رواية يا كابتن يا كابتن..، انت يا عسل الفصل الثالث
بدأ يوزع الورق،وهو بيديني الورقة كان في عنيه نظرة خبث او تحدي مش عارفة اميزها بالظبط،اول ما بصيت في الورقة حسيت ان دي لغة تانية ومش فاهمة حاجة،لما قرأته كان ربع الامتحان من المحاضرة اللي زعقلي فيها وخليته يشرحهالي
-كل واحد خد ورقته مش عايز اسمع صوت في القاعة...،شهد
=نعم يا دكتور
-تعالي اقعدي قدام،ومي ترجع وراء
ايوا هو مستقصدني انا بقا طب ما كان عملي امتحان لوحدي وخلاص ذنبهم ايه العيال الغلابة دول،روح الله يسامحك يا شيخ...،قاعدة في وشه بالظبط وحالتي ميؤس منها ومش عارفة احل حاجة..،كل شوية يبصلي بنظرة هموت واعرف معناها ايه هل هو شمتان فيا مثلا؟، باصة في سقف القاعة وافتكرت لما كان بيشرحلي كنت سرحانة في غمازاته الله ياخدني بجد،رجعت قرأت الورقة كذا مرة وحليت ثلاث اسألة من اصل عشرة وكمان مش اجابات نموذجية،انا قولت المادة دي جزمة وبنت جزمة.
=اه يا اني يا حازم اخوك هيسقطني يا حازم
-انتي غبية ليه؟ مش قولتلك ذاكري عشان ميتعلمش عليكي
=بقولك ايه مش عايزين غلط مش هيبقا انت واخوك عليا
-طب معرفتيش تغشي حتي
=كنت مظبطاها والله يا اخويا كنت قاعدة في النص بين مي ومحمد ومعتمدة عليهم واخوك جه قومني عشان كان مستقصدني
-محمد مين
=احنا في محمد دلوقتي بقولك اخوك هيسقطني
-وأدهم عارف انك مصاحبة واحد اسمه محمد
=واخوك ماله اصلا،لما يبقا جوزي ان شاء الله يبقا يعرف،بقولك ايه ما تروح تقوله اللي انا بحبه وهسامحه لو سقطني والله
-ما تتلمي بقا فين كرامتك
=بدور عليها من ساعة ما اعجبت بيه
-سبيه خليه هو اللي يجيلك
=يجي لمين دا جبلة مش بيحس دا... ولا اقولك انا اصلا مش عايزاه، اه يا اني يا حازم اخوك هيسقطني يا حازم
-خلاص بقا هي اغنية؟وبعدين انتي مش قولتي ان هو احتمال يضيفها في اعمال السنة يعني ممكن اه وممكن لا
=معاك حق وحتي لو ضافها فا انا لسه قدامي فرصة في الفاينال
-يعني خلاص قررتي تذاكري في الفاينال
اتكلمت بضيق=قوله يا حازم ملكش دعوة
-بتقولك ملك...ايه لا مليش انا دعوة متدخلنيش بينكوا
=عيل واطي من يومك والله...،مش هذاكرلك تاريخ تاني
-طب هو ذنبه ايه
=ملكش دعوة
-انتي بتقولي للدكتور بتاعك ملكش دعوة
=الدكتور في الجامعة مش هنا
-طب انتي زعلانة ليه دلوقتي
-من ساعة ما جت وهي قاعدة تقول اه يا اني يا حازم اخوك هيسقطني يا حازم
حازم قلدني وانا بتكلم وأدهم ضحك بصوت عالي..،بصتلهم بغل
=انا نازلة
-استني..،انزل تحت يا حازم
-طيب انا نازل اذاكر سلام
=استني متسبنيش لوحدي يا حازم
مسك ايدي-راحة فين
=راحة اذاكر مع حازم
-طب ما تذاكري معايا انا
=لا انت بتسقطني
ضحك-انتي متعرفيش انا كنت عامل الامتحان ليه
اتكلمت بضيق=وانا هعرف منين يعني
-طب ملاحظتيش حاجة في الامتحان
=حاجة زي ايه...اه الامتحان كان معظمه من المحاضرة اللي شرحتهالي لوحدي
-حلو وبعدين
=ولا قبلين معرفش
قرب مني وغمضت عيني، همس في ودني
-عشان بعد كدا لما اشرحلك تركزي في شرحي مش تسرحي فيا وفي غمازاتي
اتوترت=لا طبعا انا بس كنت بفكر اشمعنا انت عندك غمازات وانا لا
-والله
=والله
سبته ونزلت...،عرف ازاي اللي انا كنت سرحانه في غمازاته،يلهوي ليكون عنده عين في قفاه يا حبيبي يا بني،بس دا عارف اللي انا بسرح فيه وهو بيشرح اومال عاملي فيها توم كروز ليه ومش بيعبرني،انا مش هحب حد تاني وكرامتي اهم من الجميع بعد كدا
-لسه زعلانة
=لا طبعا هو انا اقدر ازعل من دكتور ادهم
مش بقول كرامتي اهم من الجميع
-طب تعالي اوصلك معايا الكلية ومتقوليش لا
=ممكن حد ياخد فكرة غلط عننا
-فكرة غلط زي ايه
=زي زي مثلا يفتكرونا مثلا...
-بنحب بعض يعني؟لا متخافيش ولو خدوا ايه يعني
=هااا
-هااا ايه يلاا نمشي هنتأخر
هو ماله اتحول كدا ليه؟،اتصدمت لما قالي اننا يفتكرونا بنحب بعض،يا نهار اسود ليكون حازم قاله اللي انا بحبه بس لا لا حازم ميعملش كدا
-تليفونك
بصتله=ماله تليفوني
-بيرن من الصبح وانتي مش بتردي
=اه اسفة
فتحت الفون وكان محمد بيتصل
=انا جاية في الطريق اهو يا محمد...ماشي... سلام
-مين محمد دا
=محمد دا يبقا.. ايه دا بجد مش عارفه
بدل ماتدور وتبحث علي الروايات خليها علي تليفونك وحمل تطبيقنا
