غرام الفهد
الفصل الثاني
في يوم جديد
في احد الشقق البسيطه تستيقظ فتاه جميله
وتذهب لتيقظ اختها التي لا تتكلم
سحاب : ايسيل سوسو قومي يا كسلانه
فاستيقظت ايسيل وخبطت سحاب بالمخده
سحاب : عيبون عليكي يا فتاه
ضحكت ايسيل وكذلك سحاب
سحاب : هروح اصحي دموع عشان تفطروا
اومأت برأسها ثم قبلت وجنتها وقامت
فتذهب وتيقظ اختها المتوحده ذو العشر سنوات
سحاب : دموع يا دموع قومي يلا يا كوكو
استيقظت دموع وجلست علي السرير فأحضرت ايسيل الفطار ونادت سحاب لدموع التي خرجت
سحاب : دموع يلا الاكل
ذهبت ايسيل واخذت دموع غسلت وجهها واطعمتها ثم غيرت ملابسها بينما جهزت سحاب للعمل
سحاب : ايسيل انا هروح الشغل اوكي
اومأت برأسها وذهبت سحاب لعملها
(ايسيل20سنه اخت سحاب من اب فتاه خرساء ولكنها تسمع بأعين كالزمرد وشعر طويل جدا اسود كاليل وبشره بيضاء طويله القامه في كليه صيدله تسمي من قبل اصدقائها بالملاك الصامت )
**************************
استيقظت رزان لتبدأ بخطتها فأخذت شاور وارتدت هوت شورت اسود وبلوزه زرقاء ورفعت شعرها في هيئه ذيل حصان واخذت السي في وخرجت فخبطت في واحده
رزان : مش شايفه
سحاب : اسفه
رزان : وانا كمان.....مرحبا انا رزان
سحاب : وانا سحاب انتي جديده
رزان : ايوه ساكنه في الرابع
سحاب : وانا شقتي قصادك
رزان : بجد اتشرفت اخيرا اتعرفت علي حد
سحاب : خلاص بقينا اصحاب.....انتي رايحه علي فين
رزان : اقدم علي شغل وانتي
سحاب : رايحه شغل
رزان : انتي شغاله ايه
سحاب : هو انا خريجة كليه تجاره انجلش بس بشتغل جرسونه وبدور علي شغل بس مش لاقيه
رزان : ربنا معاكي
سحاب : وانتي كمان وانتي خريجه ايه
رزان : انا خريجه اداره اعمال وراحه اقدم في شركه رعد الشافعي
سحاب : الله بجد نفسي اروح اشتغل عنده
رزان : ليه يعني
سحاب : سمعت عنه وعن عيلته لاني معنديش اب وام اتمنيت اكون جزء من عيلته بس يلا احلام بعيده اوي
رزان : عادي احنا بنحلم عشان نحقق.....تعالي نوصل بعض ونكمل كلامنا
سحاب : تمام
(سحاب سامي 23سنه فتاه متوسطه الطول بأعين عسليه وبشره خمريه وشعر متوسط الطول طيبه جدا تعمل لاجل ابنة مرات اباها واختها)
************************
كان الكل استيقظ في منزل رعد وادوا فريضتهم ونزلوا جلسوا علي السفره وتقدم الطعام لهم من قبل الخدم
رعد : فين شغف
عدي : اكيد رعد بيصحيها
عشق : كل يوم نفس الروايه مش عارفة اما يتجوز هتصحي ازاي
رعد وهو ينزل : بردك هصحيها يا ماما هو انا عندي كم شغف
