الفصل السابع
كلموا ادهم في المدرسة وبلغه ان حبيبه تعبانة واغمي عليها وادهم راح المدرسة باسرع وقت وساب كل حاجة وراه وكان جواه احساس غريب خايف عليها بشكل هو استغربة خايف يخسرها خايف تتعب باي شكل اول ما وصل لقها في اوضة الكشف بتاعه المدرسة ودخل اول ما حبيبه شافته جريت عليها واتعلقت ف رقبته وفضلت تعيط بخوف
ادهم قعد يطبطب عليها اهدي با حبيبه اهدي بس مالك
حبيبه بعياط انا خايفة خايفة اوي يا ادهم
ادهم طبطب عليها بحنان اهدي بس خالص انا موجود اهو ومفيش حاجة خلاص وبص لدكتور ومديرة هو ايه اللي حصل
المديرة معرفش والله يا ادهم بيه هي وقعت الدكتورة بتقول ضعطتها وطي بس
ادهم طب شكرا اتفضلوا انتوا الدكتورة والمديرة خرجوا
ادهم خلاص بقي احكيلي بس خايفة من ايه
حبيبه مش عارفة انت بعد ما مشيت خبط ف واحد هنا اول ما شوفته حسيت ان الدنيا بتلف بيا واغمي عليا بس ده شكله يعرفني يا ادهم ده قال اسمي قبل ما يغمي عليا
ادهم طب اهدي وانا هبقي اشوف الموضوع ده يلا نروح
حبيبه اه يا ريت انا تعبت اوي
ادهم طب يلا وخدها وخرجوا لقوا ياسر في وشهم
ياسر ازيك يا حبيبه سلامتك
حبيبه برتباك هو هو انت تعرفني
ياسر بستغراب نعم
حبيبه يعني انت عارف انا مين واهلي وكدة
ياسر ضحك انتي بتهزري صح
ادهم هو حضرتك مين كدة
ياسر انا مستر ياسر مدرس هنا ف المدرسة يا استاذ ادهم
ادهم بصله بغضب طب عن اذنك عشان متاخرين يلا يا حبيبه
حبيبه طب ياادهم استني
ادهم زعق قولت يلا واخدها ومشيوا راحوا البيت
اول ما دخلوا لقوا بنت بتجري عل ادهم واتعلقت في رقبته
ليلي بدلع ادهم حبيبي وحشتني خالص
ادهم احم ازيك يا ليلي
ليلي بدلع كويسة لما شوفتك يا حبيبي وبصت لحبيبه وهي ماسكه دراع ادهم
ليلي بغيرة من دي يا دومي
سوسن جت من ورها دي حبيبه يا ليلي اللي حكتلك عنها سلمي يا حبيبه عل ليلي خطيبة ادهم
حبيبه بصت لادهم بصدمة احم ازيك يا انسة ليلي
ليلي بقرف اهلا
حبيبه طب عن اذنكوا هطلع انام عشان تعبانة اوي
سوسن بخبث سلامتك
حبيبه الله يسلمك عن اذنكوا وطلعت
سوسن ادهم ليلي هتقعد عندنا كام يوم
ادهم بضيق تنور يا امي عن اذنكوا بقي عندي شغل انا ماشي
........
بعد حوالي 5ساعات
لميس طيب يا احمد خلاص انا هتصرف وهنزل
احمد ماشي يا قلبي مستنيكي سلام
لميس اخدت نفس اجمدي كده يا لميس مفيش حاجة هتحصلك يلا وقامت لبست ونزل تروح لاحمد
.........
حبيبه نزلت الجنينه خبطت ف ليلي من غير ما تقصد
ليلي زقتها بقولك ايه يا بت انتي تتجنبيني خالص ومتحوليش تخليني اشوفك مفهوم
حبيبه انا اسفه عن اذنك وراحت في حته في الجنينه بعدة وقعت تعيط مكنتش عارفة هي بتعيط عشان ايه عشان ادهم خاطب ولا عشان ف حد عارفها وادهم منعه عنه ولا عشان المعمله اللي بتتعملها وهي حاسة انالدنيا جاية عليها وهي مفيش ف اديها حاجة وهي قاعدة لقت حد بيخبط عليها رقعت عنيها لقته حسام حسام بابتسامة ممكن اخد من وقت مس حبيبه شوية
حبيبه مسحت دموعها وبصتله بابتسامة طبعا يا حضرة الظابط اتفضل
حسام ممكن تقوليلي حسام بس عاوز اسمع اسمي منك لو مش هيدقك
حبيبه ضحكت اه ممكن يا حسام
حسام بتعيطي ليه
حبيبه مضايقة شوية
حسام من ايه
حبيبه مش عاوزة اقولك ممكن
حسام ممكن جدا سلامتك بالمناسبة
حبيبه الله يسلمك هو انا ممكن اسالك حاجة
حسام اكيد اتفضلي
حبيبه احم هو حضرتك مرتبط
حسام اتنهد بحزن كنت
حبيبه وراحت فين
حسام احم سابتني
حبيبه ممكن اسال ليه
حسام انا بطبعي شخص عصبي وهي كانت رقيقه زيك كدة ومستحملتش طبعي العصبي ده فاسبتني وانا غيرت من نفسي عشانها بس كان فات الاوان كانت هي اتخطبت لواحد تاني بس انا عازرها مكنش بمزاحة اهلها ضغطوا عليها
حبيبه كنت بتحبها
حسام اه كانت هادية ورقيقه زيك بالظبط كدة
حبيبه ابتست بخجل
حسام ممكن ندخل نعمل حاجة نشربهز ونرجع نقعد تاني
حبيبه اه ممكن لما دخلوا حسام لقي سوسن قاعدة باين عليها التوتر
حسام مالك يا طنط هو ف حاجة
سوسن بتوتر وارتباك اصل لميس مش في اوضتها والحرس قال انها خرجت
حسام وانتي متعرفيش هي راحت فين مقلتلكيش يعني
سوسن لا وانا خايفة عليها اوي وخايفة من ادهم واللي هيعمله
حبيبه بتوتر بس انا عارفة هي راحت فين
