#شارع_الحب🖤🌠
#Farah_Wael
البارت 18 والاخير
يوسف دخل الاوضة : سيف احنا عا...شذا !!!!!
فيروز : سيف !!!!!!
يوسف خد فيروز وخرجها : مستنيك بره ..
فيروز : هما ازاى كده ...
يوسف : انا بصراحة مش فاهم حاجة
سيف خرجلهم : اااا..انا
فيروز : بس بس .. احنا مش متضايقين خالص ..
يوسف : والله غبى ..بس المهم .. احنا كنا عايزين نقولك ..
فيروز : انت محروج ليه ...ما تقوله ..انا مش عايزاك يا سيف ..انا لسه بحب يوسف
سيف : نعم ...ده من ايه ده انشاء الله ..الكلام ده مش هيحصل
يوسف : هيحصل ..وهتشوف ..بقولك يا قلبى ..انتى هتروحى امتى
فيروز : المفروض بكره #Farah_Wael
يوسف : ليه ما خير البر عاجله ..تعالى نروح دلوقتى واتقدملك
سيف : انت اتجننت انت ناسى انها خطيبتى
يوسف بأستهزاء : ياا رااجل
فيروز قلعت الخاتم : وادى خاتمك عشان متقولش انى خطيبتك ..خد
يوسف : اظن انها مبقتش خطيبتك ..
سيف : فيروز ..انا بحبك
شذا : نعم ..انت مش قولتلى انك مش بتحبها ..وهتسيبها لما ترجع القاهرة ..وساعتها هتخطبنى
سيف : ااا ايوة طبعا
شذا : الله ..كيوت اوى الخاتم ده ..ايه مش هتتقدملى
سيف : تتجوزينى يا شذا
يوسف : علاقة مقرفة
فيروز : اوى
شذا : انا موافقة ...ييييي بصى يا فيفى الخاتم
فيروز : حفظاه يا حبيبتي حفظاه ...متنسيش تيجى تحضرى الخطوبة بتاعتى
شذا : اكيد هاجى
فيروز : يلا يا چوو #Farah_Wael
يوسف : يلا يا روحى
فى القاهرة
راضى : سيبتيه ليه ..
فيروز : يا بابا سيبته وخلاص ...
راضى : ليييه
فيروز : هتفهم يا بابا ..بس بكرة ..فى حد عايز يقابلك
راضى : مين
فيروز : ااا ...يوسف
راضى : مين يوسف ده
فيروز : يوسف ..اا ..صاحب خالد
خالد : يوسف رجع القاهرة ..مقاليش يعنى
فيروز : مهو لسه راجع امبارح
راضى : وعرفتى ازاى يا هانم
فيروز : اتقابلنا ف اسكندرية..وهو اللى رجعنى القاهرة
راضى : طب وسيف فين
فيروز : سيف مع خطيبته اسمها شذا بس ايه عسولة اوى وتحس انها بنت ذوات كده #Farah_Wael
راضى : انا مش فاهم حاجة
فيروز : بكره يوسف هيجى ويشرحلك كل حااجة
تانى يوم
يوسف : سلام عليكم يا عمى
راضى : وعليكم السلام ... اهلا يا بنى تعالى
يوسف : حضرتك عارف انا جاى ليه
راضى : لا والله
خالد خرج حضنه : عاش من شافك يا بنى عامل ايه ..
يوسف : الحمدلله واحشنى والله
خالد : حبيبي يسطا اقعد
يوسف : ااا...حضرتك عارف ان سيف خطب صح ..
راضى : عرفت ..بس اللى معرفهوش ..فيروز سابته ليه
يوسف : بصراحة ..انا محرج انى اتكلم ف حاجة زى كده ..بس انا كنت ف اسكندرية مع زميلتى ف الشغل ..ولما عرفت ان سيف هناك ..روحتله انا وهى وسيف ...خان فيروز معاها ..ف فيروز مستحملتش واديته الخاتم بتاعه ..
راضى : ازاى يعمل كده #Farah_Wael
يوسف : والله هو ده اللى حصل ..و انا بصراحة لسه بحب فيروز وشاريها ..ف لو تقبل تجوزهالى هبقى ممنون لحضرتك طول عمرى
راضى : صحيح انت غبت عننا سنتين ..عملت فيهم ايه
يوسف : احم ..انا كنت قايل لحضرتك انى ببنى مطعم ف اسكندرية ..الحمدلله بنيته وبنيت شاليه وبنيت زيهم ف شرم الشيخ ..و بصراحة انا كاتب اللى ف شرم بأسم فيروز ..
راضى : نعم ..
يوسف : والشقة اللى اللى ف القاهرة كمان بأسمها ..انا اول ما اخدت الشقة كتبتها بأسمها ..هى رفضت بس انا مغيرتهوش
راضى : بس مش شايف ان كده كتير عليها
يوسف : فيروز لو طلبت روحى هدهالها
راضى : طيب انت ايه اللى خلاك ترجع تتقدملها تانى
يوسف : عشان بحبها #Farah_Wael
راضى : انا فى سؤال كده سألتهولك وانت مردتش ..انت كنت عيل طايش ايه اللى حصل
يوسف : فيروز غيرتنى ..حبها غيرنى كنت عايز ابقى حاجة كبيرة عشان لما اجى اتقدملها ..مترفضش زى اول مرة
راضى : طب لو رفضتك تانى ..
