#مجنونة_أسرت_قلبى
البارت الثانى
ياسين بعصبيه : طبعا هو جناب سيادتك هامه حاجه
صقر بغضب : ولا اتلم وأظن انى قولتلك مليون مرة متعليش صوتك
رايح جاى بغضب فى المكتب
ياسين : أبوك ملقاش حاجه يعملها غير أنه يجوزنى هو أنا عيله يا جدعان
صقر : أبوك وأدرى بمصلحتك واهدى بقى
ياسين : أنت الكبير هاه ليه مجوزكش أنت
صقر : اطلع برة يالا ولما تشوف الصايع أخوك قوله ييجى علشان عاوزه
///////////////////////////////////////////
عند ورد فى التليفون
ورد بغضب : بت متعصبنيش بقولك جايين النهاردة
صبا : بصى يا ورد أنتى مش موافقه اقعدى وطفشيه زى ما بنعمل عادى يعنى
ورد : ماهو المشكله فى أبويا مش هيعديها بالساهل بس ماشى يا عاصم
صبا بضحك: يا بنتى بقى ده أبوك
ورد : صدقينى أشك والله المهم مرات أخوك ولدت
صبا : أيوة وجابت صبا صغيرة قمر أوى
ورد بشهقه : يا نهار أسود احنا ناقصين واحده لما يجيبو لنا التانيه
صبا بغيظ : روحى يا بعيدة الهى أبوك يجوزهولك غصب وتحبوا بعض آمين
///////////////////////////////////////////////////
الساعه سبعه
محمد : يلا يا ياسين
ياسين بابتسامه ماكرة : يلا يا حبيبى
محمد بخوف : ياسين أنا أبوك لو فكرت تعمل حاجه ربنا هيقفلك
ياسين : ودى تيجى يا بابا يلا علشان منتأخرش على العروسة
راحوا وياسين بيتوعد لها
عاصم بترحاب : محمد منور يا راجل
محمد : بنورك عاش من شافك
صقر : أظن أنكم شايفين بعض امبارح ملوش لازمة الجو ده
عاصم بهمس : هضريه هضربه
محمد : لو تقدر ده أنا بخاف منه
قعدوا وشويه وورد جات وقدمت الحاجه
عاصم : نسيبهم مع بعض شويه بقى
////////////////////////////////////////////
بعد أما طلعوا
ياسين : أنتى يا قومى هاتيلى الطفايه
ورد : وأنت اتكسحت ماتقوم أنت
ياسين : اتكسحت فى واحده تقول لجوزها كده
ورد : جوزها مين يا عنيا أنت صدقت ولا ايه بص علشان منكترش فى الكلام أنا قاعدة القعدة دى غصب عنى
ياسين بصدمه : بتهزرى
ورد : وأنت مين علشان أهزر معاك أنا مش موافقه ياريت تطلع تقول انك مش موافق معلش
ياسين : طب وليه ماتقوليش انك أنتى اللى مش موافقه
ورد : علشان أنت ابن عمى بقى فأبويا قال ايه هتتجوز واحده من برة
ياسين فى نفسه : يا بن ال يا بابا أنت وأخوك متفقين علينا
ورد : يا بنى أنت روحت فين
ياسين بابتسامه: اظاهر أن فى سوء تفاهم بصى يا ستى أنا وأنت قاعدين غصب عننا فكل واحد فينا يقول أنه مش موافق
ورد : قصدك
ياسين : بالظبط نفس اللى اتقالك اتقالى
ورد : آه يا عاصم يابن كريمه ماشى أنا آسفه على الطريقه اللى اتكلمت مع حضرتك بيها
ياسين : حضرتك بعد ايه ولا يهمك المهم
ورد بابتسامه ساحرة : متقلقش أنا مش موافقه ومدت ايديها فرصه سعيدة
ياسين : أنا أسعد يلا نقوم بقى
محمد : هاه يا ولاد اتفقتوا
ورد : بصراحه يا عمى
عاصم : لأ دول شكلهم اتفقوا شايف عاملين ازاى
ياسين : لأ حضرتك احنا مش
محمد بمقاطعة علشان فاهم ابنه : خلاص بقى الخطوبه الخميس الجاى أن شاء الله
ورد بصدمه : خميس ايه
عاصم : متأخر صح أنا بقول كده برده خلاص يبقى بكرة إن شاء الله
ياسين : احنا محتاجين وقت نتعرف فيه على بعض
عاصم : ليه بس. هى اسمها ايه
ياسين باستغراب الموقف : ورد
محمد : وهو اسمه ايه
ورد : ياسين
عاصم : خلاص على خيرة الله أن شاء الله نتقابل بكرة بقى
ورد وياسين بصدمه : 
ومشوا والاتنين لسه في صدمتهم
اليوم عدى بدون أحداث تذكر وجه اليوم اللى بعده
//////////////////////////////////////////////
ورد بغيظ : منك لله يا بعيدة الهى يبتليكى بواحد يطلع على جتتك كل ده
صبا : وأنا مالى الله
ورد : ماشى يا صبا المهم أنتى تجيلى النهاردة
صبا : عيب يا صاحبى أسيبك فى جوازتك يا راجل
ورد : غورى يا صبا
///////////////////////////////////////////////
صقر مش عارف يشيل صبا من تفكيره وخصوصا جسمها وهو من النوع اللى لما بيعوز حاجه بياخدها وهو عاوزها
صقر : أمل هاتيلى ملف كامل عن عادل التهامى اللى فى الحسابات
بعد وقت
أمل : حضرتك هو كان استلف من الشركه مبلغ ولسه مرجعهوش
صقر : طيب ابعتيهولى
عادل : أيوة يا فندم
صقر : اتفضل يا عادل مراتك عملت ايه
عادل باستغراب : بخير الحمد لله خير حضرتك فى حاجه
صقر : لا أبدا بس مين اللى جات هنا امبارح دى
عادل : دى أختى الصغيرة
صقر : صغيرة يا راجل دى جامده
عادل بعصبيه : أفندم
صقر : عادل كنت استلفت فلوس مجيبتهاش ليه لدلوقتى
عادل بتوتر : ماهو حضرتك عارف ظروفى يعنى بس أنا بحاول والله
صقر ليقوم من مكانه : مفيش داعى انك تجيبهم أنا مش عاوزهم أصلا
عادل : لأ يا فندم أنا بجد هجيبهم اديلى وقت بس
صقر بنبرة خبيثه : تؤ قولتلك مش عاوزهم أنا عاوز حاجه تانيه
عادل : خير
صقر : أختك عاوزها عندى
عادل بغضب : نعم أنت سامع أنت بتقول ايه
صقر : أيوة أنا قلت حاجه غلط لاسمح الله
عادل : أنت جاى تطلب أختى لطلب زى ده أنا مستحيل أقبل
صقر : أظن أن أختك أحسن من أن بنتك تكبر وأبوها فى السجن بتهمه اختلاس ونصب خمسه مليون جنيه من الشركه
عادل بصدمه : اختلاس بس أنا معملتش كده
صقر : مانا عارف بس أنا هقول انك اختلست
عادل : عادى اتسجن أحسن من اللى أنت بتقوله ده
صقر بضحك بصوت عالى : حتى لو اتسجنت أنت عارف انى أقدر برده ولا ايه
عادل بحزن : مقدرش أطلب منها كده ده زنا وحرام وهى مش هتعمل حاجه زى كده
صقر بخبث : يبقى أتجوزها
بدل ماتدور وتبحث علي الروايات خليها علي تليفونك وحمل تطبيقنا
