روايه لولاهم لم اصبح خائنه الفصل الاخير
_إنت بتبصلي كده ليه يا عمر؟
=عشان مش مصدق، مش مصدق اللي سمعته إزاي إنتِ تعملي كدا إزاي يا موج.
_عارفه إني غلطت وإني مكنش ينفع أخليها تعيش وتحس باللي حسيته، بس ولو مرة واحده بس كونوا مكاني هتقدروا تعيشه اللي انا عيشته، انا واحده فقدت أهم شئ في الحياة وهو الحب، بقيت ماشيه زي الهبله بدور عليه حتي لو مكنش حقيقي، قولولي كنت أعمل إيه كنت أقول لوعد إني من أول ما شوفته وانا مستريحتش ليهه ولا إنه كان بيحاول يتقرب مني _ كنتِ هتصدقيني؟
وعد: اه كنت هصدقك
_كدابه كنتي هتقوليلي كدابه لإن اللي بيحب بيكون أعمي البصر ومبيشوفش غير حبه وبس، طب انت يا عمر مش سألتك كذا مره علي كريم وانت شكرت فيه وكأنه ملاك نازل من السما، يبقي مين اللي كان هيصدق
وعد: كفايا متحاوليش تبرري خيانتك بإنك تستعطفينا
_انا مش ببرر خيانتي ولا بحاول أستعطفكوا، انا عارفه إني خاينه بس الدنيا جت عليا كتير كنت محتاجه لحظه واحده بس أكون سعيده فيها وده مش معناه إن الخيانه حلوة _ الخيانه صعبه ومُره اوي، انا بس كنت محتاجه أتحب وأشوف نظرات الحب في عيون الشخص اللي بيحبني حتي لو كان ده تزيف.
_متبُصوليش كده، انا مش وحشه والله العظيم انا ما وحشه، انا تعبانه وقلبي بينزف تعب كنت بس كل اللي محتاجاه شوية حب ومشوفتش إني بالحب ده هأذي أقرب الناس ليا، انا أسفه سامحيني يا وعد انا مش عايزه أمشي وإنتِ شيفاني وحشه
وعد: إنتِ قدرتي تسامحي يا موج!
_إنتِ عندك حق بس أتمني يجي يوم وتسامحيني أو علي الأقل متشوفنيش وحشه ولحد ما يجي اليوم انا هكون بعيد وهستناكي.
_عمر سامحني، وأتمني انت كمان متشوفنيش بالنظرة ديه.
=أومال عيزاني أشوفك إزاي؟
_تشوفني بالملاك وبسندريلا وبموج اللي زي ماهي متغيرتش.
=للأسف كنت فاكر الشيطان ملاك ونسيت إنه عاصي لربه وإنه ممكن الملاك يتحول لشيطان إنما مش ممكن الشيطان يتحول لملاك وإنتِ كنتِ الشيطان يا موج.
•ومشيت لأبعد مكان في الدنيا، ورجعت لوحدي من تاني..
الصحفيه: ووعد مسامحتكيش؟
_فضلت مستنياها وهفضل مستنياها وأتمني تسامحني قبل ما فارق الحياة
الصحفيه: طب وعمر.
_لحد الأن مش قادرة أنسي نظرته ليا ومن اليوم ده وانا متواصلتش معاه بإي شكل، بس عرفت إنه أتجوز هو ووعد وبقي عندهم بنوته قمر أوي، تعرفي إنهم سموها موج
الصحفيه: ليه؟
_عشان تخليني أفضل حاسه بالذنب لبقية عمري
الصحفيه: طب ونور قصته إنتهت لحد كده زي ما ذاكرتي في الروايه
_نور سافر من بعد يوم فرحه ولحد الأن مرجعش
=طب ومفكرتيش ترجعي لنور؟
_نور كان بيحب جميلة بجد ومكنش سهل ينساها، وجرحني جدا وكان أصعب أسامح.
=طب وجميلة هربت ليه؟
_ده السؤال الوحيد اللي مالوش إجابه عندي بس اللي بياخد حاجه مش بتاعته إتأكدي إنها مش هتكمل معاه.
=شكراً جداً علي اللقاء الجميل ده، حابه تقولي حاجه قبل إنهاء اللقاء؟
_حافظوا علي اللي معاكوا وأبداً متغلطوش نفس غلطتي وأتمني رسالتي من رواية لولاهم لم أصبح خائنه تكون وصلتلكوا..
بدل ماتدور وتبحث علي الروايات خليها علي تليفونك وحمل تطبيقنا
