رواية صرخة طفله الفصل الاول
(قدام دار أيتام الساعه 6 الصبح وهما رايحين يفتحوا الدار)
-ايه ده ايه الطفله اللي هناك دي!
=طفلة! طفلة ايه وريني كده
=ايه ده ينهار اسود حسبي الله ونعم الوكيل دي لسه مولوده!!! في حد يعمل ف ضناه كده!
-يا استاذه اسراء يعني هي دي اول مره نلاقي حالات كده! ما احنا عدي علينا اللي انيل من كده، ده كتر خيرهم انهم
لفوها بدل ما يرموها ف الزباله
=انا هدخلها جوه معايا وشويه وهروح اعمل الإجراءات القانونية اللازمة
-أكيد طبعا ده اللي نستناه منك يا استاذه اسراء
عدي وقت كتير ع الموضوع ده، عدي 6 سنين، والبنت كبرت وسموها شريهان
-شريهان، شيري، تعالي هنا يلا اقعدي مع اخواتك
=لا ي ماما تحيه سيبيني العب شويه
-طيب ما هو انت هتيجي تلعبي هنا جمب اخواتك عشان منقلقش عليكم
=انا عايزه العب لوحدي
-شريهان مينفعش كده اسمعي الكلام
=يووووه بقي انا زهقت هما ليه اهلي سابوني كده، ليه اهلي رموني قدام الملجأ ده، ده اكتر ملجأ وحش ف الدنيا كلها
-كده ي شيري! احنا برضو الملجأ بتاعنا وحش؟ مش احنا بنجيبلك الألعاب اللي بتطلبيها؟
=اه
-مش كل اللي بتبقي نفسك تاكليه بنجيبه؟
=اه
-مش برضو كل اللبس اللي بتحبيه بنجيبه؟
=اه
-طيب الملجأ وحش ليه بقي؟
=عشان مفيهوش ماما الحقيقيه، كلكم هنا مش ماما الحقيقيه، انا عندي كذا ماما هنا، عندي ماما انت ماما تحيه
وماما إحسان وماما اسراء وماما رضوي، وبحبكم كلكم بس انا عايزه ماما الحقيقيه، بصي انا بصراحه مش بحب ماما رضوي عشان بتضربني وبتعاملني وحش
-مش عيب نقول مش بنحب حد؟ ماما رضوي طيبه اوي ولو بتضربك فى بيبقي عشانك أنت وعشان تبقي كويسه ومتعمليش حاجه غلط تاني!
=لا ي ماما تحيه هي بتضربني جامد وبتكرهني انا اكتر من اي حد من اخواتي هنا ف الدار، ولما بعمل حاجه غلط انتوا بتقولولي غلط بالراحه لكن هي بتضرب علطول حتي شوفي دراعي في حته زرقا ازاي؟ دي هي اللي ضارباني
-خلاص ي شيري اوعدك أن أول ما اشوف ماما رضوي هقولها متعمليش كده تاني
=انا بحبك اوي يا ماما تحيه
-وانا بموت فيكي يا احلي شيري ف الدنيا، ها يلا روحي العبي مع اخواتك؟
=اديني رايحه
-ايه كنتي بتعملي ايه مع الزفته اللي اسمها شريهان دي ايه الوقفه دي كلها!
=ايه يا رضوي مالك دي طفله!
-دي طفله دي! دي طفله! دي تحسيها واحده مطلقه مش طفله أبدا دي
=حرام عليكي دي طيبه اوي
-والله انت اللي طيبه وع نياتك، دي هتطلع انيل من انيل حد طلع من عندنا هنا من الدار
=ليه بس كده
-مش بحبها مش برتاحلها ياستي
=طيب ي رضوي، بس برضو خفي عليها شويه مش كل حاجه ضرب ضرب، البنت دراعها فيه بقع زرقا من الضرب، مينفعش كده دي طفله
-بس بس بلاش كلام فارغ متقوليش طفله دي نهائي
=طيب يا رضوي دي كائن غريب، بس برضو مينفعش كده كل حاجه ضرب، انا شايله عنك كتير من ماما اسراء لو عرفت فيها رفدك لأنك عارفه كويس اوي انها مانعه الضرب هنا الا في الغلط الشديد، ومعتقدش يعني أن طفله عندها 6 سنين هتعمل غلط شديد!
