع من روايه للاسف أحببته للكاتبه ايووش💜💜

________________________

سمر ....مالك عمل حادثه

ايه ...ايههه

ام مالك بدموع ...ابني 

ايه بخوف ...فين ي سمر 

سمر بدموع ....ف مستشفى.......

ايه....طيب يلا نروح بسرعه 

و مشو كلهم راحوا المستشفى

ايه ...لو سمحت مالك محمد ف انهي اوضه 

بتاع الاستقبال....مالك محمد ف اوضه العمليات ف الدور الثاني

ايه ..تمام 

و راحوا عند الاوضه 

فضلوا واقفين مستنين حد يطلع يطمنهم 

و بعد شويه 

الممرضه طلعت 

ايه جرت عليها 

ايه بدموع ...مالك عامل أي

الممرضه ...حالته صعبه اوي و كمان نزف كتير و محتاجين دم المشكله الأكبر أن فصيلتو دمه نادره و مش موجوده ف المستشفى

سمر...طيب هنعمل أي 

ايه بسرعه ...انا و مالك نفس الفصيله 

الممرضه ...بسرعه طيب 

ايه راحت مع الممرضه تاخد منها دم 

الممرضه... انتي مش كفايه محتاجين دم تاني 

ايه ...خدي كل الدم ال انتي عاوزه اهم حاجه مالك يبقي كويس 

الممرضه ...خطر عليكي 

ايه بصوت عالي مع عياط....مش مهم حتي اموت المهم مالك يبقي كويس 

الممرضه ...انتي حره 

و سحبت منها دم تاني 

و بعد ما خلصت و خدو منها الدم طلعت وقفت جنب اوضه العمليات

سمر ...رايحه فين ي ايه 

ايه ...رايحه اصلي ي سمر مش هتاخر 

نزلت تصلي و تدعي 

ايه بدموع....يارب احميه يارب اشفي يارب انا بحبه و مقدرش اشوف فيه حاجه وحشه و لا أقدر اشوفه تعبان و لا موجوع يارب خد منو كل الوجع و ادهولي يارب انا مش عاوزه حاجه خلاص ولا حتي افضل معاه انا بس عاوزه اشوفه كويس و بخير يارب صعبه عليا اخسره مش هقدر يارب يارب 😭😭😭😭

................................

ايه ... الدكتور طلع 

سمر ...لسه 

ايه 😭😭😭

بعد شويه 

الدكتور طلع 

ايه ...مالك عامل أي ي دكتور

الدكتور... الحمدلله العمليه نجحت هو بس محتاج يرتاح شويه و هيفضل ف المستشفى عشان نطمن عليه 

ايه ...يعني هو كويس خالص 

الدكتور.... الحمدلله

و ف اللحظه دي ايه وقعت أغمي عليها 

سمر...ايه 

ام مالك...مالها ي دكتور 

الممرضه ...دي نفس البنت ال خدنا منها دم كتير ي دكتور 

الدكتور...طيب خديها ع اوضه و انا جاي 

خدو ايه ع الاوضه و الدكتور كشف عليها 

الدكتور....محتاجه دم حالا 

الممرضه ...بس مفيش ف المستشفى كلها نفس دمها 

الدكتور....اطلبي من بنك الدم حالا مفيش وقت 

الممرضه طلعت بسرعه 

سمر ...ايه مالها 

الممرضه ...محتاجه نقل دم حالا و مشت 

ام مالك .. يارب أي ال بيحصل معانا ده 

ممرضه تانيه ...انتو أهل المريض مالك محمد 

ام مالك....ايوه 

الممرضه...المريض صحي و طالب يشوفكم 

ام مالك...ماشي 

و راحوا عن مالك 

ام مالك بدموع ...ي حبيبي انت كويس

مالك... الحمدلله

سمر... حمدالله على سلامتك ي قلبي

مالك....الله يسلمك 

الممرضه دخلت 

الممرضه...اسفه بس لازم ياخد العلاج 

سمر....ايه عامله أي 

الممرضه....حالتها صعبه 





مالك...مالها ايه 

الممرضه ...مراتك اتبرعت ب الدم ليك و كنا محتاجين دم تاني بس هي أصرت اننا ناخد كل الدم منها و ده كان خطر عليها بسبب انها ضعيفه جدا و كمان مش مهتميه باكلها و بصحته بس هي بتحبك اوي مكنتش مهتمه بحاجه غير انك تكون كويس 

