#شارع_الحب🖤🌠
#Farah_Wael
البارت 4
هاجر (اخت سيف) : سييييف
سيف : ايوة يا هاجر ...خلاص يا يوسف هكلمك بعدين
فيروز : يا لهوى بجد كان هو ...صح ابن الجيران ...هو ابن الجيران ..يا لهوى بجد بيحبنى ..لا لا ..لا ايه يا هبلة انتى هو طلع هو ...اسما ..فين التليفون ...الو
اسما : ازيك يا فيزو
فيروز : فيزو هيغم عليها ..
اسما : ليه مالك
فيروز : طلع هو ...هو يا اسما انا مش مصدقة نفسى ...من كتر نبض قلبى حاسه ان قلبى مش جوايا ...انا قلبى طاير ..
اسما : اهدى واتكلمى بالراحة انا مش فاهمة اى حاجة
فيروز : هقولك ....فاكرة الرسايل اللى كانت بتتبعتلى دى
اسما : مالها
فيروز : سيف هو اللى كان بيبعتها
اسما : ايه ...ده المفروض انى اصدق بقى صح
فيروز : طب والله ...بصى انا سمعته من شوية بيتكلم ف التليفون وبيقول انه زهق ومش هيبعت رسايل تانى بس مش هيستسلم #Farah_Wael
اسما : انتى بتهزرى صح
فيروز : والله لا ...انا مش مصدقة ان هو ...يااا بقالى سنتين معجبة بيه وهو كان بيبين انه مش واخد باله منى ..بس طلع بيحبنى
اسما : ايوة بقى يا عم ..مبقاش فرح واحد بقى فرحين اهو
فيروز ضحكت : استنى كده
" ايه مش هشوفك يعنى "
فيروز : الحقى ده كاتبلى مش هشوفك يعنى
اسما : مترديش يا فيروز
فيروز : مش هرد طبعا ...بس صعبان عليا
_ يا رااااااضى
فيروز : بصى انا هقفل اشوف مين اللى بينادى وهتصل بيكى تانى
_ يا راااااااضى
فيروز : سلام .( حطت الخمار على دماغها)....ميييين
(بتبص بتلاقى يوسف )
يوسف :....... فين خالد
فيروز : ف الشغل ..
يوسف : طب قوليله يرد عليا
فيروز : بقولك ف الشغل
يوسف : طيب ماشى... #Farah_Wael
فيروز دخلت
_ يا رااااااضى
فيروز بزهق : نعم
يوسف : هو هييجى امتى
فيروز : على 8 كده
يوسف : تمام
فيروز دخلت
_ يا رااااااضى
فيروز بعصبية : نععععم
يوسف : لما ييجى خليه يكلمنى ضرورى
فيروز : حاااضر ( دخلت ) ...معرفش ايه القرف ده ما يرن عليه... يا لهوى الغسالة
بعد صلاة العشاء خالد وصل البيت
مامتها : فيروز اومى حطى ل اخوكى ياكل
فيروز بصت ل خالد : انت هتاكل
خالد : لا
فيروز بصت لمامتها : مش هياكل خلاص
مامتها : اومى يابت اخوكى جاى تعبان ...
فيروز : حاضر يا ماما ...على فكرة انا كمان تعبانة طول النهار
مامتها : معلش يا حبيبتي انتى البنوتة ..يلا ربنا يكرمك يارب
فيروز : اههه دعوتك بتدخل قلبى والله ...ماشى عشان خاطرك بس يا جمر انت
خالد : هدخل اخد دش واصلى اعبال ما تخلصى
فيروز : ماشى .....خالد ..تلفونك بيرن
خالد : مين
فيروز : يوسف #Farah_Wael
خالد : ردى وافتحى الاسبيكر .....الو
يوسف : فينك ياعم
خالد : يا بنى مش قولتلك هطلع اكل وانزل
يوسف: انت صوتك بعيد كده ليه
خالد : عشان باخد دش
يوسف : اومال بتكلمنى ازاى
خالد : يا بنى فاتح الاسبيكر
يوسف : امم ..
