رواية انتقام عشق الحلقه التاسعه

 

#انتقام_عشق بقلم #ياسمينا ٭٭البارت التاسع٭٭

*ف المستشفي  *

*‏ادهم ومالك كانوا واقفين قدام اوضه العمليات 

*‏مالك  بضيق:  مين الي عمل كل ده 

*‏ادهم:  احلام بس وربي مانا سيبها 

*‏مالك:  واتجوزتها ليه فهمني 

*‏ادهم بضيق: خلاص عشق عرفت كل حاجه للاسف والحقيقه بانت بس جوازي من احلام لسه له فايده انا هخليها علي الحديده انا هخليها  تندم ندم السنين 

*‏هاجر تدخلت وقالت  : احم وعشق

*‏مالك:  هتجوزها

*‏هاجر بحزن:  وانت ليه عملت كدا من الاول 

*‏مالك مردش عليها وهي بصت ف الارض بحزن خلاص كدا حبها ضاع منها....  

*‏ادهم:  سؤال هو عشق ممكن تخسر البيبي

*‏هاجر:  لا يعني احنا لحقنها يارب الدكتور يبقا شاطر هيقدر ينقذ البيبي 

*‏ادهم ابتسملها وبعدين بص لي مالك وقال ف سرو:  يخربيت حظك ياشيخ حتي الي بتحبك ملاك انما انا الي بتحبني عقربه.... 

*‏____________________________________

*‏*عند حازم عرف الي حصل لي عشق وخرج من شقته لقى ندي طالعه من شقتها 

*‏ندي بصتله بستغراب وقالت:  مالك 

*‏حازم بقلق:  عشق ف المستشفى  

*‏ندي بصدمه:  ايه طب مستشفى  ايه عشان اروحلها 

*‏حازم:  تعالي معايا 

*‏ندي بضيق:  لا شكرا انا

*‏حازم قطعها بحزم وقال:  هستناكي تحت 

*‏حازم نزل وندي اضايقت وبعدين نزلت وراه وجت تركب ورا بس حازم اتحرك بالعربيه لي ورا وبقا قدامها الكرسي  الي قدام 

*‏حازم:  يلا مفيش وقت تخيلي ان فيه ناس قعدين ورا عادي يعني

*‏ندي ركبت بغضب وقالت:  طيب 

*‏ندي ركبت وحازم اتحرك وبدا يحكلها الي حصل ف عشق 

*‏ندي:  ينهار اسود يعني مالك هو السبب 

*‏حازم بغضب:  ايوا والله لما اشوفه مش هرحمه

*‏ندي بعدم تصديق:  مش باين عليه كدا باين عليه انه محترم ومتعلم وراقي وهادي كدا وجنتل و

*‏حازم قطعها وقال بغضب :  نعم؟!!!!! 

*‏ندي بحرج:  احم مش قصدي طب سرع بقا عايزه اشوف عشق

*‏حازم:  طيب 

*‏_____________________________________

*‏*قدام اوضه العمليات *

*‏ادهم:  يابني روح ارتاح انت تعبان

*‏مالك: لاااا 

*‏الدكتور طلع وادهم قرب منه بلهفه: ها يادكتور

*‏الدكتور: متقلقوش البيبي كويس وهي كويسه بس لازم تقعد ف السرير طول الوقت ومتتحركش بقا فيه نسبة خطوره علي البيبي

*‏ادهم: إن شاء الله.... نقدر نشوفها؟!

*‏الدكتور: اه بعد شويه سبوها ترتاح...

*‏الممرضين نقلوا عشق أوضه عاديه والكل واقف قدام أوضتها

*‏مالك: احلام فين 

*‏هاجر  : مشيت 

*‏أدهم بابتسامه: احنا تعبناكي معانا

*‏هاجر: لا والله ولا تعب ولا حاجه انا هفضل مع عشق لغايه لما تقوم بسلامه

*‏مالك: انا اسف اني حطيتك ف كل ده 

*‏هاجر ابتسمتله ومردتش وفي لحظه دي حازم وندي وصلوا وحازم اول ماشاف مالك قرب منه وضربه ف وشو.... 

