غرام الفهد
الفصل التاسع وعشرون
دخل صقر عليهم بطالته الجذابة التي تخيف اي احد وجد الكل في حالة يرثي لها
صقر بصوت مرعب : اخررررسوا مسمعش حد بيعيط
نظر الكل له فلم يتعرف عليه سوا اهله ووقفت شغف امامه فهي تريد ان تخلص غيظها بأحد
شغف بعصبية وبكاء : انت مين عشان تقول كده وبتدخل ليه هي نقصاك غور من وشنا
رعد الكبير : شغف بس
صقر : انتي يا طفلة ابعدي من وشي...... اللي هيعيط يعتبر امه مولدتوش فهد مامتش مفهوم نظر لأحمد وانت شوف هيتعمل لصاحبي ايه ولو مش قد رعايته هنقله اكبر مستشفي في امريكا مفهوم انتوا مش هتقعدوا تندبوا قدام الاوضة كأنه مات
وامر الكل بالتحرك بينما كانت تجلس عشق بضعف فجلس بجانبها صقر ووضع يده على يداها وباليد الاخري مسح دموعها
صقر بحنيه لم يراها اهله من قبل : عارفة دموعك مش بس غاليا علي ولادك غاليه عليا انا كمان
عشق : صقر
صقر : شوفتي طلعت انا كمان غالي عليكي منستنيش ع الرغم اني اتغيرت
عشق : انت ابني الخامس مستحيل انساك
صقر : مش انا ابنك ثقي فيا فهد هيبقي كويس
نظرت له واومأت برأسها ففتح يده لها وحضنها
صقر : معتش عايز اشوف دموعك يا عشقي
كانت همس تقف تشعر بالغيرة والفرح فهو يعامل عشق بحب لا يعاملها به وفي نفس الوقت استطاع تهدئة الكل فهذه حقيقة صقر ابنها
*************************
مرت تسعة أشهر
فيهم فهد بغيبوبة لا مؤشر انه سيفيق ولا أحد يزوره نظرا لخطورة حالته فقط يكتفوا بالنظر له خلف زجاج واكثر من مرة اقترح أحمد بعد الأجهزة عنه وكان الإجابة ضرب مبرح من صقر
ايسيل فقدت صوتها نهائي ولا يعتبر له علاج وعادت الملاك الصامت تحاول كثيرا التحدث ولكن كلة محاولتها تأتي بالفشل والان هي حامل بالتاسع
ليث فاق بعد ستة أشهر ولكنه فقد ذاكرته الخاصة بجاسمين واصرت جاسمين ان لا يذكرة احد بها فهي تحمل نفسها الذنب ولم تلتقي به بعد فهي تتفاد جميع الاماكن التي هو بها
ليث عاد قاسي وبارد كما كان ولم يتعب نفسه في التذكر لانه اخبروه انه لم يحدث بالفترة تلك شئ سوا زواج الشباب
ماسة انجبت باكرا طفل واسمته اياد ورزان انجبت بعدها بأسبوعين فتاة واسمتها روز اما نور فانجبت فتي واسمته أيهم
عشق حامل الان في السادس ويئوت في الرابع
صقر معظم وقته بمصر بجانب فهد يذهب امريكا عند الضرورة وعمار كذلك
تخلت شغف عن حلمها ودخلت كلية طب ع الرغم من اصرار عائلتها ان تسافر لكنها رفضت ترك اخوها
*********************
كانت ايسيل تقف تنظر له حتي جاء صقر من ورأها
صقر : هيفوق عشانك وعشان ولاده فهي حامل بتوأم
نظرت له واعادت نظارها لفهد
صقر : تقدري تدخليله
نظرت له بعدم تصديق فأومأ لها
صقر : روحي للممرضه تجهزك
ذهبت مسرعة للممرضه وجهزتها ودخلت لفهد وجدته ينام بسلام من كل مكان اجهزة اقتربت منه لا تصدق نفسها لم تقدر علي التحدث فبكت تود ان تشتكي له بما حدث لها كل تلك الفترة والعذاب الذي تشعر به بدونه
انحنت نحوه وقبلته من شفايفه ووقعت دمعه منها علي وجنته مسكت يديه وقبلتها ثم وضعتها علي بطنها كأنها تخبرة بأولاده