شغف : وانا مش هصحي الا اما رعدي يصحيني وبس
عشق : طيب اقعدوا كلوا عشان شغلك ومدرستها
شغف مقبله وجنة اباها : اشطااا
وانتهي الكل وذهب كلا منهما لعمله
***************************
دخل عدي بهدوءه المعتاد الي مكتبه وجلس حتي جاء احد الموظفين
الموظف : عدي باشا في بنات كتيره مقدمين فانا هدخلهم واحده واحده
عدي : لا قول لحد يصفيهم علي احسن سي في ودخل الكويسين بس انا معنديش وقت
الموظف : ودا اللي حصل وباقي خمسه
عدي : خلاص دخلهم
دخلت اول واحده وكانت رزان فنظر لها عدي تضايق من طريقه لبسها وجز علي اسنانه وامرها بالجلوس
عدي : السي في
رزان : اتفضل
عدي : اتكلمي
رزان : اسمي رزان عاصم ابراهيم 29سنه اب مصري وام تركيه والاتنين متوفين واخده الشهاده من تركيا وجيت مصر لاسباب شخصيه واكيد لازم اصرف علي نفسي واختي فأدمت عشان اشتغل
عدي : بس السي في بتاعك كويس جدا ايه يخليكي تشتغلي مجرد سكرتيره
رزان : انا قولتلك بشتغل عشان اصرف علي نفسي واختي والمرتب هنا كويس جدا واحسن من ميت رتبه اعلي فقدمت هنا
عدي : تقدري تبتدي من الوقتي لو عايزه
رزان بفرحه : بجد شكرا اوي يا......حضرتك اسمك ايه
عدي : عدي
رزان : شكرا يا عدي بيه....ممكن حد يشرحلي الشغل ازاي وهكمل
عدي : بتعرفي لغات
رزان : اي تركي وعربي بلهجاته وفرنسي وانجليزي والماني شويه
عدي : خلاص ابقي ترجمي الخطابات
رزان : تمام
*****************************
في كليه الصيدله
تقف نور وعشق سويا وتنظر نور لتجده كما كل يوم يأتي ينظر لها وهي تنظر له ثم يبتسمان وهو يذهب اجل انه اسد
عشق : لسه متكلمش
نور : هستناه طول عمري
عشق : ودا اسمه ايه
نور : عشق يا عشق بحبه اوي من زمان اتولدت بحبه
عشق بحزن : علي الاقل بيبدلك نفس الشعور مش ولا حاسس بيكي
نور : مالك يا عشق
عشق : هاااه ولا حاجه انا فرحانه اوي ان اخيرا بيبرس هيتجوز وكمان ماسه
نور : اي سمعت بابا بيقول امبارح في الحفله هيعملوا خطوبه كمان اسبوع
عشق : اي كده كويس انا هروح لخالتو عشق النهارده بعد الجامعه هتيجي
نور : اي عشان شغف وبعدين هنروح حفلة في فندق...... مع الكل حفله لرجل اعمال هناك
عشق : اي......يلا نروح المحاضره
نور : يلا
**************************
في المساء في قصر رعد
رعد : دا قرار نهائي الكل هيروح الحفله
فهد : انا مش فاضي لتفاهات
رعد : فهد انت بتكلم ابوك
فهد : اسف بس مش عايز اروح
رعد : دا قرار نهائي
فهد بتنهيد : حاضر يا بابا
اسد : ضروري كلنا
رعد : ايو........