*‏حازم بغضب: انت احقر انسان شوفته ف حياتي

*‏ادهم قرب من حازم وقال بغضب: انت بتضربه ليه اللي حصل حصل 

*‏حازم: اهااا طبعا مهو صحبك مش همك البنت الي مرميه جوا الي كانت لعبه ف أيديكم

*‏ادهم بضيق: انا عارف انت حاسس بايه بس صدقني زاي مانت هتموت علي صحبتك كدا ف مالك صحبي انا عارف انه غلط بس.صدقني مقدرش اقف ف وشه

*‏حازم بغضب: ده كلام ناس تافهه انت شيطان اخرس 

*‏ادهم: شيطاااان ليه هو انت بلغت البوليس وجيت قولت شهاده زور 

*‏حازم بتحدي:  لو بلغت البوليس هتشهد علي صحبك ولالا

*‏مالك كان منتظر الاجابه والكل بص لي ادهم

*‏ادهم فضل ساكت دقيقه وبعدين قال: مقدرش اشوف صحبي ف سجن

*‏حازم ابتسم بسخريه وقال: واطي.

*‏ادهم بثقه: ربنا بيسامح اي حد ندمان يااستاذ ومالك ندمان وانا مش هسبها توصل للبوليس هو هيدخل يتكلم مع عشق الي حصل حصل تمام

*‏ندي ادخلت وقالت: بظبط كدا احنا منقدرش نغير الماضي بس نقدر نغير الحاضر بص ياحازم انت لو مكان مالك عشق كانت هتعمل زي ادهم واوع تنكر ده

*‏حازم بزعيق: بس دول كان بينهم مشاكل كتير دول كانوا اعداء اصلا

*‏مالك اخير خرج من صمته وقال: العدو سعات بيبقى احسن صديق حقك تتعصب وتزعق بس بردو انت لازم تفهم اني بجد ندمان انا واحد ابوه رجله اتشلت انا واحد شوفت ابويا بيضرب قدام عيني ومقدرتش اعمل حاجه والاب الي كنت بشوفه واقف علطول ف ضهري وبيعمل المستحيل عشان يجبلي اكول بقا قاعد علي كرسي متحرك الغل والحقد ملى عيني انا عارف ان ده مش مبرر بس بجد انا ندمان 

*‏ندي  : طيب بس لازم تقرب من ربنا يعني انت بعيد عن ربنا بشكل كبير قرب من ربنا عشان يسامحك

*‏حازم بضيق: ماحنا بنعرف نتكلم اهو

*‏ندي بضيق: بفهمه

*‏اما هاجر كانت ساكته كانت همها بس راحت مالك ماشيه بمقولة الي بيحب حد بيتمناله الخير حتي لو مع حد تاني غيره....

*‏مالك: داخل اتكلم معاها 

*‏مالك دخل لقه عشق لسه بتبدأ تفوق....ومالك قرب من علي سرير وقعد*‏عشق بصتله

*‏مالك: انا اسف

*‏عشق ضحكت بسخريه وقالت: ليه هو ضربتني علي ايدي ولا دوست علي الفتسان بتاعي

*‏مالك: عشق انتي كنتي هتسامحي ادهم

عشق بغضب: ادهم.... ادهم اللي اتجوزني وانا حامل ومكنش يعرف انا حامل من مين  دا أنت  مفروض تبوس ايده ورأسه..

مالك بضيق:انا غلطت بس والله

عشق: انت ندمان طب اعمل بندمك ايه لا وكنت عامل زي التعبان جت لفيت علي رقبتي وفضلت توسوس ف دماغي عشان افضح صحبك

مالك مردش عليها

عشق رغم ان تصرفتها طفوليه الا انها ذكيه جدا وقويه وتقدر تشيل المسئوليه

عشق: احم وبنسبه لي ابنك ف هو 

مالك قطعها وقال:  مش هيتربى بعيد عني واظن انك مش هتقدري تبعدي عنه

عشق بضيق: عايز ايه مثلا تجوزني

مالك بثقه: اه

عشق بتحدي: بس انا مش هطلق من ادهم 

مالك بصدمه: ليه

عشق ببرود: كيفي كدا يااخي انت مالك

مالك بغضب: طب حطي ف بالك بقا ان ادهم كدا كدا هيطلقك وابنك هيتربى معايا لو حابه تجي تربيه معايا يبقى تعالي مش حابه خلاص انتي حره 