ثم جاءت الممرضه واخبرتها ان تخرج انحنت ايسيل وقبلت وجنته وخرجت ولكن المها بطنها بشدة فمسكت بطنها ووقعت ع الارض ولم يخرج صوتها للصراخ فرأها صقر وجري عليها حملها وذهب للطبيب الذي اخبرهم انها ولادة
دخلت ايسيل العمليات ورن صقر علي الكل
بعد وقت وصل الكل وانتظروا حتي خرجت ممرضتين
الممرضه : مبروك ربنا اداها ولدين امهم كويسه هتتنقل الجناح المخصص لها الوقتي
حمل رعد ولد وعشق ولد ونزلت دموع عشق وهي تنظر لهم كان طفل يحمل عيون ايسيل وطفل عيون فهد
عشق بدموع : ههههه عنده عيون ايسيل
رعد : عنده عيون فهد
ودخل الكل لايسيل التي كانت تنزل دموعها فهي تمنت وجود فهد بجانبها في هذا الوقت
شغف : مبروك يا قلبي ربنا اداكي ولدين يا أيسو
اشارت لهم ان يأتوا بهم لها فأعطوها الاطفال فاشارت علي رعد ان يسميهم وتحدثت بدون صوت
أسد : بابا ايسيل بتقولك سميهم
رعد : اللي عنده عيون فهد اسمه فراس واللي عنده عيون ايسيل أيان
جاسمين : هاتيهم اشوفهم بليييز
اومأت فحملت ولد وحملت شغف ولد فشدة صقر منها
شغف : انت ياعم سيب ابن اخويا
صقر : بس احنا هنعوده علي ان الستات يشتالوه لا دا راجل
شغف : دا طفل لسه مكملش يوم
صقر : عادي عشان يبقي ذيي وذي ابوة
شغف : ذي ابوه ماشي انما ذيك لا بالثلث وبعدين خد اللي مع جاسمين
دخل عدي وعائلته كلها
جاسمين : بس انتوا الاتنين شوفي يا ايسو الولد ده عسول اوي ما شاء الله احلي حاجة انها مطلعش شبه رعد
رعد الصغير : ومالة رعد يا ست جاسمين
جاسمين : ولا حاجة خالص دا انا عماله اقول لعشق متبصيش لرعد كتير عشان ابنكم ميطلعش شبهك
رعد : امال هيطلع شبه مين
ليث : شبهي مثلا
سمعت صوته والتفتت تلقائي يالله ما هذه الوسامة التي زادها ثلاثة اشهر لم تراه
لارا بفرحة : جيسي وحشتيني
جاسمين بابتسامة : وانتي اكتر يا طنط
واعطت فراس لأسد الذي كان بجانبها وذهبت حضنتها لارا بحب اموي ثم ابتعدت وحضنت ادهم
ادهم : وحشتيني اوي يا جيسي
جاسمين : وانت اكتر
ماسه : ايه ده بقينا نتكلم مصري حلو اوي
جاسمين وهي تنظر لليث الذي ينظر لها : امال
واقتربوا وباركوا لايسيل وقبل غيث جبينها
غيث : الف مبروك يا نصي التاني
اومأت برأسها
جاسمين : غيثو باشا ولا وطلعلك صوت فينك
غيث : انا اهو يا بنتي بس ورايا شغل كتير الايام دي
جاسمين : ربنا معاك يا بابي
لم تنتبه شغف لغيث فكانت تنظر لصقر نظرات مشتعلة وهو ينظر ببرود لها
ذهبت جاسمين للخارج فهي كانت تظهر للكل انه نسته لكنها لم تعد تقدر فوقفت خلف حائط وانفجرت بالبكاء وجلست علي الارض
ليث : بتعيطي ليه
رفعت نظرها له فنظر لتلك العيون الخضراء يالله كم جميلة كصاحبتها تماما
ليث : انتي مين
وقفت امامه ولم تجب اكتفت بالنظر له فاليقل احد له يصمت ويذهب فهي تود ان ترتمي بحضنه
ليث : مش بتردي ليه....جيسي
نظرت له بصدمه وانتهت سريعا وارتمت بحضنه تبكي بشده
جاسمين ببكاء : ليث افتكرني بالله عليك بتعذب
لف يده حولها وتجمعت دموعه لم يعرف لماذا وظلوا هكذا لوقت ثم بعدها وكور وجهها ومسح دموعها واقترب منها ليقبلها فاغمضت عيونها تذكرت ربها وان ما فعلته كان خطأ وربها عاقبها والان هي ستغلط وربها سيعاقبها اكتر فبعدت عنه ودفعته بيداها
ليث : ا.انا........