مالك ف خالة صدمه أن ايه بتعمل كدا عشانو فضل يفكر انها بتعمل عشانو كتير اوي اوي و هو بيتعامل معاها وحش و دايما قاسي عليها 

سمر...مالك ي مالك 

مالك....ايههه

سمر...انت كويس ي حبيبي 

مالك...كويس 

سمر...طيب انا هروح اشوف ايه بقي 

مالك ...ماشي و انتي ي ماما روحي البيت ارتاحي شويه 

ام مالك....مش هقدر اسيبك و امشي 

مالك...صدقني ي حببتي انا كويس 

ام مالك ...بس 

مالك...يلا ي امي 

ام مالك....حاضر و مشت 

و بعد شويه

دخلت مروه 

مروه بدموع....مالك حبيبي 

مالك...مروه 

مروه.... وحضنة جامد انت كويس ي قلبي 

مالك . ..كويس الحمدلله

مروه ..لمه عرفت كنت هموت عليك ي قلبي 

مالك...اهدي ي مروه انا بخير 

مروه ...مش تخلي بالك افرض حصلك حاجه اعمل اي انا 

مالك...اهدي ي قلبي انا بخير 

مروه....يارب دايما بخير و كويس و بصحه و سلامه 

مالك...يا رب ي حببتي 

.................................

عند ايه 

و فضلت نايمه ف السرير ل تاني يوم و سمر معاها 

ايه و هي نايمه ....ما...لك

سمر...ايه 

ايه صحت ....مالك عامل أي 

سمر....كويس الحمدلله بيسال عليكي 

ايه....طيب عاوزه اشوفه 

سمر...طيب ارتاحي شويه

ايه ...لا انا بخير و قامت و راحت تشوفه 

ايه ...مالك 

مالك...انتي كويسه 

ايه ... الحمدلله كويسه المهم انت 

مالك....كويس الحمدلله

........................

مر اسبوعين ع مالك ف المستشفى و ايه بتهتم بيه و كمان احيانا بتذاكر له عشان مفيش وقت يضيع منو 

و طلع مالك من المستشفى و راح البيت 


ف البيت 


ايه ...رايح فين ي مالك 

مالك....هنزل المكتب انا معرفش عنو حاجه من يوم الحادثه 

سمر....بس انت لسه طالع من المستشفى

ايه....انت ارتاح انا كلمت اسماء صاحبتي هي محاميه و خلتها تكون مكانك ف المكتب عشان ميحصلش أي غلط ف الشغل ولما ترجع يكون كل حاجه زي ما كانت و احسن 

مالك ....بجد شكرا مش عارف اقولك اي 

ايه...مفيش شكر بنا 

سمر....ي بختك ي سيدي 

ايه ...ع أي ي سمر 

ام مالك....عليكي طبعا ي يويو 

سمر....اخبار النتيجه أي 

ايه بخوف ...أن شاء الله الاسبوع الجاي 

مالك...الأولي أن شاء الله

ايه ...يارب ي مالك 

ام مالك...بقولك ي مالك 

مالك ...نعم ي ماما 

ام مالك....ابوك كلمني امبارح و قال انو عاوز يشتري قطعه ارض بس عاوزك انت و احمد تشترو معاه عشان تعملوا بيت ليكم 

مالك ...و احمد قال أي 

ام مالك....احمد قال ماشي و هيشتري عشان يبني بيت و يقعد لوحده 

مالك...بس انا مش معايا يكفي 

ايه....لا معاك ي مالك انت ناسي الفلوس ال شايلها معايا 

مالك بصدمه ...انا 

ايه ...ايوه شوفي ي ماما محتاجه كام و الفلوس تاني يوم تبقي عندك بس انا عاوزه حاجه 

ام مالك...حاجه اي ي ايه 

ايه ...اسفه يعني انا عاوزه عقد ب اسم مالك يعني نبقي عارفين أن الحته دي ب اسم مالك قانوني