عشق بدموع: انا مش عايزه اتجوزك 

مالك بصلها بضيق وبعدين قرب منها ومسك كف ايدها وقال  :  والله انا اسف والله ندمان انا غلطان انا عارف بس بجد تعبت من كل ده انا حابب ابني يبقى جمبي ده اللي هيعوضني عن السنين دي كلها 

عشق شالت ايدها بسرعه وبصتله بحزن

مالك بحزن: طول حياتي تعب وتنمر من كل الناس لمجرد ان ابويا بواب ولما كسبت صاحب بجد الدنيا  جت عليا وفرقتنا وابويا اتشل اه كسبت فلوس و مكانه مهمه بس خسرت كتير خسرت ابويا  وصحبي اسف اني اذيتك بس بجد  ندمان ابني ده هيعوضني كتير هيبقى حاجه شبه طبطبه علي القلب انتي نفسك لما تشوفيه هتنسي كل الوجع اللي عيشتيه

عشق سكتت وبدأتت تفكر ف كلامه وقالت بلاوعي:  وادهم 

مالك بستغراب: انتي مالك بأدهم

عشق سكتت ومردتش 

مالك: ها موافقه

عشق بجمود: موافقه 

مالك ابتسم وقال: يبقى هكلم ادهم يطلقك 

عشق بصدمه: بسرعه دي

مالك: مفيش وقت...

ادهم قرب من الباب وفتحته...ولاقهم واقفين

مالك: ابعت هات المأذون ياادهم علشان تطلق عشق 

ادهم بص لي عشق وقال: طيب 

حازم بص لي ادهم وهاجر كان باين عليهم الحزن.. 

حازم قرب من ندي وفضل يتكلم معاها بصوت واطي وبعدين  مشي من جمبهم

مالك: طب روح يلا 

ندي بتوتر:  ها لا استناااا 

ادهم بستغراب:  ايه

ندي بلعت رقها بتوتر وقالت:  احم انا...  

ادهمّ  بخبث: انتي ايه بتحبيني 

ندي بغضب:  نعم

ادهم بضحك:  اعملك ايه طيب ما شكلك بيقول كدا

مالك:  مالك يابنتي فيكي حاجه

ندي:  اصل 

مالك بص لي ادهم:  لا مانا معنديش وقت 

ادهم:  وانا عندي  المراره طفحت 

ندي بضيق:  اووووووف 

ادهم  :  بنت عيب بتهففي ف وشنا 

فجأة الكهربا قطعت ف المستشفى  وندي صرخت بسعاده وقالت: اخيرااااا

ادهم:  اخيرا ايه 

ندي زقت ادهم جوا الاوضه وحازم جاه كان منور كشاف تلفونه

حازم:  مالك تعال نشوف الكهربا وانتي ياهاجر تعالي اندهي اي دكتور يشوف الموضوع ده مالك وهاجر مشيوا معاه

ادهمّ  بضيق:  يابنتي انتي بدخليني جوا ليه

ندي: سامحني يارب علي الي هعمله دلوقتي 

ندي زقت ادهم جوا الاوضه ومسكت الباب وقفلته بالمفتاح وبعدين فتحت كشاف تلفونها وقال:  نجحت 

اما حازم زق مالك وهاجر ف الاوضه تانيه

مالك بغضب:  ايدي يابني انت مش شايف

حازم بخبث: مانا فعلا مش شايف...

حازم قفل عليهم بالمفتاح والكهربا جت 

حازم وندي بصو لبعض وندي قالت: احنا ليه عملنا كداا

حازم بخبث:  علشان يقضو شويه وقت سوا

ندي بصوت عالي:  نعمممممم

حازم: يارتنا اخدنا اوضه احنا كمان 

ندي حاولت تهده وقالت:  انا ازاي عملت كدا 

حازم:  اهده بقا خلينا نشوف هيحصل ايه.... 

عند ادهم بص لي عشق 

عشق بقلق:  هو فيه ايه

ادهم بغضب:  صحبك الكلب 

عشق:  حازم 

ادهم خبط علي الباب وقال:  انت يازفت 

حازم:  احم نعم 

ادهمّ  :  اقسم بالله لو مافتحت الباب لافتح  رأسك ياحيوان

مالك بغضب:  انت اتجننت افتح الباب احسلك 

حازم  :  تمام خلصتوا بس حابب اقولكم حاجه خدو وقتكم شوف انت مثلا يامالك مستعد تعيش مع عشق ولالا لمجرد انك عندك ابن منها اما أنت يا ادهم ف فكر هل انت هتقدر تطلق عشق ولالا وانتي ياعشق شوفي راحتك مع مين اما هاجر بقا ف اظن انتي فهمتي انا عملت كدا ليه... 