يوسف : هعدى سنتين اكون كبرت اكتر ..وارجعلها
راضى : مش خايف حد تانى ياخدها
يوسف : فيروز مكتوبالى عند ربنا ..ولو مش مكتوبالى ف مكنتش هبقى قاعد هنا دلوقتى
راضى : طب هسألها ( دخل لفيروز لقاها قاعدة متوترة وخايفة )
راضى : خايفة
فيروز : هو مشى يا بابا
راضى : لا قاعد بره ..
فيروز : طبعا حضرتك قولتله لا
راضى : انتى موافقة عليه
فيروز : بابا ..انت عارف انى بحبه بقالى ست سنين ..وهو بقاله يجى عشر سنين بيحبنى ..مش حرام اسيبه ..انا مكتوباله يا بابا ..لأنى كنت بدعى ف كل صلى انه يكون من نصيبى ..ربنا مخيبش ظنى
راضى : طب البسى حاجة بدل الأسدال ده
فيروز : ليه #Farah_Wael
راضى : شوف البت ..هتطلعى لخطيبك ب الأسدال
فيروز : لا هو بي...ايه ..بجد يا بابا انت موافق
راضى : موافق عشان سعادتى من ساعدتك
فيروز حضنته : يا حبيبي يا بابا ...تسلملى يارب
راضى : ربنا يخليكى ليا ...وليه برضو منتى خلاص خطيبته ..البسى حاجة بقى
فيروز : لا هو بيحبنى بالأسدال
راضى : طب يلا
خرجوا بره
راضى : انا بديك عينى اللى بشوف بيها ...لو اتأذت ولا جرالها حاجة ..انت حر
يوسف بفرحة : متقلقش طبعا ...دى جوه قلبي ..مش كده
فيروز بكسوف : كده
خالد : اااه ..من لقى احبابوا نسى اصحابوا
راضى : عايز ايه انت كمان ...
خالد : استنى فى حد عايزكوا
فيروز : مين
سيف : انا
فيروز : انت ايه اللى جابك هنا
راضى : سيبيه يا فيروز ..تعالى يا سيف
فيروز : يا اخى مش مكسوف من نفسك
يوسف : فيرووز ..استنى #Farah_Wael
سيف : تعالى يا شذا
شذا : الدنيا حر اوى هنا ..معندكوش تكييف
فيروز : لا إله إلا الله
سيف : كويس انى اطمنت عليكوا
يوسف : تقصد ايه
سيف : انت مقولتلهمش ليه يا عمى
راضي : كنت مستنيك ...بص يا يوسف ..سيف كان عامل الحوار ده عشان عرف انه غلطان ف حقك ..و حق صاحبه
فيروز : مش فاهمة حاجة
راضى : انتوا كنت ا فاكرين ان سيف ميعرفش ان الشاليه بتاع يوسف ..كان عارف وحجز فيه قصد ..عشان تقربوا من بعض تانى ..وساعتها لما شاف شذا فهمها هو جاى ليه .. وشذا ساعدته ف انكوا ترجعوا لبعض
يوسف : طب و ..
سيف : مفيش حاجة حصلت بينا ...بس انا فعلا حبيت شذا ...واتقدمتلها قدامكوا وهى وافقت
يوسف : طب ماقولتليش ليه
سيف بضحك : حبيت افاجأكوا
شذا : خلاص بقى يا چوو ..ما انت اتفقت معايا انى اغيظ فيفى ..
يوسف : احم #Farah_Wael
فيروز : والله ..يعنى انت مكنتش بتحبها
سيف : الله ..ما انتى كمان قولتيلى ما اصغركيش قدامه
يوسف ضحك
فيروز : الله يكسفك يا سيف..مش عارف تسكت
راضى : الفرح هيبقى بعد الدراسة ما تخلص
يوسف : وهيبقى ف احلى مكان ف مصر
خالد : طب استنوا استنوا ...سيف انا طالب ايد هاجر
سيف : ايه
هاجر : انا جييت
خالد : اهى جت ...هاجر تتجوزينى
هاجر : ايه يسطا ده .. اومال انا جاية عشان ايه .. احم اصدى يعنى اسأل اخويا
سيف : لسه فاكرة انى واقف ...انا موافق ويبقى 3 عرايس و 3 عرسان
فيروز بتكتب اخر سطر ف كتاب " بس ودى كانت قصتنا ..كلها حب ومغامرات ...انا دلوقتي معايا حور ..ورهف ..و زين وفاتحة عيادة كبيرة ..ورغم كده بهتم ب اولادى وبدراستهم .. وحبيبي مش مخلينى محتاجة اى حاجة ..بحبه اوى ..چوو "
#The_End
#Written_by_Farah_Wael
#Love_Street🖤🌠
#شارع_الحب🖤🌠
#By_By
تمت
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
