رواية مصائر مجهوله الفصل الخامس
عمر شاف صدمه عمره وقال:فريدة؟
زين بصله وهو بيحاول يبتسم ومن جواه عاوز ياكله
عمر:ازاي انتوا مخطوبين وعايشين سوا ؟
زين:احنا ولاد عم وده بيت العيله وبيتنا كلنا وشوية وهتتعرف علي عيلتنا
عمر بحزن: ماشي
ملك:انا هطلع في الصالة حبه عشان زهقت
طلعت ملك لقت زين وفريدة قاعدين ومعاهم واحد كدة مش تعرفوا ف قالت:اية ياجماعة قاعدين هنا لية
عمر بص لقي واحدة عسولة خالص وسرح حبه فيها
زين لاحظ نظرات عمر ف قال في سره:طب كويس اوي كدة أنا فهمت انا هعمل اية
زين قال لملك :تعالي يا ملك اقعدي معانا ده عمر صاحبي وبص لعمر وقال دي ملك بنت عمنا
ملك :اه اهلا وسهلا بيك
عمر:اهلا بيكي
ملك راحت تقعد جمب فريدة
زين بخبث: سمعت انك من أوائل دفعتك
عمر: الحمدلله ده من فضل ربنا
ملك قالت: ماشاء الله ربنا يبارك حضرتك في كليه اية
عمر:انا في طب اسنان
ملك بصوت واطي: حسبي الله
عمر:بتقولي حاجة
ملك:لا مبقولش بس معني كدة انك مع فريدة
عمر:اه احنا في كلية واحدة
زين جاتله فكرة وقال لفريدة: فريدة تعالي جوا عاوزك
فريدة وزين دخلوا جوا
زين قالها:بصي أنا هوفق راسين في الحلال وهجوز الاتنين اللي برا واهو كدة الواد جرحه يلم
فريدة:تصدق فكرة حلوة
زين:ادعي أنها تكمل بس
عمر:وانتي في كلية اية؟
ملك:السن
عمر: ماشاء الله طب وتخصصتي اية؟
ملك:تركي
عمر:انا بحب التركي جدا
ملك:فعلا هي لغة جميلة
عمر بإبتسامه:هو انتي كنتي بتقولي حسبي الله لية لما عرفتي اني في طب اسنان
ملك:هو انت سمعتني؟
عمر ضحك وقال:صراحة اه
ملك: الصراحة بخاف من دكاترة الاسنان ومتعقده منهم
عمر:لية كدة احنا مبنعضش والله.
ملك:لا يا عم انتوا فظاع اوي ولولا أن فريدة بنت عمي كان زماني خايفة منها
عمر ضحك وقال:يعني انتي دلوقتي خايفة مني؟
ملك:الي حد كبير
عمر ضحك عليها:مش تخافي لما اجيب العدة بتاعتي ابقي خافي براحتك انما دلوقتي أنا مسالم
ملك:لية حاسة انك بتتريق عليا
عمر: خلاص أنا سكتت اهو ومش هتريق خالص
ملك:شاطر انا هدخل انا اناديهم
عمر كان عاوز يقولها افضلي قاعدة معايا شوية بس أتردد وقال:ماشي
ملك قامت وراحت تناديهم:فريدة
فريدة:نعم
ملك:انتوا اتأخرتوا كدة لية تعالوا اقعدوا معانا وشوفي جدو يجي يقعد معانا كدة
فريدة: ماشي اقعدي مع عمر عقبال ما اجي
ملك:طيب
الجد قاعد بيفكر في احوال العيله ف دخلت فريدة عليه وقالت:جدو
الجد:تعالي يا حبيبتي
فريدة:صاحب زين برا ينفع تيجي تسلم عليه وتقعد معانا حبه
الجد: ماشي انا جاي
وراح الجد مع فريدة وطلعوا في الصالة وزين قعد معاهم
الجد بص لعمر:ازيك يا كتكوت يا صغير انت
عمر ضحك وقاله: الحمدلله يا جدو انت عامل أيه