_________________________________

*عند ادهمّ *

*‏ادهمّ  :  هنتكلم ف ايه يعني معندناش حاجه نتكلم فيها

*‏عشق:  متاكد

*‏ادهم بتوتر:  اه

*‏عشق بضيق:  ماشي

*‏ادهمّ  بضيق: لا فيه كلام 

*‏عشق بغضب:  ايوا فيه كلام عندي كمان 

*‏ادهم:  طب قولي 

*‏عشق بتوتر:  الصراحه كدا انا مش عاوزه  اطلق

*‏ادهم ابتسم وقال: و

*‏عشق قطعته وقالت:  انا عارفه ان كل ده مش ذنبك وصعب تتقبل ده بس انا مش عايزه اطلق*‏ادهمّ  بخبث:  وليه بقا مش عايزه تطلقي

*‏عشق: معرفش 

*‏ادهم قعد قدامها وقال: ولا انا عايز اطلقك

*‏عشق بسعاده: بجد 

*‏ادهم بحزن: بس للاسف لازم.اطلقك علشان صاحبي وابنه

عشق بضيق: اه طبعا هو الاهم ماشي

ادهم بابتسامه: انا مش عايز اطلقك عشان 

عشق قطعتها بغضب:مش عايزه اعرف

ادهم: اسمعيني

عشق فقدت اعصبها وقالت: ايوا طبعا مانت اتجوزت احلام بس علفكره هي مش احلا مني ف حاجه وعايزه اقولك انت ادبست ف خزوق روحلها قاعد معايا ليه يلا اتفضل روح وانا

ادهم حط ايدو علي بوقها وقرب منها وبص ف عنيها وقال: مش عايز اطلقك عشان بحبك 

عشق فتحت عنيها كلها من صدمه وادهم كمل بضحك وقال: انا معرفش حبيت فيكي ايه اصلا بس بصراحه  حبيتك حسيتك بيبي صغير لسه مولد عايز الي يرشدله الطريق انا بحبك ياعشق بس القدر ضدنا للاسف

عشق عضت ايدو وادهم قال بألم:ايه يامجنونه

وشال ايدو

عشق بسعاده:  انت قولت ايييييه؟!!!!!!!!!!؛!!

_________________________________

*عند مالك *

*‏مالك: هو فيه ايه هو قال انك عارفه ليه عمل كدا 

*‏هاجر بتوتر: ها لا معرفش

*‏مالك بحده: هو انا لعبه ف ايديكم ماتنطقي

*‏هاجر مردتش وبصت ف الارض

*‏مالك بغضب: ردي 

*‏هاجر مردتش 

*‏مالك قرب منها ومسكها من ايدها وقال: بصيلي 

*‏هاجر مردتش 

*‏مالك رفع راسها وخلها تبصله وقال بغضب: ف ايه 

*‏هاجر بتوتر: مفيش 

*‏مالك  بصوت عالي: انطقي بقا 

*‏هاجر زقته بأيدها وقالت بغضب: عايز تعرف ايه يعني اذا كان الشخص الغريب عرف انا مااااالي انت واحد مبتحسش ٥ سنين..... ٥ سنين ياشيخ معاك وانت مش حاسس واتجوزت وجرحتني قولت ماشي هو مش بيحبها وبعدين طلقتها بس انا مش هقدر المره دي استحمل ياشيخ دا لو حمار كان حس انت ازاي محستش السنين دي كلها اني بحبك 

*‏مالك بصدمه: بتحبيني.........؟!!!!!!!!!!!!!

★★★★★★★★★★★★★★★★★

ياترى عشق وادهم هيعشوا حياة سعيده ولا؟!

ياترى أحلام هتسكت ولا؟!

تفتكروا ادهم هينتقم من أحلام ازى؟! 🤔

ياترى ايه مصير الأبطال مع بعض؟!

                     الحلقه العاشرة من هنا

لمتابعة باقي الرواية زوروا قناتنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال