رواية بنتين من الصعيد الفصل التاسع عشر
ليلي بغضب_ انااا هتعللم ليلي مش هتبقي فاشله ليلي بتكرررهك عشان انت مش عايز تعلمها وتخليها زي ميم ليلي بتكرررهك
صدمة حلت بالجميع بمن يراقبها بلال ومريم والجميع حتي العمده لم يتوقع هذا الرد من تلك الصغيره كيف ان تنطق بهذا الكلام امامه ولكن حينما رأي من يقف ورا الباب تحولت الصدمه لغضب شديد هز جدران البيت.
_بلااااااااااااااااال،مرييييم
_يالهوي يالهوي شافنااا يابلال
زينب وهي تغادر_الحمدلله مقالش زينب يلااا ياجماعه تصبحو علي خير بقي
حسن بتمثيل_وانا كمان ياجماعه نسيت اني عندي شغل هخلصه تصبحو علي خير
بلال بغضب_قسماًبالله يحسن لو اتحركت من مكانك لأكون معلقك علي باب البوابه بره.
حسن _اناا إكده ميت وإكده ميت منك لله يابلال انت وابوك.
مريم _ بصو بقي احنا بدأنا الليله دي مع بعض وهنخلصها مع بعض يلاا ندخل ونتوكل علي الله
دخل الجميع الغرفه عند العمده مريم متشبثه بذراع بلاال وحسن وزينب ماسكين في بعض
زينب بمرح_احم مساء الخيرات عليك ياكبيرنا
نظره غضب من العمدة كانت كافيه لجعلها تتراجع عما تقوله وتتمسك بذراع حسن اكثر
حسن بهمس_اما انتي مش قد الكلام بتتكلمي لييه
_اسكت بقي علشان مش ناقصاك ده ايه الرعب اللي احنا في ده بس ياربي
العمده لمريم_قولتي عايزه تعرفي اللي حوصل زمان وريحتك وقولتلكو قعدتي معاايا وقولتي عايزه تعلمي البنات وتغيري التقاليد واناا قولتلك لاع وخُلص الكلام علي إكده لكن تتدخلي البت الصغيره في الحوارات ده ليه تكرهيها في جدها وتخليها تشوفني ظالم ليييه يابت اخوي.
بلال _مريم مالهاش دعوه انا اللي قولت لليلي تعمل كده،وأظن يابويا كفايانا ظُلم للبنات وجه الوقت الي تتغيري في التقاليد دي جدي اللي كان مانعك من تعليم البنات خلاص مات.
مريم_ياعمي اناا والله كل اللي عايزاه اني اشوف البنات دي محققه احلامها وعاملين انجاز في حياتهم يفتخرو بيه مش قصدي إني اعاندك او اقف قصادك خاالص والله زي ما انت فاهم بسس..
العمده بمقاطعه_مبسش يابت اخوي لولا ان سالم الله يرحمه كان موصيني عليكي مكنش زمانك واقفه تتحددي قصادي إكده، أخرت الكلام يابت اخوي تعليم البنات انسيه يامريم وانااا همشي علي سلسال ابويا ومش هيتعلم إلا الرجاله وبس يامريم والبنته هتطلع من بيت ابوها علي بيت جوزها مفيش مرواح للمدارس،..
مريم بغضب_ مش هسكت ياعمي والله ما هسكت ومش ههدي غير اما اشوف البلد دي فيها مدارس للبنات زي الولاد بالظبط، متكسرش للبنت ضلع وتستني اما يطلعلها اربع وعشرين ضلع تاني متكسرهاش وتقول العلام هيبوظها ويخليها قويه وعندها رأي وهتقف قصاد الراجل، التعليم فعلا ياعمي هيخلي عندها رأي وحكمه بس مش هتقف قصاد الرجاله غير اما يكون هو غلطااان وظالم زي ما انت بتعمل دلوقتي.
حالة ذهول حلت بالجميع من يراقب تصرفاتها بغضب ومن يشجع كلامها ولكن الأجواء اصبحت في حالة حرب من سيفوز بها!!؟ قاطع تلك النظرات بينهم دخول فاطمه
_اسمع كلامهم يابو بلال بقالك سنين بتعاند كفاياك عاد واسمع كلامهم مش عايزة اشوف ليلي متعقده منينا زي صفيه دلوقت ابدأ صفحه جديده ياخويا محدش هيقدر يعمل حاجه إلا بموافقتك انت..
العمده_حتي انتي انتي يافاطمه هتقفي في وشي زيهم حتي انتي شايفاني ظالم ياام بلاال نظر بغضب لمريم_عجبك عجبك الوضع ده دلوقتي وانت شايفه الكل واقف قصادي يابت اخويا بس انااا اللي غلطت لما موقفتكيش من الاول عن العلام بس من النهارده يامريم مفيش مرواح للجامعه تاني
بلال بيمسك ايد مريم_مش من حقكك يابوي مريم مراتي واناا وهيا الي نحدد هتقعد ولا لع والسنادي آخر سنه لمريم ومش هسمحلك تدمر مستقبلها زي باقي البنات
بصت مريم لبلال وتبتت في ايده اكتر بصلها بلال وقال_"لنمضى سوياً أو نغرق معاً هذا مبدأ الأحبه ..
أما مبدأى لنمضى سوياً أو اغرق أنا
فأنا لا أحتمل رؤيتك تغرقٍ حتى فى حُلمى ..!