خالد : فى حاجة ولا ايه
يوسف : اصلك وحشتنى اوى يا لودة
خالد : لودة !!! ..ووحشتنى كمان ..ما تظبط ياض مالك
يوسف : يسطا بقالى يومين مشوفتكش
خالد : انت ضارب ايه يا بنى ...انا كنت معاك من شوية
يوسف : تصدق صح ...يلا انا مستنيك متتأخرش
خالد : طيب
يوسف : انى احبك يا لودة
خالد : لا إله ...استغفر ....يا بنى انا ف الحمام بقى يخربيت كده 😂
يوسف : خلاص يا عم سلام
فيروز : صاحبك ده متخلف على فكرة
خالد : اه ..بس جدع
فيروز : يا بنى ده بينادى عليك الصبح وماما مكنتش هنا وبيقولى هو فين قولتله ف الشغل راح يقولى طب خليه يرد عليا #Farah_Wael
خالد خرج : يا ستى متدوقيش ..خلصتى الاكل ..
فيروز : هغرف اعبال ما تصلى
خالد : ماشى
_ صتصتصتصتصتصت (بيصفر )
خالد بص من البلكونة : خلاص يا يوسف نازل... الله
مامتها : فيروز ...تعالى البسى وروحى جيبى الفستان
فيروز : هي طنط خلصته
مامتها : ايوة ..شوفى هتاخد كام وادى 200 جنيه ومتتأخريش
فيروز : حاضر ...(فى دماغها )" يارب اقابل سيف يارب "
نزلت شافت يوسف قاعد هو وسيف تحت بيتهم
سيف : يا انسة ..هو خالد هيتأخر
فيروز : خالد بياكل وهينزل
يوسف : قدامه كتير يعنى #Farah_Wael
فيروز : لا (مشيت ) ..مبتسمة وبتفكر " يا لهووى ..صوته حلو اوى ...(بتتخيل شكله وهو بيكلمها وبتبتسم) ..
هاجر: ازيك يا فيروز
(* هاجر اخت سيف عندها 24 سنة*)
فيروز : ازيك يا هاجر عاملة ايه
هاجر : الحمدلله ...محدش بيشوفك ليه
فيروز : مش بنزل والله غير عشان الدروس او لو هجيب حاجة بس
هاجر : شدى حيلك بقاا هاا
فيروز : انشاء الله ...
هاجر : صحيح انتى هتكملى تعليمك بقى يعنى عايزة تدخلى كلية وكده
فيروز : اه طبعا انشاء الله يعنى
هاجر : كلية ايه بقى
فيروز : بفكر ف هندسة او طب يعنى مش عارفة لسه
هاجر : اهم حاجة ان قدامك هدف ..بس ايه يعنى القمر مش بيفكر ف الجواز ويتنازل شوية
فيروز بجدية : لا يا هاجر ..اتنازل ازاى ده حقى انى اكمل تعليمى ..وهكمله مش هخلى تعب بابا وماما يروح على الفاضى عشان انا بفكر ف الجواز #Farah_Wael
هاجر : يا بت انا بهزر معاكى قفشتى كده ليه
فيروز : لا مقفشتش ولا حاجة ..
هاجر : على العموم كنت عايزة اكلمك ف حوار كده
فيروز : حوار ايه
هاجر : مش وقته لما اطلع هبقى اكلمك على الواتساب
فيروز : ماشى
هاجر: يلا عايزة حاجة
فيروز : تسلمى
هاجر : مع السلامة
جابت الفستان واول ما قربت من البيت
" لو الفستان عريان نص مللى .. هتزعلى منى جامد "
فيروز : اى ده !! وهو سيف عرف ازاى انى هجيب فستان
" اظن الرسالة وصلت "
فيروز : عرفت ازاى يا سيف ؟؟!
#يتبع
#شارع_الحب🖤🌠
#Farah_Wael