جاءت نور وعشق وقاطعوا كلام رعد
نور : رعود الحلو ازيك
رعد : نور الجميله ازيك
نور مقبلة وجنته : تمام وفله الفله
عشق : نستني يا رعود
رعد : وانا اقدر انسي عشق الصغيره
عشق : ايه دا رعد الشافعي مينسنيش هتغر جامد
رعد : هههههه مجنونه
عشق الكبيرة : هههههه نفس الجمله اللي كانت بتتقال ليا وطفلة
عشق : او ماي جاد انا شبه عشق عااااا انا فرحانه
رعد الصغير : صوتك ازعاج يا عشق
عشق : اي نوو
نزلت شغف من اعلي ورأت الفتيات وصرخت وجرت عليهم
عدي : المجانين اتجمعوا
شغف : هههههه عارفين اننا مجانين المهم يلا عشان نجهز انا اختارت الفساتين
عشق : يلا
ابتسمت نور لاسد ثم ذهبت مع شغف
***************************
في احد الفنادق
مدير الفندق : النهارده هتتأخروا عشان حفله لاحد اشهر رجال الاعمال ومحدش هيمشي واللي هيمشي هيترفض تمام وتركهم وذهب
سحاب : هعمل ايه الوقتي ودموع وايسيل احسن حاجه هرن علي رزان التي اخذت رقمها ورنت عليها الو
رزان : سحاب ازيك
سحاب : الحمد لله.....رزان معلش ممكن تطمني علي دموع وايسيل لحد ما اجي
رزان : دموع وايسيل اخواتك اوكي هروح بس رني عليها وقوليلها ان هروح
سحاب : اسفه هتقل عليكي
رزان : لا عادي وبعدين انتي هتتأخري ليه
سحاب : عشان في حفله في الفندق وهتأخر جامد وخايفه عليهم
رزان : متستأذني وتعالي
سحاب : ممنوع سيبك مش اول مره
رزان : طيب قولي العنوان وهاجي اساعدك
سحاب : لا متتعبيش نفسك وبعدين مش هيسمحوا
رزان : سحاب اتكلمي خلصي
سحاب : في *****
***********************
وصل الكل الحفله ودخلوا وبدأت الحفله واستقبلهم الرجل ووقفوا حول منضده
كانت سحاب تحمل صنيه وتعطي للمعازيم ووصلت علي منضده رعد وعزمت عليهم
سحاب : اتفضل يا فندم
الكل : ميرسي
وجاءت عند فهد الذي لا تعرفه لان ذلك اليوم كان الجو ظلام
سحاب : اتفضل يا فندم
تعرف فهد علي صوتها
فهد بهمس لم تسمعه : سحاب ماره ووقفت شويه وهتمشي
فنظر لها بتمعن ولاحظت هذا شغف فنظرت بزهول لهم
كانت رزان تبحث عنها وقد وجدتها
رزان : اساعدك هاتي عنك
سحاب : لا شكرا......رزان
غمزت لها ورأها عدي واستغرب ولكنه ابتسم وتضايق من تنورتها القصيره وكانت شغف تنظر لسحاب ثم نظرت لرزان وهمست لاخوها
شغف : عدي تعرف حد فيهم
عدي : البنت ام عيون الوان السكرتيرة الجديده
اومأت شغف وذهبت باتجاههم
سحاب : جيتي ازاي
رزان : سمعت واحده بتقول عايزين جرسونات ورحت لابو كرش وقولتله اني هشتغل الليله دي بس
سحاب : انتي هبله هو انتي تعرفيني من امته عشان تيجي تشت......