سمر...لا ناصحه ي بت

ايه...مش نصحه والله بس انتي عارفه شيماء و انا عاوزه اضمن حق مالك مش اكتر 

ام مالك....طبعا ي ايه مالك يختار المكان و يدفع تمنه و يكتب العقد ب اسمه 

مالك بيحاول يستوعب الكلام ....بس عادي ي ايه يعني ده اخويا 

ايه ...و عشان اخوك انا بعمل كدا عشان مش عاوزه مشاكل ليكم مع بعض كل واحد يعرف حقه 

مالك...ماشي طيب عاوزك شوفيه فوق 

ايه ...ماشي 

ايه و مالك طلعوا الشقه 

مالك ...انا هجيب الفلوس منين ي ايه انا مش معايا غير حوالي 700 الف جنيه 

ايه ...انا معايا نص مليون جنيه

مالك ...منين 

ايه ...انا بشتغل من و انا ف تانيه كليه ف البرمجه و جمعت الفلوس دي و محدش عارف عنهم حاجه 

مالك ....بس انا مش هقدر اخد منهم حاجه 

ايه ...عارفه انك هاقول كدا بس انا خلاص قولت رايي ي مالك بص خد الفلوس و اعتبرهم سلف ولا يكون معاك ابقي رجعهم اشطاااا

مالك.... اشطاااا بس تكتب ب اسمي و اسمك 

ايه ...لا ب اسمك انت و بس 

مالك ..بس 

ايه ... خلاص ي مالك بقي احنا مش صحاب ولا اي

مالك...اكيد صحاب 

ايه ...طيب انا داخله انام بقي تصبح ع خير 

مالك...و انتي من أهل الخير 

..........................

تاني يوم الصبح ع الفطار

ام مالك...أي ي ايه مش ناويه تجيبي بيبي ولا اي 

مالك اول ما سمع الكلمه دي كح 

مالك...كح كح كح 

سمر....اشرب ي مالك 

ايه...مش كدا والله 

سمر...انتي بتاخدي حاجه لمنع الحمل

ايه ...لا والله ابدا 

ام مالك...طيب ازاي و انتو متجوزين من 4 شهور 

ايه باحراج ....مش عارفه والله ي ماما 

سمر.... خلاص روحي ل الدكتور و اكشفي 

ام مالك....نفسي اشوف ابنكم قبل ما اموت 

ايه و مالك....بعد الشر عليكي ي ماما 

مالك.... خلاص ي ماما هنروح نكشف انهارده 

ام مالك....أن شاء الله خير

و بعد الفطار 

مالك...يلا ي ايه اطلعي البسي عشان نروح ل الدكتور

ايه ...ماشي طيب ممكن تيجي معايا 

مالك ...ماشي و طلعوا 

ايه ...احممم دكتور أي ال هنروح عندو 

مالك....مش هنروح ل دكاتره انا هنروح كافيه نقعد شويه و نرجع 

ايه....و هنقول أي ل ماما 

مالك....عندي فكره بس متزعليش

ايه ...مش هزعل بس قول 

مالك...احنا نقول يعني ال هو 

ايه ...اتكلم علطول وعد مش هزعل 

مالك...بصراحه كدا تقول انك مش بتخلفي ف بكدا نطلق و اتجوز مروه 




ايه ف صدمه من تفكير مالك 

مالك...ساكته ليه 

ايه ...هدخل البس و اجاي و مشت 

و اول ما دخلت الاوضه فضلت تعيط جامد اوي اوي انو ازاي يفكر كدا ازاي يعمل كدا هو ل الدرجه مش عاوزني ف حياتو طيب اعمل اي اكتر من كدا دا انا بتعب نفسي عشانو دا انا عايشه عشانو يارب يارب ساعدني ساعدني انا تعبت اوي اوي 

مسحت دموعها و لبست و حطت مكياج بسيط عشان ميبنش انها معيطه 

و اول ما طلعت من الاوضه 

ايه ...انا جاهزه 

مالك ...

ايه ..مالك 

مالك...نعم 

ايه ...مالك 

مالك...تعرفي انك قموره اوي 

ايه ابتسمت و نست كل حاجه تماما و ادركت انو يقدر يغير مودها من الحزن ل السعاده و العكس حقيقي قادر يتحكم فيها بشكل كبير اوي اوي 

