المصحة ❤️ (3)
هشام : عرفتى اية يا دكتورة
فريدة : عرفت أنه ابن راجل غنى وهوا الراجل اللى انا شوفته هنا وعشان كدة اكيد حضرتك ووالده مش عايزين حد يعرف أن هوا هنا
هشام : انا قولتلك ملكيش دعوة بيه انتى كدة هتطرينى اطردك من هنا وانا مش عايز كدة عشان انتى هتضيعى فرصة شغل كويسة من ايدك ولاخر مرة بقولك انسى حالة زين
وفعلا فريدة خافت على شغلها خصوصا انها محتاجة للشغل دة
فى يوم فريدة وهيا رايحة لدكتور هشام المكتب عشان عايزاه ضرورى
الممرضة : هوا لسه خارج استنيه هنا
فريدة دخلت تستنى فى المكتب ولقت قدامها ملفات المرضى وبينهم ملف زين لما فتحت ملف زين لقت مكتوب فيه أن حالته صعبة مينفعش يخرج من المصحة
قامت فريدة وطلعت لزين من غير ما تقابل هشام فريدة دخلت عند زين
فريدة : ازيك يا زين عامل ايه
زين ماردش عليها
فريدة : انت هنا ليه يا زين
زين ماردش وبصلها وسكت
فريدة : احكيلى عن والدتك
زين ابتسم : امى دى احلى حاجة كانت بتحبنى اوى وكان نفسها انها تشوفنى وانا بكبر ولما ماتت ابويا اتجوز مرات عمى
فريدة : طب وانت ليه مش بتكلم حد هنا ولا بترضى تقابل حد
زين سكت تانى ومردش
فريدة : انا سمعتك وانت بتتكلم وبتقول انتى لازم تاخد حقى منها هيا مين يا زين
زين : هيا الشريرة خلى بالك منها لو عرفت انك بتساعدينى هتاذيكى
فريدة استغربت اوى وحست أن فيه حاجة غريبة
فى يوم الممرضة كانت فى الارشيف عشان تجيب ملفات الدكتور طلبها وقابلت فريدة فى الطريق الممرضة دى كانت تعبانة
فريدة حبت تساعدها : خلينى اساعدك وشالت معاها الملفات ولقت بالصدفة ملف زين حاولت تفكر ازاى تاخد الملف
الممرضة : انا هودى الملفات وارجع اخد منك الباقى
فريدة خبت الملف بسرعة وراحت مكتبها وفتحت الملف ولقت فى الملف دة عكس الملف اللى كان فى مكتب هشام واللى بيقول أن حالة زين سليمة وعنده اضطراب خفيف ممكن يتعالج فى البيت
فريدة حست أن فيه حاجة غريبة وقررت انها تكتشف سر المؤمراة دى
ولما خلصت شغلها قررت انها تروح تقابل مراد وتحكيله يمكن يساعدها
فاتصلت بمراد وطلبت تقابله
فى الكافيه
مراد : طب وازاى هتوصلى للى انتى عايزاه يا فريدة
فريدة : مش عارفة بس لازم يكون فيه حل
مراد : خلاص حاولى تسالى حد من أهله
وقرر مراد وفريدة يروحوا لوالد زين يتكلموا معاه
فى فيلا والد زين
فتحت الشغالة الباب
فريدة : استاذ يحيى موجود
الشغالة : اة أقوله مين
فريدة : قوليله الدكتورة فريدة جاية بخصوص زين
فريدة قابلت والد زين
فريدة : انا دكتورة فريدة شغاله فى المصحة اللى بتعالج فيها زين
يحيى : ايه المطلوب منى
فريدة : هوا حضرتك تعرف اية اللى وصل زين للحالة دى
يحيى : دكتور هشام هوا اللى طلب منى انقله المصحة هيتعالج هناك افضل
مرات يحيى دخلت ( لمياء )
لمياء : اهلا بالضيوف مين دول يا يحيى
يحيى : دى دكتورة فريدة بتشتغل فى المصحة اللى بتعالج فيها زين
لمياء : اهلا بيكى بس للاسف يحيى مضطر يقوم علشان فى ناس عايزينه
وفعلا فريدة استاذنت ومشت
فريدة : تفتكر يا مراد أن زين كان يقصد بالشريرة لمياء
مراد : ليه بس دى شكلها كويس وماقلتش حاجة
فريدة : امال كان يقصد مين
مراد : مش يمكن يقصد حد تانى اتسبب له فى كدة
فريدة : بس فيه حاجة اغرب عرفتها ونسيت احكيلك عليها ........ يتبع
بقلم صوفى محمد ونادية محمد ❤️
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