حسن _احم خلاص ياجماعه صلوا علي النبي كده في ايه واهدو
الجميع _عليه افضل الصلاة والسلام
العمده وهو يغادر الغرفه_خليتي ولدي يقف في وشي يابت اخوي ده أخرتها أخرت اني اعتبرتك بتي.. تعالي ورايا ياام بلال عايزك
مشي العمده وفاطمه كانت هتمشي وراه بس بلال وقفها
_والله يا ام بلال ماكنتش اقصد اقوله كده بس مكنش ينفع اسيبه يتكلم مع مريم ويدمرها إكده
_معلهش ياولدي انت عارف طبع ابوك خلي بالك انت بس من مريم
زينب_خلي بالك انتي من نفسك يامرات خالي ولو حصل اي حاجه ارقعي بالصوت وهتلاقيني عندك
فاطمه بضحك_مش للدرجادي يازينب، سلام ياولاد
(عند العمده والحاجه فاطمه)
دخلت فاطمه الأوضه لقت العمده واقف وعاطيها ضهره بس باين عليه الغضب
_صدقني ياحاج والله انا قصدي مصلحة ليلي والبنات
بزعل_تطلع منك انتي.. انتي يافاطمه مفكرتيش فيا انااا ولا قولتي ابو بلال هيزعل او يغضب مني بقي بعد العُمر ده كله تقفي قصادي وتسمع كلامهم وكأنك شايفاني ظالم ومُفتري فعلااا
_ماعاش ولا كان اللي يقول عليك كده وانااا عمري ماقولتها ولا هقولها ياحاج بس اناا زيي زيهم صعبانين عليا البنته دي اللي مفكرين ان الرجاله احسن منيهم بسبب العلام
_خلاص خُلصنا
مخلُصناش يا عمده ايوه ظلم وظلم كبير كمان مشوفتش نظره الاتهام من بنتك النهارده يا عمده لا مش هسمح اللي حصل مع صفيه ومع بنات البلد يحصل مع ليلي لحد هنا وكفايه كفايانا ظلم عااااد
_هتقولي ظلم تاني يا فاطمه
_ايوه ظلم يا عمده ويعز عليا اقولك اكده بس من خوفي عليك يا ولد عمي يعز عليا تتحاسب علي عاده غلط اكتسبتها من عمي الحج الله يرحمه
فكر يا عمده فكر عاااااد بهدوء وعدل فكر بحكمه وبقلبك سيب قلبك يحكم يا عمده وهو هيدلك الطريق فيييين
محدش ضامن عمره يا ابو بلال محدش ضامن البني ادم منينا عباره عن سيره حلوه تعيش بعد وفاته لا قدر الله
_بتفولي عليا يا فاطمه
_لا عشت ول كونت بعد الشر عليك دانا عمري كله فداك بس ده مكتوب ودي سنه الحياه سيب سيره الناس تفتكرك وتدعيلك ده من حبي فيك هقولك اكده
"سيأتي الموت
لكن أبداً، أبداً
لن يأتي النسيان"...
بره عند الاولاد
_بلال والله مكنش ليه لازمه تدخل بيني وبين عمي وتقف قدامه محبش حبك ليا يخسرك ابوك يا بلال انا اسفه
_مهتتاسفيش يا مريم انتي مغلطتيش في حاجه انتي مراتي ومش هسمح بحد مهما كان يوقف مستقبلك ونجاحك
- كنت انظر في عينيك...
لوهله اصبحت اشعر بالاشيء او اشعر بكل شيء
عينيك ذات اللون البني القاتم حتي اذا انعكس ضوء الشمس عليها تحولت الي اللون العسلي اللامع وتبدا بالشعور بالنسيم بارد الذي لا ضرر ولا ضرار فيه تشعر بالسلام الداخلي كأنْ تستلقي علي ظهرك في عرض البحر ويحملك الموج اينما يشاء وانت تسلم له نفسك بكل ثقه ولا تعلم من اين لك بكل هذه الثقه ولكنك تسلم نفسك فقط....
في وجودك جانبي ساطمئن ساحارب ولا اهتز ساحارب بثقه وقوه استمده منك
بلال_حاربي وواجهي العالم اجمع طالما يدك تتشبث بيدي وروحك تختلط بروحي ساعيش لاجلك لان روحي اذا غادرتك قُتلت نجاحك نجاحي نجاح الراجل اصله امراه ونجاح بلال اصله مريم.
_احم احم اي ده كله اي ده كله يا سي بلال
_عارف يا حسن اوقاتك كلها غلط
ضحكت زينب ومريم ووش مريم قلب طماطم
_ان جيتو للحق انا خايف علي مرات خالي
_مرات خالك ميتخفش عليها انا متاكده هتعمل حاجه بس ربنا يستر من عمي بس يا بلال لازم تدخل تتاسفله حتي لو مغلطتش
_ده اللي هيحصل يا مريومتي
_يا ناس راعو اننا سناجل بقي من حق يا مريم عايز اطلب منك طلب
_عايز ايه من مراتي عاد
_ياعم اقعد مهي بنت خالي نينيني
_اتفضل يا حسن انت تؤمر
_عايزك تقنعي نور يعني وكده
_قولت واقع محدش صدقني
_بت انتي اسكتي والله يا زينب اظبطك صح
_بص يا حسن نور عايزه تطمن طمنها واهتم صدقني هتلاقيها وافقت
_الحقو يا ولاد الحق ابوك يا بلال الحقوووووني صرخه هزت اركان البيت وجعلت الجميع يهرول إلي الأعلي بخوف شديد..
بدل ماتدور وتبحث علي الروايات خليها علي تليفونك وحمل تطبيقنا
