Ads by Google X

القائمة الرئيسية

الصفحات

رواية مصائر مجهوله الفصل الثالث


 رواية مصائر مجهوله الفصل الثالث

زين اتصل علي جده وقال:انا اخترت هتجوز مين
جده : تمام يا ابني تعالي البيت وكلمني وربنا يعمل اللي فيه الخير
زين :تمام أنا في الطريق


جده قفل وفهم هو هيختار مين وبص للي قاعدين وقال:زين دلوقتي جاي وكمان اختار هيتجوز مين مش عاوز واحدة تزعل لأن نصيبها اكيد هيجيلها سواء كان زين أو واحد تاني فاهمين
علا وملك : فاهمين يا جدو
عند فريدة
يدوب دخلت لقت شاب بيقرب منها
ف مشيت بعيد سمعت صوته بيقولها بحزن : مبروك علي الخطوبة
فريدة اتخضت وبصتله لقته كمل وقال:كنت اتمني تكوني ليا وحلمت بيكي كتير بس النصيب قرر اننا مش مناسبين ف ربنا يوفقك بشخص احسن مني ويوفقني بواحدة احسن
ومشي وهو جواه كسر كبير
فريدة مفهمتش قصده اية بخطوبه بس زعلت من كلامه وحست بزعله
دخلت السكشن وفي دماغها الف حاجة والف سؤال
جليلة بصت لبناتها وقالت بهمس : بصوا بقي مش مشكله هيختار انهي واحدة فيكوا المهم يتجوز واحدة منكوا وخلاص مش عاوزة واحدة تغير من التانية وتعرف أنه هيبقي جوز اختها وتلم نفسها عشان المصلحة مش تطير
ملك بصت وقالت:مصلحة؟
جليلة:طب اسكتي دلوقتي عشان جدك واخد باله
جليلة بصت لجدهم وقالت:الا فين زين علي كدة
جدهم لسه كان هيقول في الطريق
لقي زين وراهم وقال:انا وصلت اهو
جليلة:حمدلله على السلامه
زين فهم طريقتها وقال:الله يسلمك يا مرات عمي
زين بص لجده وقال:ممكن دقيقتين في المكتب؟
جده:ماشي
قام معاه ودخلوا المكتب وزين قفل الباب كويس وقعد
جده بمكر :هاا علا ولا ملك ؟
زين:لا دي ولا دي انا اخترت فريدة
جده ضحك وقال:وانت فاكرني مش عارف انت هتختار مين في الاخر
زين:يعني حضرتك عارف من الاول ؟
جده:اكيد انتوا احفادي وعارفكوا واحد واحد
زين:طب وأية رأيك
جده:انا من الاول شايف أن انتوا مناسبين لبعض بس المهم رأيها ولاحظ أنها كانت رافضة
زين : ما هي دي المشكلة
جده:صحيح أنت قولت هتاخد كام يوم كدة اشمعنا قررت بسرعة كدة
زين: الصراحة في واحد وانا رايح اوصل فريدة طلب أيدها مني حسيت اني بغلي وعاوز اقتله وساعتها مستحملتش وقررت اتجوزها
جده ابتسم وقال:دي الغيرة وعمايلها أسأل مجرب
زين:هو حضرتك مجرب ولا اية يا جدو
جده بإبتسامه:جدتك الله يرحمها كانت اجمل واحدة في الدنيا كل البنات بتغير منها ومن جمالها وكان كل شوية يجيلها عريس وانا كنت ببقي بغلي كدة وعاوز اقولك أن فريدة كلها جدتك عشان كدة أنا بحبها اكتر من الكل
زين بسرحان:هي فعلا زي القمر وحلوة و
جده:بس بس انت بتتغزل فيها قدامي
زين:احم انا اسف كمل يا جدو
جده:المهم كل شوية كنت اقولها عاوز اتقدملك متردش عليا لأنها كانت متدينه جدا وغير أنها بتتكسف موت سبحان الله زي فريدة شكلا وشخصيه ،مكانتش بتديني وش كنت بزعل أنها مش بتحبني بس قررت اني اتقدملها وتيجي زي ما تيجي وروحت واتقدمت كانت هي رافضة في البداية بس يدوب قولتلها اني بحبها ومش قادر علي بعدها او اني


احب غيرها حسيت قلبها مال ليا وفي الاخر وافقت ساعتها عرفت أن قلبها رقيق اوي بكلمه واحدة حلوة تخليها طايرة و حبه حنيه تدوبها انما القسوة والكلمه الوحشة بتكسر قلبها الرقيق ف من ساعة ما وافقت عليا وانا خدت عهد علي نفسي اني عمري ما ازعلها مني ابدا ولحد اخر يوم في حياتها مزعلتهاش
وتعرف لما كانت شرين حامل في فريدة قالتلي :سموها فريدة زي اسمي طبعا انت استغربت أن جدتك اسمها فريدة مش فرح بس فرح كان دلعها وفي الاخر فريدة طلعت زي اللي اتسمت عليها وخدت مكانه في قلبي كبيرة ساعتها لو جيت عليها يبقي جيت علي اغلي واحدة عندي ومش هتعرف اية اللي هيحصلك
زين ابتسم وقال:مش تقلق انا مستحيل ازعلها مني بس هي توافق عليا وانا هكون مبسوط لأن من ساعة ما وصلت وانا حاسس ان حبي ليها القديم رجع تاني ورجع اكتر من الاول وده اللي كنت عاوزك تعرفه ياجدو انا بحبها من زمان
جده ابتسم وقال:ما أنا عارف
زين:هو مفيش حاجه انت مش عارفها خالص كدة
جده ابتسم وقال:انا جدو يلا
زين ضحك
جده:يلا نطلع احسن يقولوا اتأخرنا ليه
زين:يلا
طلعوا وقعدوا في الصالة
جليلة بلهفة:ها قررتوا اية
جدهم بحزم:لما كل افراد العيله تكون هنا هنتكلم
جليلة:مش ناقص غير فريدة وشيرين في المطبخ وجاية
جدهم:يبقي نستناهم
جليلة بقرف: ماشي
شيرين طلعت وقالت:انا اهو
الجد بص لقي عياله مصطفي و وليد وعلي قاعدين
فقال:القرار اللي هيتقال مش يفرق بينكوا كأخوات اللي هيتطلب ايديها الباقي ميزعلش وبص ل علا وملك وقال: مفيش زعل
الجد:شوية وفريدة جاية هنستناها عشان متعودناش نقول حاجة وفرد من العيله ناقص
بإبتسامه:انا جيت
جدها بصلها وخدها في حضنه وقال:نورتي يا حبيبتي اقعدي يلا
فريدة:ماشي يا جدو
زين باصصلها بحب وحاسس أن قلبه بيرفرف
الجد بص لفريدة وقال:زين اختار هيتجوز مين
فريدة:طب كويس ملك ولا علا
الجد: زين اختارك انتي يا فريدة
فريدة اتصدمت وقالت:اييييه؟

تعليقات