#البارت_السابع_والأخير.
((بعد عام))
-المأذون:- بارك الله لكما وبارك عليكما وجمع بينكما في خير.
(كل الموجودين زغرطوا وبدأ الكل يبارك للعروسين في سعادة بالغة متمنين لهم السعادة الزوجية المستمرة)
-عمر باستعجال وصوت مرتفع:- الكل يرجع مكانه محدش يمشي، فين البت سمر؟
-عمر للمأذون:- وأنت يا شيخنا أقعد مكانك، مش هتمشي غير لما تكتب كتابي.
-عمر لسمر:- يلا بينا عالمأذون يا بت، يمين تلاتة ما أنتي ماشية من هنا إلا وأنتي مراتي.
(الكل ضحك على كلام عمر واستعجاله)
-سمر بخجل:- استنىٰ يا مجنون قول لبابا الأول.
عمر باستعجال:- بابا عارف ياختي، يلا يا بت أحسن أخطفك.
عمر للمأذون:- بسرعة يا شيخنا أحسن البت تغير رأيها.
المأذون:- بارك الله لكما وبارك عليكما وجمع بينكما في خير.
(الكل زغرط لأهبل عروسين ومتمنين لهم السعادة الزوجية المستمرة)
(أسر أخد عروسته وقعدوا على جنب وعمر خطف عروسته ومشوا)
-أسر بسعادة بالغة:- أخيرا يا وتين بقيتي مراتي.
-وتين بخجل شديد:- أنت فرحان أوي كدا يا أسر.
-أسر بسعادة كبيرة:- أنا طاير من الفرحة يا روح قلب أسر.
(وكان هيمسك إيدها لكن وتين قالتله)
-وتين بغضب طفولي:- أوعىٰ إيدك لتوحشك.
-أسر بضحك:- يا بت أنا جوزك، والله جوزك، شيلي وش المصارع چون سينا دا وخليكي وتين الرقيقة، وبعدين يا هبلة في واحدة تقول لجوزها إيدك لتوحشك.
-وتين بخجل:- ما أنا مش عارفة أقولك ايه يا أسر.
-أسر باستمتاع لخجلها:- قولي اللي كان موجود في النوتة يا قلب أسر.
-وتين باستغراب:- هي النوتة معاك، أنت أخدت النوتة بتاعتي يا أسر؟!
-أسر بحب:- بحبك يا وتين وبحب كلامك اللي في النوتة.
-وتين بخجل:- أسر.
-أسر بتوهان:- قلب أسر، عيون أسر، روح أسر
-وتين بدلع وخجل:- أنا بحبك يا أسر.
-أسر بسعادة بالغة:- بجد يا وتين بتحبيني من أمتى!!
-وتين:- بحبك من زمان، كنت معجبة بيك لما حصل بينا المواقف الكتير دي؛ لكن كنت بطنش ويطلع الموضوع من دماغي علشان حرام، تعرف يا أسر أنت كبرت في نظري أكتر يا أسر لما اتقدمتلي وحكيتلي عنك، ساعتها معرفتش أقول لاء، صليت استخارة وفرحت أوي لما حسيت إني مرتحالك، عارفة إني تعبتك معايا في فترة الخطوبة علشان تسمع مني كلمة بحبك، أنا كنت مستنية لما تبقى حلالي وأقولك كل اللي في بالك وبالي، فعلًا يا أسر الحلال أحلىٰ من مليون حب في الحرام، أسر بحبك أوي وبحب خوفك عليا وحرصك عليا، بحبك يا ابن قلبي.
-أسر بانبهار من كلام طفلته:- بحبك يا وتين، أنا بعشقك.
-وتين بحب:- أحبُكَ فوقَ الحبِ حُبًا.
-أسر بحب:- والحبُ لكِ أصبحُ عشقًا.
- وتين بعشق لذلك الأسر:- أحببتُ قلبُكَ بالحلالِ.
أسر بحب وهو بياخدها في حضنه:- أصبحتي وتيني واسمك من نصيبي.
حاجة بسيطة مني ليكم
(الحب حاجة جميلة جدًا وأي بنت تتمنى إنها تحب وتتحب، لكن الحب الحلال ليه طعم تاني، الحب بنكهة مختلفة هو دا الحب الحلال، لما فارس أحلامك يخبط على بابك ويطلب إيدك علشان أخلاقك، علشان أدبك وأحترامك، الحب إنه يضحي علشانك مش إنك تجري وراه علشان كلمة حلوة، الحب إنك تستني ابن الحلال لحد ما يدخل قلبك من قدام أهلك مش من الشباك)
#تمت_بحمدالله.
#أحببتُ_قلبًا_بالحلالِ.
#رِوان_إبراهيم.