جاسمين : بس يا ليث خلاص احنا غلطنا قبل كده وربنا عاقبني بانك مش فاكرني انا مش عايزاك تفتكرني يا ليث ومتحاولش انا وعدتك قبل كده ان لو مش ليك مش هبقي لغيرك يمكن منتش فاكر بس افتكر ان لا هكون ليك ولا لغيرك انا هعاقب نفسي بنفسي مع عقاب ربنا افتكر دايما انك اول واخر حب
وذهبت عند واخبرتهم انها ستعود لبنان
رعد الكبير : ليه يا جيسي انا اثرت معاكي
جاسمين : بالعكس انت احسن حد في الدنيا انت عوضتني عن حنان بابا انت ابويا التاني بس كدة هرتاح
رعد : طيب ايه اللي ذعلك بس يا بنتي
جاسمين : مفيش واللهي
دخل ليث واستغرب من حزنهم
عشق بدموع تنزل : خلاص يا رعد سيبها علي راحتها سافري يا جاسمين
ليث : مين مسافر
ماسة : جيسي هترجع لبنان
ليث : هاااه ليه
ماسه : مش عارفين
ليث : هما مين اهلها
عشق : دي بنت ابن عمي ذي بنتي
ليث : طيب يا انكل رعد انا طالب ايديها منك
نظروا له بصدمه
جاسمين : بعد اذنك يا اونكل انا مش موافقة عن اذنكم
وذهبت مسرعة للقصر
*****************
كان أحمد يجلس بغرفته تذكر كلامه مع رعد وانه اعطاه الاذن لحمل الاجهزة عن فهد فنزلت دمعه منه وجد من تخبط علي الباب
احمد وهو يمسح دموعه : ادخل
كارمن : دكتور احمد انا جاهزه
احمد : يلا
وذهب معها لغرفة فهد
كانت ايسيل تحاول النوم بعدما ذهب الكل ماعدا عشق لكنها لا ترتاح الا بغرفتها فقررت المشي بالمستشفى والذهاب لرؤية فهد فتركت الاطفال مع عشق ووقفت وذهبت لغرفته وجدت احمد وكارمن بالداخل ويبعدوا الأجهزة ففزعت ودخلت مسرعة لهم ومسكت يد كارمن
احمد : ايسيل عايزين نريحه حرام
حركت رأسها علامه الرفض وهي تبكي وتمسك يده ايضا وتترجاهم بنظارتها وتبكي
كارمن : ارجوك يا دكتور سيبه
اومأ لها ودموعه تنزل فحضنت ايسيل فهد وبكت بكت كثيرا وكأنه سمعها فحرك يده مرة اثنان وفتح عينه ببطء ثم قفلها وفتحها مرة أخرى شم رائحتها التي يعشقها وحدها تحتضنه فرفع يده وحاوط خصرها
فهد بهمس وهو يبعد ماسك الأكسجين : هششش اهدي يا روح فهد
فتح احمد وكارمن اعينهم علي اتساع
كارمن بفرحة : فاق يا دكتور
احمد : اي
التفتت وحضنت احمد تلقائيا ثم ادركت الوضع وبعدت
كارمن : احم انا بقول نطلع ونسبهم لوحدهم
اومأ احمد بخجل وتركوهم وذهبوا
رفعت ايسيل عيناها له والدموع تغرق وجهها
ايسيل بصوت لا يخرج : فهد
استغرب انه لم يسمع صوتها لكنه لم يعلق وكور وجهها ومسح دموعها
فهد : اهدي يا قلب فهد
ايسيل بصوت لا يخرج : انت فوقت انت كويس ارجوك متسبنيش
فهد : صوتك
حركت رأسها يمينا ويسارا ووضعت يداها علي حنجرتها
