رواية زمردة الزين الجزء الثاني الفصل الاول
احم احم بسم الله اول حاجة تانى حاجة صلوا على النبي كده يلا بينا نتعرف على ولادهم بنبذة مختصرة كده
عز الدين بقى عنده ٢٥ سنة وخريج هندسة بس فضل يساعد زين فى الشركة وبيحاول يحوش من فلوسه ويفتح شركته الخاصة بمجاله ومش عايز مساعدة من زين تؤ حابب يعتمد على نفسه
يزيد باشا عنده ٢٣ سنة بقى ظبوطة اد الدنيا متخرج من سنتين بس اثبت كفائته فى شغله بجدارة بالرغم من رفض زمردة المهنة دة خوفا عليه بس زين دايما فى ضهره وبيشجعه
روجيندا هى وجوان التوام اللى مش توأم دول فاكرينهم دخلوا اعلام لانه كان حلمهم من وهما صغيرين أنهم يبقوا صحفيين سوا وعندهم ٢٠ سنة ولسة فى تالتة كلية
جويرية ٢٢ سنة ومتخرجة من السن وبتعشق شغلها اللى هو الترجمة وبتعشق اصلا اللغات
سليم ٢١ سنة آخر سنة فى حقوق مع أنه جاب مجموع كبير بس ده كان حلمه أنه يكون محامى ويساعد اللى محتاج مساعدته ويحميهم من الظلم
مالك ٢٢ سنة اتخرج من آثار من سنة ونظرا لتفوقه بقى معيد فى الكلية بتاعته
مليكة توام مالك متخرجة من صيدلة وعندها ٢٢ سنة وعندها الصيدلية الخاصة بيها
رقية عندها ١٩ سنة فى تانية كلية اداب قسم تاريخ بتعشق التاريخ كده بتعشقه
انس عنده ١٧ سنة وثانوية عامة
( بالمناسبة انا راحة تالتة ثانوى علمى ادعولى احقق حلمى هاا 
)
)فاطمة بطبوطة العيلة دى واخر العنقود القمر كده وعندها ١٦ سنة وفى تانية ثانوى ونفسها تبقى دكتورة كبيرة
( احم عارفة طولت عليكوا بس الشخصيات كتشير اوفى يعنى مش حارماكوا من حاجة اهو )
)نبدا بسم الله 
يوم تخرج سليم من الكلية
فى الحفلة كان حاضر طبعا كل عيلتهم القمر دى زين وزمردة جمبهم ولادهم اللى مبسوطين لصاحبهم وبنجاحه
وادم ورهف وبردو بعيالهم
وأسر ومنة ومصطفى وسلمى كذلك
كل شباب العيلة دى أصحاب جدا ويعتبروا اخوات لأنهم متربيين مع بعض وهل يا ترى هيكون فى رأى تانى فى اخوات دى مع البعض ما يلا نشوف 
سليم طلع على الاستيدج واستلم شهادته وجايزته واستاذن أنه يقول كلمة
سليم : اولا طبعا احب اشكر كل اللى ساعدنى فى انى احقق حلمى ووقف جمبى وشكرا لكل فرد فى الجامعة ساهم فى ده
صقفوا
سليم مكملا : ثانيا بقى شكر خاص جدا جدا لكل فرد من افراد عيلتى العيلة اللى أثبتت أن مش لازم يكون فى رابط دم عشان نكون عيلة من بداية عمو زين لحد بطبوطة اخر العنقود ربنا يخليكوا ليا
كلهم باصينله بحب ورهف مامته عيونها بتدمع بفرحة
خلص كلامه وشكر اللى على الاستيدج أنهم سمحوله يقول كلمة
سليم وهو واقف على السلم اللى على بيطلع الاستيدج ووشه للناس
سليم بصوت عالى : عمو زين
زين باصصله ومستغرب
سليم بصوت عالى تانى : تقبل تبقى حمايا
كلهم بصوله بصدمة من جنونه وروجيندا بصاله بصدمة وهتموت من الكسوف
سليم بصوت عالى : انتوا هتمثلوا كلكوا عارفين انى بموت فيها بس عمركوا ما تروحوا تقولوا
يزيد بصوت عالى ودلع : متكسفنيش بقى يا سليم الله
كل الموجودين ضحكوا على العيلة القمر دى حتى الأفراد المهمة على الاستيدج
سليم بصوت عالى : بس انت اسكت ها يا عمو زين موافق
زين شاورله بابتسامة أنه موافق
سليم وهو نازل بسرعة وبيغنى وبيجرى ناحيته : افرحى يا عروسة انا العريس
وكل الموجودين بيضحكوا عليه وعلى جنانه
وصل عند زين وباسه من خده : والله حماياااااا اللى مفيش منه اتنين على الكوكب
