Ads by Google X

القائمة الرئيسية

الصفحات

رواية الاسطي حور الحلقه الرابعه والعشرون


 

(24)   

#الاسطى_حور 

حور كانت بتحاول تتجنب تامر فترة الإمتحانات  ولو  صادف  وكان هو المراقب  مكنتش بتهتم ..  

   فضلت على الحال ده  طول فترة الإمتحانات

    وفى مره تانيه لما كان هو المراقب بصلها بحب وهى بتحل وقرر انه هيروح يعترفلها  بعد الامتحان 

اول ما  الامتحان خلص وهى خارجه نادى عليها:، حور

بصتله  فقربلها وهو بيقول بحب:، بحبك .. 

الطلاب كلهم بصوله وفيه منهم اللى كان  بيضحك واللى كان  فرحان  بس  فجاءة الكل سكت لما حور اديته بالقلم 


   فاق من شروده  وحط ايده على خده .. كان بيتخيل بس لو راح قالها بحبك  ممكن  يكوم رد فعلها ايه .. قال فى  نفسه  وهو بيبصلها:      انا واثق انك مش هتدينى بالقلم بس يا حور 

  الوقت خلص وبدا. ياخد الورق  من الطلاب 

          بدا ياخد الورق من الطلاب لحد ما وصل  ل حور 

حور بكل ثقه مدت ايدها  بالورقه وقالت:اتفضل 

بص على الورقه وقال:اسمك!

  حور: ماله 

تامر  حط الورقه  على الديسك ومسك القلم اللى  هى بتكتب  بيه و كتب اسمها وهو ماشي  قال: متنسيش اسمك تانى  

  لم الورق  من باقى الطلاب وخرج من غير ما يتكلم معاها 

هى كمان خرجت من الجامعه  بعد  ما قابلت كارما وروحت. البيت 

    اول ما دخلت كان اياد   قاعد فى الصاله وماسك تليفونه  

  شافها عدت من قدامه ودخلت الاوضه  غيرت هدومها وخرجت من الأوضة وهى ماشيه علشان تخرج فتحت البار بس وقفت على صوت اياد وهو بيقول:حور 

لفت ليه وهى بتقول: نعم يا اياد 

قام من مكانه وقعد قريب من الباب وقال: عملتى ايه فى الامتحان 





حور: الحمد لله  .. كان كويس

اياد: نازله رايحه فين دلوقتى!!

حور: رايحه الورشه اشتغل شويه 

اياد: مش هترتاحى شويه  قبل ما تنزلى .. انتى جايه  من إمتحان 

حور: فيه شغل  لازم يخلص  النهارده 

اياد: انتى منمتيش  الا ٤ساعات .. مينفعش كدا 

حور:لما اطلع هبقى ارتاح ..سلام بئا   اتأخرت 

اياد بقلة حيله: خلى بالك من نفسك 

  قالت وهى بتقفل الباب:حاضر 

واول ما خرجت 

  مسك التليفون واتصل على  تامر 

___________________

حور: اشتغل كويس يا بنى 

_  حاضر يا اسطى عطيه  

  حور:اربط على الصموله كويس 

   وهى بتكلم الصبر نزل تامر من عربيته وسند عليها 

حور بصتله  وكملت شغلها 

فضل واقف ١٠ دقايق 

  راحت قالتله: فيه حاجه فى العربيه!

تامر : لا 

حور : اومال جاى ليه 

تامر: ملكيش دعوه .. كدا كدا كلها  اسبوع وعلاقتى بيكى هنتهى كدكتور 

  حور بصتله  بقرف وهو سلم على اياد اللى نزل  

   اياد بترحيب:  اهلاً ..  معلش اتاخرت شويه 

تامر وهو بيبص ل حور: لا عادى.. ديه الاسطى حور كانت عايزه تضيفنى   هنا .. لولا انك نزلت 

اياد: معلش بئا مره تانيه ... اضيفك انا فى اى مكان تحبه 

    تامر:  لا عادى .. مش يلا  

اياد: اه ..  طب ثوانى 

راح ل حور وباس راسها وقال: خلى بالك من نغسك .. واداها المفاتيح 

حور: حاول متتأخرش

اياد: حاضر.. لو تعبتى اطلعى  سلام 

تامر كان مراقب الموقف  وهو راكب العربيه 

  اياد: معلش نزلناك  وانت لسه راجع من الجامعه بس انا مش عارف الطرق  هنا  كويس 

تامر: عادى ولا يهمك

اياد:تسلم  ..  مصطفى فى فندق إسمه*******

تامر: طيب تمام 

  عدى  تامر. على مصطفى  وبعد كدا راح اخد يارا تانى لانها مكنتش جهزت  ونزلوا  علشان يجيبوا الشبكه  بتاعت يارا 

دخلوا المحل  ويارا بدات تختار اللى هى عيزاه  ومصطفى كان بيوافق على اى طلب تطلبه 

تامر بهمس ل يارا: كفايه  الراجل هيفلس بسببك 

  يارا: انا مجبتش حاجه .. دول خاتمين وسلسه ودبله 

تامر:، طب يالا علشان يحاسب ونمشي

  تامر لمح خاتم وعجبه اوى 

تامر بهمس ل يارا:ايه رايك فى الخاتم ده!! 

يارا: حلو اوى  

تامر: هجيبه ل حور 

يارا: هاته .. بس متقدملهاش الا لما تتقدم لها .. علشان متضربكش بالقلم بجد

  تامر:  لو سمحت عايز الخاتم اللى هناك ده 

جاب الخاتم  وخلى يارا تقيسه لان ايد حور شبه ايد يارا 

وهما بيحاسبوا كان  اياد جاب سلسه  

تامر باستغراب: ل مين ديه!!

اياد: ل حور  




طلع الفلوس وحاسب عليها وكذلك تامر ومصطفى  

مصطفى: بأذن الله كتب الكتاب  هيكون  يوم الجمعه الجايه .. علشان هضطر اسافر الاحد واخد يارا معايا 

تامر: تاخد مين معاك.. مفيش الكلام ده 

    مصطفى: انا هاكون جوزها 

تامر: وانا اخوها 

مصطفى:، ابن خالتها قصدك 

يارا: احم.. تامر اخويا فى الرضاعه

مصطفى: ولو .. هتروحى معايا  الجمعه الجايه  كتب الكتاب  مع الفرح .. اجهزى بئا 

تامر ضحك وكذلك اياد 

تامر:تعالى هروحك يا  اياد وبعد كدا اروح انا ويارا   مصطفى انت الفندق  اللى ساكن فيه اخر الشارع صح!! 

مصطفى: اه 

تامر:تعالى هنوصلك فى طريقنا 

______________________ 

   تامر وصل  مصطفى وكمل علشان  يوصل اياد

وقف عند ورشة حور. وكانت الساعه  ٦ بليل 

    اول ما اياد نزل قابل  حور  اللى كانت هلكانه من الشغل 

اول ما شافته ابتسمت  بتعب  

وتامر كان واقف  متابع الموقف 

  طلع السلسله من جيبه   العلبه اللى فيها السلسله

حور باستغراب:ايه ده!! 

اياد فتح العلبه وطلع السلسله ولبسهالها 

حور بصت للسلسه وحضنت   اياد 

  تامر ابتسم على ابتسامتها 

يارا كانت  قاعده ورا خبطت على ظهره وقالت:مش هنطلع 

تامر: انزلى اعزميها على  الغرح يوم الجمعه 

  يارا: اكيد  هتيجى مع اياد 

تامر:هترفض انا عارفها 

يارا:  ماشي

   حور طلعت من حضن اياد وقالت بحب: شكراً 

اياد. قرصها من خدها براحه وقال:   بتشكرينى على ايه .. انا اخوكى 

جالهم صوت يارا من ورا وهى بتقول: احم...  ازيك يا حور 

حور بابتسامه:الحمد لله 

يارا:  متنسيش تيجى مع اياد الفرح.. يوم الجمعه  الجايه ان شاء الله 

حور بصت ل  اياد ويارا ولمحت تامر فى العربيه   ابتسملها اول ما بصتله 

رجعت نظرها ل يارا  ومسكت ايد اياد وقالت: ان شاء الله 

اقفل الورشه يا فتحى انا طالعه مع اياد 

فتحى: من عنيا يا اسطى  عطيه 

  يارا ركبت  العربيه جنب تامر وفضلوا واقفين  شويه لحد ما  حور واياد طلعوا العماره واختفوا من  انظارهم

   تامر.  شغل العربيه وروح

_______________

اياد طلع  مع حور ودخلوا البيت 

قعدت على الكنبه بتعب وابتسمت وهى بتمسك السلسله وقالت ل اياد:، اول مره حد يجبلى هدية غير كارما  

اياد قعد جمبها. وهو بيقول: اجبلك كل اللى  انتى عيزاه  .. بس تقولى انتى متضايقه  ليه!