فهد نظر لعيونها : احكيلي يا قلبي هفهمك
بدأت تحكي له بدون صوت علي ما شعرت به في بعدة علي عذابها بدونه وهو يفهمها
حزن كثيرا لانها فقدت صوتها بسببه وتركها طوال فترة حملها مهلا حملها
فهد : حملك ايسيل انتي انا نايم من امته
ايسيل بدون صوت : من تسع شهور
فهد : وابننا
ايسيل بدون صوت : اصدك ولدنا
فهد : يعني ايه
ابتسمت ايسيل ففهم وحضنها بقوة ثم بعدت عنه وبدأت تبعد الاجهزة عنه مثلما كانوا يفعلوا معها حتي انتهت
*************
رن احمد علي الكل وعرفهم وجاءوا مرة اخري وكان فهد امر الممرضه ان تنادي عشق وتأتي بالاولاد بناءا علي طلب ايسيل وجاءت عشق التي صدمت بفهد فحملت ايسيل طفل ومن الممرضه طفل ووضعتهم علي الاريكة وحضنت عشق فهد وهي تبكي غير مصدقة وبعد وقت جاء الكل
رعد ببكاء وهو يحضنه : فهد انت فوقت
فهد : بطل عياط يا اهبل خلاص
دخل صقر وبعد رعد عن فهد وحضن فهد
شغف : باااارد ابعد عن اخويا بقي
صقر : اهو اخوكي فاق وانا بقي هفوقلك من النهاردة وهقصلك لسانك الطويل ده
شغف : اكيد اطول منك يا عملاق انت
ضحك صقر بكل صوته وفتحت همس عيناها علي اتساع
صقر : انا عملاق يا عصايه انتي
شغف بغيظ : متخرس يالا انت
صقر : انا وله
شغف بضحك : لا بت
صقر : اقسم بالله مجنونه
شغف : زيك
صقر : مستفزة
شغف : زيك يا بارد
فهد بصراخ : بسسس اطلعوا برة
رعد الكبير بحدة : مجانين ايه لا عملين احترام ليا ولا لاي حد كبير
شغف : اسفه يا بابا
صقر : خلاص متزعلش نفسك يا رعد هتجوزها انا واريحك منها
شغف بعصبيه : ابو شكلك يا عم هو انا ملقتش غيرك
صقر : وانتي تطولي
شغف : عااااا باااارد
فهد بنفاذ صبر : صقر شغف برة ومش عايز اشوف وشكم تاني
ذهبت شغف له ووقفت علي اطرافها وحاوطت عنقه وانفجرت بالبكاء
فهد وهو يحاوط خصرها : هششش خلاص يا شغفي
شغف ببكاء : كنت هخسرك يا فهد كنت هموت انا مقدرش اعيش من غير حد فيكم انتوا سندي
وبعد وقت من سلامات ذهب الكل واصر فهد ان يذهب للمنزل هو وايسيل وذهب واخبرهم احمد انه سيأتي دائما للإطمئنان عليه
في غرفة فهد
كانت ايسيل تنيم الاطفال
فهد : ناموا يا قلبي
اومأت برأسها
فهد : تعالي نامي زمانك تعبانه اوي انتي طالعة من ولاده
اخبرته انها جيدة لانه جيد فاقترب منها وقبل جبينها وحضنها فبكت هي وعندما شعر بها بعد عنها
فهد : مالك يا قلبي
مسكت وجهه بيداها تتلمسه تراجع ملامحة التي لم تقترب منها منذ اشهر ودموعها تنزل
فهد : خلاص يا قلبي انا جنبك ومش هسيبك اوعدك
اومأت له ثم مسحت دموعها
فهد : الدكتور قالك ايه على صوتك