خرجوا و راحوا كافيه 

مالك...تشربي أي 

ايه ...كاكاو 

مالك ...واحد كاكاو و واحد قهوه 

مالك.... احكيلي بقي بعد ما نسيب بعض هتروحي فين و هتتجوزي مين 

ايه و مش عارفه تقول أي 

ايه....مش هتجوز هسافر و اشتغل و بس 

مالك...عمرك ما حبيتي 

ايه...انا بشوف أن الحب اصعب حاجه ف الوجود و مش الكل محظوظين عشان يلقوا حد بيحبهم 

مالك...بكرا يجي ال يخطف قلبك 

ايه بغموض.... معنديش قلب عشان حد ياخده

و هنا تلفون ايه رن 

ايه ...الو ي سيمووو

اسماء....الف الف مبروك 

ايه ...الله يبارك فيكي بس ع أي 

اسماء ...بقتي معيده اد الدنيا

ايه بصدمه...قولي و حياه امك 

اسماء... هههههههههههه و حياه امي معيده 

ايه....طيب سلام بقي ي بت و فقلت 

ايه ...مالك مالك مالك 

مالك...اهدي انا جنبك اهو 

ايه بفرحه....انا بقيت معيده ي مالك مش قادره اصدق بجد مبسوطه اوي اوي




مالك...الف الف مبروك 

ايه ...الله يبارك فيك

مالك...يلا ي يويو اطلبي اي حاجه و اجبهلك 

ايه بتحاول تستوعب كلمه يويو 

ايه...بجد 

مالك...ايوه بجد 

ايه ...عاوزه شوكولاته و عاوزه اعمل معاك سيشن 

مالك....بس هي دي طلبتك 

ايه ...طبعا 

تعالي ي ستي و خدها و مشي راح فعلا عمل سيشن معاها و جبلها شوكولاته

و رجعوا البيت

ايه ...السلام عليكم

ام مالك...عليكم السلام

سمر...مالك فرحانه كدا ليه طلعتي حامل ولا اي 

ايه ..لا عملنا تحاليل و لسه بعد اسبوعين بس انا نجحت و خلاص بقيت معيده 

ام مالك....الف مبروك ي بنتي 

ايه ...الله يبارك فيكم 

سمر...مبروك ي يوكاااا

ايه ...الله يبارك فيكي 

مالك ..طيب انا رايح الجامع عشان اصلي 

ايه ...مع السلامه 

و مشي مالك 

ايه ...يلا احنا كمان عشان نصلي القيام مع بعض و أن شاء الله طول شهر رمضان هنصلي مع بعض

ام مالك...يلا ي بنتي 

و قامو و صلوا و ايه كانت الامام و كان صوتها جميل حقيقي 

سمر...تعرفي اكتر حاجه جميله ف شهر رمضان هي الصلاه بجد جميله 

ايه ..و كمان بحب اسمع الشيخ الشعراوي و قران قبل الفطور ده جميل حاجه كدا تخطف القلب اصلا 

سمر...اه لو خالد و احمد و بابا هنا 

ايه ..ربنا  يرجعهم ب السلامه

و فضلوا يتكلموا كتير اوي اوي

..............................

عند مالك 

مالك...زوز حبيبي كل سنه و انت طيب 

زين...و انت طيب اخبارك اي 

مالك...ما انت عارف كلها كام شهر و اتجوز مروه 

زين...طيب و ايه ي مالك 

مالك...ماهي عارفه اني بحبك مروه 

زين...بتحب مروه بجد 

مالك...افهم قصدك بقي من السؤال 

زين...مش عارف أو لازم انت ال تفهم لوحدك 

مالك...ماشي سلام 





زين...سلام

...................................

مالك ...سلام عليكم

الكل....عليكم السلام

ايه....مالك انت كويس 

مالك...تمام جهزتي الصحور

ايه ..دقيقه و احط 

و ايه دخلت و حطت الاكل ليهم كلهم و خلصوا اكل و شالت و غسلت الاطباق و الفجر اذن و صلوا و كان مالك هو الإمام و دي كانت فرحه اكبر ل ايه عشان كانت بتصلي مع مالك 