رزان : بس يا بت انتي بقيتي صاحبتي المهم يلا عشان ابو كرش هتلقيه ناطط
شغف : هههههه ابو كرش
رزان : اي واللهي عنده كرش مصري اصيل
سحاب : هههههه ولا وهو بيدي اوامر وصوته بيلعلع
شغف : هههههه دا انتو مشكله....مرحبا انا شغف
سحاب : وانا سحاب
رزان : وانا رزان
شغف وهي تمد يديها : اتشرفت بمعرفتكم
سحاب بصدمه : شغف الشافعي
رزان : ايه
شغف : بس ايه عادي وبعدين انتم شدتوني فجيت اتعرف
سحاب : يا نهار ابيض يا رزان ابو كرش بيبص ويلا عشان نضيف الباقي
شغف : طيب هنتقابل ازاي
رزان مقبله وجنتها : انا سكرتيره اخوكي الكبير
سحاب مقبله وجنتها الاخري : وانا صحبتها سلام يا سكر
شغف بابتسامه : سلام يا حلوين
ورجعت حيث عائلتها
عشق : كنتي مع مين
شغف : اتعرفت علي بنتين
اسد : هو اي حد تتعرفي عليه كده
شغف : عسولين اوي واسمائهم جميله سحاب ونسيت
عدي : رزان
شغف بخبث : وكمان حافظ اسمها
عدي : بطلي لماضه دي السكرتيرة
شغف : ع العموم هاجي بكره عشان مخدتش رقمها هي وسحاب ام عيون عسلي
انتبه فهد لها وعرف اسمها
فهد لنفسه : سحاب
************************
بعد ساعات انتهت الحفله وابدلت رزان وسحاب ملابسهم وجروا للخارج فأمطرت الدنيا فذهبوا للاسفلت وظلوا يدوروا وهم يضحكوا فجاءت سياره
مسرعه ووقفت في اخر لحظه ونزل منها عدي وفهد
رزان بعصبيه : كنت هتخبطها
فهد بعصبيه : هي اللي واقفه في نص الطريق
سحاب بهدوء : مفيش حاجه يا رزان
عدي : انتي
رزان : مستر عدي
فهد : انت تعرفهم
عدي : اعرف رزان هي السكرتيره
فهد لنفسه فكانت الاضاءه غير واضحة : هي سحاب نفس البنت
سحاب : خلاص مفيش حاجه تقدروا تمشوا
فهد مخرجا مال : احم اتفضلي دا تعويض
سحاب بحده : كان ممكن تعتذر بدل كده علي العموم شكرا لاهانتك لينا يلا يا رزان وذهبت
رزان بحزن : فلوس ههههه هتوقع ايه من شويه اغنيه فرضين سيطرتهم فيك تقول اسف بدل ما تجرحها وذهبت ورأ سحاب
عدي : غلطت كتير اوي يا فهد
فهد ببرود : يلا خلينا نروح اتأخرنا
*************************
في منزل سحاب
دخلت هي ورزان التي اخبرتها بأنتظار جاسمين معاها لانها طلبت منها
سحاب : مساء الفل اسفه اني اتأخرت والساعة عدت اتناشر
نظرت لها ايسيل بعصبيه ثم تسائلت من هؤلاء
سحاب : دي رزان وجاسمين جيرانا الجداد
اومأت ايسيل ثم اخبرتها بحبها لجاسمين التي كانت لطيفه معاها
سحاب : ورزان كمان لطيفه وانا حبيتها المهم عشيتي دموع واتعشيتي
اخبرتها بأن دموع تعشت ونامت وهي وجاسمين لا
سحاب : تمام نتعشي احنا الاربعه
وتعشوا سويا ثم جلست جاسمين وايسيل سويا ورزان وسحاب في مكان اخر بالشقه واخبروا بعضهم عن حياتهم كلها
رزان : بس يا ستي بابا عمل كل ده
سحاب : وانتي جايه ليه
رزان : جايه اخلي عمتو تسامحني وتسامح بابا وبعدين ارجع مكان ما جيت
سحاب : وانتي ذنبك ايه
رزان : اني بنته وبعدين عمتو ايمان حكت كتير عن عمتو عشق وانكل رعد وحابه اتعرف