ايسيل بدون صوت : مفيش امل الا بصدمه ذي اللي فاتت واكملت بدموع تتجدد آسفه رجعت مراتك الخرسة
فهد بعصبية : لا بقي انتي اتجننتي انا ولا في يوم فرق معايا انك بتتكلمي او لا
حركت رأسها يمينا ويسارا واخبرته انها تريد النوم
تعصب فهد بشدة وشد شعره للخلف فهو لا يريد ان يتعصب عليها
فهد : اعملي اللي عيزاه انا هغور من وشك عشان ترتاحي
وتركها وذهب لغرفة الرياضة الخاصة به التي بجناحة فرأته وخافت عليه بشدة فذهبت ورأة وجدته يضرب كيس الملاكمة بقوة يعبر عن غضبه فبكت بجانبه بقوة وحاولت مسك يده ولكنه بعدها بخفه حتي لا يأذيها واكمل
ايسيل بدون صوت : ف.فهد انا خايفه فهد مش عايزة اخسرك فهد رد
لم ينظر لها قط ليري ما تقول
ايسيل بدون صوت : فهههههد بصلي فهههههد ابوس ايدك
وبكت اكثر لكنه لم ينظر
ايسيل بصوت : فههههد بصلي
توقف وهي وضعت يداها علي حنجرتها وهو نظر لها
ايسيل ببكاء : فهد ارجوك اوقف انا خايفة عليك مش عايزة يحصلك حاجه افهم اني اموت من غيرك
فهد ببرود : اهو رجعلك صوتك وكدة معتيش مراتي الخرسه بس اقولك انا البنت الخرسه ملاكي الصامت هي غرامي لو اتكلمت او لا هتفضل ملاكي
وتركها وذهب للحمام اخذ شاور ثم خرج ذهب لسرير ايان وقبل وجنته ثم لسرير فراس وقبل وجنته ثم نظر لها وجدها تجلس علي السرير ومازالت تبكي فكور يده حتي لا يضعف ويذهب لها ثم ذهب وتمدد علي الاريكة واغمض عيونه فنظرت له ثم عرفت من ملامحة انه نام لم تعرف انه يجيد التمثيل فذهبت وجلست ووضعت يداها اسفل الغطاء تحتضنه
ايسيل ببكاء : انا آسفه يا فهدي افتح عينك سامحني انا مكنش قصدي بس حاسة اني مش طايقه نفسي مخنوقه وخايفه لتسيبني تاني..... كل اما نتجمع حاجة تفرقنا بالرغم اننا معملناش حاجة حرام حتي حبنا حلال فهد رد عليا قولي انك مش زعلان انا مخنوقه فوق وكلمني حاسة اني هموت لو فضلت كده
رفعها هو بيدة لتكون فوقه وفتح عيونه لها ومسح دموعها
فهد : مالك يا قلب فهد
ايسيل بنبرة بكاء : مخنوقه اوي
فهد بحنيه وهو يعيد شعرها خلف اذنها : ليه يا قلب فهد
ايسيل : احضني يا فهدي
ضحك بكل صوته ولف يده حولها وحضنها وقبل رأسها
فهد : واللهي شكلي كدة هدفع تمن بعدي عنك ساعة الحمل
ايسيل : ههههه شكلي داخله علي اكتئاب ما بعد الولادة
فهد : هههههه اكتئاب ايه لا والنبي انا عايزك فرفوشه عشان نجيب كمان تؤام
ايسيل : ههههههه لا كفاية دول علينا انا تعبت اوي في الولادة
فهد : لو تعبتي اوي خلاص المهم راحتك بلاش عيال كفايه تلاته
ايسيل بإستغراب : تلاته
فهد : اي انتي وأيان وفراس