ام...تصبح ع خير

سمر...و انا كمان و مشو

ايه...يلا نطلع 

مالك...لا احنا هنام هنا 

ايه ...ماشي 

و دخلوا عشان يناموا ف اوضه مالك و هما ع السرير 

ايه ...مالك ي مالك انت زعلان من اي 

مالك...انهارده زين سؤالني سؤال و زعلت منو اوي 

ايه...أي هو 

مالك...انت بجد بتحب مروه 

ايه ...طيب ليه مردتش ع السؤال 

مالك....مش عارف

ايه...كان لازم ترد 

مالك...عارف و انا بحب مروه 

ايه بتحاول تتماسك ...أن شاء الله هتتجوزه و تكون مبسوطين 

مالك...يارب ي ايه هيبقي اسعد يوم ف حياتي 

ايه....ربنا يسعد قلبك و روحك و ايامك و يريح بالك 

مالك...يارب امين بقولك اي 

ايه ..نعم 

مالك ...تصوري اني معرفش عنك حاجه .انا مش جيلي نوم اتكلمي شويه 

ايه...اقول اي 

مالك...بتحبي أي و بتكرهي أي 

ايه ...بحب المطر و النجوم و القمر و الهوى و الأشجار و عشقي بقي البحر 

مالك ..غربيه البنات دايما بتفضل اللبس و المكياج و العطور و الحاجات دي 

ايه...مش انا 

مالك...تحبي انتي كبنت حبيبك بقولك بحبك ازاي 

ايه ...نبقي ف مركب صغير و بليل ع ضوء القمر و يمسك ايدي و يقولي بحبك 

مالك...أي مواصفات الشخص ال ممكن ترتبطي بيه 

ايه بصت ل مالك جامد نظرات كلها غموض .....مش عارفه بس انا اتعملت معاك و لقيتك انسان كويس ف لو شبهك يبقي اشطاااا 

مالك ....أي هو الحب بالنسبه ليكي 

ايه ...الحب امان و اخلاص و تضحيه الحب احساس و مشاعر قبل كلام مش لازم اقول بحبك عشان تعرف ولكن اكيد الترف التاني هيحس ب الحب ده الحب يعني احبك و اتمنالك السعاده حتي لو مع غيرك و ابقي مبسوطه عشان شايفك مبسوط الحب حاجه عظيمه بس ف الحب وجع و حرمان لمه تحبي حد و هو مش بيحبك بيبقي صعب اوي و الأصعب انو ادام عيونك بيقولك كل شويه انو بيحب واحده تانيه بس لمه بتشوفه بس بيضحك و لو ف ابتسامه ع وشه بتنسي الكون كله لدرجه ان بيتحكم فيها وهو نفسه مش عارف متقدرش تشوف فيه وجع عشان هي ال بتحس ب الوجع ده 





مالك...أي كل ده بس مفيش واحده كدا ف الكون 

ايه و بصت جامد لمالك ...بجد 

مالك...ايوه بجد مفيش واحده بتكون بتحب واحد و تسيبه عشان هو عاوز غيرها 

ايه ... هههههههههههه تبقي لسه ملقتش ال يحبك ي مالك حب ف شفافيه و اخلاص و احساس بس لمه تلقيها هتبقي خلاص ضاعت من ايدك 

مالك و مش فاهم بعض الكلمات...قصدك أي 

ايه ...يلا نام ي مالك و انت هتفهم ف المستقبل

مالك ..تصبحي ع خير 

ايه ...و انت من اهل الخير و السعاده يارب 

و نام مالك 

و ايه كانت صاحيه و لمه عرفت أن مالك نام خلاص فضلت باصه عليه و مسكت ايدو و قربت منو اكتر و اكتر و كانت بتشم ريحته و كأنها بتاخد كميه كبيره من الهوى لأنها كانت محتاجها عشان ترتاح و قربت اكتر و باستو ع خدو و قالت بصوت واطي...بحبك و نامت 

مر اسبوع و التاني و التالت و عرفوا أن ايه مش بتخلف و مفيش امل كمان انها تختلف و الكل زعل و مفيش جديد ف حياتهم خالص و الأيام بتعدي لحد ما ف يوم 

مالك ..ي جماعه انا عاوز اقولك حاجه 

ام مالك....أي ي بني 

مالك...انا هتجوز 

سمر...طيب استني يمكن مع العلاج تخلف 

ايه ...طلقني ي مالك 

مالك....انتي حره 

ام مالك...عاوز تتجوز اتجوز بس مش هطلق ايه 

ايه ...اسفه بس انا لازم إطلاق

......................... . . .

استوووووووب انهارده ياتري أي هيحصل و ايه هتطلاق من مالك بجد ولا و مالك فعلا هيتجوز ولا استنوووو الحلقه الجايه

 

                   الحلقه الخامسه من هنا

لمتابعة باقي الرواية زوروا قناتنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-