Ads by Google X

القائمة الرئيسية

الصفحات

رواية الاسطي حور الحلقه الثالثه والعشرون


 

(23)


#الاسطى_حور

دائما اشعر بكِ. اسير وراء خيالك   لارى طيفك ...  اتعمد مضايقتكِ احيانا  لاننى احبك


تامر  جرب العربيه. وقال:   ميه ميه يا اسطى حور 

حور مردتش  عليه 

تامر: علفكره انا كنت بهزر امبارح

حور: ميهمنيش .. علاقتى بيك   كدكتور هتنتهى كمان اسبوعين ومش هاكون عايزه اعرفك تانى


    تامر بصلها بصدمه من كلامها وقال بكسره: بس انا هاكون عايز اعرفك يا حور .. متتخيليش انى هسيبك  ابداً 

بصتله حور وهى بتقول: ومتتخيلش انى هاكون  معاك ابداً .. اتفضل




ركب العربيه  بتاعته ومشي بيها لحد ما وصل البيت  

دخل من غير ما يتكلم اوضته وقعد متضايق من كلامها

_______________

حور بعد ما مشي  كملت شغل وهى بتفكر فى كلامه "متتخيليش انى هسيبك  ابداً" 

حور   فضلت  تفكر  فى كلامه  لحد ما زهقت  وطلعت  الشقه  

   فتحت  وكان اياد قاعد بيتفرج على  فيلم اجنبى بصلها وقالها :تعالى اتفرجى معايا 


  قعدت جنبه  وهى مشتته تفكيرها بيروح ويجى فى كلام  تامر .... 

       جيه مشهد من الفيلم  اللى كان بيتابعه  اياد وكان البطل بيكلم البطله وبيقولها:   "دائما اشعر بكِ. اسير وراء خيالك   لارى طيفك ...  اتعمد مضايقتكِ احيانا  لاننى احبك"

     حور كانت مركزه مع الكلام اوى 

واندمجت وافتكرت تامر تانى وهو بيقولها"متتخيليش انى هسيبك  ابداً"

يارا دخلت اوضته  وقعدت قدامه على السرير وهى بتقول: من ساعة ما جيت وانت قاعد فى الاوضه  .. ايه مالك!!

  تامر: صعبة اوى يا يارا .. صعبه فى تعاملها .. مش بتدى لحد فرصه   يتكلم معاها او يهزر حتى

يارا: وانت هزرت معاها 

تامر: امبارح لما كانت هنا  مع اياد ومصطفى.. قالتلى ان العربيه. خلصت   حبيت استفزها. فقولت بمناكشه وانتى جايه لحد هنا علشان تقوليلى  كدا .. سكتت وشكلها  اتضايقت جامد 

يارا: كويس انها مدتكش بمشرط فى دماغك ..

تامر بدون وعى  : انا حبيت اناكشها علشان بحبها مش اكتر 

يارا بخبث:  يعنى بتحبها 

  تامر : اه بحبها .. وبحبها اوى كمان ..   بحسها مش زى البنات اللى فى الجامعه المسهوكين ..   بحسها مميزه عنهم كلهم ..   بترفض ان حد يصرف عليها ..  حتى اخوها قبل ما يسافر  طلعلها فلوس مردتش تاخد منه حاجه .. عندها عزة نفس  ومش بتخلى حد يمشي رايه عليها 

يارا: يعنى انت عارف ان عندها عزة نفس ومع ذلك احرجتها فى بيتك وهى اول مره .. انت اهبل 

تامر حط ايده ورا راسه وسند على السرير وهو بيقول: اللى حصل بئا .. اعمل ايه!!

يارا: حاول تصلح اللى انت عملته ده  

تامر: يعنى اعمل ايه 

يارا بضحك: اعمل الصح

__________________

اياد: حور .. حور .. حوووووووور 

حور بفزع: ايه!!

اياد:   شارده فى ايه!!

حور: ولا حاجه .. مفيش

اياد:  ما هو باين .. مالك  طيب 

حور : مفيش .. انا هدخل اخد شاور 

________________بقلم نورهان اسلام 

      صحيت الصبح ونزلت الورشه. 

عم كمال : خطوبة ياسين بكرا يا بنتى .. 

حور بابتسامه: مبارك يا عم كمال .. ربنا يوفقه  .. باذن الله هحضر بكرا

عم كمال  ابتسملها  وطلع بيته وهى فضلت تشتغل. لحد الساعه ٧ بليل وطلعت 

____________________

اليوم اللى بعده لبست لبسها  عادى وخرجت لاياد علشان يروحوا الخطوبه 

اياد  رفع حاجبه  وقال باعتراض: هتروحى الفرح كدا!!

حور بلامبالاه: اه .. عادى 

اياد: طيب ..   تعالى 

دخل معاها اوضتها وفتح الدولاب   

اياد: انتى عندك فساتين كتير 

حور: ايوا لما  كارما بتجيب فستان ويعجبها   بتجبلى معاها 

اياد: ومش بتلبسيهم ليه!!

حور:مش بحب

اياد:حبى دلوقتى  والبسي   فستان

حور: لا 





اياد بعند: هتلبسي فستان يا حور 

حور بعند اكتر: مش هلبس يا اياد 

After  half hour 

  كارما بتفأجى: الفستان شكله حلو اوى عليكى 

حور بصت  لاياد بغيظ وهو  بص فى الفراغ 

  حور: خلانى البسه ورفض انى انزل او هو ينزل الخطوبه  الا بفستان ..  الرخم  البارد 

  كارما:، والله جدع .. شكله عليكى حلو اوى .. سلمى على  ياسين والعروسه وتعالى نقعد. مع بعض  شويه 

راحت  مع اياد وسلمت  عليهم ورجعت حور قعدت مع كارما 

After  one hour 

حور  بتعب:  مش قادره.. هما هيخلصوا امتى .. انا  سلمت على ناس كتير اوى 

   كارما:مش عارفه 

حور: انا هطلع اقف برا شويه .. دماغى صدعت من الاغانى ديه

  

خرجت  وفضلت واقفه شويه 

تامر: حور 

حور كانت عارفه الصوت من غير ما تلف قالت: نعم.. فيه حاجه!!

تامر   وقف جمبها وقال:   مش هسيبك صدقينى  .. بطلى تنعدى معايا

حور:   خلاص..خليك لازق زى الدبانه 

تامر: بطلى  كلامك الدبش ده 

حور بصتله وقالت:عايزنى اقولك ايه.. انت ايه اللى جابك  اصلاً

تامر :  جيت علشانك 

حور: طيب 

تامر: وانتى !!

حور: خليك فى حالك

تامر:  انتى حالى 

حور: طب ابعد  شويه

تامر : بطلى برودك ده 

حور بصتله  وقالت: عايز ايه من الاخر!!

تامر: مش عايز .. انا ماشي 

   حور ضحكت بعد ما مشي  وهو كان متغاظ منها 

_______________________

حور  جت تدخل الفرح لاقت اياد ساند على الباب و بيبصلها  

حور برفعة حاجب: انت هنا من امتى!!

  اياد:   من ساعة.  خليك لازق زى الدبانه   

حور وهى بتحرك  راسها :امممم.. طيب

اياد: طيب ..  تصدقى بارده فعلاً 

حور: بقولك ايه .. انت هتبقى انت وهو. ..  ما تخلصوا بئا 

اياد:  بت .. انتى عايزه اعادة تأهيل   ادخلى  

حور وهى داخله  قالت بصوت واطى:    عيال رخمه 

اياد: سمعتك وهجيبك 

حور بصتله وطلعت لسانها وقعدت جنب كارما 

________________

تامر ل يارا: كتلة برود وماشيه على الارض

يارا بضحك: ايه تانى 

تامر: بحاول اصلحها 

وحكالها اللى حصل 

يارا   قعدت تضحك ربع ساعه وتامر. اتضايق منها

تامر بغيظ: هو انا بقولك علشان تضحكى 

  يارا: انت هتفضل  لازق زى الدبانه وكملت ضحك 

تامر رمى عليها  المخده وهى بتضحك  ومع ذلك كملت ضحك

دخل الاوضه ورزع الباب بغيظ منها ومن  حور وهو بيقول:  بارده زيها 

______________

    حور كانت بتحاول تتجنب تامر فترة الإمتحانات  ولو  صادف  وكان هو المراقب  مكنتش بتهتم ..  

   فضلت على الحال ده  طول فترة الإمتحانات

    وفى مره تانيه لما كان هو المراقب بصلها بحب وهى بتحل وقرر انه هيروح يعترفلها  بعد الامتحان 

اول ما  الامتحان خلص وهى خارجه نادى عليها:، حور

بصتله  فقربلها وهو بيقول بحب:، بحبك .. 

الطلاب كلهم بصوله وفيه منهم اللى كان  بيضحك واللى كان  فرحان  بس  فجاءة الكل سكت لما حور اديته بالقلم 

يتبع

دمتم سالمين💜💜

                 الحلقه الرابعه والعشرون من هنا

  لمتابعة باقي الرواية زوروا قناتنا على التليجرام من هنا

تعليقات

تعليقان (2)
إرسال تعليق

إرسال تعليق