ايسيل : بس انا كبيرة او سمحت انا بعد كم شهر هيبقي عندي اتنين وعشرين
فهد : بس يا طفلة اصدك بعد تسع شهور يعني انتي لسه عندك واحد وعشرين
ايسيل : وواحد وعشرين مش كبيرة
فهد : اي مش كبيرة طفلة بردك وبعدين الطفولة مش بالسن بالتصرفات يا طفلتي
ايسيل : انا راضيه اكون اي حاجة المهم ابقي ملكك
فهد : انت مش بس ملكي انتي غرامي انا بموت فيكي يا ايسيل انتي حياتي
تنهدت بصوت مسموع ثم رفعت رأسها عن صدره ونظرت له بحب وكورت وجهه وقبلته من شفتيه
ايسيل : يلا نام انت تعبان
فهد : ماشي
ايسيل : هنا
فهد : اي
ايسيل : بس مش هتخدنا وانا عايزة انام في حضنك
وضع يده علي رأسها ثم ضمها لصدرة
فهد : نامي يا غرام الفهد
ابتسمت علي الأسم واغمضت عيناها وذهبا في ثبات عميق
*********
في الاسفل
كانت عائلة رعد وعائلة عمار يجلسوا ويضحكوا علي مشاكسة شغف وصقر
شغف بغيظ : ما تقوم تمشي ياعم
صقر : ايه الصوت ده يمكن ناموسه
شغف : عاااا مستفز غور يالا روح نام
صقر : هبات هنا النهاردة
شغف : معندناش اوض قوم امشي
صقر : عادي هبات معاكي في الاوضه
شغف : سريري صغير ومش هياخدك يا عملاق وبعدين انا ملقتش غيرك ابات معاه يلا غور بقي عايزين ننام
صقر : بتحبي تنامي بدري
شغف : اي
صقر : خلاص اوعدك اما نتجوز هنطلع اوضتنا من بدري
شغف : عاااااا انا مش هتجوزك يا عملاق انت
صقر : مش بقولكم بتحبني اهي صرخت اما قولت هتجوزها
ضحك الكل بشدة
عمار لهمس : انتي شايفه ابنك
همس : شكلة حب شغف
عمار : حبها بس انتي مش شايفه عامل عقله بعقلها كأنها بنته اللي يشوفه يقول عشقها
همس : مين عالم يمكن تكون شغف الصقر
عمار : ساعتها هكون اسعد انسان شغف هي اللي هتغيره يا همس
شغف : تصبحوا علي خير كلكم الا العملاق ده
صقر : وانتي من اهله يا شغفي
نظرت له بغيظ فغمز لها بمشاكسة فادارت وجهها وعرفت الابتسامة طريقا لشفتيها وذهبت لغرفتها جريا ونامت علي السرير اغمضت عيناها تتذكرة تتذكر عيونه الرماديه شعرة الفحمي لحيته الخفيفة عضلاته التي تشهد عليها ثيابه اه كم تمنت ان تضع يداها علي تلك اللحية وتلمسها قاطعها صوت رسالة فتحتها وتجمعت دموعها سريعا بل نزلت
شغف : ليه ليه كده
تم مسكت الفون ونزلت مسرعة لاسفل وجدته مازال يجلس مع الكل فذهبت ووقفت امامه فرفع عينه لها وابتسم
صقر : ايه لحقت اوحشك
شغف ببكاء : لو كنت مفكر انك بالنسبالي حاجة فانسي لانك ولا حاجة انا مش بطيقك اصلا ولا في حياتي هحب واحد زبالة زيك مش هحب واحد كل يوم مع واحده فاهم
صقر : في ايه يا شغف
لم تجب بل اعطته فونها فنظر له
صقر : شغف اقسم بالله ماض.....
