رواية احببت ظابط الفصل السابع
مليكه .. هي مين
فارس .. لو سمحتي سبيني لوحدي
مليكه .. احكي يا فندم مش يمكن ترتاح
فارس بدموع .. من فضلك
مليكه .. ارجوك
فارس ... خطيبتي كانت معايا وناس كانت بتنتقم مني زنقو علينا بالعربيه قتلوها قدامي
مليكه بدموع .. اتقتلت وانت عملت اي
فارس .. كانو مكتفني عشان ملحقهاش وفعلا ملحقتهاش وماتت
مليكه .. قدر يا فندم امته الكلام دا
فارس .. من اربع سنين كنتي عايزه تروحي زيها
مليكه .. يا فندم دي خطيبتك انت انا مالي
فارس .. خطيبتي راحت بسبب انها صممت تنزل بليل ونلف بالعربيه علي طريق الصحراوي العربيه لما عطلت زنقو علينا وكتفوني وضربوها بالنار
مليكه ... حضرتك زعلت عليها
فارس .. اكيد زعلت بس بقيت بدعيلها علي طول
مليكه .. ربنا يرحمها انا اسفه اني فكرتك بيها
فارس .. جنانك اللي عملتيه هو اللي كان هيموتني
مليكه .. يا فندم ما ضي اتصابت والرائد قاسم والعقيد عز كلهم اتصابو ومقولتش حاجه اشمعنا انا
فارس .. مش يمكن بحبك
مليكه ضحكت .. حلوة دي تسلم يا فندم
فارس .. لا بتكلم جد
مليكه .. هو اي اللي بتتكلم جد
فارس .. بحبك
مليكه ... هو حضرتك ف وعيك انت كنت بتحكيلي عن خطيبتك
فارس .. الله يرحمها بس انا بحبك
مليكه .. فضلت تضحك
فارس .. هو هبل ما تردي
مليكه قامت ... ارد علي اي انك بتحبني والا عايز تنساها بيا انا اسفه يا سيادة النقيب مش محتاجه الحب دا
فارس بنبره حاده .. اقعد بدل ما اقوم اجيبك من شعرك
مليكه بخوف من طريقتو قعدة
فارس .. انا مكنتش بحبها انا وهي كنا جيران ف فلحظه جت قالتلي انها معجبه بيا وانا كنت لسه صغير قولتلها وانا كمان معجب بيكي بس لما كبرت عرفت انو كان إعجاب بشكلها بس مش حب عشان كدا لما ماتت زعلت بس علي تأنيب الضمير وعليها واني مكنتش راجل معاها بس والله كنت صغير
مليكه بدموع محبوسه .. اي المطلوب مني
فارس .. انا حبيتك من اول يوم شوفتك فيه ومكنش ينفع اقولك غير برا الجيش هناك
مليكه .. شكرا
فارس ضحك .. شكرا اي طب موافقه اجي اتقدملك
مليكه ... ماشي
فارس .. هو انتي هبله اي اللي شكرا وماشي
مليكه .. موافقه يا فندم
فارس .. فندم حسبي الله ونعم الوكيل
**********
زين .. رجعتي تاني
اسيل ماسكه ضحكتها ... اصل كنت عايزه صبا ولقتها نايمه
زين .. وانا والله عايز انام
اسيل .. روح نام
زين .. هروح الاول للعقيد عز وياريت تقولي لفارس ووليد وقاسم يجو علي الخيمه عشان عايزهم
اسيل .. حاضر
****
أسيل راحت لفارس لقتو قاعد هو وصبا حوالين النار
اسيل .. يا فندم المقدم عايزك ف خيمة العقيد
فارس .. اي الألقاب دي كلها
اسيل .. معلش يا فندم
فارس .. انا رايح وخليكي هنا معاها
مليكه .. حاضر
اسيل .. هنادي بس للرائد قاسم والرائد وليد
فارس .. اقعدي هندهلهم انا
اسيل .. اشطا
فارس .. في عسكري تقول اشطا هعديها المرادي
******
ضي .. يا فندم قوم
قاسم بمكر .. بس بقي يا بت انتي انتي مش شايفني تعبان وبعدين بقالك ساعة بتقولي هخرج والا عجبتك القاعده معايا خرجتي دقيقتين ورجعتي وغمز 
ضي .. عايزه اتخمد
قاسم .. خلاص يا اختي قايم
قاسم قام بس حس بوجع ف دراعه
ضي لاحظت انو داخ .. حضرتك كويس
قاسم .. اه
ولسه هيقع ضي سندته وحطت أيدو علي كتفها
قاسم .. شكرا
ضي .. العفو
فارس دخل لقاهم باصين لبعض اوي ومش مركزين أنو دخل
فارس ... احم احم
ضي حاولت تشيل ايد قاسم بس معرفتش
فارس بضحكه خبيثه.. عنك يا انسه ضي تعالي يا فندم
قاسم بهمس.. ربنا ياخدك يا فارس الكلب
فارس خدو وراحو لعز وزين ووليد
وصبا خرجت من خيمتها راحت لأسيل ورهف ومليكه
صبا .. فين ضي
اسيل .. ف الخيمه
صبا .. انا داخلالها
صبا .. ضي تعالي نقعد معاهم برا شويه وبعد كدا نامي
ضي .. ماشي
****
عز .. أنا خليت كل واحد ف خيمه ما عدا العساكر
زين .. اشمعنا
عز .. مش عارف حاسس ان كدا آمان
وليد .. الف سلامه يا وحش
