Ads by Google X

القائمة الرئيسية

الصفحات

رواية مصائر مجهوله الفصل الاول


 رواية مصائر مجهوله الفصل الاول

يلا يا فريدة انزلي ابن عمك زين وصل
فريدة :أيوة يعني اعمل اية وصل ولا موصلش
شيرين_يابت انزلي سلمي عليه بقاله سنتين غايب عننا
فريدة:طيب ياماما شوية كدة وهنزل


مش فاهمة لية عاملين رجوعه حدث مهم ولا بنات عمي اللي كل واحدة فيهم هتموت عليه وعمالين يحطوا ميكب ولا كأنه فرح وبيجهزوا هيلبسوا اية عشان يعجبوه ناس غريبة
تحت كلهم بيستقبلوا زين بالاحضان
علي(ابو زين) حضنه وقال:نورت بيتك يا ابني،دي كلها غيبه
زين: خلاص بقي يا بابا مفيش غياب أن شاء الله
كريمة(أمه): اسمع بقي انك هتسافر عشان شغل تاني بقي
زين:صراحة يا ست الكل كل شئ وارد ممكن يطلعلي شغل بعيد ويحتاج سفر
مصطفى(عمه): ربنا يوفقك في شغلك بس متبعدش عننا ده كله
وليد عمه التاني: بالظبط
زين:مش تقلقوا أن شاء الله هحاول اظبط شغلي
عند فريدة فوق
لبست طقم عادي من عندها وعليه خمار بالرغم أن هدومها عادية إلا أنها بتطلع جميلة جدا
ونزلت وهي بتقول لنفسها:هما خمس دقايق هنزل اقول سلام عليكم واطلع تاني مش ناقصة وجع دماغ
بصت لقت الكل متجمع وبنات عمها بيتسهوكوا في الكلام وبيجملوا في نفسهم قدامه وهو قاعد عادي مفيش علي وشه رد فعل
قالت: السلام عليكم
رد كلهم :وعليكم السلام
فجأة جالها صوت مرات عمها وليد جليلة الحرباية زي ما هي بتسميها:اية ياست الشيخة ده كل تأخير
فريدة بصتلها وقالت بهدوء:اولا انا مش شيخة انا بحاول اتقي ربنا في لبسي مش اكتر ثانياً أتأخر متأخرش او حتي منزلش ده شئ يخصني انا ميخصش حد ولا اية ياجدو
جدها بصلها بإبتسامه وقال:طبعا يا قلب جدو فريدة تعمل اللي هي عاوزاه
جليلة اتغاظت
و زين ابتسم للي بيحصل
فريدة راحت وشوشت جدها في ودنه وقالت:جدو صراحة انا عاوزة اطلع ومش حابه القاعدة دي ينفع ولا اية؟
جدها قال في ودنها:ماشي يا حبيبتي بس اقعدي الاول سلمي علي زين واتغدي معانا واطلعي زي ما انتي عايزة
فريدة بفرح:حبيبي يا جدو يا ناصفني انت يا قمر
شيرين: تعالي اقعدي جمبي
راحت تقعد وقالت لزين:اهلا بحضرتك
زين بصلها بإبتسامه وقال:اهلا بيكي
راحت علا بنت عم فريدة قالت:قولي يا زينو عامل اية في شغلك وكدة؟
ملك بنت عم فريدة التانية:اه يا زيزو قولنا
فريدة ضحكت ومكانتش قادرة تمسك نفسها


ملك وعلا بصولها بغيظ كدة
وزين بصلها وضحك
علا قالت بقرف:في حاجة يا فريدة ولا اية؟
فريدة بضحك:لا مفيش حاجه يا علعوله كملي كلامك
علا اتضايقت وقالت:اية علعوله دي ميه مرة اقولك مش تقوليلي كدة قولها حاجة ياجدو
جدهم بص لفريدة:ميصحش كدة يا فريدة عيب
علا يدوب لفت وشها جدها غمز لفريدة وقالها كملي والكل ضحك
مصطفى ابو فريدة:يا مدلع احفادك يا حاج
فريدة ضحكت وبعدين قالت :لا بصوا ياجماعة عشان احنا اه بنهزر وكدة بس منكسرش بخاطر حد ف متزعليش مني يا علا انتي اختي وصراحة بحب اضايقك انتي وملك بس متزعليش مني وناخد الموضوع بهزار
علا ابتسمت وقالت:إذا كان كدة ماشي
فريدة قالت:وانتي يا ملك؟
ملك:محدش يقدر يزعل منك اساسا يا فيري
امهم جليلة بصتلهم بصة توعد وسكتت
فريدة:انا قولت دول بناتي بردو 😂😂
الكل ضحكوا و زين حس بونس والفه وسطهم وأنه رجع لبيته اللي وحشه من زمان وهزارهم وضحكهم اللي افتقدوا لما كان مسافر
وقال: والله يا جماعه وحشني خناقكم ولمتكم اللي تسوي الدنيا عندي بجد ومش عاوز افترق عنكم ابدا
جليلة بخبث:واللي يقولك علي حل عشان مش تفترق عننا تاني؟
زين:اية يا مرات عمي ؟
جليلة بخبث:اتجوز واحدة من البنات
زين اتصدم وقال: نعم؟

تعليقات