سحاب : ازاي بتتكلمي مصري حلو كده
رزان : عشان انا جيت مصر اربع سنين ادور عليهم واتعلمت مصري حلو لكن جاسمين لبناني...وانتي
سحاب : انا يا ستي بابا كان متجوز ماما وخلفني وماتت يومها وعشان مترباش بدون ام اتجوز بنت عمه اللي كانت بتحبه وخلفت ايسيل وهي مبتتكلمش محدش عارف ليه وبعد كام سنه بابا مات ومراته اتجوزت قبل ما يكمل سنه وبعدها خلفت دموع
المتوحده وجوزها مات واتجوزت واحد تاني ضحك عليها وخلاها تطردنا بدموع من اربع سنين وانا اشتغلت بمساعده ايسيل الاكبر طبعا وجدتي ام امي الله يرحمها ساعدتني اقعد معاها وبعد اما الحال بقي حلو اتنقلت بعد اما ماتت انا واخواتي
رزان : بس دموع مش اختك
سحاب بسرعه : لا اختي وبنتي وكل حاجه حتي لو مش بالدم هي وايسيل كل حياتي بدونهم اموت
رزان : ربنا يخليكم لبعض
ونامت الفتيات سويا حتي الصباح
**************************
في اليوم التالي
كان ليث يمشي بسيارته الي الشركه وجد مشكله في منتصف الطريق فنزل بعصبيه
......: بعصبيه شو هااه الغباء هاد طفل مو عبد مشان تعامله هيك
الرجل : بس هو فضل واقف في السكه وقولتله يبعد الا انه مصر نشتري مناديل
......: بدموع انت مابتحس كنت راح تقتله لاك بترضي حد يموت ولادك اتخيل ابنك مكانه
الرجل بحرج : معلش اسف بس كنت مستعجل
الطفل ببكاء : انا اسف يا عمو مش اصدي
اومأ الرجل وذهب بينما نزلت جاسمين لمستواه
جاسمين : مو غلط اننا ما نسمع كلام الكبار
الطفل : غلط
جاسمين مقدمه مالا : امسك ها المساري وع البيت فورا وقول لامك تعقملك جرح رجلك
الطفل : شكرا
جاسمين مقبله وجنته : العفو يا حلو
وذهب الطفل بينما صفرت رزان
رزان : الله عليكي يا بنت عمي
جاسمين : هههههه مجنونه ابعدي مشان السيارات تمر
رزان : اوبس نسيت تعالي......انتي ادتيله الفلوس اللي كنتي هتشتري بيهم هدوم
جاسمين : مو مهم بجيب غيرهم
نظر لها ليث باعجاب ثم ركب سيارته وذهب
******************************
كانت تجلس في الحمام تبكي بشده ثم نظرت للمرأه ومسحت دموعها وابتسمت ثم خرجت
عشق : نور خلصتي
نور : ايوه صلي يلا خلينا ننزل
عشق : تمام يلا
ونزلوا وجدوا الكل يجلسوا علي المائده
عشق بصوت عالي : صباحوووو
نور : صباح الخير
الكل : صباح النور
عدي : حابب اقولكم خطوبه بيبرس وماسة يوم الجمعة
عشق بصراخ : هيييه مبروووك
يعقوب : يخربيت صوتك
عشق : جميل مش كده عارفه
احمد بحب : هههههه لمضه اوي
عشق : ياخواتي ع الهادي اخيرا اتكلم لا اله الا الله امنيتي اتحققت سمعت صوتك قبل ما اموت
أحمد لنفسه : وانا امنيتي تكوني ليا يا طفلتي المشاغبه
چيلان : يخرابي افصلي عشق التانيه بمعني الكلمه
لارا : دا سكر البيت
عشق : بس بقي بتكثف الله يلا يا نوري المجنوني هيهيهيهيي
ضحك الكل عليها بشده لكنهم لا يعلموا ان خلف المرح حزن لا ينتهي
د
***********************
في غرفه اسد