شغف : بس اسكت خالص انا اصلا مش عايزة اعرف فاهم انا لا حبيبتك ولا خطيبتك فاهم
وتركته وذهبت لغرفتها بينما هو تعصب بشدة وتركهم وخرج تحت استغراب الكل
*********
استيقظت جاسمين وجهزت شنطة ملابسها واخذت شاور وارتدت ملابسها وجهزت نفسها للسفر ثم نزلت
جاسمين : بابا رعد
نظر لها رعد بحنيه وحزن وفتح زراعه لها فجرت لحضنه ونزلت دموعها
رعد : لسة مصرة
جاسمين وهي تبعد عنه : ايوة
اعطاها التذكره فاخذتها ونظرت للكل
أسد : جاسمين افتكري انك اختنا
عدي : متسافريش واحنا هنعملك اللي عايزاه
جاسمين بدموع تنزل : انتوا احسن اخوات في الدنيا...... خالتي ايمان مرة قالتلي بابا كان بيحب عشق اكتر منها ومن خالتي هدير وانا الوقتي هقول انا بحبكم اكتر من اخواتي
فهد : وانت يرضيكي تزعلي اخواتك وتسبيهم
جاسمين : اسفه بس مش هقدر افضل
رعد الصغير : انتي حرة
جاسمين : يا رعد
رعد : اسكتي عايزة تسافري سافري انت قولتي اخواتك سابوكي وانت الوقتي بتسبينا
اقتربت منه وحضنته وبكت في نفس وقت دخول ليث ثم ابتعدت وحضنت عدي وبعده أسد ثم فهد
ليث لنفسه بتوعد : اتجوزك بس بقي بتحضنيهم لا كده كتير
شغف : ليث
نظرت له جاسمين ولم تتحدث
ليث : راحه فين
جاسمين : مسافرة
ليث : قولتلك عايز اتجوزك
جاسمين : لا يا ليث مش هتجوزك
ليث : ليه
جاسمين : اما تفتكرني هتجوزك انما الوقتي لا هفضل اعاقب نفسي لحد ما ربنا يسامحني ويخليك تفتكرني
شد شعره للخلف بعصبيه
ليث : اعمل ايه يعني عشان افتكرك
جاسمين : معرفش
وذهبت لايسيل وحضنتها
جاسمين : انتي احسن واحده في الدنيا كلها
ايسيل : وانتي احسن اخت في الدنيا كلها
ابتعدت ونظرت لها بصدمه وفرحه
جاسمين : صوتك
ابتسمت ايسيل وسلمت جاسمين علي الكل متجاهله ليث
جاسمين : ماما عشق خلاص بطلي عياط
عشق ببكاء : هتوحشيني اوي
جاسمين : وانتي كمان
وحمل أسد حقيبتها وذهب هو ورعد ليوصلوها للمطار بينما مشي ليث بعصبية وركب سيارته بسرعة كبيرة حتي خبط بشجرة وبعد وقت فاق وتحسس جبينه كان جرح كبير فتذكر جاسمين وجري للمطار غير عابئ لجرحة
بعد وقت وصل ودخل المطار وظل يجري ويبحث عنها في كل مكان حتي لمح رعد فجري له
ليث : فين جاسمين
رعد : في الطيارة
اسد بخبث : روح اعمل حركة مجنونة وامنعها
ابتسم ليث بخبث وذهبوا الاثنين
***********************
في الطيارة
كانت تجلس ودموعها تنزل
جاسمين لنفسها : يمكن عشت في لبنان اكتر من هنا بس اتعلقت بيكي اوي وبالناس اللي فيكي سلام يا مصر يا ام الدنيا
كانت الطيارة ستقلع لكنها لم تقلع وجاءت المضيفه لجاسمين
المضيفه :.........
*************
بقلمي / سماء أحمد