والكل بيضحك ويتمنوله السعادة
بعد ما خرجوا من الكلية وسليم خلاص قرب يطير من الفرحة
زين بضحك : اي يا اهبل اللى عملته ده فى حد بيطلب ايد واحدة كده
سليم بغرور ومرح : والله يا حمايا انا محدش يتوقعنى 
زين : لا بقولك اي ولا حمايا ولا بتاع انا لسة معرفش رأي بنتى
سليم : موافقة يا حمايا أن شاء الله يلا نسالها دلوقتى
وبص لروجيندا اللى هتموت من الكسوف خلاص بتسيح
زين بينقذ بنته من الموقف : بس يلا روح العب بعيد انا هبقى اسالها وبعد ما نفكر نبقى نرد عليك
سليم بتمثيل وهو يضع أيده على قلبه : اه يا جلبى لسة هستنى أما تفكروا
زين : حتى لو فى حاجة ووافقت مش قبل ما تتخرج على الأقل يا حبيبى
سليم بتمثيل : لا اكديه كَتييييير
الحجنى يا يزييييييد
ووقع على يزيد بمرح
يزيد وهو يقلد رامز جلال فى غاوى حب : متقلقيش خالص يا آنسة مروة مش هقول اسمك
كلهم بيضحكوا عليهم سليم ويزيد دول بهجة العيلة كده هما اللى بيضحكوهم دايما ومحدش مصدق أن ده ظابط وده محامى
عز الدين بضحك : انا مش عارف ازاى انتوا اللى بتحموا الناس ازاااااى
سليم ويزيد فى صوت واحد وبصوا لبعض : اصل احنا بعمل كل حاجة مع بعض اووووه
عز الدين : بالمناسبة الحلوة دى وان سليم حقق حلمه الحمد لله عايزين نخرج يا شباب
انس بمرح : اه والنبى احسن اخوكوا مزنوق فى الثانوية العامة اللى جابت اجلى دى
فاطمة هنسميها بطة بقى عشان متعودة عليه
بطة : حوش اللى مبيقومش من على الكتاب هو انت بتفتح كتاب
انس : يا بنتشى بقى يلعن ميتشين أهلك بقى
عز الدين : انت بتشتمها ليه يلا
انس : مشتمتش انا بهزر عادى
عز الدين : ده مش هزار ده احترم نفسك معاها بعد كده
بطة بمرح : اللى جايبلى حقاااااى
زين وزمردة بصوا لبعض بابتسامة ونظرة هما اللى فهموها
مالك : حصل خير يا شباب هنخرج فين بقى
رقية : اي رايكوا نروح مكان أثرى قديم ونتفرج عليه
مالك مؤيد الفكرة : فكرة قمر
يزيد : بالنسبة لرأى مالك ورقية هنلغيه عشان مش مهم
جويرية : تعالوا نروح اماكن سياحيه موجودة فى مصر وفيها اجانب
يزيد : وبالنسبة لجورى فهى هتسكت خالص معاهم
جوان : اي رايكوا نروح القناطر ونقضى يوم جميل ونروح بالباخرة بقى فى النيل مش العربيات وكده
يزيد بهيام : يبقى نروح القناطر القناطر حلوة
كلهم رحبوا بالفكرة
عز الدين : خلاص يبقى اخر الاسبوع نتفق هنروح امتى ونجهز نفسنا على يوم الجمعة كده عشان يكون الكل إجازة
وكل واحد روح بيته
تانى يوم الصبح ....
صحيت زمردة قبلهم كالعادة وحضرت الفطار وقعدوا فطروا وكل واحد راح شغله وكليته
فى الشركة ...
زين بجدية : ابعتلى الملفات دى تتراجع يا حمزة ( سكرتير زين )
حمزة باحترام : تحت امرك يا زين بيه
بعد شوية زين لقا المكتب بيتفتح مرة واحدة وبيدخل منه سليم : ها يا حمايا وافقت
زين بصدمة : يخرب بيتك هو مفيش باب تخبط عليه
سليم : يا حمايا متدقش ها وافقت
زين بخبث : انا مكلمتهاش اصلا لسة
سليم بصدمة : لا حمايا يا جميل بالله عليك ما تعمل فيا كده لا
زين بضحك : ما تهدى يلا لتقول مدلوق عليها
سليم : وتقول ليه ما انا فعلا مدلوق
زين بضحك : عموما انا اديتها يومين تفكر وتقولى قرارها
سليم : خلصانة يا حمايا يا قمر وحدفله بوسة فى الهوا ومشى
زين بضحك : ربنا يهديك يا ابنى
عند يزيد فى القسم ....
