Ads by Google X

القائمة الرئيسية

الصفحات

رواية احببته صدفه الحلقه الخامسه عشر


 

Part15 

ياسمين : ايوه يا حبيبتي.. يوسف كان متجوزك لعبه مش اكتر وهيزهق منك ويرميكي 

نور : انت اندل انسانه شوفتها في حياتي… ويا ريت تبعدي عني خاالص كاني مكنتش اعرفك في يوم من الايام 

قفلت السكه في وشها.. وبصيت علي يوسف 

نور: انت ليه بتعمل فيا كده حرام عليك.. انا مش عايزة اعرفك تاني.. انت.. انت يا يوسف تعمل فيا كده تخوني مع صاحبتي.. ليه طيب ما تطلقني اسهل من كل ده وروح اتجوزها زي ما هي بتقول.. طالما انا لعبه وشويه وهترميني خلاص سيبني بدل ما تكسر قلبي 

يوسف بصدمه :.... 

نور: ما ترد يا بيه رد يا خاين 

يوسف: مالك يا نور مين دا اللي خاين.. هي صاحبتك قالتلك ايه 





نور: قلتلي انك كنت عندها امبارح في البيت وانك هطلقني وتتجوزها هيا 

يوسف : ايه كل الهبل دا… وانت صدقتيها 

نور بانهيار وعياط : هي كانت الشخص الوحيد ليا في الدنيا اللي بصدقه وبحبه بس في الاخر خدت جوزي مني 

حسيت اني داخيه وخلاص هيغم عليا 

يوسف: نور مالك في ايه 

نور: دايخه اوي مش قادره 

يوسف : طيب ثواني 

راح جبلي عصير وجيه 

يوسف : خدي اشربي العصير دا يمكن يهديكي شويه 

شربت العصير وابتديت ابقي كويسه 

يوسف: ممكن تسمعيني بقي 

نور:انا مش عايزه اسمع حد 

يوسف : لو سمحتي اسمعيني 

نور: اتفضل 

يوسف : انا امبارح بليل كنت فين 

نور: كنت عند ياسمين 

يوسف : يا سلام يعني مش كنت عندك لما جبتلك الاكل وفضلت قاعد معاكي 

نور بتفكير : ايه دا.. ايوه صح انت كنت عندي بليل 

يوسف: صدقتي بقي اني بحبك ومستحيل احب غيرك 

نور : طيب ازاي هي بتقولي كده 

يوسف : علشان توقع بيني وبينك يا ذكيه 

نور: طيب انا هوريها 

يوسف :هتعملي ايه 

نور : اطلع علي بيت ياسمين 

يوسف : ليه 

نور : اطلع بس وادي العنوان 

يوسف : طيب ماشي 

طلعنا علي بيت ياسمين وأهلها كانوا مسفرين.. روحت خبط عليها 

ياسمين : ميين 

نور:.... 

ياسمين : يووه مين الرخم دا 

فتحت لقتني في وشها 

ياسمين : ايه دا انت بتعملي ايه هنا 

روحت جريت عليها ومسكتها من شعرها 

نور: انت يا ياسمين تعملي فيا كده.. ليه انا عملتلك ايه 

ياسمين : انت اخدتي الولد اللي انا بحبه 

نور: خلاص وبقي جوزي ابعدي عني بقا 

ياسمين: لا يا نور مش هسيبك 

روحت شدتها من شعرها وضربتها… يوسف من بره سمع صوت الصويت.. راح جيه 

اول ما دخل البيت 

يوسف : ايه يا نور ايه صوت الصويت دا 

راحت ياسمين جريت عليه وحضنته 

ياسمين : يوسف الحقني 

نور:.... 

يتبع.. 💙🕊️

#احببته_صدفه 

#بقلم_Jody_osama

              الحلقه السادسه عشر من هنا

لمتابعة باقي الرواية زوروا قناتنا على التليجرام من هنا

تعليقات