-انت بتهدديني ي تحيه؟
=انا لا بهددك ولا بهدد غيرك، انا بقولك بس اللي هيحصل لو ماما اسراء عرفت
-ومين بقي اللي هيعرفها؟
=انا ي رضوي، لو فضلتي تعاملي البنت وحش كده يبقي انا اللي هقولها ي رضوي وافتكري كلامي ده كويس
-استني كده
=ايه؟
-أصل أنا خوفت جامد فا كنت عايزاكي تفضلي واقفه معايا
=رضوي انا مبهزرش
-وانا مش بعمل حاجه غلط، الأمهات اللي ف الدار لازم يكونوا امها زي الحقيقين
=الامهات الحقيقين ياتري كل حياتهم ضرب ف عيالهم؟
-اه
=واضح ان الكلام مش هيجيب معاكي نتيجه، بصي انا حذرتك ي رضوي وبراحتك بقي
-قوليلي ي شيري مين اكتر ماما بتحبيها هنا؟
=انا بحب ماما تحيه اوي بحسها طيبه اوي
-طب وماما رضوي
=لا دي انا مش بحبها خالص خالص، دي بتفضل تضربني وتزعق فيا كتير وانا مش بحب حد يزعق فيا
-وانا كمان مش بحبها
=ليه هي بتزعقلك انت كمان؟
-لا بس بتزعقلك، وانا اللي يزعلك اكرهه
=انا بحبك اوي يا تميم
-بتحبيني انا اكتر ولا ماما تحيه؟
=ايه السؤال ده بقي؟ انتوا الاتنين قد بعض بحبكم قد بعض
-لا انا عايزك تحبيني شويه اكتر
=خلاص بحبك انت اكتر شويه من ماما تحيه
~ايه بقي قلة الأدب اللي انا سامعاها دي؟
-ماما رضوي
~ايوه ماما رضوي ماما زفت ع دماغك ودماغها
=هو انت بتطلعيلنا كده منين انا مش بحبك
~ولا انا كمان بحبك بس للاسف مجبره اقعد معاكي واعاملك قال ايه زي بنتي، بنتي ده ايه يا تربية الملاجئ انت! انا بنتي احسن منك اصلا ومن كل عيلتك اللي رمتك قدام ملجأ
-علفكرا أنت وحشه وهتروحي النار عشان كلنا مش بنحبك عشان اللي انت بتعمليه ف شيري ده
~اه ي حنين انت معلش حقك عليا، ابعد عن وشي دلوقتي انا هاخدها جوه اعرفها تتكلم ازاي مع الكبار
(بتصرخ شيري)
-ابعدي عنها
~ايه هو اللي ابعدي عنها انت اتجننت ي تميم!
-لا متجننتش بقولك ابعدي عنها احنا بنكرهك مبنحبكيش
~ابعد ي تميم بدل ما اضربك معاها
-اضربيني معاها، ولا اقولك اضربيني انا اصلا متضربيهاش هي
~ابعد ي تميم قولتلك
=يا تميم الحقني ي تميم
-متخافيش ي شيري متخافيش هلحقك
(جري تميم بسرعه وراح عند ماما اسراء وكانت معاها ماما تحيه)
-صدقيني ي ماما اسراء هو ده اللي حصل، البنت دراعها فيه بقع زرقا من الضرب الكتير، لا وكمان ايدها تقريبا طفت فيها سجاير، انا عمري ما شوفت حد كده بجد اول مره اشوف ف حياتي كلها حد بالمنظر ده
=انت عارفه من زمان؟
-لا والله خالص لسه عارفه دلوقتي وأول ما شيري قالتلي جيت اقولك علطول
=انا هتصرف معاها ف الموضوع ده واوعدك اني هتصرف بشكل أسرع مما تتخيلي
-ياريت ي ماما اسراء ياريت، انا بجد مش عارفه هي بتكره شيري كده ليه، انا فاكره كويس لما لقيناها بره هي ودخلناها هي فضلت تقول مش عارفينها منين ومعرفش ايه وانا استغربت ساعتها انها تقول كده مع انها هي اللي لما تلاقي اي طفل ف الشارع تقول ناخده عندنا الملجأ حتي يكون ليه مكان ينام فيه واكل ياكله بدل الشارع واكل الزباله
(الباب بيخبط)
=اتفضل
-ايه ده في ايه ي تميم
~ماما رضوي اخدت شيري جوه وبتضربها
=ايه ده!!
-شوفتي ي ماما اسراء، احنا لازم نتصرف بسرعه
=احنا هنقعد نتكلم!! وريني ي تميم خدتها وراحت فين يلاااا
بدل ماتدور وتبحث علي الروايات خليها علي تليفونك وحمل تطبيقنا