الجد:انا كويس
عمر بص لملك وقالها بصوت واطي :انا كتكوت صغير؟
ملك:احم هو احنا عند جدو كلنا لسة كتاكيت وبما انك صاحب زين ف انت كتكوت معانا
عمر ضحك وقال:ماشي يا كتكوته
ملك: ظريف اوي ماشاء الله عليك يعني دكتور اسنان وظريف كدة كملت
عمر:هرد عليكي حاضر بس لما يمشوا يا ملوكة
الجد:في حاجة يا كتاكيت
ملك:لا ياجدو مفيش حاجه
الجد:طيب بما أن في كتكوت جديد معانا هاتوا الكوتشينه وهنلعب الشايب
ملك:هروح اجيب الكوتشينه يا جدو يا جامد
الجد:يا ويله اللي هيقع في ايد جدو
زين ضحك وقال:لا كدة نبدأ نخاف بقي
ضحكوا كلهم
وملك جابت الكوتشينه وقالت:يلا نبدأ
قسموا الورق وكل واحد بيطلع الورق اللي زي بعض
فريدة بصت لجدها وقالت:شد مني يا جدو
الجد:اديني شديت
زين:تعالي اشد منك بقي
الجد:ماشي
عمر: دلوقتي أنا هشد من زين صح
زين:اه
ملك في سرها:الاه انت كشرت كدة لية يبقي لبسته تستاهل
ملك جت تشد منه فضلت تدقق عشان مش يطلع الشايب
عمر:اية يابنتي اسحبي
ملك:طيب استني عليا
سحبت وطلعت ورقة عادية وكملوا اللفات وكل واحد بيسحب من التاني لحد ما ملك قالت وهي بتضحك:لبسته وفرحانه فيك
عمر: ماشي يا اختي افرحي
الجد:يلا بقي عشان نشوف هنحكم عليك بإية
زين قال بمكر:عن نفسي انا هسأل وهو يجاوب
عمر:ربنا يستر
زين:حاجة اتأكدت منها دلوقتي؟
عمر قال وهو عينه علي ملك ومش عارف ليه هو مشدودلها كدة وقال:أن ربنا قادر يجبر بقلبك ويداوي جروحك من غير ما تحس وكمان يعوضك عن كل اللي فاتك
زين ابتسم بخبث بعد ما وصل للي هوا عاوزه فقال:الله الله يا مبدع
عمر بعد عينه عن ملك اللي اتكسفت واتوترت جامد
الجد قال :هقول حكمي دلوقتي
عمر: مش خايف غير منك يا جدو
الجد:يا ابني انا راجل غلبان مش بتاع الكلام ده
عمر: طبعا يا جدو طبعاً.
الجد:بص بقي انت من النهارده هتبقي حفيدي وزي العيال دي بالظبط و واجب عليك تيجي تزورنا كل شوية
عمر: والله يا جدو انت عسل وعنيا ليك هجيلك كل يوم لو حابب وانا اتشرف اني ابقي حفيدك
زين بص لفريدة وقال:جدو بيلعبها صح
فريدة:وجدو عرف ازاي
زين:جدك عارف كل حاجة هنا وبيفهمها وهي طايرة
الجد:بتقول حاجة يا زين
زين: لا يا جدو بقول أن الحكم جميل وكدة
الجد:ماشي
ملك قالت :يلا يا فريدة دورك
فريدة:اعترف لنا بحاجه كدة محدش يعرفها
عمر:أن شاء الله هخطب قريب والبنت انتوا تعرفوها
ملك زعلت أنه هيخطب وقالت لنفسها:ازعل نفسي ليه انا لسة عارفاه النهارده وبعدين انا مالي وماله
ملك قالتلهم:طب أنا هطلع اجيب حاجه واجي
عمر:طب استني مش عاوزة تعرفي هي مين
ملك بصتله وقالت: مين؟
عمر قال :البنت هي...
الفصل السادس من هنا
تعليقات
إرسال تعليق