استيقظ من النوم باكره كعادته هو واخواته ثم عاد لغرفته واخذ شاور وارتد ملابسه وصفف شعره ووضع برفانه الذي يسحر الفتيات ونظر لفونه حيث صورة نور
اسد : حبيبتي الصغيره صباحك جنه وحشتيني بتمني الليل يعدي بسرعه عشان النهار يجي واشوفك
دخلت شغف بدوشه كعادتها
شغف : اسسسسسد
اسد : صوتك يا شغفي
شغف : من غير حلفان عارفه انه حلو ويجنن
اسد : مجنونه جيتي ليه
شغف : النهارده مش راحه المدرسه فعيزاك توديني الجامعه لعشق ونور وقالتها بغمزه وبعدين هروح الشركه لرزان
اسد : احم اوكي يلا ننزل
ونزلوا لاسفل حيث الكل
عشق : شغف مرحتيش المدرسه ليه
شغف : الموضوع وما فيه ابت يا عشق اني هروح لنور وعشق وبعدين لرزان وعايزه اقابل سحاب تاني
عشق : رزان وسحاب بتوع امبارح
التفت فهد وعدي لها فنظرت لهم بخبث
شغف : ايه يا فهودي انت ودودي مالكم كده بتبصوا ليه
فهد ببرود : انتي اللي بتبصي
شغف : لا يا شيخ
عدي : اي يا شيخه
عشق : رعود
رعد الكبير : نعم يا قلب رعود
شغف : اجبلكم اتنين لمون
عشق بابتسامه : بطلي لماضه....ثم اكملت بدموع..... ممكن اروح المنصوره عشان ذكري وفات ماما نورهان
رعد : فاكر يا قلبي وهنروح سوا
شغف : يعني عموري هيجي
رعد : اسمه خالو
شعف : لا عموري وبس يا رعدي
عشق : ههههه فكرتيني بكرم وسيلا كان يضايق اوي اما تقول عموري
رعد : الله يرحمهم هو غيث ابنهم فين اراضيه
عشق : مع جدته في لندن بيخلص كليته وماسك شركة كرم
رعد : ايه رأيك نعزمه علي خطوبه بيبرس
عشق : ياريت
رعد الصغير : مش يلا يا عدي
عدي : ماشي عايزين حاجه وذهب مقبلا وجنة امه واخته ويد اباه وكذلك رعد وذهب متجها للباب
شغف بصوت عالي : دودي
عدي : نعم
شغف : سلميلي علي رزان وغمزت له
رجع متجها لها فجرت خلف اباها فضحك بشده علي هذه المخادعه وذهب متجها للشركه
اما شغف فذهبت بجانب اذن فهد وهمست له
شغف : متقلقش هسلملك علي سحاب هانم يابو ضحكه جنان واللهي انا حلوة ابقي اضحكلي
رمقها فهد بنظره ناريه فرت هاربه لاباها وهي تضحك
رعد الكبير : انتي متعرفيش تقعدي من غير مشاكسه
شغف : مقدرش يا رعود وبعدين خف تعوم عمال تعاكس في الوليه والعيال سناجل يا عيني
نظر الكل لها بزهول
اسد : بتجيبي الكلام ده منين
شغف : من بوقي واللهي
رعد الكبير : فهد او اسد اختك من بكره تتنقل مدرسه تانيه وتبعد عن اي شبهات
شغف : اي وحياة عيالك اخويا اصل بحب اتعرف علي اصحاب جداد
رعد : هموت من بنتك يا عشقي انا رايح الشغل
عشق : بعيد الشر عنك رعود ممكن اروح الحديقه شوية
رعد : ماشي يا عشقي بس متتأخريش
شغف : براحة علي نفسك شويه يا رعود وبعدين حتي وانت متعصب عشقي
رعد : اي عشقي وهتفضل عشقي للابد وذهب مقبلا رأسها ووجنتها ثم اتجه للباب واستدار فقامت شغف وقبلته من وجنته
شغف : يلا يا اسدي
اسد : يلا وانت يا فهد
فهد : هقوم الوقتي
اسد : تمام وقبل جبين امه وذهب وكذلك شغف وجنتيها
**********************
كانت نور وعشق يقفون سويا
عشق : ايه مجاش