دخل العسكرى : يا فندم فى ناس برة جايين فى خناقة وفى بنت مش راضية تسكت خالص
يزيد بجدية غير معهود عليها فهو فى القسم شخصية أخرى غير يزيد المعروف : اصطبحنا واصطبح الملك لله دخلها يا ابنى أما نشوف فى اي
دخل واحد متعور ودماغه بتنزف ودخلت وراه بنت مغرورة من كتر ما رافعة رأسها مشافتش يزيد
يزيد بصدمة : جوان اي اللى جابك هنا
جوان اول ما رأته كأنها وجدت نجاتها بس مبينتش
جوان بضيق مصطنع : الاستاذ اللى مش محترم ده هو اللى غلطان وخبط عربيتى وغير كده بدل ما يعتذر لا نزل وبيعاكس كمان
الراجل : محصلش يا سعادة البيه دى بتتبلى عليا
جوان : انا هتبلى عليك انت يا معفن وراحت جابت الراجل من شعره
يزيد بزعيق : بس بس اسكتوا انتوا مش واخدين بالكوا انكوا فى قسم والا اي دى مش زريبة
جوان زعلت جدا دى اول مرة تشوف يزيد كده وكمان يزعقلها
يزيد : حضرتك هتفتح محضر وفى الاخر هينتهى بمحضر صلح
فانتوا اتصلحوا دلوقتى اسهل
الراجل : حضرتك دى فتحتلى دماغى انا عايز حقى
يزيد : وانا بنفسى بقولك خلاص مفيش داعى لمحاضر
الراجل : خلاص يا باشا لو الآنسة تبعك خلاص حقى وصل
يزيد : اه تبعى وطلع فلوس وادااها للسواق : خد دول
الراجل : خيرك سابق يا سعات البيه شكرا جدا وخد الفلوس ومشى
اول ما خرجوا متبقاش غير يزيد وجوان
جوان انفجرت من العياط كأنها كانت على الشعرة
يزيد بقلق : اي مالك فى اي
جوان بدموع : انت زعقتلى ليه هو اللى غلطان اصلا
يزيد عارف انها بتكره الصوت العالى ويتمثل القوة قدام الكل وهى من جواها ارق حاجة بس مبتبينش دموعها قدام حد
يزيد باسف : انا اسف والله مش قصدى عارف انك بتكرهى الصوت العالى بس انتى جبتى الراجل من شعره قدامى
جوان بضحك وسط دموعها على طريقته : بس هو يستاهل
يزيد بابتسامة : أيوة بقى خلى الشمس تطلع قوليلى بقى انتى ماشية لوحدك ليه فين نصك التانى
جوان : روجى صح انا نسيتها كنت راحة اقابلها عشان نروح الكلية بس حصل اللى حصل
جوان اتصلت بروجى
روجى : انتى فين يا كلب البحر انا واقفة بقالى ساعتين
جوان : انا فى القسم
روجى بصدمة : نعم القسم
جوان : اه القسم
روجى : هببتى اي يا مجرمة انطقى انا عارفاكى
جوان : يا ست صلى على النبي كده هو لازم اكون الجانى مينفعش المجنى عليه
روجى : وانتى هتسيبي نفسك يبقى مجنى عليكى هو انا معرفكيش انطقى هببتى اي
جوان : مفيش اتخانقت مع سواق ميكروباص وفتحتله دماغه فجينا الاسم
روجى : مش بقولك يخرب بيتك خرابة انتى فين طيب اجيلك
جوان : لا تيجى فين ما خلاص يزيد خلص الحوار
روجى بخبث : اممم يزيد
جوان : اه اصلنا جينا القسم بتاعه
يزيد بضحك : القسم بتاعى
جوان : يلا سلام بقى يا روجى وروحى على الكلية وانا جاية وراكى اهو
وقفلوا
جوان قامت وشكرت يزيد وراحت الكلية بتاعتها
عند زين فى الشركة....
حمزة خبط : زين باشا فى حد مستنيك برة
زين باستغراب : حد حد مين
دخل فجأة : انا يا زينى
زين بصدمة : اي ده ؟!
بدل ماتدور وتبحث علي الروايات خليها علي تليفونك وحمل تطبيقنا