حور: انا مش مضايقه بالعكس . انا مبسوطه جداً

  اياد:   طيب .. انا مس هضغط عليكى لو عايزه تحكى حاجه انا موجود  

قام يدخل الاوضه  فندهت عليه بصلها فقالت: انت أطيب اخ انا شوفته  فى حياتى 

ابتسملها  بحب ودخل اوضته تانى

___________________





اسبوع الامتحانات خلص  وحور وكارما  اخيراً ارتاحوا  من  المذاكره 

وكان فرح  يارا  الجمعه

حور كانت قاعده بتتفرج على التلفزيون   لما خرج اياد وهو لابس وقعد جمبها وقال: يالا اجهزى

كانت لسه  راجعه من الامتحان من ساعتين 

حور باستغراب:، ليه ؟؟ 

اياد: فرح   يارا .. انتى نسيتى 

حور: بس ده بكرا

اياد: عارف.. قومى البسي  يلا علشان نروح  نشترى. فستان ليكى  وبدله  ليا ..   تامر اخد مصطفى واشتروا البدل وانا  قولت اروح معاكى 

  حور: بس انا مس عايزه اروح 

اياد: يالا بئا .. متبقيش  كسوله

حور: حاضر 

______________

نزلوا مع بعض واياد اشترى بدله وحور كانت مُصره انها تشترى كاجول .. لكن اياد صمم انها تلبس  فستان  

جابوا اللبس واياد دخل معاها ماكدونالدز    بعد ما اكلوا      اياد  جابلها ايس كريم شيكولاته لانه عارف انها بتحب الشيكولاته  

روحوا الساعه ٩ بليل وكانوا مهدودين   من اللف .. دخلوا ناموا   وحور قامت الصبح   وصحت اياد  فطروا سوا ونزلت  الورشه ولما الساعه جت ٥ بدات  تلبس  هى واياد. وخلصوا على حوالى  الساعه ٦  

  اياد بابتسامه: قمر 

  حور:  مش هنخلص من الافراح  ديه

اياد : خدى ده عنوان القاعه وعايزين نروحه دلوقتى 

حور بصت فى العنوان وقالت:  اممم... طيب


دخلت القاعه وهى ماسكه ايد اياد .. سلموا على العريس والعروسه وكان   تامر واقف جمبها 

    قربت عليه وقالت بتريقه: مبروك 

تامر بفرح:الله يبارك فيكى .. عقبالك 

حور: لا انا بقولك مبروك علشان شلت الجبس 

تامر  بصلها بغيظ وقبل ما يتكلم  مصطفى نده وهو بيقول:، المأذون جيه..يالا يا تامر

تامر قعد ومسك ايد مصطفى والكل كان واقف بيصور    واياد  وقف جمب حور وكانوا ورا مصطفى. وتامر فى وشهم  

   تامر بص ل حور وهو بيقول الكلام ورا  المأذون  

ابتسم   لا ارادياً وفاق على كلمة  المأذون 

"بارك الله لكما وبارك عليكما وجمع بينكما في خير "

الكل سقف  وحور راحت قعدت على الترابيزه 

   قرب منها شخص وهى ابتسمتله  قعد قدامها وقال: ازيك يا حور عامله ايه 

  حور:الحمد لله بخير .. ازاى حضرتك 

_ الحمد لله.. بصراحه  يا حور انا ابنى شافك كذا مره ومعجب بيكى   وقالى اشوفله ميعاد مع اهلك علشان يقابلهم


 غلطوا فى حور جامد اوى اوى يا شباب .. طلع  بيتخيل😂💜🙈


دمتم سالمين💜🙈


                    الحلقه الخامسه والعشرون من هنا

  لمتابعة باقي الرواية زوروا قناتنا على التليجرام من هنا

تعليقات