عز .. هو انا لسه والد انا مضروب بطلقه وبعدين دي مش اول مره
قاسم .. ما انت متعود
عز .. انا ملاحظ أن البنات رفعت الألقاب عليكو ممكن افهم بقي
وليد ... احم اصل انا قولت لصبا اني هتقدملها واني بحبها
فارس .. احم وانا كمان قولت لمليكه
عز .. لما تترفدو من الداخليه ابقو اشتغلو طبالين
وليد .. ما خلاص يا بص بقا الأه
عز .. خرجوه برا
وفجأة سمعو صوت صريخ جامد
خرجو وعز خرج رغم انو مش قادر يقوم
خرجو لقو خمسه مثبتين البنات
البنات مكنش معاهم سلاح لأنهم ف. المعسكر بتاعهم
عسكري شاور ل قاسم أن معاهم عربيه برا وفي هجوم
زين ووليد وفارس والعساكر
هجمو عليهم
والعساكر جابو العربيه اللي برا وضرب النار اشتغل
فارس نط علي اللي ماسك مليكه وضربوا جامد جدا
قاسم .. دراعه كان واجعه مش عارف يعمل حاجه بس صوب مسدسه علي اللي ماسك ضي وضربوا بالنار ف رجله وقع وساب ضي
ضي جريت علي قاسم واستخبت ف ضهرو لأن مكنش معاها اي سلاح
أما اسيل هي في سكينه كانت علي رقبتها وحد تاني مثبتها بسكينه ف بطنها
فمكانتش عارفه تعمل اي غير أنها
برجلها علي الراجل اللي قدامها تحت الحزام ووقع والتاني مسكت ايدو من عند المعصم ولفتها و هو لف وبرجليها في ضهرو وجريت علي الخيمه جابت المسدس
وليد غمز لصبا بحركه تعملها وعملتها والراجل وقع بسببها
رهف الراجل شالها وبيجري بيها لأنها خفيفه بس عز صوب عليه ووقع
وهي جريت لحقت عز اللي الجرح بتاعو اتفتح
وزين والعساكر كان بيضرب بالنار لحد ما كل الرجاله وقعت
زين للعساكر .. شيلوهم
العساكر.. حاضر يا فندم
زين للبنات ... انتو كويسين
البنات .. الحمدلله
وليد .. يا فندم الجرح بينزف
اسيل بتعب .. ثانيه بس خلوه يرتاح لما اجيب الحاجة
اسيل كانت حسا بتعب شديد بس كانت بتكابر
خرجت وعملت الجرح لعز
وهو نام ورهف فضلت جمبو وماسكه ايدو
قاسم .. انتي كويسه
ضي .. اه الحمدلله شكرا انك انقذتني
قاسم .. متشكرنيش تاني
زين .. ازي دخلو المعسكر
العسكري .. غلطه يا زين باشا ومش هتتكرر
زين .. الغلطه دي كانت هتموتنا كلنا
العسكري .. احنا اسفين
زين .. بابا المعسكر تشدد الحراسه عليه
العسكري .. حاضر
***
صبا بهمس .. وليد
وليد .. اي
صبا .. هي المأمورية خلصت والا لسه
وليد .. لسه يا صبا احنا كنا بنأمن الاول المأمورية يعتبر مبدأتش وبعدين احنا هنقعد 15 أو 10 ايام وهنروح حته تانيه غير مرسي علم
صبا .. انا اي اللي دخلني الجيش منك لله يا اسيل
وليد .. اقعدي اقعدي واسكتي
صبا .. حاضر
*****
زين .. اسيل انتي كويسه
اسيل .. اه ... لا
زين .. انتي بتنزفي
اسيل بصت علي بطنها لقت التيشرت كلو دم .. اااه يمكن عشان السكينه كانت هنا
زين .. انا بعرف انضف الجروح انا كنت كليه طب قبل ما اخش كليه شرطه
اسيل بتعب.. مينفعش انا هحاول
زين .. بطلي عند
اسيل .. قامت عشان تدخل الخيمه بس اغم عليها البنات جريو عليها
وزين شالها
زين .. فين حاجة الاسعافات
صبا .. يافندم لازم تروح مستشفي مفيش دكتور معانا
وليد .. المقدم كان ف كليه طب بس مكملش
صبا .. حضرتك هتعرف
زين .. هتنيل هعرف اتفضلو برا
(زين دخل كليه طب سنه واحده وحول منها عشان كان عايز يدخل شرطه)
زين شال التيشرت من علي بطنها وبدأ ينضف الجرح ويخيطو لحد ما خلص وفضل يتأمل في ملامحها
وخرج من الخيمه
زين .. حد منكو يدخل يغيرلها هدومها
صبا .. حاضر
وليد .. عرفت تخيط
زين .. وليد مش ناقصه رزالة اهلك دلوقت انا داخل انام
صبا .. خرجت من الخيمه انا راحه انام
وليد .. اتخمدي يا ختي
******
قاسم .. روحي نامي يلا
ضي .. انا خايفه
قاسم .. مش عيب لما تكوني ف الجيش وتقولي انا خايفه
ضي .. اصل اللي حصل دا وترني اوي
قاسم .. متخافيش انا معاكي الخيمه بتاعتي جمبك علي طول
ضي .. تصبح على خير يا فندم
*******
مليكه .. برافو عليك
فارس .. خشي نامي يا مليكه الله يكرمك
مليكه .. يوووه حاضر
بدل ماتدور وتبحث علي الروايات خليها علي تليفونك وحمل تطبيقنا