نور : لا لسه شكله مش جاي اوف معقول انا بجد مخنوقه وعايزه اشوفه
شغف من خلفها : اهو ياستي جبته وعن قرب
اشتعلت وجنتي نور والتفتت لهما وهي تكاد تموت خجلا
اسد : ازيك يا عشق ازيك يا نور
عشق : كويسه الحمد لله تعالي يا شغف عايزاكي
شغف وهي تذهب : الله يسهلوا ياعم
اسد بعصبيه : اي الزفت اللي انت لابساه ده
نور : ايه
اسد : البلوزه اللي ملهاش كت اصلا ولا البنطلون المقطع ده
نور : الموضه يا اسد عادي ما البنات بيلبسوا اسوأ من كده
اسد ممسكا بزراعها بقوه : متعصبنيش انا مليش دعوه بحد فاهمه
نور ودموعها تنزل : اسد انت بتوجعني ارجوك
اسد : هتبطلي لبس الحاجات الزباله دي فاهمه
نور ببكاء : لا مش فاهمه ومعتش ليك دعوه بيا وبعدين انت مين عشان تعمل كدا او تتحكم فيا
اسد وقد ترك يديها : معاكي حق انا مين ولا حاجه خلاص معتش هتحكم فيكي ولا هاجي نحيتك وتركها وذهب واخذ شغف من يديها ومشي نهائي اما نور فبكت بشده
*************************
في شقة سحاب
ايسيل مشيره لها هتروحي فين
سحاب : راحه اتمشي شويه وبعدين النهارده الشغل اجازه بسبب حفلة امبارح
اومأت لها ايسيل
سحاب : تيجي معيا نتمشي
رفضت واشارت لها لاجل دموع وستجلس ترسم معها
فقبلتها سحاب من وجنتها وذهبت لدموع وقبلتها
سحاب : بحبك اوي يا دودو ربنا يخليكم ليا
ابتسمت لها ايسيل واشارت ويخليكي يا احلي اخت في العالم
ذهبت سحاب وكانت تتمشي فوجدت طفل يبكي ذهبت له
سحاب : بتعيط ليه يا حلو
الطفل : مس لاقي ماما
سحاب : تعالي اجبلك غزل بنات وندور عليها
وبالفعل وجدت امه واعطته لها وكانت تشير له وهي ترجع ثم شدها احدهم لحضنه وفزعت من السياره التي كانت ستدهسها ثم حضنته بشده وهي ترتعش وبعدت عندما ادركت الوضع
سحاب : احم شكرا
فهد : مش تاخدي بالك
سحاب : كنت بشور للطفل ع العموم ميرسي... مش انت بتاع امبارح
اومأ برأسه فنظرت له ثم كادت تتركه لكنه مسك يديها فنفضتها
فهد : اما اكون بكلمك اقفي فاهمه وبعدين انتي متعرفيش انا مين
سحاب : عارفه فهد الشافعي
لم يقصد هذا بل قصد المنعزل
سحاب : ممكن امشي
فهد : اما ابقي اسم......
سحاب : ثانيه واحده ثم نظرت للفون فقد جائها رساله للتو وفتحتها "عايزه شيبسي وبيبسي واندومي وشاورما وشوكلاة وهاتي لبن وكورن فليكس لدموع وعصير مانجه وهاتي فراوله وموز لسحاب بس "
"اي نسيت وبحبك اوي "
"هتوحشيني يا حلوه "
"متنسيش الاندومي "
"اصلي من الناس اللي بتهتم بصحتها "
سحاب : ههههههه
استطاع فهد قرأة الرسايل لانه ضابط هعنده قوة ملاحظه وتضايق بشده الديها حبيب وابنه ايضا ثم هدأ عندما ارسلت
سحاب "حاضر يا مجنونه وليه بس متكملي اصلي الخدامه الفلبينيه مش كده يا ايسيل هانم ملاكي الصامت "
ثم نظرت لفهد الذي ابتسم علي طريقه كلام تلك الطفله اختها ايسيل
فهد لنفسه : اكيد عندها عشر سنين بس لمضه اوي
سحاب : ممكن امشي يا فهد باشا
فهد : اي وتركها وذهب هو فاغتاظت منه وذهبت
*****************
